CHAPHUMEILU

Kap tiki nzian ranv, Nuicpat tiki hougay ranv, Lunghpuamc tiki kazi ranv, Ai latsa pat khang maek khe Damchuilou the dampapui rui.

Tinggaanc patzai nangchamv thayni, Zipkey Zai nangkhwan nkingc ni, Tugay jangvgay tuti nangta tu nchamc ni, Lungning kadwn ding dat mak khe Ki nzianmei duiriang luangtaek maek.

Apin Agah duithuak luangtaek mak kum, Bw le neih rui souctaek mak kum, Gairiamang Guilianei ta amuc thui mak kum, Nangta ningtan thui mak alung rui Tari the nangkhwan gaymei ta.

Gaymei pangkhou gayliangmei, Niamhmei pangckhou niamliangmei, Ndeihmei pangckhou ndeihliangmei, Akhatna swmei Rav baansiam kiu nang dithe. Chariu pwan khou alunglat dinc guang e.

Lauphwnsuanh nruai khwan rui nangta ti ningtou lou, Ntwn tingmik rui nangta nzianmei ti mbu lou, Niangzay nthw khwanrui nangcham gaymei phungcguang lou, Chakaan tingzyn le nangta nkhwan bam ni Aram mei taukhwan gaymei khou.

Luangraeng kailuang namvdai kumc, Gahdai chingc nkauh chuy kumc, Kasuakpwang hougay chuy kum, Chaphumeilu nangram gaihei

Poujiabthai Zeppuh Gangmei Ph.D Research Scholar, Department of Law, North Eastern Hill Univer-