PROXECTO EDUCATIVO DE CENTRO 59
familiar, contexto escolar e formativo, contexto de ocio, contexto laboral e integración social na residencia). Proposta educativa.
PROXECTO EDUCATIVO INDIVIDUALIZADO O P.E.I é un documento técnico coa función primordial de facilitar e canalizar a atención individualizada de cada neno/a ou adolescente. Será elaborado principalmente pola persoa educadora de referencia, asegurando a coordinación e participación do resto de profesionais do centro, tras o oportuno período de observación, tendo presente a información e propostas facilitadas polo persoal do ETM baseándose no Plan de Caso e, tendo en conta a opinión de cada neno/a ou adolescente, en función da súa capacidade, nivel e circunstancias. Nos tempos de realización e revisión do P.E.I. teranse en conta os protocolos vixentes da Administración. Para poder cumprimentar o PEI debemos ter en conta: Establecer obxectivos a acadar durante o período de intervención do centro, de acordo cos establecidos no Plan de Caso e aliñados co PEC do centro. Os obxectivos deben formularse como logros a alcanzar polo/a neno/a ou adolescente. Estipularanse para cada obxectivo as actividades ou tarefas que haxa que realizar, quen as levará a cabo, o tempo previsto para iso, as condicións baixo as que deben realizarse e o nivel mínimo esixido. Teranse en conta os recursos humanos, materiais, técnicos... necesarios para acadar os obxectivos, e outros recursos que resulten precisos, ademais dos proporcionados directamente polo centro. Cada obxectivo leva a temporalización prevista para a consecución do mesmo, se ben será revisada a súa evolución semestralmente Estableceranse criterios que permitan valorar a aproximación aos obxectivos. P.E.I. é un documento que evoluciona e se amplía no tempo.