УПЕЧАТКИ

ОДЛИЧНИ ПРИПОВЕДКИ, ВИЗУАЛНИ КОМПОНЕНТИ И МУЗИКА На тим швеце постої вельке число уметносцох до котрих спада и аниме. Такой най розяшнїм, бо верим же велї нє знаю, або нє розумя, анимеи нє рисовани филми за дзеци и нє китайски су. Аниме то японски анимировани филми, або сериї. Ище як дзецко сом патрел аниме, понеже ме то здогадовало на рисовани, но алє, нє могол сом патриц длуго, понеже сом нїч нє розумел. Гоч анимеи рисовани, їх тематика далєко од тей за младшу публику, наприклад, познати аниме „Naruto” и „Naruto Shippuden” нам приказую рижни филозофски теми як цо война и єй пошлїдки на психу чловека, рижни жертви значних подобох и їх ултимативни вибори и пошлїдки тих виборох... Як цо єст рижни жанри филмох и серийох, так єст и анимеох. away” котри достал Оскара за найлєпши анимировани филм. Идею за патренє анимеу сом достал на найглупши способ. Шицким нам 2020. рок бул гаос, поготов кед зме були заварти дома и нє могли нїґдзе виходзиц. Теди сом достал нагоду за патренє филмох и серийох, кед нє мушим буц у интернату и школи. Но, нє було то так лєгко, патрел сом рижни сериї до тей мири же сом уж почал патриц тоти котри сом уж и скорей одпатрел. И так сом дзешка у маю надумал патриц аниме, котри сом як дзецко патрел. Вироятнє векшина з вас чула за тот аниме, а можебуц анї нє знаце же то аниме, то такволани „Dragon ball” и його предлуженя. Думам же сом ище далєко од озбильного патрача, понеже єст людзох хтори патрели менєйвецей 2000+ анимеи, док я лєм 15 и даскельо аниме филми. чувствую празно и смутно, шицко то нормалне, шицки прешли през тот период, та и я. Тото ше явя прето же кед особа одпатри дацо цо ше єй барз пачи, после дума же нє найдзе нїч таке добре як тото. Мнє ше то случело вецей раз, алє кажди раз ми лєгчейше прейсц прейґ того. Найзначнєйши характеристики котри мушим видвоїц за аниме то детальни, глїбоки и одлично написани приповедки, подоби котри маю подобносци, у котрих ше мож пренайсц, та аж и симпатизовац до озбильних мирох, одлично одробени визуални компоненти, як анимация и ефекти, и цо думам же найважнєйше – музика. Музика у анимеох то уж цалком треца приповедка, досц ми повесц же ше и нєшка наїжим, або ми слиза руши кед чуєм даяку писню зоз анимеа. Анимеи котри мушим Наприклад, я найволїм патриц Цикаве ми же гоч постоя совитовац за початнїкох то: Шоунен (Shounen) анимеи, цо технїки за швидше рисованє „Dragon ball” (og, Z, Gt и Super), у директним прекладу зоз и ефекти, аниме аниматоре „Naruto”, „Naruto Shippuden”, японского значи млади хлапец, шицко рисую ручно, цо по хто сце може и „Boruto”, вец звичайно протаґониста, або моїм думаню дава якушик єдну кратку романтичну протаґонисти млади подоби, додатну красоту цо ше дотика комедию „Toradora”, мойо дзеци чи тинейджере. визуалносци. Под ручно нє число єден и фаворит „Attack думам же рисую на паперох, on Titan”, „Bleach”, „Demon Анимеи найзвичайнєйше алє рисую фрейм по фрейм на Slayer”, котри ма прекрасни рисовани на основи Манґох рахункару прейґ диґиталних визуални компоненти, „Full (стрипи котри ше чита зоз плочох за рисованє. Такой Metal Alchemist Brotherhood” и контра боку). Анимеи сом почал мушим повесц же людзе котри рижни други. Хто ма и хто нє ма патриц озбильно пред дзевец почню патриц и законча даяки вельо часу, совитуєм най почнє мешацами, патрел сом и скорей, аниме котри зохабел вельки патриц, понеже епизоди нє наприклад, филм „Spirited упечаток на нїх и вец ше после длугоки, та мож уживац.

Зоз Словнїка руского народного язика за тото число зме позберали даєдни слова и вирази хтори сце уж вироятнє даґдзе чули, лєбо пречитали, алє можебуц нє знаце, лєбо сце нєсиґурни цо вони точно знача. гамишни -а -е 1. „себични, пажерни, порихтани однїмац; погубени, готови шицко зробиц на свой хасен” 2. „нєщири, лукави”

мерзени -а -е 1. „нєприємни, обридли” 2. „хтори виволує нєнависц ґу себе, нєнависни”

гумно 1. „заднї двор” 2. У обисцу „гумно” то заднї двор, а на полю место дзе ше на сцернї складало брадла, тиж ше волало „гумно” (ФейИр 29). дринґац -ам нєзак. „помали бежац, с. каскати ” зальомпани -а -е „барз затрепани, змачкани од блата, роси”

нєлапшни -а -е 1. „нєшвидки у лапаню, браню предметох, хторому предмети випадую з рукох” 2. „нєсхопни, нєшвидки”

ронтовни -а -е „хтори прейґ мири троши, розруцує пенєж, маєток”

педиґ и педик слов. „поправдзе, правду повесц, у ствари”

скаржиц ше -им ше нєзак. „поносовац ше” цибриц ше -им ше нєзак. експр. „барз вирихтовац”

ДЗЕ СУ И ЦО РОБЯ

Маю щесца тоти хтори одмалючка знаю цо єдного дня сцу робиц, та ше им вец анї нє чежко одлучиц до хторей штреднєй школи ше упишу. Медзитим, вироятнє заш лєм єст вецей тих хторим на штернац-петнац роки нє лєгко надумац кадзи далєй, та за нїх добри вибор може буц ґимназия. Думам же шицки знаце же маме ґимназию и на руским язику, у хторей ше вишколовали велї млади, нєшка успишни студенти, лєбо фаховци у своїх обласцох. Ми вам представяме даєдних з нїх.

Ясна Папуґа, Руски Керестур/Лувен: Закончела сом Ґимназию 2003. року. У оддзелєню нас було 14 школярох, шицки з Керестура. У Ґимназиї ми було барз фино. Вяжу ме красни памятки за тот период живота и наисце мили людзе, як школяре, так и професоре. Були зме зложне оддзелєнє, вельо интерни франти, прилапели каждого яки є. Одвитовало ми же сом була дома, знала сом хтори предмети ме найбаржей интересовали (математика, физика и хемия) и мала сом вельку потримовку професорох з тих предметох, а и з других предметох, же бим ше унапрямела за дальше школованє. Думам же ми то у датим периодзе було барз важне, а тераз мам вельке почитованє и подзековносц за шицких. После Ґимназиї сом уписала физику на ПМФ-у у Новим Садзе. Докторовала сом 2015. року на Институту за Нуклеарну Физику на Католїцким Универзитету у Лувену (КУЛ) у Белґиї. После доктората, прешла сом з науки/академиї до индустриї. Од теди сом у полю телекомуникацийох, а хвильково робим як сертификацийни инжинєр у фирми котра прави пошореня котри хасную wireless technologies од котрих найпознатши 4G/LTE, 5G, Bluetooth и велї други. Очиглядне же ше моя робота нє надовязує на нуклеарну физику и кед сом почала, мойо знанє було огранїчене. Робота подрозумює знанє рижних стандардох за применєни технолоґиї, єст и теорийни и практични бок роботи. З часом сом вельо того научела и ище вше вельо учим.

Деян Бучко, Руски Керестур: Ґимназию сом закончел 2008. року. Було нас 23-ойо у оддзелєню. Було и школярох зоз других местох, и то єдна школярка зоз Вербасу и єден школяр зоз Дюрдьова. На штредньошколски днї ми остали лєм красни памятки. У красним паметаню ми вше буду друженя у школи, алє и вонка з нєй, як и широке знанє котре сом достал у Ґимназиї. После штреднєй школи закончел сом историю на Филозофским факултету у Новим Садзе. Тераз робим як наставнїк историї праве у Основней и штреднєй школи зоз домом школярох „Петро Кузмяк” у Руским Керестуре. Преподавам предмет историю школяром од 5. по 8. класу основней школи и у руских оддзелєньох Ґимназиї.

Светлана Няради, Руски Керестур: Ґимназию сом закончела 2011. року. У оддзелєню нас було седемнацецеро, векшина зоз Руского Керестура, а єден школяр бул зоз Дюрдьова. Зоз штреднєй школи ми остали барз красни памятки и зоз годзинох, и зоз одпочивкох. Були зме вредне оддзелєнє, а правели зме лєм „ґимназиялски бунти”. Под час нашого школованя були орґанизовани и рижни секциї на хторих зме мали нагоду прешириц свойо знанє, а тиж так и проєкти котри нам оможлївели путовац и здобувац нови искуства. Мали зме наисце пошвецених професорох, а даскелї з нас праве прето пожадали предлужиц по їх крочайох. Так и я после штреднєй школи уписала биолоґию на Природно-математичним факултету у Новим Садзе, а на истим факултету сом закончела и мастер студиї, напрям Мастер професор биолоґиї. Робим як наставнїк биолоґиї у Основней школи „Братство єдинство” у Коцуре и Штреднєй технїчней школи „Михайло Пупин” у Кули. Тиж сом и член редакциї ИПЦ Кула дзе читам висти на руским язику.