1 minute read
KYHYJE PYHAREKUE
from GACETA PARNASUS
G A C E T A P A R N A S U S O C T U B R E 2 0 2 2 | V O L . 1 4
Pytũ vove heta tapicha, mitã ha kakuaa, kuña ha kuimba’e, okyhyje. Ka’arupytũvo ndojehasasevéima heta hendárupi. Tape pukúre oĩvoi arakuépe jepe ojekyhyjeha , upéicha ojehu ka’aguyhárupi térã ka’aguy ojehasahárupi. Oĩ he’íva oseva ichupe mba’e hũ, térã ijao morotĩva, térã iñakã’yva. Oĩ he’íva ohenduha hyapúva térã opiriríva, oguatáva hapykuéri térã ijykére, oĩha oñe’eva ijypýrupi.
Advertisement
Kavaju ári ojehóramo heta hendápe iñypytũ ha pe kavajuvoi okyhyje, ohetũvaicha mba'e hyakuã vaíva ha ndohasaséi, oñembuepotivéramojepe. Upéicha peteĩ pyhare ojehu ore tiápe, ouvahína kavaju ári, ohasátavo pe Jakarey syry. Ndohasamo’ãimaramo ichupe ikavaju, okyhyjeterei ha’e ha ojevyjey oguahe peteĩ ógape oĩva’ekue upérõ pe Jakarey ypýpe ha ogueru pe óga járape ombohasa hagua ichupe.
G A C E T A P A R N A S U S O C T U B R E 2 0 2 2 | V O L . 1 4
Paso Huguápeniko Yakã osyry ka’aguýrupi ha pyharérõ iñypytũ. Ha oĩ upépe peteĩ kurusu. Ipy’amirĩva arakuépejepe okyhyje ohasa hagua upérupi, pyhare katu ndaja’eséi. Oĩ tuicha oñemondýiva upépe ymave, upéicha oĩ omombe’úva pe ysyry ohasávo kavaju ári pyhare pyte, oñanduha ojupíva ijapýri peteĩ mba’e ho’ysãva, oho ijapýri mombyrymi meve ha upéi oparei.
Jakyhyje javeramoñaínaniko, yvýrupi jaháramo ñahendúvaichavoi oguatáva ohóvo ñande rapykuéri térã ñande ykére. Heta jey kuchu'iguyguýntejepe oveve ñane renonderã térã oimerae guyra oñe’e ñande ypýrupi ha tuicháma ñanembopy’andýi térã katu ñahendúramo vakámba’e térã tymba saite oimehaichagua, heta oĩva tape ypýrupi, ñane’andúvo oñemondýiva ñandehegui ha oñepyrũ oñani ha tyapu ojapo pe ka’aguy térã ñanandýre ohokuévo, tuicha ñanembohuguyho.
