LETRAS CLAVES

G A C E T A P A R N A S U S N O V I E M B R E 2 0 2 1 | V O L . 1 0

L L E E T T R R A A S S C C L L A A V V E E S S

ALGUIEN LO DIJO

DISCURSO DE LA MEJOR GRADUADA DE LA FACULTAD DE FILOSOFÍA UNA, PROMOCIÓN 2019, LA LICENCIADA EN LENGUA GUARANÍ, LILIAN ALIENTE.

G A C E T A P A R N A S U S N O V I E M B R E 2 0 2 1 | V O L . 1 0

Mbo’ehára Tembikuaajára Zully Vera de Molinas, Rectora Universidad Nacional de Asunción-pegua. Mbo’ehára Tembikuaajára Gustavo Toledo. Vicedecano Facultad de Filosofía-pegua

Apokuaaha Mba’erekokuaa Cristian Cantero, Secretario General Universidad Nacional de Asunción-peguáva Madrina ha padrino-kuéra de promoción Che irũnguéra egresados Promoción 2019-gua “Renegociación transparente de Itaipú, una causa nacional” Mbo’eharakuéra katupyryete, ore rogayguakuéra ha opavave oremoirũvape pomomaitei rory ha tapendeka’aru porãite. Chepy’arory ko árape ikatúre ñañembyaty, jaguerovy’ávo ko mba’eguasuete rohupytýva che irũnguéra egresados Facultad de Filosofía-gua ndive.

Ha ñepyrũrãite che irũnguéra rérape amoguahẽ ore aguyje opavave oreykekova’ekuépe roipykúivo tape ko árape romohu’ãva. Aguyjevete ore mbo’eharakuérape omyeñóire ore apytu’ũme heta kuaapy, avei aguyjevete ore angirũnguérape ha ore rogayguakuérape, ojepytaso mbaretéva ore ykére akóinte.

Romañávo ore rapykueréreningo añetehápe romomba’eguasueterei ko ore kerayvoty rohupytýva; heta mba’e rohasa roipykúivo ñemoarandu rape, heta jey roñepysãnga, haimete ropyta tape ku’áre ha katu roñemombarete Paraguái memby ore rekópe, ropu’ã ha rohojey hese.

Jaikuaaháicha, ijetu’ueterei ñane retãme pe tekombo’e jehupyty, jepevérõ ñande Léi Guasúpe tuichaháicha ojehai pe educación ha’eha peteĩ derecho ha katu kuatiápente opytapa umi mba’e. Heta oĩ paraguaigua ndoguerekóiva oportunidad oñehekombo’e hagua ha umi oñeha’ãva’ekue oñemoarandúkatu heta jey noñeme’ẽi chupekuéra oportunidad omba’apo hagua.

Añetehápe ñañemoĩtarõ jajepy’amongeta, heta mba’e umi ñamokangysévajepi ñañemoarandúvo.

G A C E T A P A R N A S U S N O V I E M B R E 2 0 2 1 | V O L . 1 0

Ñepyrũrãitevoi ñane retãme hepy pe ñemoarandu, ha reikóramo táva okahárekatu ijetu’uvéntema, heta oĩ cheichagua ohejava’ekue itáva, hóga ha hogaygua ou hagua Paraguay gotyo oñemoarandu.

Ha ho’ángo ñande py’a yvýre jahecha ha jaikuaávo pe título hetaite ñañeha’ãhague heta jey ndaha’eiha pe oñembovaléva oñemba’apo hagua. Ojehovapetévaichaningo umi profesional-pe, hetaite oñeha’ã rire ohórõ oheka omba’apo hagua ha ñepyrũrãitevoi oporandúma hikuái; mba’e partidoguápa nde, remba’apóvapa política-pe, mávapa nde kavaju ha umícha mba’e pe ojeguerekóva en cuenta, ni noñemañái pe nde título rehe ha ndoikuaaseivoi hikuái ndekatupyrýpa térã nahániri. Ha péichape heta profesional ñane retãygua ojeharu, ikuerái ha osẽ oho ambue tetãme ojehekovereka, ikatu hagua oipytyvõ hogayguápe.

Añetehápe ñambyasy péicha ojeikóre ñane retãme, noñemotenondéire umi ikatupyry añetévape ha ñambyasy avei jahechávo heta paraguaigua oheja ojejepohýi hesekuéra, ombo’úrra ha omongele’e umi yvateguápe, jepevérõ ojeikuaapa hembiapovaiha.

Ha tekotevẽténgo umi mba’e rehe ñapensave ha ñañe’ẽve oñondivekuéra. Ñeñeporandujoamína mba’épa pe jaipotáva añetehápe ñane retãme guarã, moõ gotyopa jahañaína ha mba’éichapa ikatu jaguatajey tape porã rehe.

La denominación de la promoción de este año “Renegociación transparente de Itaipú, una causa nacional” también nos invita a reflexionar como paraguayos, a despertar nuestra conciencia y unirnos para volver a dignificar y honrar nuestra patria. No hipotequemos una vez más nuestros ideales y el futuro de nuestra nación. Prediquemos con el ejemplo y seamos buenos ciudadanos, enseñemos a nuestros hijos que debemos transitar por el sendero de los valores y que la vida no solo se trata de acumular bienes materiales, sino la búsqueda eterna del cultivo del espíritu que lleva hasta la cúspide radiante.

G A C E T A P A R N A S U S N O V I E M B R E 2 0 2 1 | V O L . 1 0

Che retãyguakuéra, hi’ãite añetehápe japáy ha ñañeha’ã oñondivepa ñambopotyjey hagua Paraguái rekove, tove tañahendujey ymaveguaréicha mitãrusu ha opavave tañambo’úrra ñane retã Paraguái ha oimérõ ñane fanático tañanefanático ñane retã rehe.

Hi’ãiténingo ñamañajey ojuehe torýpe ha ñamba’apo oñondivepa ñande poyvi pytã, morotĩ ha hovy kuarahy’ãme.

Aún podemos soñar con una nación mejor, como decía el gran Carlos Miguel Jiménez, “Sueño en una patria sin hambre ni penas ni odiosas cadenas que empañen su honor donde el bien impere sin sangre ni luto bajo su impoluto manto tricolor” .

Vy’apavẽ che irũnguéra egresados, poguerohory, pomomba’eguasu ha pomokyre’ỹ ñamba’apo hagua vy’apópe ñane retã Paraguái rehehápe. Jepevérõ ijetu’u ñane retã rekove, opavave jaikuaa ikatuha ñañakarapu’ã. Ijýngo añetehápe ñane retãmi Paraguái ha jepeve hetáma oñeñembosarái hese, ku yvyramataguasu ho’arõguáicha, pe imatakuégui jahecha opu’ãjey umi hoky mbareteverei, ha upéicha avei hokyjeýne Paraguái rekove, oguerekóre ijyvýpe kuña, kuimba’e ha heta mitã pyahu ikatúva omyasãijey yvága ru’ãre ñande poyvi guarani.

Aguyjevete opavavépe ha toikove ñane retã Paraguái.

Lilian Aliente Licenciatura en Lengua Guaraní. Mejor Graduada Promoción 2019 de la Facultad de Filosofía UNA.