Zawrahpwang

He! Aramh nac thiule.

Nang namv khou gay tw rana buai!

Baanhraubw rui phungc guang pw e

Chaengvringhmei namh nchu rih riimei rym phunghmei Zawrahpwang!

Paamphau tuang phuithu-riangriau ta ti amuc lou ngam dyng e nangrym gaymei rui!

Nangrym hei rui kwm-ganv ta madanh khang swna piu nic e:

Thing-dui nkowmei ganv e paamphau ganv!

Tinggaanhmei ta nkhwan liat lak pui ganv e duizumei puiliauh rui.

Thingringkhwan swpui ganv, nthahbang chy bangv pui ganv e.

Phuithu-riangriau ta rihngam na puanghpui pwang

Zawrahpwang, nang ta thuanc biuc dyng e.

Lu rui nang ta thuanc bam e ‘Bethlehem khou puanghmei Zawrahpwang’ twna.

Gaydyng e lungning daihmei pwang, Maanseina, nthaw-nruay kaguay nata ti neihlaa loumei pwang e.

He! Anamv rym ,Zawrahpwang rym.

Nang kumc na anamv nic gaymei ric ngam diuc!

Kahimthuan Gangmei

[Paraphrase]

Zawrahpwang luchyam hei rui akai Rongmei namv nunc khou namvdih kakaipouc swni akhiam na agai-agi na lungc bammei lwnlung ti hei nchu-nzaengh khang karianh pui tuang e. Gaymei khatnic meic mathiucmei khang gaengmei taanv taanh khang sinic aniu khang ngamv, ningting khatnic kaganv biuh mak bam khou akumh na nang ta akhiam-adiangh khang sianlang lang na bammei pu ta akhiam khang hamhmei khou akumh na nang nzian dianghmei ta athung khang nang pum sw nrai bam nic cho!

About the Author:

Kahimthuan Gangmei, Post-Graduate passed from Manipur University, 2019-2021 batch.

Email: kahimthuang@gmail.com.