kultura@ruskeslovo.com
ТРИНАСТА ПО ШОРЕ ПОДОБОВА КОЛОНИЯ МЕСНЕЙ ЗАЄДНЇЦИ ДЮРДЬОВ
РОБОТНО КРЕАТИВНЕ ДРУЖЕНЄ У голу Основней школи „Йован Йованович Змай” у Дюрдьове отворена 13. Подобова колония Месней заєднїци Дюрдьов. Тирвала три днї, а дзешецеро уметнїки хтори на нєй участвовали, збогацели фонд малюнкох МЗ у тим валалє
Н
а Колониї участвовали школовани уметнїки зоз штреднїм або високим уметнїцким образованьом. Векшина учашнїкох були з Дюрдьова. – И того року нам ше тото удало – гварела Мая Дорокхази, уметнїца котра участвовала на Колониї, алє и помогла у орґанизациї. ВИСТАВА ПО КОНЄЦ РОКА
– После тророчней паузи ознова зме орґанизовали Подобову колонию, красну активносц з прекрасним резултатом – малюнками котри буду крашиц просториї МЗ, а вихаснує ше их и за други потреби валалских Дружтвох, Здруженьох и явних институцийох – гварел Александар Голуб, секретар МЗ у Дюрдьове. Вистава малюнкох з тогорочнеєй Колониї будзе орґанизована по конєц рока у просторийох МЗ. Финансийно ю потримала Општина Жабель, односно МЗ Дюрдьов, як и спонзоре, власнїки ресторанох Даниєл Летич и Мирко Хромиш, котри обезпечели полудзенок и вечеру за учашнїкох.
Кажди малюнок власни печац уметнїка
10. АВҐУСТ 2018.
Було то ище єдно красне друженє з уметнїками котри любя уметносц, мальовац, и хтори вше маю о чим бешедовац. Хасновали рижни технїки, найвецей ше робело з олєйом и акрилом, а було и комбиновани технїки. Тема, як и вше потераз була шлєбодна. – Колония каждого року иншака, нова, здобувам драгоцине искуство котре вплївує на мою роботу. Того року сом намальовала сцену зоз женску фиґуру. Випатра як кед би була без надїї, но опрез нєй отворени дзвери... Преовладую шиви фарби, алє през спомнути дзвери видно шветлосц. Подобно так и у живоце, вше мож найсц тоту шветлосц, гоч нам ше видзи же виходу нєт – гварела Миро слава Рамач, уметнїца з Дюрдьова. – Дзечнє потримуєм и участвуєм на Колониї, бо ми мило же єст таки случованя у нашим валалє. То наисце красна традиция и културна подїя котра повязує уметнїкох. Углавним малюєм пейзажи и мотиви з валалу, або Войводини. Того року сом намальовал студню – гварел Боян Єлич, уметнїк зоз Дюрдьова. ■ С. Саламун
РУСКЕ СЛОВО 17