Frases feitas e refráns sobre o tempo.

- Xaneiro xeadeiro, febreiro porraqueiro, marzo espanadeiro, abril augas mil, maio sen ballóns é como un home sen collós, xunio claro, a lama de agosto bota o home a pedir.

- Xaneiro heloso, febreiro febroso, marzo airoso, abril chuviñoso, maio pardo, San Xoán claro, Santa Mariña clariña, agosto arder, setembro beber.

- Xaneiro porraqueiro, nin boa meda nin palleiro.

- Febreiro frebas dá; se non as deu xa as dará, ou no principio ou no final.

- Se en marzo maiea, en maio marcea.

- Marzo marcial, cara de lobo, cara de can.

- Maio pardo, San Xoán claro, vale máis que a mula e o carro.

- Marzo airoso, abril chuviñoso, sacan a maio florido e fermoso.

- Se queres ter bo alleiro, bótao no mes de xaneiro.

- Agosto, frío no rostro.

- Se o cuco non vén entre marzo e abril, ou morreu ou non quere vir.

- Se chove pola Ascensión, corenta días de ballón.

- No San Blas, dúas horas máis.

- Xaneiro que non enche o regueiro non é colleiteiro.

- Se en marzo oes tronar, prepara a cuba e mais o lagar.

- A lama de agosto e o vento de abril, Deus nos libre dil.

- Auga en maio, pan para todo o ano.

- Cando o Santiago é normal, pouca auga na fonte e menos no manantial.

- Á par do río non plantes viño nin merques caserío.

- A chuvia no mes de agosto, non é auga; é mel e mosto.

- En xaneiro sete lobos no carreiro, en febreiro cada chouta seu regueiro.

- Marzo espigarzo.

- En San Xoán, anda o cabalo ruán no pan.

- En maio, aínda a vella quenta o tallo.

- As castañas en agosto arden e en setembro beber.

- Marzo marzán, pola mañá cara de risa, pola tarde cara de can.

- En Santos, neve nos campos.

- Febreiriño corto, cos seus 28; se tivese máis catro, non quedaba can nin gato, nin rato no burato, nin cornas ao carneiro, nin orellas ao pigureiro.

- O un de xaneiro, o salto dun carneiro.

- Se xea o día de San Blas, sesenta xeadiñas máis.

- Arco da vella, tempo de merda.

- Rubiais de tarde, sol de mañá.