PAGINA 10
DIARIO
DIASABRA 4 OCTOBER 2014
Te cu 28 di September ultimo:
Di 7178 caso raporta di Ebola Virus, 3338 persona a fayece na West Africa!
ORANJESTAD (AAN) – Diabierna mainta, den e sala di conferencia di Departamento di Salubridad Publico, sra. drs. Maribel Tromp, a duna un presentacion di e situacion actual di “Ebola Virus Disease” (EVD). Drs. Maribel Tromp ta e Hefe di Seccion di Epidemiologia di DESPA, y el a cuminza pa splica cu e virus aki ta pertenece na e famia Filoviridae, y el a outbreak na Africa Central y e parti
West. Tin cinco tipo di e Virus Ebola, di cual el a menciona tres: Zaire Tipi, Marburg Virus y Cueva Virus. EVD ta causa fiebre hemoragico viral y ta afecta multiple organonan di curpa, cu un porcentahe mortal di 90 porciento. Su prome aparicion tabata na aña 1976 na Sudan of Congo. Su outbreaknan ta na Central y West Africa cu ta abarca: Sierra Leone, Liberia, Guinea y tambe Ni-
geria y Senegal. E situacion actual pa loke ta casonan raporta ta emiti e siguiente cifranan: Te cu September 28, 2014: tin 7.178 caso reporta, cu 3.338 fayecimento. Te dia 23 di September ultimo, a muri 375 persona. Na Guinea, Sierra Leone y Liberia e transmision di e virus ta intenso, na Nigeria y Senegal e transmision ta localiza, y e porcentahe di casonan fatal ta 47 y 53 porciento, respectivamente.
Tin den prueba un tratamento experimental cu ta un posible vacuna cu e intencion tabata pa e keda cla pa 9 di September di e aña aki, pero no a bira posible y e expectativa ta pa e keda cla na mitad di aña 2015.
Kiermen, pa aworaki no tin un tratamento specifico y tampoco vacunacion. Den nos siguiente edicion DIARIO lo trece mas informacion tocante e interesante presentacion aki.
DIASABRA 4 OCTOBER 2014
Segun persona 60 plus:
Salubridad Publico mester ta esun prome na haya e vacuna contra griep viral! ORANJESTAD (AAN) – Ta conoci cu personanan 60 plus y otro grupo vulnerable, por ehemplo esnan cu tin un malesa cronico, ta haya receta di docter di cas pa nan haya e vacuna contra griep viral, na Departamento di Salubridad Publico, seccion di malesa contagioso.
PAGINA 19
DIARIO
Diabierna mainta, un persona 60 plus y ademas diabetico, a bay na e seccion aki pa wak si e por haya su vacuna, y el a wordo informa cu nan no tin e vacuna ainda. E aviso cu a sali den corant ta conta pa boticanan so cu for di 1 di October a haya e vacuna pa bende.
Ora el a puntra si e ta bay cumpra e vacuna e por bin back, pero e contesta ta cu no, cu e tin cu bay na su docter di cas pa esaki pone e vacuna, y cu te aki dos pa tres siman Salubridad Publico lo haya esaki. E persona aki ta kere cu eigenlijk Salubridad ta e
prome lugar unda e vacunanan aki mester yega, pasobra tanto bal cumpra e vacuna pa bay back na docter, si docter mes ta duna un receta pa nan bay BGD pa haye. Cu otro palabra, docternan di cas no ta duna e servicio aki mas, manera tabata e caso prome aya. Ademas, tin pacient cu ta biba leu mes di e oficina di nan docter di cas, y e vacuna aki ta uno cu mester keda den frigidaire. Kiermen, un
hende no por cumpra un vacuna y cana cune pa largo rato tanten nan yega na docter di cas, y menos den calor of canando den solo, pasobra e por daña lihe. Ta di spera cu Salubridad Publico su seccion di Malesa Contagioso, laga sa e publico interesa ki fecha nan lo haya e vacuna, pa e personanan concerni acudi cerca nan cu nan recete di docter. Eigenlijk tin indicacion cu cualkier persona por paga e vacuna na BGD mes y haye di biaha.
A constata cu ladronnan a bula muraya di cura pero no a logra horta
CHICKEN WINGS CONTEST
SUNDAY 5 TH O C T O B E R 2014
O R A N J E S TA D . ( A A N ) ; Polis a bay na un adres na Saliña Cerca pa nan atende un caso di intento pa kibra y drenta un cas. A declara na polis cu diaranzon net despues di merdia, bisiña a yama denunciante cu tin ladronicia na cas di su bisiña. Mesora el a bay hunto cu su casa pa controla den cura y nan a constata marcanan di pia na muraya panort di e cas y tambe riba vloer den cura. Desconocinan probablemente lo a bula cura, despues nan a bay bao di terras, direccion di porta patras. E desconocinan no a drenta paden, nan a bula e muraya di cura y disparce.
Ban yuda un persona cu un stoof y frigidaire ORANJESTAD (AAN): Ban duna un man na un persona humilde, kende a caba di haya un cas pa e biba aden, pero no tin algun artefacto. E tin mester di un stoof, como tambe un frigidaire. Segun Fundacion Amor pa Prohimo, e mester di un cama tambe. Esnan cu por yuda ta ser pidi pa contact Fundacion Amor pa Prohimo na 7451408.
PAGINA 44
DIARIO
DIASABRA 4 OCTOBER 2014
Surprise SBT a viaha na Panama pa participa den Torneo Cultural Deportivo
ORANJESTAD (AAN)--Recientemente a Sali rumbo pa Panama e equipo di softball veterano di 40+ “Surprise SBO”. Na Panama Surprise lo ta representando nos pais Aruba den e prome “Torneo Cultural deportivo Panama Caribe” cual lo tuma lugar den stadion di Vacamonte
na Panama City. E torneo lo conta cu partisipashon di Aruba, Curacao, Republica Dominicana, Venezuela, Colombia y Panama. E torneo ta priminti di bira algo grandi y nos equipo Surprise lo ta viahando cu grupo di 40 persona entre fanatico y hungadornan. Hopi suerte na Surprise.
Seleccion Colombia Veterano di Aruba ta hunga dos wega ORANJESTAD (AAN): E team di veterano di Seleccion Colombia na Aruba, ta cla pa hunga e fin di siman aki atrobe. Awe Diasabra 4 di October, pa 4:30 pm, lo tin wega na tereno di Mercurius. E wega aki ta contra e team di Mer-
curius mes. Y Diadomingo 5 di October, pa 2:30 pm, lo tin wega na tereno di Rooi Afo. E speranza tey cu tur miembro di team di veterano lo ta presente na ora pa wega cuminza na ora.
DIASABRA 4 OCTOBER 2014
PAGINA 45
DIARIO
Seleccion Hubenil di Ciclismo Ruta a sali pa Caribbean Cycling Championships 2014 Na Suriname ORANJESTAD (AAN)--Durante e fin di siman di 4 y 5 di oktober, Aruba lo ta compitiendo na e Campeonato Hubenil di Caribe di Ciclismo na Suriname cu un total di 6 ciclista, batayando pa e titulo di Campeon Hubenil di Caribe! Esaki lo bira e di 10 a単a consecutivo cu e campeonato aki ta wordo organisa den e version hubenil, despues di a wordo organisa pa prome biaha na 2005 conhunto cu e campeonato di e categoria Elite aki na Aruba mes y na 2006 ta prome biaha cu e la wordo organisa como e Junior Caribbean Cycling Championships na Puerto Rico. Ainda e ta fresco den nos mente e exito grandi cu e seleccion hubenil tabata tin a単a pasa na e campeonatonan aki, cu a wordo organisa aki na Aruba mes den luna di Juli. Aruba a saca un total di 6 posicion di podium y a logra asina tambe e Team Champion Award. Pa e seleccion di 2014, Aruba lo tin 2 representante den e categoria Pre-Junior (15/16) kendenan ta Gabriel Thielman Jair de Santiago Den categoria Junior (17/18), Aruba lo tin tambe 2 representante: Eugene Dirksz Jonathan Croes Den Junior Damas (15/18), Aruba lo wordo representa door di: Cherley v/d Linden Oriana Thielman E delegacion ta wordo acompa単a pa e entrenador nacional, Sr. Ervis Martinez. Diasabra 4 di oktober lo tin e Time Trial Individual cu un distancia di 16 Km cual lo wordo cori pa 5 di e 6 atletanan. Diadomingo 5 di oktober lo tin e careda di Ruta unda e Junior Damas lo core 60KM, Pre-Junior lo core 68 Km y Junior lo core 92 Km den e cayanan di Paramaribo. E expectativanan ta halto, mirando e periodo largo di preparacion cu e atletanan a pasa door di dje. Tur ta mustrando un nivel superior na a単a pasa, pues ta nan obhetivo tambe pa surpasa e resultado di 2013. Aruba Wieler Bond ta gradici Comision di Subsidio pa e aporte otorga pa
asina hasie posibel pa nos atletanan hoben por participa na e campeonato aki. Tambe nos ta gradici CEMEDAR cu a duna tur nos atletanan e atencion medico necesario pa asina nan ta den e miho estado posibel. Comite Olimpico Arubano tambe ta aporta na e exito di nos del-
egacion cu e asistencia di e psicologo deportivo Julissa Jones, kende ta trahando cu e seleccion hubenil riba e area di preparacion mental. Un proyecto cu lo continua sigur a largo plaso. Nos ta finalisa deseando nos delegacion hopi exito na Suriname.
PAGINA 46
DIASABRA 4 OCTOBER 2014
DIARIO
Albert “Ali” Lake
Pa AVB ta un honor di reconoce un otro dakotero cu a destaca
ORANJESTAD (AAN)--Manera ta un costumber di AVB pa nombra esnan cu mas a destaca durante nan trayectoria den e deporte di mas grandi esta futbol, e aña aki esaki no ta un exepcion. E campeonato 2014/2015 lo wordo dedica na tres persona cu a practicamente dedica nan bida na e deporte bunita aki. Un di nan cu awe nos kier a dedica atencion na dje ta nada mas y nada menos cu señor Albert Etienne Lake, pa muchanan di e bario di Dakota y di school, cariñosamente yama Ali. Señor Albert “Ali” Lake a nace dia 30 di april 1960 na Aruba y ta casa cu Yolanda Editha Lake-Wolter. Hunto, nan como pareha tin tres yiu, esta Joally, Albert Jr., Brian, y tambe un nieta cu yama Shelove Lake. Na edad di nuebe aña Albert a cuminsa hunga futbol “aspirant” den e equipo di Juventud Millionarios bao guia di e dinamico y incansabel sr. Joe Brown. Despues e a hunga pa varios aña den e equipo Aparicio Stars bao guia di un líder autentico den persona di sr. Rosendo Aparicio, awe recorda den feliz memoria. E equipo aki a sa di titula Campeón den tres diferente división y cu Ali mayoría aña como Capitán. Den división juvenil Ali tabatin e honor di a forma parti na dos ocasion di nos Selección Nacional bao guía di e legendario futbolista profesional sr. Ange Perez, awe den feliz memoria. Na aña 1979 Ali a wordo aserca pa e legendario hungador, entrenador y conocedor di e arte di futbol den persona di sr. Doc Williams pa bin milita den e equipo S.V. Dakota, cu na e momento ey ya tabata posee diferente titulo
campeonil o di sub-campeon riba su nomber, pues un tarea no fácil pa bai cumpli cu ne. Den retrospectiva por bisa cu Ali y compañeronan di equipo a sa di cumpli cabalmente cu nan tarea, mirando cu di aña 1980 pa 1983, esta 4 aña sigui, nan a sali campeon di Aruba y na mas di un ocasión invicto durante henter campeonato, pues un hazaña meritorio sin precedente. Tambe Albert a participa den weganan di Copa Antilliano, Concacaf, y Centro Americano y del Caribe y tambe durante di su carera e a hunga contra diferente equipo Internacional, entre otro Feyenoord reforzando R.C.A., Botafogo di Brazil reforzando La Fama, Seleccion di Hungria y RKC Waalwijk, Seleccion di Grenada, Junior di Barranquilla, Seleccionnan Mexicano y Venezolano, como tambe Leo Victor y Robin Hood di Suriname. Na nivel Antilliano tabata tin varios bataya cu equiponan manera Subt, Sithoc, Undeba, Jong Holland y Real Rincon, caminda Ali a marca varios gol. Den transcurso di añanan Ali a sali varios biaha goleador di S.V Dakota y tambe goleador y hungador mas valioso di A.V.B., como cu e tabata bula hopi halto e tabata wordo temi pa su goalnan cu cabez. Un punto un tanto preocupante tabata ora e sinti cu un hungador contrario den un hugada deliberadamente trata di cause lesion severo cu e ta reacciona hopi explosivo contra dicho hungador. Ali a haya peticion cu oferta pa bai milita den equiponan Internacional, e.o. Colombia, Brazil y hermana Isla Corsow, pero pa motivo cu e ta stima Dakota, su famia
y Aruba, “Albert Lake no ta bandona Aruba”. Ora Ali a pone un punto final tras di su carera futbolístico den campeonato nacional bao auspicio di A.V.B., Albert a bai milita den e legendario equipo veterano F.C.Roma, caminda e a yega di titula campeon goleador y hungador mas valioso di Fedeveta. Albert a practica den tur ramo di deporte y a representa nos Pais Internacionalmente tambe. Tambe Ali a train Dakota LIFIDA Menor y Mayor y a coy Campeon cu e categoría nan aki hunto cu su dos yiu nan Abi y Brian. Tambe Ali a train un di su prome equiponan esta Aparicio Stars caminda cu e tin hopi bon recuerdo y door di su trayectoria, talento y conocimento amplio di futbol, e a wordo acerca pa train otro Club nan tambe. Albert ta trahando na Sociale Verze-
kerings Bank desde 1978. Den vez en cuando den su ora liber, Albert ta bai train ariba su mes na Centro di Bario y Deporte Dakota, aki e sa topa cu muchanan di Dakota LIFIDA y nan ta aserca su persona di biaha p’e siñanan tácticanan di futbol como tambe loke cu semper tabata su specialidad, esta hinca gol cu cabez. Ali ta mustra nan con pa haci esaki sin compromiso algun, y ta admira y aprecia con un mucha ta bai tereno di bala ariba nan mes un iniciativa pa train y
ta pesey cu gusto y honor Ali ta papia y siñanan. Asina cu salud y animo duna, e ta dispuesto pa bisti su sapato di bala y yuda su equipo. Pues esaki keto bay ta y lo keda su pasion, esta futbol. Por ultimo Ali kier a gradici Arubaanse Voetbalbond pa e reconocimento special cu e ta ricibiendo, como tambe e tin palabra di aprecio y di danki na su famia y tur hende cu a dune guía y apoyo durante su carera futbolístico, particularmente fanaticonan Dakoteño.
Optica Libra SBT a presenta nan uniform nobo
ORANJESTAD (AAN)--Recientemente e team di softall di Optica Libra a bautisa nan uniform, esaki a sosode den un bon ambiente na club POVA. E team nobo Optica Libra ta
hunga den Liga 40 y a caba di haci un bon presentacion den campeonato di e liga aki. Optica Libra SBT ta formando parti di e e organisacion di Salo Park, un organisacion cu 20 aña di existencia.
Honor a toca na Emily Martijn, un fanatico fiel di hopi tempo pa ta madrina di e equipo. Siguientemente por aprecia e imagen di e momento cu e uniform a wordo bautisa.
DIASABRA 4 OCTOBER 2014
PAGINA 47
DIARIO
Guardian Group Duathlon Nacional 2014
Dos hoben medayista di Caribe a sali awe pa Suriname
Cherley y Jonathan ta representa Aruba na Youth Caribbean Cycling Championship 2014
ORANJESTAD (AAN)--Recientemente a sali pa Suriname e atletanan, Cherley van der Linden y Jonathan Croes, kendenan aña pasa a destaca cu nan puesto riba podium durante e campeonato di Caribe cu a tuma lugar na Aruba. E fin di siman aki, ambos atleta ta representa Aruba na e campeonato hubenil di ciclismo di Caribe pa asina defende nan titulo obteni na 2013 y purba surpasa esaki. Cherley y Jonathan a wordo someti bao di un periodo largo di entrenamento y preparacion dor di Sr. Ervis
Benitez, e entenador nacional di ciclismo. Diasabra ambos atleta lo demostra nan potencial den e diciplina di Time Trial. Diadomingo ta turno pa e disiplina di ruta cu diferente distancia pa cada categoria. Di parti e team Go Fast, tur mayornan, familiares y amigonan ta manda e mihor deseo pa Cherley, Jonathan y tambe e atleta hubenil Eugene Dirksz, Jair De Santiago, Gabriel & Oriana Thielman, coach Ervis Benitez tur clase di éxito cu nan participacion na Suriname.
ORANJESTAD (AAN)--Aruba Triathlon Association ta organisa diadomino, 12 di oktober 2014 e Guardian Group Duathlon Nacional pa mucha, junior y adulto. Por participa Individual of den Team di Relevo. E evento aki ta cuminsa na Boca Cathalina pa 7:00 di mainta.
Distancia: Mucha te cu 14 aña: Run 2.5 Km/ Bike 10 Km/ Run 1.5 Km Junior/Adulto: Run 5 Km/ Bike 20 Km/ Run 3 Km. Por inscribi via: www.arubatriathlon.com. Pago di inscripcion lo sosode e mainta prome cu e evento. Ultimo dia pa inscribi lo ta 9 di ok-
tober 2014, esaki ta den conexion cu pedido di e medayanan. A.T.A. ta spera e tri-atletanan lo ta presente na tempo, pa e evento start na ora. Lo tin medaya pa e categorianan y trofeo pa e Campeonnan Nacional Dama, Cabayero y Mucha.
DIASABRA 4 OCTOBER 2014
PAGINA 51
DIARIO
Botica di Servicio sponsor principal di e prome caminata di Kidneys297 ORANJESTAD (AAN)--Ariba e fecha Diadomingo 12 di oktober, lo tuma lugar e prome “Let’s Bend those knees for our kidneys” Fun Walk-Run organisa pa Kidneys297 y Botica di Servicio tin e placer pa contribui cu e actividad aki. Participacion ta inclui awa y fruta. E registracion ta cuminsa riba mesun dia na Fisherman’s Hut for di 4:00 p.m, mientras cu pa 4:30 p.m ta inicia un Zumba Warm Up sigui pa e caminata mes pa 5:00 p.m. E ruta ta encera salida for di Fisherman’s Hut bay Arashi y bin bek na e mesun punto di salida. Pa e participantenan lo rifa varios premio. Kidneys297 ta un organisacion cu ta traha pa conscientisa comunidad riba e enfermedad cronico di riñon. E vision di Kidneys297 ta pa crea conscientisacion tocante factornan di riesgo cu lo por conduci na e enfermedad cronico di riñon como tambe pa promove deteccion trempan di e enfermedad di riñon. Botica di Servicio y Kidneys297 ta invita comunidad
Brazil Taekwondo Stichting ta informa:
Alberto Klabér a ricibi e inventor di e sistema electronico Daedo Jin Song
henter pa inscribi y participa na e actividad aki pa asina duna un man na e organisacion cu ta extende un man den nos comunidad y tambe contribui na bo salud. Ariba e potret por aprecia e
miembronan di e organisacion Kidneys297: Sra Monét Jones, Presidente y Deborah v.d. Berg-Alexander, Tesorera y di parti di Botica di Servicio, Sr. Thomas van der Lubbe, directeur.
Comparacion financiero di e Season Tickets y e Season Card nobo
Reduccion di entrada pa favorece fanaticada di futbol ORANJESTAD (AAN)--Manera ta conoci cu e campeonato pasa AVB a introduci e famoso season card, e idea tras di esaki tabata netamente pa e clubnan den division honor por a recauda mas tanto fondo posibel, hasta prome cu e campeonato mes a cuminsa. E no ta un secreto cu e gastonan cu un club tin pa draai un temporada den division honor, ta hopi halto, pero lamentablemente e benta di e season cards no a bay manera cu AVB a planea esaki. E unico keho rond di season cards di parti di stakeholdernan tabata cu e prijs pa entrada ta mucho caro, pues teniendo esaki na cuenta como tambe e gastonan cu AVB tin pa organisa un campeonato, AVB a revisa e prijs como tambe a puntra clubnan miembro pa nan opinion rond di e prijs durante e ultimo Reunion General. E resultado di esaki a bira cu e prijs pa entrada general a baha te na 7 Florin pa persona, mientras cu un mucha menor di 13 aña lo paga unicamente 1 Florin. Mientras tanto cu e season card toch
a keda un item cu fanaticada ta desea di cumpra, pasobra esaki ta evita cu nan mester para den rij na stadion, pa cumpra tickets individual na porta. Ta pa e motibo aki mes cu den evaluacion di AVB, a conclui tambe cu lo elimina e paketenan di “Bronse, Silver y Gold”. Banda di esaki e prijs di e season cards lo bira uno mucho mas atractivo. Proposicion ta por ehempel si bo cumpra entrada individual pa tur 90 wega di division honor, esaki lo costa bo na final 630 Florin. Mientras cu si bo cumpra e season tickets cu ta duna bo e derecho pa drenta wak tur 90 wega lo costa bo unicamente 399 Florin.
Claramente esun cu cumpra su season tickets lo spaar 231 Florin. Adicional AVB tambe tin pensa di introduci na beneficio di su clubnan miembro como tambe e fanaticada di cada club, un asina yama “Club Season Card”. Esaki kiermen cu cada club den division honor por bende nan fanatica un season card exclusivo di nan club cu ta valido pa drenta tur 18 wega cu nan club ta hunga. E prijs pa esaki lo bira unicamente di 100 Florin. Di e forma aki e fanaticada cu cumpra e caarchi aki lo spaar un totaal di 26 Florin, comparando cu si nan mester a cumpra caarchi individual na porta pa tur 18 wega di su club.
ORANJESTAD (AAN)--Diahuebs atardi a yega Aruba for di San Francisco, California e ingeniero señor Jin Song kende a inventa e sistema electronico marca Daedo y cu a wordo inaugura na Aruba 3 aña pasa na Best of the Best 2011 y tambe a wordo usa na Olimpiada di London y den futuro na e Olimpiada na Brazil na aña 2016. E inauguracion di e sistema electronico Daedo aki na aña 2011 tabata y ta ainda uno hopi importante pa Aruba, mirando cu Aruba ta un isla asina chikito y a marca historia cu esaki. Jin Song y su famia ta bin Aruba tur aña pa Best of the Best y famia Song ta trece e ultimo avance den tecnologia di e software di e sistema electronico Daedo na e campeonato di Best of the
Best. Best of the Best di aña 2014 ta bay conta cu e ultimo avance den tecnologia di e software aki, manega door di Jin Song. Best of the Best semper ta e evento na unda cu tur cos nobo di e sistema electronico Daedo aki ta wordo usa pa prome biaha y Aruba ta e isla favorito di Famia Song. Brazil Taekwondo Stichting ta hopi orguyoso y super agradeci pa tur loke Jin Song ta trece pa haci e evento di Best of the Best e evento di aña aki na Aruba cu e ultimo avance den tecnologia di e sistema electronico Daedo y cu e mihor bringadornan di Aruba ta enfrenta otro. Diasabra awor ta e dia y tur cos ta cla pa cuminsa pa 10’or di mainta den Centro di Bario Brazil.
DIASABRA 4 OCTOBER 2014
PAGINA 7
DIARIO
Drs. Maribel Tromp, Hefe di Epidemiologia:
DESPA a forma su “Ebola Work Group” pa actua lihe den caso di importacion di e virus ORANJESTAD (AAN) – Diabierna mainta, drs. Maribel Tromp, Hefe di Departamento di Epidemiologia y Investigacion di Departamento di Salubridad Publico (DESPA), den conferencia di prensa a informa tocante e desaroyonan actual di e virus Ebola. Prome cu e conferencia di prensa, sra. Tromp a duna un presentacion cu diferente slides, den cual a toca puntonan manera kico ta e virus di Ebola, con e situacion ta na e momentonan aki den e partinan mas afecta di West Africa, con e malesa ta desaroya su mes, con ta yega na diagnostico, con e ta wordo transmiti, entre otro aspectonan mas, cu nos redaccion lo elabora riba dje den otro articulo. Durante e conferencia di prensa el a menciona cu e rueda di prensa aki ta pa duna un update tocante situacion di Ebola den e lugarnan afecta, y tambe pa cu Aruba mes kico DESPA hunto cu otro partnernan cu por haya nan mes confronta cu un situacion, unda un persona por importa e virus menciona na Aruba, por ehemplo si e bin Aruba for di West Africa, sea via aeropuerto of nos waf, por ehemplo den crusero. DESPA a sinta den grupo cu su partnernan specifico y hunto, nan a traha un plan di accion y comunicacion con nan tin cu deal, en caso cu nan topa cu un caso sospechoso cu wordo notifica, y pa duna cuido y tratamento na e pacient. Sra. Maribel Tromp a menciona cu nan ta den e fase final di e plan, y nan ta sinti importante pa media wordo envolvi como un partner, pa asina e informacionnan corecto sali afo pa e publico en general, sin nodi pa e publico en general sin mester
Telefonnan di DIARIO 582-6747 Fax 582-8551
drenta den panico. E dama a agrega cu te ainda Aruba ta wordo considera como un Isla di poco riesgo pa haya importacion di Ebola, pero no por descarta cu e por sosode, mescos cu a pasa na Merca cu un caso di un persona cu a yega Texas cu e virus. Aruba ta ricibi un trafico grandi di persona di tur parti di mundo, no solamente turista pero di tankero y barconan cu tambe ta bin for di e region afecta, y nos isla mester ta alerta y esey ta loke DESPA ta haci hunto cu tur e partnernan concerni. Sra. Maribel Tromp a menciona cu dr. Salazar ta e vocero di e grupo di trabao cu a wordo lanta (Ebola work group) y tur entrevista y informacion ta bay atravez di dje. Asina cu e plan ta rond, DESPA lo presente na prensa como partner di e grupo di trabao, y tambe si prensa tin comentario of ta desea informacion direct tambe por wordo poni den e plan nacional di comunicacion, y si tin pregunta tambe por contesta pregunta pa medio di email. Sra. Tromp a subraya cu tin diferente publicacion cu ta saliendo den media tocante Ebola cu no ta corecto, por ehemplo
cu e por wordo transmiti pa medio di aire, of di come fruta, entre otro, cu no ta corecto y cu por spanta un comunidad innecesariamente. E dama a agrega cu e grupo di trabao ta purba mantene nan mes riba un linea di comunicacion clear y duidelijk riba loke ta pasando, pa asina prensa duna e ciudadania e informacion corecto sin mester di alarma, ningun hende. Sra. Tromp a añadi cu nos mester realiza cu no por cera porta pa ningun malesa, pasobra den henter mundo tin trafico humano den menos di 34 pa 36 ora. Pero loke si por haci ta cu un notificacion ricibi di adelanta, por actua pa contene e malesa pa menos hende wordo infesta y esey ta e tarea di un departamento di salubridad publico. DESPA tin monitor den lugarnan estrategico y personal capacita y instrui con pa haci e reconocimento y notificacion di e malesa na un forma apropia. Pesey tin e grupo di trabao y e linea di comunicacion cu sa e posible escenarionan y con ta bay actua, pero pa keda completamente immune pa haya un malesa, esey ta imposible.
PAGINA 8
DIASABRA 4 OCTOBER 2014
DIARIO
Parlamentario Jennifer Arends-Reyes
Diagnostico y tratamento di problema auditivo ta importante
O R A N J E S T A D (AAN): Durante full un siman diferente organizacionnan conhunto a dedica na test oido na personanan cu tabata desea. Ta asina cu gran mayoria di persona cu a test nan
oido tin un of otro problema cu oido. E problema mas comun cu a bin dilanti ta e asina yama “lawaai dip” cu ta mustra cu diferente zonido no ta wordo scucha bon. Como clausura di e siman di
“Shatter silence week” di Quota International Aruba hunto cu fundacion FEDAA bou guia di Sra Stella Monsanto cu ta traha pa personanan cu problema auditivo. Invitadonan a haya un presentacion “Desaroyo comunicativo di un sordo” y alaves a presenta tres sketch di concientizacion pa asina mustra cu un persona den area laboral y social mester
mas comprension pa nan situacion y purba pone nan mes den nan zapato y hasi algun adaptacion facil. Por ehempel ora cu un persona ta bin bishita e otro y si no tin e bel di luz e persona cu problema auditivo no sa cu tin hende na porta. Y asina tin diferente factor cu mester tene na cuenta cu ne ora
ta trata cu personanan cu problema auditivo. Durante e evento nos por a wak dos mucha cu a ricibi implante coclear, cu awe tin un mihor calidad di bida door di diagnostico y tratamento trempan. Concientizacion y cuido di nos oido ta keda sumamente importante pa nos comunidad.