2.210
Mbrojtja e Lumenjve
Territori i Shqipërisë përshkohet nga një rrjet i dendur i lumenjve kryesorë dhe degët e tyre, si Drini, Mati, Ishmi, Erzeni, Shkumbini, Semani dhe Vjosa. Lumenjtë janë burime natyrore të rëndësishëm për një sërë sektorësh të ekonomisë, si: prodhimi i energjisë elektrike, ujitja në bujqësi dhe përdorime të tjera, si për peshkim, përmirësimin e pejizazhit dhe si mundësi për qëllime lundrimi. Por njëherësh, kur lumenjtë keq administrohen, shkaktojnë përmbytje dhe humbjen e tokës nga gërryerjet. Ndër fenomenet kryesore, që mund të përmendim janë: erozioni, kripëzimi dhe moçalizimi i tokës në zonën bregdetare (kryesisht afër grykëderdhjeve), dëmtimi i infrastrukturës mbrojtëse, dëmtimi i prodhimit bujqësor dhe probleme sociale në jetën e përditshme. Nga ana tjetër, keq manaxhimi i lumenjve shkakton edhe dëmtimin e proilit të tyre tërësor, si shkatërrimi i brigjeve, humbja e koniguracionit të kanalit të lumit, dëmtimi ose shkatërrimi i infrastrukturës mbrojtëse, ndryshime në grykëderdhjen e lumenjve dhe në vijën bregdetare, ndotje kimike e izike, thellim i shtratit. Në rastin e mungesës të rezervave të inerteve zbulohet formacioni amnor. 157