Les om Øystese Mek. Verkstad si 85 år gamle historie
Gode kampanjetilbod og spennande nyheiter
Jubileumsgodbitar hjå Essoen
Utvalde spesialtilbod
Jubileums-QUIZ, vinn 1 års bilvask*
Prøvekøyr ny bil, vinn ½ års bilvask*
*Meir informasjon finn du i avisa
Laurdag
2. november
Ope hus
Gode tilbod, Kampanjar og nyheiter Sjå annonsar
Jubileumsdagar hjå Øystese Mek. Verkstad
TA VARE PÅ BILEN
PRØV VÅR NYE BILVASKEMASKIN PÅ ESSO-STASJONEN I ØYSTESE
TOPP UTSTYRT med alt av finessar.
Teknologi for BØRSTESTYRING / BØRSTELAUS VASK som gir bilen ein SKÅNSOM og grundig behandling.
VINN 1 ELLER ½ ÅRS BILVASK FOR 1 PERSON
Sjå baksida for meir informasjon
Jubileumsavis for Øystese Mek. Verkstad - 85 år
UTGJEVAR: Øystese Mek. Verkstad AS - Lundanes 2, 5610 Øystese
OPPLAG: 4.200 – ilegg i Hordaland Folkeblad
KJELDER/TEKST: Utdrag frå tidlegare jubileumsaviser for ØMV med tekstar og utvalde foto ved Lars Arvid Oma
FRAMSIDEFOTO: Øystese Mek. Verkstad i dag, 2024 FORMGJEVING OG PRODUKSJON: Hugskot AS | Styrkmedia AS
Mek. Verkstad • 85 år
Tors–Laurdag 31.10–02.11
til gode jubileumstilbod i
100 G HAMBURGER m/pommes frites
Stabburet
WIENERPØLSE m/brød
Stabburet
SOFTIS
Hennig Olsen
Kr 20,-
1939: Amund Gjerde startar ØMV
1947: Oppgangstider etter krigen. Fem tilsette
1950: ØMV flyttar inn i ny verkstad i Vik
1975: Leif startar å arbeida etter militæret
1977: Kontrakt med Ford (sørvisavtale)
1982: Leif Gjerde tek over drifta
1983: Ny Esso-stasjon
1986: Tiger-stasjon
1990: Kjøper Bleiebygget, bilsalsavdeling
Øystese Mek. Verkstad 85 år
(1939–2024)
Øystese Mek. Verkstad AS (ØMV) har sidan byrjinga av 1980-talet vakse til å bli ei viktig hjørnesteinsverksemd i Kvam. Med 38 tilsette og ein samla omsetnad på om lag 90 millionar kroner er ØMV mellom dei største arbeidsplassane i Kvam.
Eventyret starta rett før andre verdskrig, for 85 år sidan. Det var tøffe tider den gongen, men etableringa viste seg å vera liv laga.
Gründer: I 1939 gjorde Amund Gjerde alvor av draumen om å etablera mekanisk verkstad.
Foto: Privat
Draum om eigen verkstad
I 1939 var Amund Gjerde frå Oma nett ferdig utdanna bilmekanikar frå yrkesskulen på Garnes. Han kjende det klødde i fingrane etter å koma i gang med mekanisk arbeid. Fast jobb kunne dei fleste unge sjå langt etter på denne tida. Då var det berre ein ting å gjera, starta si eige verksemd.
Draumen om å skapa noko sjølv, med sine eigne hender, brann i bringa til den unge kreative mekanikaren. Det skulle snart visa seg at Amund hadde eit teknisk talent utanom det vanlege.
Då han fekk høve til å overta ein liten verkstad ved Øystese-elva, mellom idrettsbanen og riksveg 7, var Amund meir enn klar til å setja i gang. Med seg
1991: Sørvisavtale med Toyota
på laget fekk han broren Gerhard, og etter kvart ein annan flink mekanikar, Hans Klyve.
15. juni 1939 skreiv Amund under på ein bensinavtale med A/S Vestlanske Petroleumscompagni, eit selskap knytt til Standard Oil of New Jersey-gruppen (seinare Esso).
I denne vesle verkstaden, med ei bensinpumpe på utsida av bygget, starta næringslivseventyret Øystese Mek. Verkstad AS, vel ei veke (24. juni) etter at avtalen med bensinleverandøren var i boks.
Gjerde var for alvor i gang med draumen om eiga verksemd. No var det berre å bretta opp ermane og investera tid og krefter i nyetableringa. Noko anna enn viljestyrke og hardt arbeid var utenkjeleg.
” Mange vil hevda at han var Kvam sin Petter Smart, eller Reodor Felgen. Han fekk liv i det utrulegaste, av lite og ingenting.
Leif Gjerde om far sin, Amund Bensinkontrakt: 15. juni 1939 teikna Gjerde ein 20-årskontrakt med A/S Vestlandske Petroleumscompagni om leveranse av bensin.
Starta i ei turbulent og vanskeleg tid Ute i Europa var det urolege tider. Nazistane hadde makta i Tyskland og faren for storkrig hang over folk. Konjunkturar og marknadar peika nedover i takt med dei urolege tidene. Avisene, også lokalavisa Hordaland Folkeblad, skreiv om faren for krig, påfølgjande usikre marknadar og rasjoneringar.
Den som skulle dra i gang ei verksemd i slike tider måtte ha både framtidstru og pågangsmot. Samstundes gjekk livet sin vante gang i lokalmiljøet. Det som skjedde ute i den store verda var førebels på god avstand. Men også vesle Noreg vart prega av dei urolege tidene. Det som råka bilbransjen hardast i denne tida var truleg bensinrasjoneringa.
Foto: Privat
Kritikken mot den sitjande regjeringa var ikkje nådig.Bensinrasjoneringane førde naturleg nok til færre bilar på vegane, men det fekk også følgjer for sysselsetjinga.
29. september melde HF at Kvam billag måtte seia opp dei fleste sjåførane sine på grunn av rasjoneringa. Berre ein mekanikar og tre sjåførar var att. Også Bergen – Hardanger Billag måtte redusera arbeidsstokken sin. Fleire av sjåførane som miste arbeidet var frå Kvam.
1939: Amund Gjerde startar ØMV
1947: Oppgangstider etter krigen. Fem tilsette
1950: ØMV flyttar inn i ny verkstad i Vik
1975: Leif startar å arbeida etter militæret
1977: Kontrakt med Ford (sørvisavtale)
1982: Leif Gjerde tek over drifta
Nok arbeid trass vanskeleg tider
Det var i denne tida Amund Gjerde starta opp verksemda si. Han var som dei fleste andre oppteken av det som hende ute i den store verda, lågkonjunktur og bensinrasjonering, men tankane krinsa truleg meir rundt det nære. Det var for det meste mekanikk, motorar, mekaniske konstruksjonar, bilar og ny teknikk som fekk nyta godt av merksemda, pågangsmotet og drivkrafta hans. Kanskje var det det som gjorde den nye verksemda sterk nok til å koma seg gjennom dei første åra, som var prega av lågkonjunktur og krig.
Trass vanskelege økonomiske tider og påfølgjande krigsår hadde den vesle verkstaden nok arbeid. I starten var det Amund og broren Gerhard som arbeidde i den nye verksemda. Amund var mekanikaren og Gerhard styrte mest med sal – mellom anna bensinsal og vidaresal av brukte bilar.
Det tok ikkje lang tid før det var trong for meir arbeidskraft. I 1947 var det fem personar i verksemda: I tillegg til brørne Gjerde, arbeidde Hogne Børven, Harald Børve og Sverre Botnen i verkstaden. (sjå foto)
Forutan reparasjonar av bilar, traktorar og landbruksmaskiner, og sørvis og sal av bensin, laga verksemda pussemaskiner og lim-omnar til møbelindustrien. Karane laga også knotgeneratorar for personbilar, til bruk då bensinrasjoneringa var på sitt verste.
Det var på denne tida den mykje omtala lysinga stod på trykk i Bygdajol, om juletida. «Tek ikkje mot arbeid utan nauda driv».
Sonen Leif hugsar godt faren som ein hardtarbeidande mann som ikkje gav seg så lett, sjølv om utfordringane stod i kø. Utfordringane var til for å løysast, men utan pågangsmot og sterk vilje hadde det ikkje fungert.
– Fortalde far din noko om korleis det gjekk økonomisk den første tida?
– Nei, men det må ha gått brukbart økonomisk, sidan han klara å byggja opp verksemda. Men som oftast var han ikkje flink til å ta seg nok betalt. Han ville hjelpa folk, forretningsteften kom i andre rekke, fortel Leif.
Det var fleire bilverkstadar i Kvam på denne tida, mellom anna Kvam Auto, Mo Auto og verkstaden til HSD. ØMV var truleg den einaste av sitt slag i Øystese.
1983: Ny Esso-stasjon
Allsidig: Aslaug Gjerde hadde ikkje fritidsproblem. Ved sida av alt arbeidet i heimen, med ansvar for åtte born, deltok ho aktivt i drifta av ØMV i ledige stunder, mellom anna med rekneskap og bensinsal.
Foto: Privat
Ny verkstad i Vik
Etter krigen vart det vedteke å byggja ny veg til Holmatun, opp frå fylkesvegen. Dermed måtte verkstaden til brørne Gjerde vika plassen.
– Karane var på leiting etter ei ny lokalisering. Ei moglegheit var tomta der Hardanger Bil ligg i dag. Men det vart det ikkje noko av. «Bilhuset» fekk den tomta, fortel Leif.
Kvam herad fann ei ny og høveleg tomt til ØMV hos Nils Vik Lund, på vestsida av Vikelva. På den eksproprierte landbrukseigedomen vart den nye «mekken» reist i 1950, som kombinert bustad og verkstad. Det gule huset, som var bustad og arbeidsplass for brørne Amund og Gerhard Gjerde, står framleis og vitnar om hardt arbeid og framtidstru. Plasseringa har vist seg å vera god og framtidsretta.
I det nye huset budde brørne vegg i vegg med familiane sine. Amund og familien heldt til i enden mot Øystese, og Gerhard i den delen av 2.etasjen som vende mot Norheimsund. I tillegg budde det ein svoger i ein hybelleilegheit i 2. etasje.
Amund og kona Aslaug fekk åtte born, med Leif som eldste guten i flokken.
Ein storfamilie med mange born krov sitt. Det vart lange dagar, men fellesskapet i Gjerde-familiane var viktig og avgjerande. Det var naturleg å hjelpa kvarandre.
I underetasjen var det verkstad, med bil-verkstad i den eine enden og gravemaskin-verkstad i den andre. På framsida vart det sett opp pumper og ei lita bu.
Alle måte trø til i det daglege arbeidet. Det var bokstaveleg tala «alle mann til pumpene».
Bensinpumpa frå den gamle verkstaden ved Øysteseelva følgde med på lasset i 1950 og vart sett opp att på framsida av den nye verkstaden. Stasjonen vart i tillegg utvida med to pumper, noko som
gjorde at stasjonen kunne tilby bensin, diesel og to-taktbensin (med oljeblanding).
Kreativ mekanikar
Amund hadde teknisk innsikt utanom det vanlege. Han var ein svært dyktig mekanikar som også var ingeniør i måten å tenkja på. Mange vil hevda at han vart Kvam sin Petter Smart, eller Reodor Felgen. Han fekk liv i det utrulegaste, av lite og ingen ting. Modifisering og utbetring av allereie eksisterande teknikk vart noko av kjennemerket hans. Kunsten å byggja om maskiner til å bli betre utgåver av originalane, var ei viktig drivkraft. Arbeidet gav meining.
Sonen Leif, som overtok verksemda då Amund gjekk bort, hugsar godt faren som ein kreativ oppfinnartype med djup teknisk innsikt.
– Korleis vil du beskriva far din som mekanikar?
– Han var veldig kreativ, men han brukte ikkje store ord. Far arbeidde hardt og mykje.
– Så ein kan omtala han som ein ingeniør-type?
– Ja, absolutt!
Rett etter krigen reiste Amund og broren Gerhard til Nord-Noreg for å kjøpa krigsmateriell: personbilar, lastebilar, tanks og beltetraktorar. Ifølgje ein tidlegare arbeidar hjå ØMV, Sverre Botnen, fiksa brørne doningane så pass at dei vart køyrbare, og gav seg deretter i heimveg til Hardanger og Øystese. Det vart truleg fleire rundar nordover. Ein kan trygt slå fast at karane ikkje mangla innsatsvilje og motivasjon. Dei var nærast ustoppelege.
Lysing frå Bygdajol 1946.
1994: Startar Toyota Norheimsund
1998: Tak over rasteplass ved Esso-stasjonen
Sterk bilinteresse
1999: 60-årsjubileum. Kjøper Mo Auto
2001: Etablerer Yamaha Hardanger
Leif og syskena hans vaks opp ved fylkesvegen i Vik. Dei fekk arbeidet på bensinstasjonen og i verkstaden inn med morsmjølka. Liten og stor måtte ta eit tak for at hjula skulle gå rundt i familieverksemda. Mykje arbeid, men også ei fengande interesse for alt som handla om bilar og mekanikk, fekk prega kvardagen. Det var så og seia umogleg at ikkje nokre av dei unge vart over gjennomsnittet interessert i temaet.
Slik var det med Leif.
– Eg fekk tidleg ei spesiell interesse for bilar og det som går på hjul, og det er ikkje til å leggja skjul på at eg alltid har likt fart og spenning, seier han. Leif ville gå i faren sine fotspor, eller sagt med andre ord: Køyra i faren sine hjulspor. Men interesse for gravemaskiner hadde han ikkje. Det fekk framleis vera faren sitt spesialområde. Leif ville konsentrera seg om personbilar.
Difor var det heilt naturleg å ta fagutdanning på Norheimsund yrkesskule i Steinsdalen, no Kvam vidaregåande skule. Han tok to fagbrev, og vart både bilmekanikar og billakkerar.
I 1968 flytta samarbeidspartnaren Gerhard, bror til Amund, til Stord, og for Amund, Aslaug og resten av familien dreidde livet seg om bensinstasjon og verkstaden, døgnet rundt.
I 1975, etter førstegongstenesta i Forsvaret, kom Leif heim til Øystese og byrja arbeida på verkstaden saman med faren. Han overtok ansvaret for bilverkstaden, medan faren arbeidde vidare med gravemaskiner, graving og produksjon av landbruksreiskapar.
– Eg var rett og slett ikkje interessert i desse maskinene som far heldt på med. For meg dreia det seg om å vøla bilar. Det var personbilar som fenga meg mest.
På denne tida var det berre tre tilsette i Øystese Mek. Verkstad. Amund, Leif og Aslaug. Far og son arbeidde på verkstaden, medan mora stod for drifta av bensinstasjonen.
Graving: Amund Gjerde hadde mange oppdrag innan graving. Her ser me han i full sving med sin ombygde bulldosar under utfyllinga av Evjo. Med hjelp av massar frå tomta til nye Kleppe møbelfabrikk vart området gjort om til industriområde.
Foto: Privat
2003: Etablerer Yamaha Bergen
2005: Nytt verkstadsbygg og bilutstilling. Suzukiforhandlar
2009: 70-årsjubileum
2012: Fornyar Esso-stasjonen
2017: Utvidar karosseriavdelinga
2019: 80-årsjubileum
Bilinteressert: Leif Gjerde har i alle år vore interessert i bilar. Etter at han tok over drifta av ØMV har han jamt og trutt vidareutvikla verksemda. Her ser me han ved sida av ei av dei gamle bensinpumpene, inne i rasteplassen ved stasjonen. Pumpa står i dag på utsida.
Foto: Privat
” Eg fekk tidleg ei spesiell interesse for bilar og det som går på hjul, og det er ikkje til
å leggja skjul på at eg alltid har likt fart og spenning.
Leif Gjerde
Måtte satsa, eller leggja ned
I 1982 gjekk Amund bort. Då var det forventa at Leif skulle overta styringa av verksemda.
– Var du gira på å ta over?
– Ja, eg var motivert til å gjera meir ut av stasjonen. På mange måtar var valet enkelt. Anten måtte me satsa skikkeleg, eller leggja ned, fortel han.
Det var fleire ting som signaliserte at det var naudsynt å satsa dersom verksemda skulle overleva. Konkurransen var større og stasjonen var rett og slett for liten i forhold til forventingane frå Esso om drivstoffomsetnad.
Då det i tillegg viste seg at det var hol i den eine drivstofftanken, og det mangla pengar til reparasjon, ville ikkje Esso vera med vidare.
Det var allereie planlagt utviding av stasjonen, og i 1982/1983 vart planane sett ut i livet. Familien Gjerde fekk løyve til å byggja inn mot grensa til Lundanes og det vart sett opp eit tilbygg på om lag 25 kvadratmeter på den sida som vender mot Øystese. Dette representerte ei stor utviding samanlikna med den gamle stasjonsbua på 6 kvadratmeter.
Den gamle stasjonsbua stod på framsida av hovudbygget, som ein liten «hukk».
– Me var på veg ut av Esso, men etter utvidinga fekk me på plass ein ny kontrakt. Sidan me viste vilje til å satsa, vart Esso med vidare. Det vart nye tankar, nye elektriske pumper og pengetilskot. Det gjorde at verksemda vart berga i siste liten, fortel Leif. Bensinstasjonen var avgjerande for den vidare drifta. Det var stasjonen som var sjølve «kontaktskaparen» i møte med kundane, eit viktig møtepunkt og ein «nøkkel» som gjorde det mogleg å satsa vidare på heile verksemda.
Det skulle snart visa seg at satsinga skapte resultat. Drivstoff-salet auka monaleg, langt meir enn prognosane. Den nye stasjonen slo alle rekordar, og dette la grunnlag for vidare satsing.
Nytt stasjonsbygg
Alle piler peika oppover framover 1980-talet, og allereie i 1985 starta bygginga av ny stasjonsbygning, verkstad, delelager og vaskehall. Året etter kunne verksemda invitera kundane til ein ny og moderne bensinstasjon, ny karosseriverkstad og elles tenlege lokale.
Verksemda hadde tidlegare fått kontrakt som sørvisverkstad for Ford (1977), og ØMV fekk også selja bilar på provisjon.
– Som provisjonsseljarar var det ikkje snakk om store summar. Me fekk vel om lag 750 kroner for kvar bil me selde, mimrar Leif.
I 1985 fekk ØMV fullverdig forhandlarstatus. Det var slutt med provisjonssalet, no var verksemda i Øystese Ford-forhandlar med alle rettar og plikter, som underforhandlar for Kverneland Bil Bergen AS, og med kontrakt med Ford Motor Company som autorisert Ford-verkstad.
FRAMHALD
KONKURRANSE
VINN 4 HANKOOK DEKK TIL EN VERDI AV KR 12.000,-
For å delta må du:
1. Skann QR- koden.
2. Besvar 3 spørsmål korrekt for å bli med i trekningen.
3. Fyll inn navn og e-postadresse i de angitte feltene.
Viktig informasjon: - Vinneren trekkes den 20.12, og vil bli kontaktet av sin nærmeste Super Dekk Service forhandler.
Heilt nye SWIFT 4x4 er her!
Introduksjonspris 358.200,-* *levert Øystese
Heilt nye Suzuki Swift 4x4 er endeleg her. Med si unike framkjømd året rundt, har den blitt ein ven å stole på. Vel fargen på din nye hjarteven blant mange alternativ. Safetechpakke inkludert i prisen. Spar 30.000,-
blant mange alternativer. Safetechpakke inkludert i prisen. Spar 30.000,-
Mek. Verkstad AS | Ditt bilsenter i Kvam | T: 56 55 03 00
Takka vera gode medarbeidarar og gode trufaste kundar, er dette mogleg.
ØMV har eit topp moderne bilanlegg – både sal, verkstad og bensinstasjon.
Me har også gode samarbeidspartnarar som Esso, Ford, Suzuki, BYD, Meca med fleire, som leverer gode produkt.
ØMV ynskjer alle våre kundar velkomne til jubileumsdagar med mange gode tilbod og aktivitetar!
Leif Gjerde, dagleg leiar
” Eg har i grunnen ikkje vore så redd for utfordringar. Det har heller vore
inspirerande å løysa problema som har dukka opp. Far ville ha meg til å finna på noko anna. Men eg høyrde ikkje på han.
Leif Gjerde
Både motivasjonen og salet auka i takt med framgangen for den ekspansive verksemda.
I åra som kom vart det også ein veldig auke i trafikken, og det vart snart behov for å utvida bensinstasjonen ytterlegare. I 1987 vart det nye stasjonsbygget utvida med ei ny rast med drivstoffpumper, også desse under tak.
Året etter kjøpte verksemda den gamle bygninga til Bleie møbelfabrikk. Bygningsmassen vart bygd om og nytta til ny karosseri- og lakkeringsavdeling og ei avdeling for bilsal. Dette var særs aktuelt etter at verksemda var blitt Ford-forhandlar.
Seinare vart vegen til Lundanes bygd om, med nytt kryss og betre plass framfor stasjonen. Dette gjorde at ein også fekk plass til ein truck-stasjon; pumper for større bilar.
Nytt bilsenter
Samstundes som Leif arbeidde vidare med å tryggja og utvikla verksemda i Øystese, retta han blikket utover. Han såg moglegheiter til ekspansjon på fleire måtar, og tidene hadde for alvor betra seg etter finanskrisa mot slutten av 1980-talet.
Karosseri- og lakkavdelinga
Leiinga ved ØMV legg vekt på at lokalitetar og utstyr skal vera oppdatert og i takt med krava i marknaden. Det er bakgrunnen for investeringane i bilsenteret.
1994: Startar Toyota Norheimsund
1998: Tak over rasteplass ved Esso-stasjonen
60-årsjubileum. Kjøper Mo Auto
Etablerer Yamaha Hardanger
Karosseriavdeling: Karosseriavdelinga er utvida med åra. Investeringa gav mellom anna meir golvplass, betre takhøgd og meir effektiv ventilasjon.
Karosseriandelinga er mellom anna utvida og utbetra for 3,5 millionar kroner.
– Det var fleire grunnar til denne investeringa. Me ville ha betre arbeidstilhøve med meir plass, meir dagslys og betre inneklima. Utbetringane gjer at me jobbar betre og meir effektivt, noko som kjem både arbeidarane og verksemda til gode. Endringane er vel verdt pengane, seier Leif.
Den nye karosseriverkstaden er utvida betydeleg, takhøgda er auka og det er installert eit nytt kraftig og moderne ventilasjonssystem. I tillegg er lakk-
Foto: Lars Arvid Oma/HVM
Utvidar karosseriavdelinga
80-årsjubileum
Lakk: Lakkavdelinga har også blitt påkosta med åra.
boksane moderniserte, og ein har laga ein eigen takseringshall. Ein har også gjort noko med logistikken ved hjelp av nye dørar. Det blir meir flyt i arbeidet, ikkje minst med tanke på flytting av bilar i forhold til dei ulike arbeidsoperasjonane. Større lokale gjev også betre armslag for plasskrevjande opprettingsarbeid.
Endringa er også viktig i forhold til dei generelle krava i marknaden, mellom anna frå forsikringsselskapa og kjedene.
– Kravet til kvalitet og dokumentasjon er høgt,
og det må me etterleva. Det gjer at me heile tida må investera vidare i verksemda. Me har ikkje råd til å gå i dvale, understrekar han.
Utviklinga går fort, og det kjem stadig nye tekniske løysingar på marknaden, mellom anna nye lakktypar som lettar arbeidet. Dagens billakk herdar til dømes mykje fortare enn tidlegare versjonar, er betre å arbeida med for den som lakkerer, og lakken gjev betre resultat.
Foto: Lars Arvid Oma/HVM
FRAMHALD
Oppgradert
Esso-stasjon
Esso-butikken har også fått ei ansiktsløfting med åra. Det er mellom anna sett inn ny butikkinnreiing. Butikk-konseptet er i tråd med kjedeutviklinga og utstyret for matlaging er modernisert. Og ikkje minst, butikken har fått nye sitjegrupper med restaurantpreg.
– Det er viktig å leggja til rette for at folk kan slappa av og ha det hyggeleg når dei skal eta, seier Leif. Han skryt av arbeidarane sine. Butikken har gong etter gong scora høgt i Esso si eiga måling når det gjeld kundebehandling, sørvis og reinhald. Inn i mellom dukkar det opp anonyme «testarar» som gjev
Ved rasteplassen har dei minste fått nytt leikeapparat. Foto: Styrkmedia AS
seg ut for å vera tilfeldige kundar. Det er med andre ord viktig å halda høg standard over tid.
– Me har stabil og god arbeidskraft og fine forhold. Det gjev resultat, seier Leif.
Den nye butikken er eigentleg tilpassa det nye Esso-konseptet Foodies, men ØMV har valt å halda på gode gamle Tiger, sidan det er gjort lite for å gjera Foodies kjent i marknaden.
Stasjonen har også fått nye bensin- og dieselpumper i samband med overgangen til drivstoffsystemet Esso Synergy. Dette gjeld også truckstasjonen. I same slengen har ØMV nytta seg av sjansen til å bruka reklameskjermar på pumpene. For å gjera opplevinga på Esso-stasjonen ekstra hyggeleg for alle generasjonar, er rasteplassen oppjustert med nytt leikeapparat for dei minste.
Hjå oss kjøper du bruktbil trygt!
Øystese Mek. Verkstad AS | Ditt bilsenter i Kvam | T: 56 55 03 00
Me tilbyr finansiering på brukte og nye bilar til gode betingelsar!
For meir opplysingar sjå bilane på www.ømv.no eller kontakt Christoffer Gjerde | T: 481 84 305 | E: cg@omvas.no | www.ømv.no
Bjørn Olav Torpe (t.v.) er verksmeister og Kjell Henning Berge (t.h.) er service- og marknadssjef hos ØMV Bilsenter. Foto: Styrkmedia AS
1994: Startar Toyota Norheimsund
1998: Tak over rasteplass ved Esso-stasjonen
1999: 60-årsjubileum. Kjøper Mo Auto 2001: Etablerer Yamaha Hardanger 2003: Etablerer Yamaha Bergen 2005: Nytt verkstadsbygg og bilutstilling. Suzukiforhandlar
Dekkhotell og løfteutstyr for bubilar
Som kjent kviler ikkje ØMV på laurbæra. Nye dekkmaskiner og nytt løfteutstyr for dekkhotellet er no på plass i verkstaden i Esso-stasjonen. Her har me samarbeidd med RSA (importøren av Suzuki) om ein kontrollløftar for bubilar og store varebilar.
Nye krefter
Det meste av overskotet har vorte pløgd inn att i verksemda. I 2016 tok eigaren ut utbyte frå verksemda for første gong.
69-åringen kunne ha gjeve stafettpinnen vidare og funne på noko anna, men framleis er det Leif som opnar stasjonen klokka sju om morgonen, som passar på at alt er på stell, eller som slår graset med motorklippar i rundkøyringa framfor Børvenestunnelen. På kveldane er han ofte tilbake for å sjekka at alt er «under kontroll». Som dagleg leiar er han med på det meste. Leif likar å vera orientert og klar for neste dag.
Men han gler seg samstundes over at det kjem nye krefter etter han.
– Eg har to søner som ynskjer å arbeida i verksemda. Det lovar godt for framtida at ein ny generasjon med pågangsmot, er undervegs, seier Leif.
Sonen Christoffer (38), som i dag er salssjef, byrja som ryddegut i verkstaden i Øystese allereie som 13-åring. Nokre år seinare, i 2002 fekk han
2009: 70-årsjubileum
2012: Fornyar Esso-stasjonen
2017: Utvidar karosseriavdelinga
2019: 80-årsjubileum
Verkstad: Tre av våre driftige medarbeidarar; Jarand (t.v.) har fagbrev som bilmekanikar (verkstad), Chris Ronny (i midten) er Ford Master Teknikar (diagnose) og Franz (t.h.) klargjer bilane (bilpleie). Foto: Styrkmedia AS
arbeid i Esso-stasjonen. Allereie der fekk han trening i kundebehandling. Etter vidaregåande sette han i gang med studiar i Samfunnsøkonomi på universitetet i Bergen, men etter ei stund endra han kurs. Det var ikkje det han ville halda på med. I 2007 fekk han fast stilling i salsavdelinga hjå ØMV. Der vart det arbeid med klargjering og sal av nye og brukte bilar. Den lokale læremeisteren var Jostein Solberg. – Våren 2008 tok eg eit fire månaders kurs på Bilselgerskolen i Oslo. Der lærte eg det meste som har med bilsal å gjera, som kunnskap om lovar og
reglar, økonomi, leasing, kundebehandling og generelle salsteknikkar, fortel Christoffer.
I dag driv han i hovudsak med sal, men han tek seg også av administrative oppgåver i samband med salet. Han tykte det var naturleg å byrja jobba i familieverksemda, og har funne tonen med faren i arbeidskvardagen. Slikt er ikkje sjølvsagt.
FRAMHALD
• Service og vedlikehold av alle bilmerker / også EL-BIL
• Vinterklar bil / PKK av alle bilmerker opp til 3,5 tonn
Den perfekte balansen mellom romslegheit, teknologi og design. Med 4x4 og ein dynamisk utsjånad, set den ein ny standard for elektriske familiebilar.
Øystese Mek. Verkstad AS | Ditt bilsenter i Kvam | T: 56 55 03 00
BYD SEAL U
Moderne familie-SUV
Opptil 500 km rekkevidde Frå kr 412.800,-* *levert Øystese
BYD TANG 4X4 Long Range
Den ultimate familiebilen med sju seter, 4x4 og opptil 530 km rekkevidde
Frå kr 724.900,-*
*levert Øystese
Direktetelefon til kundemottak: 481 84 305 | E: cg@omvas.no www.ømv.no
Alle bilane har høgt utstyrsnivå og 5 stjerner i euro NCAP
BYD SEAL 4X4
BYD DOLPHIN
– Eg har alltid kjent ei tilknyting til Øystese Mek. Verkstad, og det har vore veldig kjekt å ta del i arbeidet her. Far stolar på at eg gjer jobben min, og eg får lov til å gå opp min eigen «veg» i arbeidet. Me er flinke til å skilja jobb og privatliv, seier han.
Christoffer veit kva innsats faren har lagt ned i verksemda, og er klar over at suksess ikkje kjem flytande på ei fjøl. Det er hardt arbeid og innsatsvilje som skal til. Det er trygt å ha ein i ryggen som kjenner bransjen ut og inn. Ein som kan bidra med råd og vink når det trengst. Det er trass alt ei viss læringskurve i jobben.
Christoffer er interessert i bilar og teknologisk utvikling, men han aldri vore gira på «mekking», slik som faren.
– Ser du føre deg å overta ansvaret ein dag?
– Ja, etter kvart er nok det ein del av planen. Eg og bror min Leif Tore har mellom anna gått inn i styret i ØMV. Så står me på vidare, og begge har eit ynskje om at ØMV Bilsenter skal vere ei familebedrift, og ei hjørnestein bedrift i Kvam.
Elbilrevolusjon 2019-2024
Dei siste fem åra har Noreg opplevd ein betydeleg elbilrevolusjon, med stadig aukande del elbilar i bilparken og på vegane. Denne utviklinga har vore driven av ein kombinasjon av statlege insentiv, tilgang på nye modellar og det grøne skiftet. Elbilar har dominert marknadsdelane i Noreg, spesielt sidan 2020. I 2021 passerte elbilar 64 % av alle nybilregistreringar, og denne trenden har halde fram med å auke. I 2023 hadde elbilar ein marknadsdel på over 80 %. September i 2024 er den månaden med høgast %-andel elbil registreringar, der heile 96,3% av personbilane registrert var elbil. Dette samlasett gjev Noreg til eit av landa i verda med størst %-del elbilar på vegane, relativt til folketalet.
ØMV Bilsenter tok fyrst del i denne marknaden i April 2021, då Ford Mustang Mach-E endeleg kom på marknaden. Av denne hadde me veldig mange som hadde bestilt bil på førehand, og det var full rulle frå start av. Det syner også igjen på vegane i Kvam, og det er svært gledeleg at me har levert ut veldig mange Mustang Mach-E dei siste 3 åra.
NY Bilutstilling og BYD – Build your dreams
I 2022, bygde me ny bilutstilling. I den samanheng sonderte me terrenget for eit nytt bilmerke, som satsa for fullt på elektrifiserte bilar. Me var allereie samarbeidpartnar med RSA, som er importør av Suzuki. Dei hadde nyleg starta som importør av BYD på dette tidspunktet. Etter fleire møte med importør og internt hos ØMV, vart me forhandlar av BYD. BYD er verdas største elbil-produsent, har 5 personbilar, og er representert i alle segmenta på elektrisk personbil. Dette er me svært stolte over, og føler oss no rusta til framhaldet av elbilrevolusjonen.
Eg trur nok hovudgrunnen til at me i Noreg har omfamna elbil er insentiv staten har innført, slik at elbilar prismessig kunne ta opp kampen mot fossile bilar. Nokre av dei viktigaste fordelane har vore:
• Momsfritak ved kjøp av elbilar (sjølv om dette gradvis vert fasa ut for dyrare modellar).
• Fritak frå eingongsavgift, som kan vere betydeleg for bensin- og dieselbilar. Frå 2023 vart det introdusert vektavgift.
• Reduserte bompengar, gratis parkering enkelte stader, og bruk av kollektivfelt i byområda.
• Ladestøtte for utbygging av ladestasjonar, både heime og langs motorvegane.
Recharge ladestasjon i Øystese
I tillegg har utbygginga av hurtigladestasjonar i Noreg auka raskt dei siste fem åra. Noreg har prioritert å utvikle eit landsdekkjande nettverk, noko som gjer det mogleg å køyre lengre avstandar utan rekkeviddeangst. Byane har også fått fleire ladestasjonar, både private og offentlege. Me hos ØMV ville heller ikkje vere dårlegare, og sende ut informasjon om oss til fleire store ladeoperatørar. Etter fleire omgangar fekk me i hamn eit samarbeid med Recharge. I 2023 var det sett opp to lynladestasjonar med plass til 4 bilar samtidig. Dette er også den raskaste ladestasjonen i Kvam.
” Far stolar på at eg gjer jobben min, og eg får lov til å gå opp min eigen «veg» i arbeidet.
Me er flinke til å skilja jobb og privatliv.
Christoffer (t.v.) og Leif Tore (t.h.) er klare til å driva ØMV vidare, og veit kva innsats som er lagt ned i åra før dei. Foto: Styrkmedia AS
Recharge lynladestasjon, med opptil 225 kW ladefart. Foto: Styrkmedia AS
Christoffer Gjerde
Kom innom for ei vising av alle våre nyttekøyretøy frå FORD Noregspremiere: DEMO OG PRØVEKØYRING Ford Transit E-Custom heilektrisk
DEMO OG PRØVEKØYRING Servering av kake, kaffi og brus
Vinn ½ års Bilvask*
ved å prøvekøyre ein av våre nye bilar Me trekkjer ut ein person/bedrift som har prøvekøyrt bil i løpet av jubileumsdagane.
*Premien er avgrensa til 1 bilvask per mnd. Vinnaren godkjenner at namnet blir delt på facebooksida vår.
1 Kva heiter dei nye elbil lyn-ladestasjonane ved ØMV Bilsenter/Esso Øystese?
2 Har ØMV Bilsenter/Esso Øystese investert i heilt ny bilvaskemaskin i 2024?
3 Kva bilmerke er ØMV Bilsenter merkeforhandlar for i dag?
4 Har ØMV Bilsenter mekanisk og karosseriverkstad?
5 Kor mange bilar står inne i vår nye bilutstilling?
*Premien er avgrensa til 1 bilvask per mnd. Vinnaren godkjenner at namnet blir delt på facebooksida vår.
Kr 149,Kun 1 per pers.
Frist for innlevering: Måndag 04.11.24 kl. 23.00 Innlevering på Essoen eller bilsalavdelinga
