21
Decenes de presones prendieron veles en solidaridá colos hosteleros enzarraos
“Tan dándose situaciones de miseria y los políticos tienen que dar dalguna solución” Dende’l 12 febreru, David Tejerina (Sidrería Canteli) y Tono Permuy (Toma 3), de l’asociación Hostelería con Conciencia lleven enzarraos na ilesa de San Xosé de Xixón, col oxetu de faer visible la situación na que s’afayen miles d’hosteleros y trabayaores de la hostelería asturiana y llograr que les trés alministraciones sofiten bramente al seutor. Tono Permuy desplica que “dende HCC tamos a favor del preslle por motivos sanitarios igual que tendríen de presllar otros seutores, como los tresportes públicos, centros comerciales y demás… pero nós nun tenemos la culpa de tar zarraos y desiximos unes contraprestaciones pa qu’estos preslles nun se conviertan en definitivos”. Tocántenes a les ayudes económiques pa responder
a la situación, David Tejerina, entrugábase por qué s’entardó un mes en sacar un borraor coles aídes que, supuestamente, van abrir pa la so solicitú esta selmana y por qué nun s’escuchó la voz de los afectaos nin s’atendieron a les sos necesidaes. Concretamente, Hostelería con Conciencia pidi a Adrián Barbón que “baxe del so palaciu de cristal” y que se siente a falar cola xente pa poner en marcha midíes consistentes, que salven al seutor ensin poner en pelligru la salú pública. Por supuestu, de magar el so enzarru, vienen recibiendo toa triba de muestres de solidaridá y sofitu, con movilizaciones delantre la mesma ilesia San Xosé. ¡En sofitu de la hostelería asturiana! Febreru 2021