TOMMY So yuh kyya geh it den, if yuh shake dey han oh uze de same barchroom oh toilet an dem kine-ah ting? TOOLSIE Na man, yuh kyya geh it so, like from eatin from the same plate oh sleepin in de same room, oh from wen insect an ting bite yuh an dem kine-ah ting. TOMMY Boh leh we say I kiss ah gyul, ah talking bout ah reel-reel kiss, an she hav ah lill cut in she mout an I hav ah lill cut in my mouth too, ent we blood cud geh mix-up wid one another own, an if one ah we hav it, de nex one ah we cud geh it too. TOOLSIE Yea, da might be possible. Boh I read up on diss HIV/ AIDS ting plenty an it only have one possen way dey know way geh it so. BRAYAN Well Toolsie boy, yuh better tell we hommoch ah way ye hav way we cud geh da ting, so we go know wot to do, to be on de safe side.
11