Parque Natural do complexo dunar de Corrubedo e lagoas de Carregal e Vixán
Figura 2
Praia Duna fixa Duna móbil Bosques Vexetación asociada a zonas húmidas Matogueira baixa Herbais e pasteiros Construcións humanas
Veexxeettaacciióónn V O sistema dunar, formado por dous cordóns litorais de dunas, favoreceu a creación dun espazo sedimentario interior composto por dunas estabilizadas (dunas grises), ambientes de marisma e dúas lagoas litorais (Figura 2). O sistema dunar inclúe bermas, na parte máis elevada da praia, dunas embrionarias, dunas móbiles e dunas grises con Iberis procumbens e Helichrysum picardii como especies máis características [1]. Nas depresións húmidas intradunares aparecen charcas permanentes e herbais. A marisma do Carregal está dominada por herbais salinos de Juncus maritimus, cunha zona de transición entre esta marisma e o dominio continental conformada por un mosaico de hábitats húmidos non halófilos, composto por carrizais e herbais húmidos[1]. A lagoa de Vixán presenta masas de carrizo (Phragmites australis) así como zonas de pasteiro higrófilo. A orla máis externa do parque natural está parcialmente ocupada por bosque mixto heteroxéneo de coníferas (Pinus pinaster, P. radiata), caducifolios (Quercus robur) e Eucalyptus globulus, con algunhas zonas de prados e escasos campos de cultivos. 10