18
Jonathan Trabanco, meyor echaor en Xixón
De zorga a drecha, Pablo Suárez, Jorge Vargas, Jonathan Trabanco, Pablo Álvarez y Jason Franco.
L’echaor sierense algama el naguáu primer puestu nel Concursu d’Echaores de Sidre de Xixón, nuna xornada marcá pola tensión d’unes puntuaciones mui aprosimaes. Nel Concursu d’Echaores de Sidre, cellebráu en Xixón nel marcu la Fiesta de la Sidre, el primer puestu foi pal sierense Jonathan Trabanco (de les Sidreríes El Madreñeru y Manolo Jalín de La Pola Sieru), campeón na categoría xeneral. Jorge Vargas (de la xixonesa Sidrería El Otru Mallu) foi quien s’alzó col primer puestu na categoría correspondiente al conceyu de Xixón. Arriendes d’ello, Jorge algamó, colos sos culinos, el segundu llugar na categoría xeneral. Esti concursu ye puntuable pal Campionatu Nacional 93
d’Echaores, y dexa a Jonathan Trabanco nun interesante cuartu puestu. Jorge Vargas síguilu un pocu per detrás, nel sestu. La xornada foi especialmente prestosa, tantu pola importante presencia de públicu, que siguió con atención la evolución del Concursu, comu pol altu nivel amosáu polos echaores participantes, que tuvieron d’esforciase al másimu por destacar nun díi nel que les puntuaciones tovieren perapretaes y onde los cincu primeros puestos decidiéronse poles mínimes diferiencies.