Cultura y Scola Ladina
Truepa atività culturela ti luesc ladins Te si prima senteda dl ann à la Cunsulta provinziela per la Cultura ladina tratà 111 dumandes de sustëni, dajan l bënsté a cuntribuc provinziei per na soma de 346.600 euro. L assessëur ladin Florian Mussner recunësc te chësta gran cumpëida de dumandes na gran atività culturela da pert dla lies tla valedes ladines.
P
er ativiteies tl ciamp dla Cultura Ladina iel chëst ann unì mandà ite 83 dumandes. La Cunsulta provinziela per la Cultura Ladina à te si senteda ai 21 de fauré bele azetà 69 dumandes. Deberieda cun la dumandes de vel artist, à la cumiscion de cin persones dat si bënsté a cuntribuc provinziei per na soma de 300.100 euro. Ntan i ultimi ani ie la cumpëida de dumandes per ativiteies cultureles ladines daniëura cresciuda. “La truepa dumandes ie na demustrazion de n gran mpëni da pert dla
populazion per la cultura ladina. Te nosc luesc ladins iel truepa persones che se da ca per pité atività culturela ala cumenanza” sorissea l assessëur Florian Mussner. Danter dumandes per ativiteies, artis c, ´ nvestizions y istituzions tl ciamp dla Cultura Ladina nen iel de ndut unì azetà 85 dajan nsci l bënsté a cuntribuc provinziei per na soma de 346.600 euro. Permez al ann passà iel chëst ann 3,5 percënt de manco scioldi a desposizion per sustenì la Cultura Ladina. Tla spartizion di cuntribuc provinziel vëniel dat priorità al’ativiteies. Chël uel di che n cëla de mantenì i cuntribuc unfat granc fajan me de mëndra mudazions. La defrënza de scioldi a desposizion unirà dantaprima curida scurtan i cuntribuc per nvestizions.
Materies de matura 2013
T
la segonda prova scrita dl’ejam de matura tla scoles ladines uniral chëst ann damandà la materies economia aziendela, rujenedes fulestieres y proietazion. Ti Istituc per l cumerz a Urtijëi y La Ila, per la sezion per l cumerz IGEA, uniral damandà la materia de economia aziendela. Tla sezion turistica y de rujeneda dla scola auta Raetia a Urtijëi messerà i candidac dé ju na prova scrita de rujeneda fulestiera. Tl Lizeum d’ert a Urtijëi vel chëst ann la proietazion per la segonda prova scrita. L ejam de maduranza scumencerà chëst ann ai 19 de juni cun la prima prova scrita.
Nutizies te mi rujeneda
“La for majera cumpëida de dumandes ie da una pert demustrazion de mpëni per la Cultura Ladina, ma dal’autra pert ne dëssel nia vester nscila che la lies damanda n sustëni ala Provinzia ajache les giata for de manco dai chemuns” spiega l assessëur provinziel ladin.
foto USP/Stuffer
S
La Cunsulta culturela ladina cun (d.m.c.) Bruno Senoner, Hilda Sottara, Lois Ellecosta, Florian Mussner y l scrivan Alexander Piccolruaz (l mancia Hubert Irsara).
30 26
Das Land autonoma Südtirol | März 2013 provincia | marzo 2013
un la plata web www.provinzia. bz.it/usp-ladin possen di per di liejer do la nutizies atueles dala Provinzia. L Servisc Stampa publichea tlo articuli, cun nce vel video y ntervista audio. Tla verscion ladina vëniel pità na selezion dla nuviteies che ie de nteres per populazion ladina. La nutizies dala Provinzia possen nce giapé tres e-mail fajan la registrazion tla sezion “Nutizies via e-mail”. Chësc abunamënt ie debant.