:ﻗﺎل ﺗﻌﺎﻟﻰ "ﻳﺄﻳﻬﺎ اﻟﻨﺎس اﺗﻘﻮا رﺑﻜﻢ اﻟﺬي ﺧﻠﻘﻜﻢ ﻣﻦ ﻧﻔﺲ واﺣﺪة وﺧﻠﻖ ﻣﻨﻬﺎ زوﺟﻬﺎ وﺑﺚ ﻣﻨﻬﻤﺎ رﺟﺎﻻ آﺜﻴﺮا (١:وﻧﺴﺎء واﺗﻘﻮا اﷲ اﻟﺬي ﺗﺴﺎءﻟﻮن ﺑﻪ واﻷرﺣﺎم إن اﷲ آﺎن ﻋﻠﻴﻜﻢ رﻗﻴﺒﺎ")اﻟﻨﺴﺎء Magfarman Allahu Taala: “O kaam meh manusiyah! Tinalew kaam si Tuhan bi Ye marihala si kaam Ye bakas mapanjari kaam amban dambuwa (Apuh te Adam) manusiya, tapapanjari amban iye, yene anda ne (Apuh Hawa) duk amban siye (duwangan) tapapanjari yene meh kalellahan duk kaden-dehan, duk tinalew kaam si Allah, amban iye kaam maaku meh pulih bi duk meh kapatut bi, sabab sabennal te-ed Allahu Taala tattap nganjagahan kaam.” (Qur’an 4:1) Oh meh Muslim! Tinalew kaam si Allahu Taala, Ye salangke-langkew, duk tuhutun bi Iye supaya kaam maka dawhat kalappasan duk sampurna parasahan si dunya duk si ellew-akhirat. Hatihun bi, Allahu Taala sangat malasa, weh sa hadje-hadje kalalagihan duk panganda-akan si mangaku Islam ye ne niha ilmuh pangahati ne Tuhan (Allah) ne, Agama ne duk Nabi ne Muhammad . Meh pungtina-I pag-addatan lella-dende si Islam! Islam asal bissarahan nen. Amban ye poonan panganda-ankan ne duk ye meh pamagesan ne, ye meh i-en mabantuk salassayan duk meh pahalah. Kasabennalan nen, ye kamaksuran Tawhid (katungala Allahu Taala) duk Khalifa (magtag-ipun) pinatarrah si tiyap-tiyap pamagesan si sarah agama Islam. Kaniya-an meh Sarah Tanyag (Shari’ah Institutions) magpaniya Haram Tampat (Zones), ye sine-sine maka langgal ne hinaram si iye kuweh ne meh tampat pinasayambu supaya kahallian ye meh punah kabbunan (natural resources) inin meh ni’mat pangatag si meh kahayepan gulangan, kakinnahan duk tumbu-tumbuhan dam katahikan, duk ye meh kayu gulangan tartantu hininang weh kasarah Islam para si kapamahalayakan (environmental). Oh meh Ipun Allah! Subey teed hinati weh bi weh Allahu Taala ye mangurungan kitebi meh pakaradjaan duk meh kani’mat-ni’matan tu-u si dunya gey ta-itung duk get tabista; tinu-an kitebi weh Allahu Taala si Agama (islam) Ne supaya kaniya-an ten bi magparuntungan tu-u si dunya, duk supaya makadawhat tungbas si tiyap-tiyap kakahinang hap tahinang weh tebi maksud pagsaddiya katikkahan si ellew ka-elluman salama-lama. Ye inin po-onan maksud si ke-ellum duk katudju-han nen. Allahu Taala mag-Farman dam Qur’an:
“Sabennal teed! Ye kapapanjari meh kalangitan duk bulak, duk ye kapagliyu-liyu sangem duk ellew, duk ye meh balanda pa-antung dam katahikan supaya niyah pinakey wemeh manusiya, duk ye buhe’ (ulan) pinabu-us weh Allahu Taala amban diyata gabun tahinang sababan ellum bulakin puwas amban katigang ne, tahinag usah (nulig) kemun bayu-an katumbu-tumbuhanin mananap diyata bulakin, duk ye meh baliyu duk gabun pa-antung si ellet langit duk bulak, ye meh inin kasabennalan (tanda) si meh siye manusiyah makahati.” (Qur’an 2:164)
198 | Khutba Tapeneh: Toh Pamasambu si Pagsawmadja Para si Kawman Muslim Dem Pilipinas