NO 10 FOTO: LIV KLARA ENSTAD
KONGELBERGET BJORLI
TUREN: Kongelberget har blitt ein ny favoritt-tur for mange på Bjorli. Den er lett tilgjengeleg, fin for heile familien og mange av dei som bur på hytter her, har fjellet så og seie i eigen bakgard. Frå Kongelberget ser ein ut over heile Bjorli, innover fjellet og austover mot Lesjaskogsvatnet. Det vil bli arbeidd lokalt for å få merka og skilta denne stien. Sjekk tur-appen Outtt for gps-spor å følgje til Kongelberget. Det er primært to leier som blir nytta. Frå parkeringa i Kongelberget hyttefelt kan du gå opp sør for fjellet, eller via fortoppen Vetlfjellet, mot Nedre Liarberget og inn på leia som går opp frå parkeringa i Liarbergvegen. Frå her kan du krysse to små åer, følgje lia opp til Nedre Liarberget, halde ryggen opp og dreie opp mot Kongelberget for å unngå bratta på framsida av fjellet.
Middels
TILKOMST: To moglegheiter. På Bjorli køyrer du av E 136 i rundkøyringa og inn Bjorlivegen. Sving til høgre inn Skriuvegen etter butikken. Følg denne vegen eit godt stykke oppover hyttefeltet. I eit vegskilje: 1) Sving til venstre inn Liarbergvegen, forbi Bjorli låve, følg framleis Liarbergvegen. I krysset med Sjenstadbergen, hald venstre og P er i enden av vegen i andre avkøyring på venstre hand. 2) Sving skarpt til høgre, fortsett oppover Skriuvegen og vidare Kongelbergvegen, mange svingar, hald hovudleia. I ein venstresving er det P til fire-fem bilar. Einbuløypa er skilta frå start ved P her.
3,5 t/r
715 moh
sommar/haust
4 km
458 m
32 V 460335 6902653
PÅ TUR I LESJA
23
