گۆرانییەکی شین ڕەخنەی ئەدەبی غەمگین بۆڵی هەولێر ٢١٠٢ 1
ناوی کتێب :گۆرانییەکی شین نووسەر :غەمگین بۆڵی بابەت :ڕەخنەی ئەدەبی پیتچنین :نووسەر نەخشەسازی بەرگ و ناوەڕۆک :هێمن خدر تیراژ ٠١١ :دانە چاپخانە :ڕۆژهەاڵت -هەولێر ژمارەی سپاردن لە بەڕێوەبەرایەتی گشتیی کتێبخانە گشتییەکان ( )٠٠٥ساڵی . ٢١٠٢
2
پێرست ژووری شاعیر و فرە پەنجەرەیی شیعر7 .................. شیعرییەت و دووفاقیەتی خود25 .......................... دەسەاڵتی زمانی شاعیر لەئاوێتەبوونی شیعرییەتدا33 ...... ژنێك پڕ لەهەتاوی بوێری41 ............................... شیعر پێشەكی بۆ چییە؟57 ............................... سەختە لە فەزای ڕاڤەگەریی نەگەین 63 ................... نووسینەوەی وشە سوورەكان73 .......................... گۆرانییەكی شین81 ....................................... پرسیارە گومانگەرییەكان و گەڕان بەشوێن وەاڵمەكاندا87 . دزینی وێنەی شیعریی99 .................................. كە ژنە شاعیرێك دەكوژرێت105 ...........................، خوێنهر وهك بهشێكی پرۆسهی نووسین111 ............... بهر له مردن ،قسهیهكی تر 119 ...........................
3
4
پێشکەشە بە: * نووسەر و شاعیران (گۆران رەسووڵ) و (تەیب قادر) کە هاوکارم بوون بۆ بە چاپ گەیاندنی ئەم کتێبە. * بەڕێز (هێمن خدر) کە ئەرکی نەخشەسازی بەرگ و ناوەڕۆکی ئەم کتێبەی گرتە ئەستۆی خۆی.
5
6
ژووری شاعیر و فرە پەنجەرەیی شیعر ئەگەر هەموو شیعرێك دوو پێوانەی جیاوازی هەبێت، یاخود ئەم ژوورەی كە شاعیر بە توانستی خەیااڵندنی سازی كردووە ،گوایە دوو پەنجەرەی ڕووانینی هەیە، دەشێت هەمان ئەو دەقەیەش دوو ڕاڤەگەریی جیاوازیشی هەبێت .یان ئەم ژوورەی كە شاعیر بەكەرستەكانی نووسین دروستی كردووە ،دەلوێت دوو دەرگەی گشتگیری تێڕوانینی هەبێت .ئەمە وەك ئەو دیدگەیەی كە دەمێكە تەفسیری دەقی پێدەكرێت .لێ پێم وایە دەقی زیندوو دەشێت لە چەندین ڕوانگەوە تەفسیر بكرێت و هەمان ئەو ژوورەش چەندین پەنجەرەی ڕوانینی تێدا هەبێت .ئەوە كاری رەخنەگری جوانبینە پەی بەو نهێنی و بۆشاییانە ببات و وردتر ببێتەوە وبە وردبینییەوە میتۆلۆژیەتی فەزاكان و گومانگەریی دەقەكە هەڵبوەشێنێتەوە و بچێتە ناویانەوە تاکو كۆدەكانیان بكاتەوە و ئەو دیوی دەقەكەش ڕاڤە بكات .واتە وەك چۆن زیوان لە ناو گەنمدا بژار 7
دەكرێت ،ڕەخنەگریش دەبێت بە هەمان شێوە وشەی زیوان و زیوانی وشە و فەزای ناتەندروستی زیوان و زێدەگۆیی زیوان و تەكنیكی زیوان و سێبەری زیوان و السایی زیوان دەستنیشان بكات و هەڵیان بكێشێت .تەنیا گەنم بمێنێتەوە بۆ دروێنە ( بۆخوێندنەوە ) .ئەمە وەك البردنی وشە زیوان ئاساكان .لێ كاری نیشاندانی هونەری بەرز و تەكنیكی جیاواز و خاسیەتەكانی تری دەقەكەشە. چۆن هەمیشە دەق زیاتر لەو تەفسیرە هەڵدەگرێت كە تەفسیری پێكراوە ،یان تەفسیری پێدەكرێت .پرۆسەی نووسینی شیعر بەر لەوەی گەڕانەوە بێت بۆ مێژووی شوێن پێی یادەوەرییەكان ،وەگڕخستنی توانستی خەیاڵە بۆ هەڵزنان بەزراڤی ئایندەوە ،ئەوە بۆیە زۆرجار شاعیران پێشبینی شتێك دەكەن لە ئایندەی تەمەندا و كەچی پێشبینییەكانیان ڕاست دەردەچن { .ئەوكاتەی شاعیر دەنووسێت لە زەمانی خۆی دەردەچێت و دەچێتە ناو زەمانێكی تایبەتییەوە .ئەو كاتەی ئێمە دەخوێنینەوە لەزەمانی خۆمان دەردەچین ودەچینە ناو زەمانێكی تایبەتەوە }( .)1شاعیر بەزمانێك دەنووسێت كە هەر دەڵێی تاوتوێی لەگەڵ غەیب پێ كردووە و هەموو دونیای 8
لە نووكی پێنووسەكەیەوە كۆكردۆتەوە ،كە ئەمەش لەسەر وەختی خوێندنەوەدا ڕەنگدانەوەی الی خوێنەر (كەسی وەرگر) دروست دەكات .شیعر هەڵڕژانی تاڤگەی جوانبینییە لە نەواری خەیاڵەكانی شاعیردا و بەڵگەیە بۆ بەهای دەستكەوتەكانی ئەزموونگەریی خودی ئەو شاعیرەش .پێویستە لە خاسیەتەكانی بایۆگرافیای شاعیر و چۆنیەتی دەرهاوێشتەی شیعرەكەش بكۆڵینەوە و پەنجەرەی ڕوانینێكی تر بە ڕووی ئەو باغەدا بكرێتەوە. چۆن ئەدەبی كوردی لە زۆر قۆناغدا خۆی كردۆتە قوربانی بارودۆخی سیاسیی كوردستان و هەمیشە وەك ئاوێنەیەك بووە بۆ ڕەوشی شەقامی كوردیی .لە تەواوی هەلومەرجەكاندا ئەدەب بەگشتی و شیعر بەتایبەتی چەكی یەكەمین بووە بۆ ڕووبەڕوو بوونەوەی هەلومەرجی ڕەوشەكان .بۆیە تەواوی فەزاكانی ئەو جۆرە شیعرانەش دەالقەی تاریك و پڕ ڕەمزی تێدانە و هەمیشە لەسەر وەختی خوێندنەوەدا بەجێ دەمێنن ،لێرەدا دەپرسین بۆچی هەموو دەقێكی شیعری لەكاتی ڕاڤەگەرییدا لە هەر قۆناغێكی ژیانكردندا بووبێت ڕاڤەگەریی تر و تەفسیری تری لەدوا بەجێ دەمێنێت؟ ئەو تەفسر و ڕاڤگەرییانە چین 9
كە لە پشتەوەی هەموو خوێندنەوەیەكی شیعردا بەجێ دەمێنین؟ ئایا هۆكاری بەجێمانی ئەو فەزایانە چین؟ ئایا تاوانی شاعیر چییە لە بەجێمانی تەفسیرەكانی تری دەقە شیعرییەكەی؟ خوێنەر (دەشێت لێرەدا خوێنەر بە لێكۆڵەرەوە پێناسە بكەین) چی بكات بۆ ئەوەی پەی بەتەواوی كردە فیكرییەكانی شیعرییەكە ببات؟ بۆچی فەزای پڕ ڕەهەندی فیكری هەمیشە لە شیعردا بە جێدەمێنێت ؟ شاعیران چی بكەن؟ خوێنەر چی بكات؟ ئایا خوێنەر چی لە شیعری ئەو شاعیرانە بكات كە خۆیان بێمانایییان دروستكردووە لە پێناوی دۆزینەوەی مانای جوایەز؟ ئەم پرسیارگەالنە و چەندین پرسیاری تری كەلە بازنەی ئەو بابەتەوە پیاسە دەكەن ،تەنیا یەك وەاڵمیان هەیە ،ئەویش ئەوەیە :كە شیعر ژوورێكە پڕ لە پەنجەرەی ڕوانین و تێفكرینی جیاواز .ئێمە پرسیاری چۆنیەتی بە جێمانی ئەو ڕەهەندانەی شیعرییمان كرد ،لێ پرسیارێكی تریش دێتە بەر باسەكەمانەوە و ناچاری نووسینمان دەكات ،كە ئەوە كاری كێیە تەفسیرەكانی شیعر لە یەكتر نزیك بكاتەوە و پرێك بۆ ڕاڤە جیاوازەكانی دروست بكات؟ بێگومان ئەركی ڕەخنەگری جددی ناو ژووری پڕ 10
پەنجەرەكەكانە .نەوەك ڕەخنەگری دەرەوەی ژوورەكان. ئاخر ڕەخنەی ڕەخنەگرانی ئەمڕۆی ئەدەبی كوردی تاكو ئەندازەیەكی بەرچاو لە قوڕ و لیتەی شارچییەتی و حیزبچییەتی و دۆستچییەتیدا چەقیوە ،نەدەتوانێت هەنگاوی بەردەوام و جددی بنێت ،نە تازە بە تازەش دەتوانێت بەئاسانی خۆی لەو چەقینە ڕزگار بكات .ئەمە بۆتە كۆسپێكی ترسناك (زۆر و كەم) تەشەنەی ناو ناوەندەكانی ڕۆشنیبری كوردیمان بووە .ئەم كۆسپە هەمیشە لە هەوڵی لە ناوچوونی بەهای شیعری باڵدار و ناشیرینكردنی شاعیرە جواننووسەكاندابووە .لەم چەند ساڵەی دواییشدا ئەم پەتایە كۆمەڵێك (شاعیر)ی كردە ناوی – ناوی بێ ناوك ، -كە ئەمڕۆ هێدی هێدی دەپووكێنەوە لەناو بێ مەعریفەتیانەوە و دەبنە بڵقی بچووكی سەر ئاوی دەریایەكی گەورە .ئاخر هەموو دونیا ناتوانێت (شاعیر)ێك بكاتە ناوی ڕاستەقینەی شیعر كە ڕۆحی جەوهەریەتی شاعیریەتی تێدا نەبێت، هەموو دونیاش ناتوانێت شاعیرییەتی لە شاعیرێك بشێوێنێت و بستێنێت كە خۆی شاعیرێكی جواننووسە و خودان جاویدانیبووی شیعرییەتە .هەموو شیعرێكی جوان هەمیشە لە هەموو سەردەم و قۆناغێكدا خۆی نوێدەكاتەوە 11
و هێزی زیندووبوونەوەی تێدایە ،شیعری جوان شادەمارەكانی پڕن لە خوێنی جوانیناسی .سەیرە! ( شاعیر ) هەیە بە تەكلیفكردنی زۆر و دەعوەتكردنی نووسەران زۆرترین نرخاندن و لێدوان لەبارەی شیعرە بێ باڵەكانییەوە كراوە ،كەچی شیعرەكانی لەچەند پارچە سێبەری شیعر شاعیرانی تردا نووسراون .وەك چۆن هیچ شیعرێك داخراو نییە كە خودی شاعیرەكە خۆی داخراو نەبێت ،هیچ شیعرێكیش شیاوی بێدەنگی نییە كە شیعرەكە خۆی لە خۆیدا بەبێدەنگی و مردووی لە دایك نەبوو بێت ،پێم وایە ئەگەر ئەمڕۆ شاعیرێك زۆرترین نرخاندن و قسە و باس لەسەر شیعرەكانی لەالیەن چەند كەسێكی دیاریكراوەوە لەسەركرا ،دەشێت بە دیدگەیەكی گومانگەرییەوە لەو دۆزە مەترسییە بڕوانین .ئەگەر شیعرێك بە بێ ڕاڤەگەریی و هەڵوەشاندنەوە و قسە لەسەركردن ماوە ،مانای ئەوە نییە ئەو شیعرە هێزی فڕینی نییە و خوێنی داهێنان و نوێگەریی لە دەمارەكانیدا هاتوچۆ ناكات .ئاخر زۆر شیعر هەیە لە ئەدەبیاتی كوردییدا هێشتان نەكراونەتەوە و بەداخراوی ماونەتەوە .شیعر هەیە ڕەخنەگر زەفەری پێنابات و ناوێرێت خۆی لە هەڵزنانی شیعرییەتی بدات .شیعر هەیە 12
بە هەموو كلیلی خوێندنەوەیەك نابێتەوە و كلیلی خوێندنەوەی قووڵ و كلیلی دیدگەی جیاوازی گەڕەكە. شیعر هەیە چەند دیوێكی تاریكە و تەنیا لە یەك دیودا خوێنراوەتەوە .شیعر هەیە فۆڕم و ناوەڕۆكی جیاوازە و دەقێكی نامۆیە ،هەر بۆیەش درەنگ لەالیەن خوێنەران پەسند دەكرێت .بە واتایەكی تر هەموو دیاردە و كردەیەكی فیكری تازە زوو پێشوازی لێناكرێت لەالیەن كۆمەڵگەوە ،تەنانەت كۆنە پەرستەكانیش دژی دەوەستنەوە .شیعر هەیە مردووە و مۆمیاكراوە بە وشەی قەبە و خەیاڵی بریقەدار .شیعر هەیە بۆ یەك ڕۆژ و یەك بۆنە نووسراوە و تەنیا ئەو كاتە باڵ لێكدەدا و كۆتری شیعرییەتی دەفڕێت .شیعر هەیە لەگەڵ یەكەمین كردنەوەی دەمرێت و باشترە نەكرێتەوە و نەمرێت .شیعر هەیە بەر لەبوونی مردووە ،واتە هەر بە مردووی لەدایكبووە .شیعر هەیە پڕ پینەیە و لە سێبەری چەند دەقێكی تردا نووسراوە .شیعر هەیە چۆنیەتی داڕێژتنی وشەكانی لێچووی چەند شیعرێكی ترە .شیعر هەیە وێنە و باگراوندەكانی جێگەی گومانە .شیعر هەیە خەیاڵی چەند شیعرێكی تری دزیوە .شیعر هەیە گەندەڵە و 13
(شاعیر)ەكەش بەگەندەڵی بۆ گەندەڵبوونی شیعرییەت ماوەتەوە .كورتییەكەی شیعر هەیە و شیعرۆكەیە، شیعریش هەیە شیعرە. زمان ڕۆڵێكی كارا و چاالك دەگێڕێت لە بنیاتنانی باڵەخانەی شیعرییەتدا ،زۆرجار زمان وەك ئەندازیاری بناغەی بنیاتنانی باڵەخانەی شیعرییەتەكە دەبینرێت. زاڵبوونی زمانی شاعیریش بەسەر خەیاڵی و باگراوەندەكانی شیعرەكەدا بااڵدەستی شاعیر دەردەخات .شاعیر هەرچەند كار لەزمانی خۆیدا بكات بۆ مەبەستی دەوڵەمەندكردن دوو هێندەی ماندووبوونەكەی جوانیناسی لەشیعرەكانیدا باغی پڕ لەگوڵی ئۆغژەنی بۆ بەجێدەهێڵت .بەجێمانی ئەو باغانەش ڕەنگداداتەوە لەسەر وەختی خوێندنەوەدا .ئاخر زمانی شیعر یەك باغی پڕ لەگوڵی ئۆغژەنی و چیمەنی وشە دروست ناكات ،بەڵكو لە یەك پەنجەرەوە باغگەلێك دەبینرێت و لەیەك باغیشەوە ژوورێكی بڵندی پڕ پەنجەرە. دەلوێت زمان لەشیعردا وەك بەجێمانی ڕەهەندە فیكرییەكانی پشتەوەی خوێندنەوە تووشی دووفاقیەت دەبێت { .زمان سروشتێكی دوو الیەنەی هەیە .لەالیەكەوە هۆی پەیوەندییە ،لە الیەكی تریش هۆیەكە بۆ دەربڕین. 14
ئەمە جگە لەوەی كەزمان هەم واقیع و هەم ڕەمزی واقیعیشە .جا لەبەر ئەم هۆیانە ،زمان هەمیشە مایەی بایەخپێدانی شیعر بووە }( .)2كەواتە ئەم دووفاقیەتی زمانەش كاریگەرییەكی بنچیینەیی دروستدەكات لە پرۆسەی شیعرییەت لەسەر وەختی ڕاڤەگەریی و خوێندنەوە و هەڵوەشاندنەوەی .چۆن زۆرجار ئەو وشەیەی كە لەدەربڕینێكی شیعردا بەكار هاتووە ،جیاوازە لە دەربڕینی قسەی ئاسایی .ئاخر وشە لەشیعردا جێگەیەكی تری هەیە و هەمیشە لەمانادا لە جێگۆڕكێدایە ،وشە لەقاڵب نادرێت تاكو واتای داتاشراوی بۆ دروستبكرێت، ئەوەش تاكو ئەندازەیەكی باش كۆمەكمان دەكات كە شیعر هەمیشە خوێندنەوەی جیاواز لەخۆیدا هەڵدەگرێت. وەك چۆن شیعر خوێندنەوەی جیاواز لەخۆیدا هەڵدەگرێت و خوێندنەوەی جوداوازتری لێ بەجێدەمێنێت ،وەهاش خوێندنەوە ،خوێندنەوەی جیاوازتری لەدوای خۆیدا بەجێدەهێڵێت .ئەگەر شیعر یەك ئاڕاستەی زمان و یەك خوێندنەوەی فەزاكان و یەك ڕەهەندی فیكری و یەك ڕاڤەگەریی تیۆری ،هەم وشەی شیعرەكە لە قاڵبی كردەی فیكرییەتێكی بێ باڵ دراوە و هەمیش زمان نەیتوانیوە 15
بەسەر باگراوندە شیعرییەكان و تۆكمەكردنی فەزاكاندا زاڵ ببێت .ئاخر ئەگەر بڕیار بێت شیعر پێویستی بە خەیاڵ بێت ،زمانیش پێویستی بە توند و تۆڵی و تۆكمەكردنە. بۆیە ڕەهەندی بەجێمانی خوێندنەوەی جیاوازتر لەشیعردا دەشێت لەم چەند خااڵنەدا كۆبكرێنەوە. -٠پرۆسەی خوڵقاندنی شیعرەكە لە ڕووی دروستبوونیەوە، چۆنچۆنی بووە. -٢جەوهەریەتی شیعر لەپرۆشەی شیعرییەتدا ،بەواتایەكی تر جەوهەریەتی دروستبوونی شیعرەكە هەم لەالیەنی ڕەگەزە بنەرەتییە شاراوەكان و هەمیش لەالیەنی ڕەگەزە بنچیینەیەكانی دەروەوەی شیعرییەتدا. -٣چۆنیەتی حاڵەتەكانی گواستنەوەی پاڵنەرەكانی ویژدان بۆ ناو پرۆسە شیعرییەكە .لێرەدا دەشێت هەڵوێستی مرۆڤبوون لەالیەن خودی شاعیرەوە دەورێكی بااڵی دروست بكات و شیعر لە هەڵویست وەرگرتن نزیك بكاتەوە .كە زۆرجار پێ دەگوترێت هەڵوێستە شیعر. -٤سروستی ناوەوە و دەرەوەی وێنەكانی پشتەوەی شیعر. -٠سروستی ناوەوە و دەرەوەی وێنەكانی پێشەوەی شیعر .
16
-٦چۆنیەتی دروستكردن و دروستبوونی ڕەمز وچۆنیەتی بەكارهێنانەكەی .هەڵبەتە قۆناغیش كاریگەریی بەسەریەوە هەیە .بۆ پشت ڕاستتركردنی قسەكانمان ،دەشێت ڕەمز لە شیعری كوردییدا وەر بگرین. -٥دۆزینەوەی كلیلی دەروازەكانی دەقە شیعرییەكە و پەی بردن بەخوێندنەوەی ورد و تێفكرینی قووڵ لە نهێنی و فێڵ و كۆدەكانی شیعرەكە. -٨رۆڵی مۆسیقای شیعر و خزمەتكردنی بەپرۆسەی شیعرییەتەوە .لێرەدا دەشێت بنووسین مۆسیقا لەنرخاندنی ئاڕاستەكانی خوێندنەوەدا كاریگەریی خۆی دروستبكات، بەسەر كردە فیكرییەكان .بە واتایەكی تر مۆسیقا زۆرجار لەناو پرۆسەی شیعرییەتدا دەبێتە پاڵنەری كردە فیكرییەكان. -٩بەتەم ومژبوونی شیعر و ناڕوونی لەمانادا ،ئەمەش لەسەروەختی خوێندنەوەدا ،دەشێت خوێندنەوەی جوایەزی لێبكەوێتەوە. -٠١هەوڵدان بۆ بێمانایی بوون زۆرجار چەمكی جیاواز و فرەمانایی لەپرۆسەی شیعردا دروست دەكات .
17
ئەم چەند خاڵەدا پێم وایە بەس بێت ،هەرچەندە چەشنی پرۆسەی دەقە شیعرییەتەكە چەندین خاڵی ترمان لێ بەجێ دەمێنێت .لێ پێم وایە هەموو وشەیەكیش لەپرۆسەی شیعردا مانای جیاواز وەردەگرێت .بەواتایەكی تر هەموو وشەیەك لەسەر وەختی بەكار هێنان لەپرۆسەی شیعردا لەمانا ڕووتە باوەكەی خۆی دەردەچێت و مانا و مۆڕاڵ و تایبەتمەندییەتی خۆی وەردەگرێت .بەواتایەكی روونتر وشە لەسەروەختی بەكارهێناندا دەكەوێتە بەر تەوژمی عەقڵەوە{ .هەموو وشەكان لەچوار چێوەی مانادا – وەك وشە – دەكەونە بەر (تەوژمی) بونیاتنانەوە. سیستێمی وشە بە هاوسانی و دژایەتیی (وشەكانەوە) دەكەونە بەر تەوژمی كاریگەریەتییەوە } (.)3 بەرلەوەی پرۆسەی شیعر ئامانەتێكی ئەخالقی بێت بۆ بەها مرۆڤایەتییەكانی ژیان ،پرۆسەی جوانتركردنی ڕاستەقینەیە بە زنارەكانی ئایندەوە مرۆڤدۆستییەوە .ناشێت هەموو ئایندەیەكی گەش لە ڕابردوویەكی جوان بێتە دی .وەك چۆن ناشێت مێژووی كورد بەبێ چیا سەركەشەكان بنووسرێتەوە .نووسینەوە و نرخاندنی هەر شاعیرێك دەشێت لە دەالقەیەكەوە بێت و سەیر بكرێت .ئەلبێر كامۆ 18
بەدیدگایەكی پووچگەرییەوە سەیری ڕاستەقینەكانی گەردوون دەكات .كافكا لەسەر پەردەیەكی ڕەش ژیان نمایش دەكات .سادقی هیدایەت لەنێو ڕەشبینییەكی قووڵدا وێڵی پووچی و خۆكوژی بووە .لە بەشێكی شیعرەكانی هەندرێن فەلسەفەیەكی قووڵ ئامادەیی هەیە. عەبدولموتەڵیب عەبدوڵاڵیش لەنێو ئاودا مەلە بە وشە و خەیاڵەكانی دەكات .شەونمی خەون لەسەفەرە شیعرییەكانی ئەحمەدی مەالدا دەتكێن .ژن هەمیشە لەحەوزی شیعری قوبادی جەلیل زادەدا مەلەی ئێرۆتیكا دەكات .تەیب قادر پیاسەكانی ژیان بەدەم بێتاقەتی مەرگەوە دەنووسێتەوە .ئاخر لە تایبەتمەندبوونی هەموو ئەوانەشەوە پووچییەكی تر لە كامۆ و پەردەی ڕەشتر لە كافكا و ڕەشبینی و خۆكوژیەكی تر لە سادقی هیدایەت و فەلسەفەی تر لە هەندرێن و ئاوێكی تر لە عەبدولموتەلیب و خەونێكی تر لە ئەحمەد و ژنێكی ئێرۆتیكایی تر لە قوباد و پیاسەیەكی تر لە تەیب دا بەجێ دەمێنن .ئەگەر بەرهەمی ئەدەبیات دەرهاوێشتەی فانتازیا بێت ،هەرگیز ناشێت خۆی لە ڕاستەقینەكەی زەمەن بدزێتەوە ،بەڵكو لەو زەمەنە دەردەچێت و زەمەنی تر دروست دەكات .هەر 19
چەندە دەرهاوێشتەی هزراندنی شاعیر بەمیتۆلۆژیەت بەبێ ڕاستنووسی خەیاڵ بوونێكی بێ بوونە و هیچ بەهایەكی ئێستاتیكای نییە .ئاخر{ ئێستاتیكا لە گشت ڕەهەندێكەوە بۆ تەالری شیعر پێویستە ،شیعر بەبێ بوونی ئێستاتیكا تەالرێكی ڕووت و دزێوە }( .)4ئەوە هونەری ڕاستنووسی ئەو واقیعەیە كە تەمەن درێژیی بە شیعر دەدات و پەنجەرەی ڕوانینی تری بە ڕوودا دەكاتەوە .شیعر كە رۆحی هونەری ڕاستنووسی تێدا نەبوو ،دەشێت چاوەڕێی مردنی بكەین و لەسەر وەختی خوێندنەوەشدا هیچ كردەیەكی فیكری لەدوا خۆیدا بەجێ نەهێڵێت .جوانیناسی شیعر بریتیی نییە لەیەك پەنجەرە ،بەڵكو كۆمەڵێك پەنجەرەیە بە دیوارەكانی ژووری ڕاستنووسی ئەو واقیعەی كە خودی شاعیر تێدایە و لەو پەنجەرەوە دەیبینێت .شاعیر كە وشەكانی لەخەیاڵدا مووتوربە دەكات تەنیا خەیاڵ نانووسێتەوە ،بۆ ئەوەی شیعرەكە ڕوانگەی جیاوازی هەبێت ئەو واقیعەش فەرامۆش ناكات كە لە پەنجەرەكەوە لێ دیارە و خودی خۆشی تێیدا دەژێت{ .یەكێك لە مەرجەكانی جوانی و هونەری جوانیش ڕاستگۆییە .كاتێ ڕاستی لە بەرهەمی هونەری (ئەدەبی)دا نامێنێ ،ئەوا 20
جوانیش بەجێی دەهێڵێ .مەبەستمان ڕاستیی ژیانی ڕۆژانە نییە ،بەڵكو ئەو ڕاستییەیە كە هونەرمەند (شاعیر) بەهۆی زانیاری قووڵییەوە دەربارەی ژیان ،بەهۆی بەهرەی هونەری و كارامەییەوە دەیخاتە بەر چاوان و پێشكەشی دەكا .لە ئەدەبدا گەلێ پاڵەوانی وەها هەن ،كە فانتازیا و خەیاڵی نووسەرێك خوڵقاندوونی و كەسانێكی وا كوت ومت لە واقیعدا نین ،بەاڵم دەشێ كەسانی وا لەناوماندا هەبن}(.)5 شیعر لەدیدگەی هیگڵەوە هونەری سەر هەموو هونەرەكانە ،لە هەموو ژانەرەكانی تری ئەدەبیش مانا بەخشترە لە ڕوانگەی كارتێكردن و كاریگەرییەوە .بۆیە كە لە چەندین ڕوانگەی پڕ مەعریفەوە شیعر ڕاڤە دەكەین و چەندین پەنجەرەی تری بە ڕووی باغەكانیدا دەكەینەوە، لێ دەبین هەمیشە شیعر قسەی تر و ڕوانینی جیاوازتر لەدوای خۆیدا بە جێ دەهێڵێت .ئاخر{شیعر گوشراوترین و چڕترین شێوەی ئەدەبە كە زۆرترین شت لە كەمترین وشەدا دەر دەبڕێت }(6).
21
سەرچاوەكان: )(1گەڕان بۆ ماناكانی دیكەی شیعر .بەختیار عەلی ،بەشی دووەم .كۆواری ڕامانی ژمارە 22ی حوزەیرانی 2002 الپەڕە 14 )(3شیعر و فەلسەفە .نووسینی مەجید مەحموود موتەڵیب ،وەرگێڕانی لە عەرەبییەوە :فوئاد مەجید میسری ،لەباڵوكراوەكانی دەزگەی چاپ و پەخشی حەمدی ،چاپی دووەم 2002الپەڕە 22 )(3تیۆریی ئەدەبی و شێوازناسی – نووسینی :پیتەر هاڵبێرگ و دانەرانی تر /ئامادەكردن و وەرگێڕانی :ئەنوەر قادر محەمەد .لە باڵوكراوەكانی مەڵبەندی كوردۆلۆجی ،زنجیرە 54سلێمانی 2010الپەڕە 145 )(4ئەدەب وەك بەشێك لەڕۆح – غەمگین بۆڵی، لێكۆڵینەوەی ئەدەبی .لە باڵوكراوەكانی بەڕێوەبەرایەتی ڕۆژنامەنووسی و چاپ و باڵوكردنەوەی بەڕێوەبەرایەتی باڵوكردنەوەی هەولێر ،زنجیرە 551چاپی یەكەم 2011 هەولێر .الپەڕە 102 )(5بڕوانە هەمان سەرچاوەی ژمارە سێ ،الپەڕە 22
22
)(6شیعر چییە ؟ لۆرانس پیرین ،وەرگێڕانی لە فارسییەوە : ئەبوبەكر خۆشناو .لەباڵوكراوەكانی بەڕێوەبەرایەتی خانەی وەرگێڕان /چاپی یەكەم . 2002چاپخانەی پیرەمێرد، سلێمانی .الپەڕە 11
23
24
شیعرییەت و دووفاقیەتی خود وشە بەبێ بارگاوی بوونی خەیاڵ هیچ شتێك ناخاتە سەر شتێكیترەوە و بوونێكی ناساغ دروست دەكات ،خەیاڵیش بەبێ زمان ناچێتە ناو ئەم پرۆسەیەوە .تەواوی وشەكانی ئەدەبیات بەگشتی و شیعر بەتایبەتی ئاراستەی دوو ڕووگە دەكرێن .هەر وشەیەكیش لەناو خۆیدا دەاللەت لە دوو هاو واتا دەكات .واتە رستە دوو هێزی بەهێزی هەیە كە لەناوخۆیدا كۆی كردوونەتەوە و هاوكات یەكسانن لە ڕووگەكانیانەوە .لێ لەدیدگەی خاسیەت و مۆڕاڵەوە جیاوازن .تەواوی كردە فیكرییەكانی ئەدەبیاتیش دوو ئاراستەی جیاواز وەردەگرن .ئەمە بۆ مەسەلەی سیاسەت و كولتوور و ئابووریش دەلوێت هەر هەمان ئاراستەی ڕاڤە فیكرەكانی وەرگرێت. لیریس شاعیرێكی فەڕەنسی هاوچەرخە بوو ،الی ئەو شیعر بەتەواوی لە ژیانی پراكتیكی خودی خۆیەوە دوورە. دیدگەی شیعری الی ئەو دەاللەتەكانی خەونن .ئەو 25
شاعیرەش وەك تەواوی شاعیرانی سوریالیستەكانی تر تووشی پەرتەوازەبوون بووە .هەموو شاعیرێكی پڕلە مەعریفە و لێوڕێژ لەڕاستگوتن لە دوو خودی جیاواز پێك دێت ،دەشێت خودێكی راستەقینە و خودێكی وەهمی بێت. یاخود خودێكی تایبەتمەند لەناو خۆیدا و خودێكی گشتگیری گشتی هەبێت(( .زمانی شیعرییەت دووانە مانایە و هەریەك لە مانایەكیان یەكتری تەواو دەكەن ،دووانە مانایەكان وێكڕا ناتەبان ،لێ لەهەمان كاتدا لێكجوودابوونەتەوە))* شاعیران كە بەزمانی ناوەوەی دەقەكانیان لەناو دەقدا دەدوێن .واتە گوتنێك لەناو كایەكانی گوتندا .كە بریتین لە دوو زمانی جیا ،وەك ئەوەی لەسەرەوە هەڵوەستەمان لەسەری كرد ،كە زمانی سەرەوەی دەق و زمانی ناوەوەی دەق بریتین :لە زمانی بنەڕەتی شاعیر .لە زمانی ناوەوەدا وەردكردنەوەی دیمەنگەلەكان و تەفسیری رەونەقدارتری لێدێتە بوون. ئەم قوڵبوونەوەی زمانەش هەڵبەتە بە مۆنۆلۆجی وردبوونەوە و داڵقاندنی رۆح و بیركردنەوەی بەرائەتئامێز و تەنانەت بیركردنەوە نامۆیەكانیش دەچێتە پرۆسەی بوونگەریی و جۆرێك لە دوو ڕەگەزی خود دەخوڵقێنێت 26
.واتە {{لەبەر هەمی هەموو نووسەرە مەزنەكاندا ڕووخسارێك لە دوو ڕەگەزیانە هەیە .نەبەوە مانایەی كە دەقەكان ڕەگەزیان هەیە ،لێ ئەو دەقانە بە جۆرە ڕاڤەیەك هەڵگری ڕووخساری سێكسگەرایی و ئیرۆتیكین و ئەو تیشكێكن كە تۆ بە چاوی سەری ڕووخسارانەش پەنجەكانتەوە هەستییان پێ دەكەیت **}}.ئەو شاعیرەی كە گەرەكیەتی خۆی لەنێو دەقەكانیدا بتوێنێتەوە بە هۆی زاڵبوون و چڕكردنەوەی زمان .هەروەك شاعیری گەورەی فەڕەنسی ماالرمێ الی وایە(( :بەزمانی شیعر ڕستە دروست دەكەین ،نەك بە ئەندێشە)) .شاعیر سەرەتا بەهۆی زمانەوە ئاراستەكانی خەیاڵ ڕێك دەخا و دیارییان دەكات .بۆیە دەلوێت شاعیر لەناو زمان وخۆیدا بتوێتەوە ئەوسا بێت لە دەقەكانیدا خۆی بتوێنێتەوە .وەها شیاوترە بگەڕێتەوە بەراییەكان و لەخاڵی سفری پەیڤە سپییەكانی ئەزەلەوە دەستپێبكات ،ئەو وێستگەیەی كەوا خودی شاعیرەكە قەناعەتی تایبەتی خۆی پێی هەیە .مەرجیش نییە هەموو دەقێك كۆتایی هەبێت ،وەك چۆن هەموو وێستگەیەك كۆتایی نییە .واتا دەشێت لە دوا چركەدا گۆڕانكاریی تێدا ڕووبدات و پرسیار و بەدگومانی بەدوایی 27
خۆیدا بەجێ بهێڵێت .ئەو شاعیرگەالنەی كەوا لەخودی یەكەمەوە تاوتوێ لەگەڵ خودی دووەمدا دەكەن بێگومان دەقەكانیان لە ژێر تیشكێكی (شێدار)ی جوانكیالنە دەمێنێتەوە (واتا هەر نووسراوێك هەڵقواڵوی ناوەوەی خودی نووسەر بێت ،زەحمەتە بەئاسانی بمرێت) .شاعیری جواننووس و ڕاستەقینە بەعەشقێكی قوڵەوە دەنووسێت و لەگەڵ زادەی ناوەوەی خۆیدا ڕاستگۆیە ،بۆ ئایندەی تەمەن دەنووسێت بەبێ بیركردنەوە لە دەرئەنجامەكانی .نالوێت شاعیر لە قوڕ و لیتەی مێژوویەكی ڕەش و دۆڕاودا بچەقێت و بانگەشەی داهێنانی شیعریش بكات .بۆ باسی چۆنیەتی شیعرییەت و خودی شاعیر و گەڕان بەناو ناوەوەدا ناشێت باز بەسەر ئەم خاڵەشدا بدەین ،كە هەردەقێك تەنیا جارێك لەناوەوەی شاعیر لەدایك دەبێت ،پرۆسەكانی تری وەك (پێداچوونەوە و پاكنووسكردن و جوانكاری و...هتد )ئەمانە دەكەونە خودی دەرەوەی كردەی یەكەمی شاعیر. شاعیرگەالنی خاوەن دیدگەی جیاواز هەمیشە لەناوەوەو دەرەوەی خۆیاندا بەدوایی خودێكی تردا دەگەڕێن و هەمیشە خودی جیاوازتر لەخوێندنەوە و گەڕان دەدۆزێنەوە 28
و لەپرۆسەی نووسنیشدا خودی جیاوازتر دەخوڵقێن. سارتەر لە كتێبی (ئەدەب چییە؟)دا ئاوڕ لەم ڕەهەندە دەداتەوە و دەنووسێت(( :پێشتر كەدەمگوت پێویستە ڕێگە چارەیەك هەڵبژێرین ،وتەكەم ناتەواو بوو :ڕێگە چارە نابێ و ناكرێ هەڵبژێردرێت .ڕێگە چارە دەبێ دابهێنرێ، بخوڵقێنرێ .هەركەس بەدۆزینەوەی ڕێگە چارەی خۆی، لەڕاستیدا خۆی دروست دەكات .مرۆڤ دەبێت هەموو رۆژیك خەریكی خۆ دروست كردن بێت)) .واتە مرۆڤەكان بۆ ئەوەی ڕێگەكانیان بگۆڕن دەبێت لەخۆیانەوە دەستپێبكەن و لەدەوروبەرییاندا ڕەنگ بداتەوە .ئاخر شاعیرمان هەیە لەخودێكی تر دەگەڕێ و خودی خۆشی ون دەكات .ئێمە مەبەستمان نییە شاعیر ببێتە بیرمەند و وەك فەیلەسوفێك بەناو تەواوی خودە جیاوازەكانی دونیادا گوزەربكات ،لێ ناشێت لەخودی خۆیدا خودەكانی تر نەدۆزێتەوە و لە شیعرەكانیدا ڕەنگ نەداتەوە .هەڵبەتە خود هەیە نەخۆشە ،نەخۆشی مەعریفەت و فیكری هەیە .ئێمە هەموومان نەخۆشین و خەریكی نووسینەوەی ئەو نەخۆشییەی خودین .ئەمە لەوە جیاوازە خود هەیە فیكری نەخۆشە و مەعریفەتی ناساغە .بیرمەند و ڕەخنەگری 29
گەورەی مەجەری جۆرج لۆكاچ الی وایە(( :هیچ شاعیرێك ناتوانێ بیرمەندێكی باش بێ و هیچ بیرمەندێكیش ناتوانی شاعیرێكی باش بێت)) .ئەوەی لەو وتەیەدا بەجێماوە ئەوەیە :شاعیر لەو دووفاقیەتی خودەدا تووشی بەیەككەوتنی كردە فیكرییەكان دەبێت و لەهەمان كاتیشدا ئاوی كانی بیركردنەوەی ڕوونتر دەبێت . هەموو جیهان ناتوانێت شاعیرییەتی لەخودی شاعیرێك بستێنێتەوە كە شاعیرێكی ڕاستەقینە ،هەموو ڕەخنەگر و خەڵكی ئەمرۆی جیهانیش ناتوانن شاعیرێكی پڕ سێبەر بكەنە شاعیرێكی ڕاستەقینە كە خودی ئەو شاعیرە ئەوەی لەبار دانەبێت .زۆر شاعیرانیش هەبوونە لەو سەردەمەی كەتێیدا ژیاون و بەرهەمەكانی خۆیان تێدا باڵوكردونەتەوە، لە زۆر روانگەوە پەراوێزخراون و وەك پێویست ئاوڕ لەبەرهەمەكانیان نەدراوەتەوە .شاعیریش هەیە بەدەیان نووسینی نەخۆشی لەسەر نووسراوە بەهۆی تەكلیفی زۆر و هونەری لەسەریەك نووسین و یەك دیدگەیی كۆیالیەتی و برادەرایەتی و لەسەر خۆنووسین بەناوی خوازراوەوە. ئاخر ئەوانە وەك دەبدەبەیەكی بچووك وان و هەوای زۆریان تێكراوە .ئەوەتە ژۆرژ التور كە نیگار كێشێكی 30
بلیمەتی فەڕەنسی سەردەمی شازدە و حەڤدە بوو، لەسەردەمی خۆی و ژیانیدا بە نەناسراوی ژیاوە ،لەبەر كۆمەڵێك رەهەند و هۆكار .كەچی لەسەدەی بیستدا تابلۆكانی كەوتنە بەر ڕۆشنایی و دان بەبلیمەتی و لێهاتووی ئەو هونەرمەندە نیگاركێشە نرا .لێرەدا ئەوەی شیاوەی گوتنی نێو نووسینە ئەوەیە كە نموونەی پێچەوانەمان لەناو ئەدەبیاتی كورییدا زۆرە .ئەویش بەهۆی هۆكاری سیاسەت و شارچییەتی و برادەرچییەتییەوە .كە هێشتان پەیان بە خودی خۆیان نەبردووە و بوونەتە ناوێكی قەبەی ناو بۆش . پەراوێزەكان: *وەرگێڕانی ڕووخساری ئەوانیتر /ڕەخنەی ئەدەبی - نووسینی چەند نووسەرێك – وەرگێڕانی لە سوویدییەوە : هەندرێن /لەباڵوكراوەكانی بەڕێوەبەرایەتی خانەی وەرگێڕان – زنجیرە ( )200چاپی یەكەم - 2010 الپەڕە22 **بڕوانە هەمان سەرچاوەی پێشوو – الپەڕە 125
31
32
دەسەاڵتی زمانی شاعیر لە ئاوێتەبوونی شیعرییەتدا شیعر گریمانەی دیوی شاراوەی زەمەنێكی ترە ،دەشێت ڕووبدات و دەشێت ڕوونەدات لەم زەمەنە وەهمە میتۆلۆجیەتییەدا ،شیعر مومكین نییە هەمیشە داینەمۆی وەرچەرخانی كۆمەڵگە بێت ،لێ ڕەنگە جموجۆڵێكی وەڕێنەئامێز بكات ،شاعیربوون ،بەر لە هەموو شتێك " واتە مرۆڤبوون " بەو واتایەی كە شاعیرگەلێك تەنیا لەكاتی شیعردا شاعیرن ،شاعیری ڕاستەقینە هەمیشە شاعیرە، جیاوازتر تێ دەفیكرێت و دەنووسێت ،جیاواز كۆالرەی ئایدیا گومانگەریی بەئاسمانی لیبڕاڵییەتدا هەڵدەدات، جیاواز دەژی و خۆی لە تەواوی ڕاستەقینە باوەكان ڕووت دەكاتەوە و خۆی ئامادە دەكات بۆ " خود "ێكی گومانگەریی ،چۆن شاعیری بێ ئەم ئاماژگەلەیە نەبوونی شیاوترە و چەشنی گوێزێكی كرۆك پووچگەرییە. 33
زمانی شاعیر ئاوێتەی رۆحی شاعیرە ،تەنانەت باكگراوندە فرە ڕەهەندەكان و وێنە فرە ئیستاتیكییەكان لە خەونە فانتازیاكانی شاعیرەوە دێنە وجوود ،وجوودێك كە زۆر جار بەرهەمێكی كاڵ و سادەی لێ دیەكەوێتەوە ،دەرناچێت لەو یاسایەی كە زمان بەسەری چەسپاندووە ،پێوەندی (زمانی شاعیر) و (پەیامی شیعر) پەیوەستبوونێكی رۆحییە ،ئەوەتە ئەدۆنیس وەها بۆچوونی دەوروژێنێت( :زمانی ئاسایی، زمانی روون كردنەوەیە ،لێ زمانی شیعر ،زمانی ئاماژەیە، شیعر ئەو شتانە دەڵێت كە بە زمانی ئاسایی ناگوترێت). شاعیر تەنیا ئەو كاتە دەتوانێت داهێنان بكات ،كاتێ لەسەر ئایدیالیستییەكاندا ،بەرامبەر لۆژیكی سانتمانتالیزمی جاویدانی وەستاو لەسەر پشتی نۆستالیژیای واقیعێكی تاڵ" ، بەزمانی شیعر " واقیعێكی شیرین لە مەملەكەتی شیعرییەتدا بینا بكات .پێویستە شاعیرگەلی ئێمە بزانن زۆربەی دەقە ئەدەبییە بااڵكانی جیهان زادەی مەعریفەن و تاكو ئەو سنوورە دوورە پەراوێزی ئیلهامن .پاراوبوونی زمانی نووسین و راخستنی بەرماڵی فانتازیا بەرەو ڕووگەی حەقیقەتێكی پڕ لە وەهم ،حەتمەن رەهەندگەلێكی لێوڕێژ لە واقیعە تاڵەكانی خورافاتێكی شیرین دەسازێنێ ،ئەم 34
سازاندنەش بەدەر نییە لە جیاوازی تیۆری میتافیزیقییەت و روحیەتی هیومانیزمی ،نووسیار( شاعیر ) هەمیشە ئەوە هەڵدەبژێرێت ،هەڵبژاردنی دژوار بە كۆمەڵێك بنیاتگەری فرە فۆرمالیست تێ دەپەڕێت و شەفەقی لیبڕڵییەتی شەبەنگبوونی نووسین بەسەر كۆمەڵگەكەیدا پەخش دەكات ،كۆمەڵگەش بەدەر نابێت لە كۆمەڵێك دەسەاڵتی نێگەتیڤ و خێڵەكی ،لێ تاكو ئەو ئەندازەیە دژ بەیەكبوون دروست دەكات ،هێڵی ئاسۆیییە ساختەكانی سنوور دەبەزێنێت .نەوەك چەشنی شاعیرێكی (كۆپیكراو) لە هەوڵی لەناوچوونی سەروەریەتی شیعر و فرە بەها پیرۆزەكانی شیعر بێت ،چونكە دەسەاڵتی شیعر لە تەواوی دەسەاڵتەكانی تری دنیا سەربەستترە ،مومكین نییە شاعیری جیاواز و سەراسیمای سەربەستبوون عەوداڵی دوڕیانی شەڕانگێزی و ساختەكاری بێت هەم بۆ خۆی و هەمیش بۆ خوێنەران .ئەی ئەوە نییە دەسەاڵتی شیعربوون سەربەست دەبێت لەبەردەم حوكمی " خودی یەكەم "ی شاعیر و تاكو سنووری تێكشكاندن ،سەربەست دەبێت .بیر و بۆچوون و ستایل و…هتد ،ئەم خااڵنەشم پێ شیاوی وەشاندنی فرە ئاماژەگەلەكانی بۆ چوونە ،كە خۆالدانە لە 35
ناوەندی دەسەاڵتەكانی ڕێبازیەتی شیعر و رێزمانی، بەواتای{ گەمەكردن بە وشە و بارگاویكردنی دیوی دووەمی پەیڤەكان و رەمزەكان } گەڕانەوەیە بۆ دەسەاڵتی ئەزموونگەریی هۆنیار و مێژووی رووداوەكان و فەزا فرە وااڵكانی دەقەكە .گەلێك جار رەهەندگەلێكی دژە بۆچوونەكان و ئارامگەی پەیڤە بارگاویكراوی ئایدیا گومانگەراییەكانی خۆی لە نێو مەالش دەدەن ،مومكینە لە دەسەاڵتی هۆنیار(شاعیر) دەچێتە دەر و هۆنیار دەبێتە خاڵی گومانگەریی و بەرهەمەكە خۆی ستایلی نادیاری خۆی و رێگاكانی لە دیدگە گەلێكی تر دەدۆزێتەوە ،بەبێ ئەوەی هۆنیار حوكم بكات. هەرچەندە زمانی شاعیر زمانی تاكێكە لە حەقیقەتدا ،لێ ئەو زمانە :زمانگەریشە و زۆر جار زمان بەرامبەر وروژاندن توانای نامێنێت و گوێ لە زمانی ناوەوە دەگرێت. پێم وایە كەسی شاعیر ڕێبەری كۆمەڵگەیە و پەیامێكی رۆحی خودایی هەڵگرتووە ،بۆیە كاتێك مرۆڤەكان دەگەنە نێوەندی تیۆرەكان ،هەم جیاوازتر دەبن و هەمیش كۆمەڵگە بۆیان لە دەروازەیەكی تر ڕادەوەستێت .دەكرێت هەر شاعیرێكی راستەقینە بە پێغەمبەری ئەو رۆحییەتەی كە 36
هەیەتی و تاكەكانی تری كۆمەڵگەكەی تێدا دەبینێتەوە، ناوزەند بكرێت .ئەی ئەوە چییە؟ كاتێك پێغەمبەری خوا دەیەوێت پەیامە ئاسمانیەكەی بە قوڕەیشگەل و پیاوانی نێرساالری بگەیەنێت ،لە وەاڵمدا پیاوانی قوڕەیش پێغەمبەر بە شاعیر ناوزەند دەكەن ،مومكین نییە پیاوانی قوڕەیش پەیان بەم میتۆلۆجە نەبردبێت ،كە پێغەمبەر شاعیری خودایە ،ئیتر ئەگەر شاعیر بەزمانی ساختە دەقە شیعرییەكانی خۆی ڕازاندەوە ،لە ڕوانگەیەكەوە تیرۆریستی نووسینە و لە روانگەیەكی تریشەوە تیرۆركاری بەها ئەخالقییەكانی مرۆڤدۆستی و ژیاندۆستییە ،جیا لەمانەش ئیرۆسی ئەدەبیەتی خۆی لە بەردەم تیۆرێك لە رەخنەكاری خاوەن جەبەڕووتی جوانكاری و جوانبینیدا، مەحكوم دەكات ،چۆن پەیامی شیعرییەت ناشێت نیشاندانی دەمامكی جوانییەكان بێت ،بەڵكو نیشاندانی خودی جوانییەكانە ،ئاماژەیە بۆ دیوێكی تری شتەكان كە بەچاوی ئاسایی نابینرێت ،بەڵكو ئەوە چاوی خەیاڵە پەی بەو جوانییانە دەبات ،ئەگەر شیعر هەڵگری پەیامی مرۆڤدۆستی و ژین دۆستی بێت ،شاعیریش زمانحاڵی نەتەوەكەیەتی ،كەچی زۆرجار شاعیر هێندە خەستی 37
وردەكارەكانی تەكنیكی بیناكەی نووسین دەبێت و تاكو ئەندازەی بەزاندنی پەیوەستبوون بە كارەكانی ،سنووری نەتەوەكەی دەبڕێت و پەی بە تەواوی دونیا دەبات، دەكرێت ئەوكاتە بڵێین " زمان حاڵی دونیا" بەو واتایەی هۆنیاری جاویدانی ،هۆنیاری ژیانە ،نەوەك تەنیا ئەو ژینگەیەی تێیدا دەژیت ،ئەگەر زمانی نووسینی هەر شاعیرێك زمانی نەتەوەكەی بێت بەپلەی یەكەم،؟ ئەوا بێگومان بەپلەی دووەم شاعیر زمانی جیهانیشە ،نابێت شاعیری جاویدانی بۆ رەهەندگەلێكی دەستنیشانكراو بنووسێت ،ئەو شاعیرانەی كاتێ داوی كۆالرەی خەیاڵیان دەپسێت و بۆچوونەكانیان دەوەشێنن وەها كە [شیعر تەنیا بۆ دڵی خۆیان دەنووسن ،ئەوانە شاعیرگەلی ساختەن و خاوەن چەكی نووسینێكی گوللە چرووكن]. پەیامی شیعری هیولی هەمیشە سەرقاڵی هەڵزنانە و ئایدیۆلۆجیایەك خەڵق دەكات،كە خودی شاعیر بااڵتر دەبێت ،دەكرێت لەم دیدەنیگایەشەوە هەڵوەستەی بۆ بكەین كە خودی شاعیریش دەمرێت؟ رۆحییەتی بەرهەمهێنەرەكەی هەمیشە لە كەفوكۆڵدا دەبێت .ئەی ئەوە هەر شیعر نییە تەمەن بااڵیی شاعیر درێژتر دەكات، 38
لەبەرامبەر سیاسەتمەندێك ،ئەم پرۆسەیە ئەوەندەی سەرقاڵ بوونە بە خەیاڵ ،مومكین نییە و نابێت ئەوەندە سەرقاڵی حەقیقەتی ژیان بێت ،پرۆسەی نووسین، پرۆسەیەكی مەعریفییە و كێشانی باكگراوندی ئایدیاگەلێكە لەسەر نەواری جوانبینی و یادەوەری مەعریفیەت ،لێ هۆنیاری خەڵكار هەمیشە سەرقاڵی پیالنی شەرانگێزییە ،بۆ هۆنەری بااڵ ،هۆنیاری بااڵش ئەوەندەی خەریكی رۆنانی پرۆسەی زمانی شیاوە و سەرقاڵە بەگەمە زمانەوانییەكان، نیو بەقەد ئەوەسەرقاڵی خۆشنودییەكانی ژیانە ،نە خەریكی پرۆسەی بەرژەوەندییەكانیەتی ،هەمیشە قوربانی دەدات و نازانێت ،ئاخر هەر نەزانین نییە وێستگەی یەكەمینی گومانە و دەووەمینی خۆخوێندنەوە و خوێندنەوەیە و سێیەمینی ئایدیای تەڕە و...هتد) ،دوایەمینیش نادیارە بۆ گومان ،گومانیش دوڕیانی حەقیقەتی وەهمەكانە ،بۆیە شاعیری جاویدانی دەزانێت :ئەگەر بمانەوێت بژین ،یان دەبێت ملكەچ بین ،یانیش دەبێت بجەنگین ،لێ جەنگی شاعیر ،جەنگێكی سەختە ،چۆن زۆربەی مرۆڤگەلی جیهان ژیان ناشاز و قێزەوەن دەكەن ،نووسەرانی خەیاڵ خافاڵو بەپلەی یەكەم و سیاسەتمەدارانیش بەپلەی دوو .سەیر 39
نییە كە زۆر جار شاعیر لەم جەنگەدا دەدۆڕێت و دواجار خۆی دەكوژێت ،ئەو هیچ جەنگێكی تری لەبەردەمدا نەماوە ،جگە لەجەنگی خۆكوژی!
*سوودم لە كۆواری هاوبەشی ژمارە 12ی ئەیلولی 2002وەرگرتووە ،گۆشەی وانێك ،لەنووسینی :غەمگین بۆڵی. * وشەی سانتمانتالیزم :بەواتای بەشداربوونی هەموو چین و توێژێك لەگەڵ كردەی فیكری و ئەدەبی دێت .وشەی فۆرمالیستیش ،مەبەست لەو كەسانەیە كە تەنیا گرینگی بە شێواز و فۆڕم دەدەن لە رووی واقیعەوە دوورن.
40
ژنێك پڕ لەهەتاوی بوێری بۆئەوەی هەرچی هەت ونیتە بەمن بچێ ... دەئەمجارەش كراسەكەم هەڵدەوە ".نیگار نادر "
دەستپێك وەك دەروازەی باسەكە : نووسینی ئەدەبیات گەڕانێكی گومانگەرییە بەدوای ڕێگە سانتمانتالیزمیەكانی بوون لەالیەن خودی نووسەرەوە .ئاخر نووسینی ئەدەبی ئەگەر جیاوازییەكی بنچینەیی تێدا نەبێت و پێكدادانی كردە فیكرییەكان دروست نەكات لەگەڵ ئەو بەرهەمانەی كە لە قۆناغەكانی تری ژیاندا نووسراون و لەمێژووی ئەدەبیاتدا بوونیان هەیە ،نەنووسینیان چەشنی نووسینیانە .تەنانەت كەرتە كەرپووچێك ناخەنە سەر باڵەخانەی ئەدەبیات .یەكێك لەخاسیەتەكانی دەقی 41
زیندووئەوەیە كە هێزی میتۆلۆژی رۆحی نووسیارەكەی تێدابێت و ئەو هێزە بەخانەكانی جەستەیدا هاتوچۆ بكات. شیعری جاویدانی و خودان نوێخواز ،چەندە پێویستی بە بنەما بنچینەییەكانی جوانیناسی هەیە ،بەقەت ئەوەش پێویستی بە هونەری جیاوازنووسین هەیە .ئاخر ئەو دەقانەی لەسێبەری دەقی تردا دەژین ،چەشنی مریشكی كوركن لەسەر هێلكەی باڵندەی تر گڕكەوتوون .شاعیر هەیە لەسێبەری دەیان شاعیری تردایە و بەردەوام سێبەرەكانی بە ڕەنگی وشەی بریقەدار دەڕازێنێتەوە .لێرەدا پرسیارێكی پڕ لە گومانگەریی لەبەردەمان قیت دەبێتەوە :كە بۆچی ئەو جۆرە شاعیرانە لەبڕی ئەوەی ڕاڤەگەریی لەبارەی الیەنە كاریگەرییەكان و تێركردنی سکی شیعرییان لەسەر خوانی دەقی شاعیرانی تر بكرێت ،كەچی شیعرەكانیان لەژێر كاریگەریی سۆزداری هێندە گەورە دەكرێن ،كە خوێنەری سادە الی وایە سەری داهێنانی لە هەور دەخشێت .ئەو فەزا ئاڵۆزەی ئەمرۆی ڕەخنەی ئەدەبی كوردی دروستی كردووە ،دەنگەلێكی زۆری تێكەڵی یەكتری كردوون .ڕەخنەی ئەمرۆی ئەدەبی كوردی كاریگەریی ڕاستەوخۆشی كردۆتە سەر دەقی ژنە 42
شاعیرەكان ،چونكە بەدرێژایی مێژووی ئەدەبیاتی كوردی دەقی ژن لە ژێركاریگەریی دەقی پیاودا بووە .تەنانەت ژنە شاعیری واهەبووە دەربڕینی پیاوانەی بەكار هێناوە و لە شیعرەكانیدا وەسفی زوڵفی خاوی كردووە .بۆ دەوڵەمەندكردنی باسەكەمان لێرەدا ئێمە باسی ئەوە ناكەین كە جیاوازی لە نێوان دەقی پیاو و دەقی ژن چییە ؟ یاخود ئایا دەقێك هەیە بەناوی دەقی ژنانەوە ؟ دەق هەموو ڕەگەزەكان لە خۆیدا كۆدەكاتەوە و لەهەمان كاتیشدا خۆی لەتەواوی ڕەگەزەكان ڕووت دەكاتەوە و ڕەگەزپەرستی قبووڵ نییە .لێ هەندێك دەربڕین لەدەقدا هەیە جیاوازی ڕەگەزەكان بە دیار دەخات .دیارە ڕەخنەش لەبارەی دەقی شاعیرە ژنەكان لەفیلتەری فیكر و مەعریفەتی ئەو خااڵنەی كە باسمان كردن سەرچاوەیان گرتووە .تەنانەت ڕەخنەی ئەدەبی كوردی هیچ ڕۆڵێكی كارای نەبووە لە دروستكردنی دەنگی شاعیری ژن .زۆرجار كولتووری ئەدەبیاتی كوردی بەهۆی گوشاری سیاسیی و گوشاری سۆزەوە هەمیشە لە هەوڵی پیرۆزكردندا بووە و دەنگگەلێكیشی فەرامۆش كردووە .نالوێت شاعیری بوێر سەركێش نەبێت ودژی ئەو كولتوورە نەخۆشانە 43
نەوەستێتەوە و بەیەككەوتنی كولتوورەكان و فرەدەنگی لە شیعرەكانی دروست نەكات .نیگار نادر یەكێكە لەو ژنە شاعیرانەی كە لە هیچ ژن شاعیرێكی كوردی ناچێت و هیچ ژنە شاعیرێكی كوردیش لەو ناچێت .ئەمەش بۆ جیاوازیكردن بۆ شاعیرێك زۆرە . ناوەڕۆك : هونەری جیاواز نووسینی شیعر ئەوە نییە كە دەروازەی فەزاكانی شیعر دابخرێن و كۆدەكانی چەشنی مەتەڵی لێ بێت .زۆرجار بەهۆی ڕەچاوكردنی جیاوازییەوە جەڵەوی هونەری جوانیناسی دەق لەدەست دەدەین و شیعرییەت لەشیعردا دەخەینە بەردەم چاڵی مەرگەوە .واتە لەپێناوی هونەری جیاوازنووسینەوە رۆحیەتی جوانیناسی شیعرییەت دەكوژین .ئاخر هونەری ئەم جیاوازنووسینە داهێنان نییە، تەنانەت هەاڵتنە لەواقیعی شیعرییەت و شاردنەوەی ئەزموونی كەم مەعریفە و الوازی كردە فیكرییەكانیشە. ئەنوەر مەسیفی ئەگەرچی پیاوی فۆرمە گرانەكانە و ستایلە باوەكانی شیعری كوردیشی ڕەتكردۆتەوە و خاوەن زمان و فۆڕم و دیدگە و ستایلی تایبەت بەخۆشی بووە ،لێ لە 44
هەندێك دەقە شیعرییدا لەبەر هێزی فۆرمی جیاوازەوە شیعرییەتی شیعرەكانی بوونەتە قوربانی .ئەمە كەم تا زۆر لەبەشێك لە ئەزموونە شیعرییەكانی محەمەد ساڵح سۆزەنیشدا ڕەنگی داوەتەوە .ئاخر هونەری جیاواز نووسین تەنیا الدان نییە لە فۆرمی باو و تێكشكاندنی كێش و سەروا و وێنەی سواو .بەڵكو كاركردنیشە لە ناوەوەی شیعر و گەڕانێكی هەمیشەیییە .كاركردنە لەفیكری شیعر و ڕەتكردنەوەی هەموو ڕێسا وكوت وكولتووری باو وستایلی دیاریكراوە .واتە لەبەر ڕەچاوكردنی هونەری جیاوازنووسینی شیعرەوە جوانبینی شیعرییەتیان لەشیعرەكانیاندا كوشتووە. شیعری زیندوو هەڵگری جۆرێك لە سەربەخۆیییە .شیعر بەشێكی لەبیرەوەری شاعیرەوە ڕۆحی نۆستالیژیای پێدەبەخشرێت . دیوانە شیعری ( بۆئەوەی هەرچی هەتەو نیتە بەمن بچێ دەئەمجارەش) ...ی ژنە شاعیر(نیگار نادر)ە ،كە بریتییە لە نووسینەوەی بیرەوەرییەكانی ڕۆژمێری ساڵی 2001ی شاعیر ،كە بیرەوەرییەكانی ساڵێكی تەواوی بەبێ پچڕان نووسیوەتەوە .ئەمە یەكەمین شاعیرە لە مێژووی ئەدەبیاتی كوردیدا توانیبێتی بەو هەناسە درێژە بیرەوەریی ڕۆژانەكانی 45
ساڵێكی بەشیعر بە بێ پچڕان بنووسێتەوە .هەرچەندە (بارزان هەستیار)ی شاعیریش لەدیوانە شیعری (ساڵێك لە نیگەرانی)دا بەشێكی زۆری ڕۆژەكانی ساڵێكی نووسیوەتەوە. لێ لە زۆر ڕۆژی ئەو ساڵەدا پچڕاوە .نیگار نادر عەشق لە پەنجەكانیدا تكە دەكەن و خۆیان بە هێزی شیعر دەنووسنەوە ،لێ جیاواز لەژنە شاعیرانی تر خۆی دەنووسێتەوە ،وەك دەنگێكی بوێر و نوێخواز خۆی لە ژنە شاعیرەكان تر جیا دەكاتەوە .خۆشی لە سێبەری ئەدەبیاتی پیاودا رووت رووت دەكاتەوە و هونەری شیعری بوێری ژنان بەرەو ئاقارێكی فراوان دەبات .ئەم شاعیرە هێندە بوێر و پڕ بەرائەت و پڕ جورئەتە لەگەڵ خودی ئەو عەشقە مەزنەی كە لەشیعرەكانیدا بوونیان هەیە ،بەرائەتی چێژ (چێژی دەق) بەسەر تەواوی وشەكانیدا دەتكێن. پائۆلۆكۆیلیۆ باشی پێكاوە كاتێك نووسیویەتی(( :عەشق یاسایەكە لەناو خۆیدا تەواوی یاساكانی تر كورتدەكاتەوە)). ئەم ژنە شاعیرەش تاكو تخووبی ڕووتبوونەوە عاشقی پیاوە . پیاوێكم هێناوەتە سەركۆشم و دەمەوێ بیخوێنمەوە و 46
پەڕ پەڕەی هەڵدەمەوە ئەوڕۆ گەیشتوومەتە چل و یەكەمین الپەڕە . ئەم ژنە شاعیرە بەوشەی سادە و خەیاڵی پڕ بەرائەت دنیایەكی جوانی دروست كردووە .واتە بەسادەترین كەرستەكانی نووسین و ستایلی دەربڕین كرۆكی ئیستاتیكای پێكاوە .بەبێ زۆری لە خۆكردن و پڤدانی وشەی قەبە ،نیشتمانێكی گەورەی شیعری بۆ خۆی دروستكردووە .كە نیشتمانی بەزاندنی سنوورە سوورەكانی ژنبوون و بەرائەتی ئێرۆتیكا .پێم وانییە هیچ ژنە شاعیرێكی كوردی بەقەت ئەم ژنە شاعیرە توانیبێتی هێندە بەڕۆحی ژنانەوە داهێنان لە جورئەتی شیعر و بوێری لەدەربڕیندا كرد بێت .لەم ئەزموونە شیعرییەی شاعیردا بوێری و جورئەت لەو پەڕی فانتازیای جوانی و ترۆپكی ئیستاتیكادان . ئێستا كراسە گوڵ زەردەكەم بۆ كورت بووەتەوەو هەتا سەرچۆكم دێت .ئەو پیاوە چاوزەردەش تاخوار چۆكم . 47
دەستت بێنە لەسەر ناوكمی دانێ و داخوا كوێ كۆتاییمە نەیبزێوی نەبۆخوارتر نەبۆ سەرتر ها ،دەنا كۆترەكانم هەڵدەفڕن . سارتەر بەدیدگەیەكی ئیستاتیكیانە باس لەوە دەكات كە خودی شاعیر بۆئەوەی زیاتر بەناو خۆیدا ڕۆبچێت و كەسایەتییەكی بەرز و خۆراگیری هەبێت ،پێویستە لەگەڵ خودی خۆی و تەواوی كولتوورە باوەكاندا بجەنگێت .ئەم ژنە شاعیرەش نازانێت سنووری نووسین چییە ؟ نەریتە باوەكانی دەربڕینیش وەردەگێڕێت و لە ڕوانگەیەكی بەرزترەوە پێی شیعرگەریی دەڕوانێت .كە لە زۆر فەزای ناو شیعرەكاندا شاعیر دەبێتە كۆتر و لە هیچ قەفەزێكدا ئۆقرە ناگرێت و حەزی هەڵفڕینی نامرێت .شیعر چەشنی ئەو كۆترە دەبێت هەمیشە لە هەڵفڕیندا بێت و هەموو قەفەزەكان رەتبكاتەوە .شیعر ئەگەر نەفڕێت و توانای تەی نەكردنی ئاسمانەكانی نەبێت ،ناتوانێت جیاواز بژیت و قۆناغەكانیش ببڕێت .نیگار نادر لەم قۆناغەی شیعرییەیدا خۆی لەتەواوی ژنە شاعیرەكانی تر جیاكردۆتەوە ،هەمیش بەباڵی بوێری لەهەموویان بەرزتر هەڵفڕیوە . 48
گیانە " با "شت فێر كردووە رۆژێ دەجار تەنورەكەم هەڵداتەوە و كاڵوەكەم لەسەر بفڕێنێ . كەرستەی سەرەكی نووسینی شیعری جاویدانی هەڵزنانی وشەی جوانە بەبااڵی فانتازیاوە .لەم شیعرانەی نیگار ناردیشدا حەزێكی گەورەی هەڵفڕین هەیە ،بەباڵی كۆترەكانی بەرائەت هەڵدەفڕن .لەپشتی ئەم شیعرانەشەوە عەشقێكی گەورە بوونی هەیە ،كە عەشقی پیاوە .شاعیر بە خەیاڵی هێندە ناسك شیعری نووسیوە ،زێدەگۆیی نییە كە بڵێم :شیعری نیگار نادر لە پەڕی گوڵ و باڵی پەپوولە دەچێت .هەر بۆیە دەگەینە ئەو واقیعەی كە عەقڵی شاعیر بەتەنیا ناتوانێت شیعر درووست بكات ،بەڵكو سەیری كردەكانی دەكات و دەبێتە سەركاری كردەكە كاتێك كە شیعر دەنووسی .ئەگەر بچینە ناو ناخی ئەم كۆپلە شیعرەیە دەبینین هێزێكی گەورەیی ئێرۆتیكا هەیە .ئەم هێزی ئێرۆتیكایەش ئاوێتە بووە بە وردە كارییەكانی رۆژانە و نهێنییەكانی حاڵەتی ئێرۆتیكا .
49
سەرم بخورێنە ئەوڕۆ دێمە سەر زگت و ژیان لەخۆم دادەماڵم . ئەو ڕۆش هەتاو بەپەلە خۆی بە ژوورەكەم داكرد .كەگەیشت بینی دیسان لەپێش وی زەرد زەرد لەسەر الیەكی ڕانم و سیسەمەكەم كەوتووی پێمدا هەڵدەكشێی . زمانی بوێری شاعیر لەتركاندنی نهێنییەكان ودەربڕین بوێرانە ،خاڵی سەرەكی تەقینەوەی شیعرییەتی شیعری نیگار نادرە .بۆیە لەئەزموونی ئەو شاعیرەدا شیعر نووسین بەهرە نییە و بەس ،ئەگەر هەر بەهرەبایە ئەوا كانیاوی هیچ شاعیرێك وشكی نەدەكرد .ئەگەر عەقلیش داینەمۆی شیعر بێت ،ئەوا جورئەت كردن و ستایلەكانی دەربڕین و تەكنیكەكانی نووسین فاكتەرێكی بنەڕەتین .هەموو مرۆڤێك لەناو خۆیدا بیرمەندێكە ،لێ ئەنجامەكانی بیركردنەوە فاكتەرێكی سەرڕێژن لەسەر چۆنیەتی كردارەكان .هێزی بیركردنەوەش گەورەترین هێزە بۆ تەواوی پرۆسە ئەدەبییەكان .هەر بیركردنەوەشە كە تەواوی دونیا بەڕێوە 50
دەبات .ئەدیسۆن الی وایە كە هیچ كارێكی بە نرخی بە شێوەیەكی ڕێكەوت ئەنجام نەداوە ،هیچ یەكێ لە داهێنانەكانی لە ڕووی ڕێكەوتەوە نەبووە ،بەڵكو ئەنجامی بەرهەمی كار وكۆششەكانی بوونە .واتە تەواوی كردەكان پێویستییان بە هەوڵی جددی هەیە .ئاخر كاركردن لە پرۆسەیەكی وەهادا زەخیرەیەكی لەبن نەهاتووی دەوێت و پێویستی بە هەوڵی زۆر جددی هەیە .بۆیە شیعری ئەم ژنە شاعیرەش بەخەیاڵێكی هێندە جوان و ناسك نووسراوە، كە لەسەر سینگی پیاودا خۆی لە ژیان دادەماڵێت و هەموو دونیا لەوێوە ڕا دەبینێت .واتە باوەشی پیاوە دەالقەیەكە بۆ دونیابینی ئەم ژنە شاعیرە .لەم دەالقەیەشدا جنێوی جوان بە دونیا دەدات ،جنێوی رۆمانسی و لەززەت بە پیاو دەدات .ئەم گوڵە جنێوانە بەئاوی ئێرۆتیكا ئاو دراون . سەرلەمۆبایلەكەت دەردێنم و دەنووك لە ڕۆحت دەدەم ئەوا چیت لەمن كردووە ئەمشۆ وا ئەو ڕۆ هەموو دونیام لێ دەبارێ هەی سەگباب . 51
كراسێكم لەڕەنگی زەردەپەڕێ لەبەر كردووە زمانم دەردێنمەو لەبەر ئاوێنە لێی دەڕوانم دەبینم پیاوێك هاتووەتە ناو زمانمەوە بەتۆ دەچێ ئەتۆی دەزانم سەگباب . (هونەری جنێودان) لەم دیوانە شیعرییەدا لەترۆپكی جوانیدایە .بەكارهێنانی جنێو لە ئەدەبیاتی كوردیدا ئەگەرچی تازەنییە و شاعیران و نووسەران بەچەندین شێوەگەریی جیاواز كاریان لەسەر ئەم هونەرە كردووە ،لێ پێم وایە تائێستایش (شێخ ڕەزا) لەترۆپكی ئەم هونەرەدایە. لەگەڵ هەموو ئەو هەواڵنەش پێم وایە هێشتا وەك پێویست گرینگی بەم هونەرە نەدراوە .نیگار نادر هونەری جێنودانی بە دیدگەیەكی ژنانە و هەستێكی مێینەی ڕۆمانسییانە بەكارهێناوە و دەست بااڵیی خۆی نواندووە بەسەر ئەدەبیاتی كوردیدا .وشەی (سەگباب) كە زۆرجار لەحاڵەتەكانی ترۆپكی خۆشنودی و لەززەتی ژن لەبەرامبەر پیاو بەكاری دەهێنێت ،ئەم وشەیە لەم دیوانەیەدا هێندە بە زمانێكی مێینەی شیرین بەكارهێنراوە ،خوێنەر 52
حەزناكات لەسەریاندا ئێستێك بكات و حەز دەكات لەهەموو شیعرێكدا لەبڕی كەسی مەبەست سەگباب بكرێت . ئەوڕۆ لەبن تۆڕا لەژیان دەڕوانم ئەی ژیان لەبن تۆڕا چەند گەرم و جوانە سەگباب . شیعری جوان بۆ ئەوە دەست پێناكات كە كۆتایی پێبێت، بەڵكو بۆ ئەوە دەست پێدەكات كە چەندین دەستپێكردنی تری لەدواوە بێت .هەمیشە خوێنەر ناچاری گەڕانەوە و شیعر :عەقڵ لێك هەڵوەستە لەسەركردن بكات. هەڵدەوەشێنێتەوە و خۆی عەقڵێكی تری بە بەردەخات و عەقڵێكی تر لە پرۆسەی شیعرییەتدا دروست دەكات .واتە ڕەگێكی بنەڕەتی شیعرییەت بەندە بەچەمكی فەلسەفەوە، هەربۆیە رووخساری شیعر زۆرجار چەشنی وتەیەكی بەهادار خۆی دەنوێنێت .سەیركردنی تەواوی ژیان لە گۆشەنیگای ئێرۆتیكاوە (لەدەالقەی پیاوەوە) بۆ ژنێكی وەها عاشق ودڵگەرم چەندە جوان خۆی دەنوێنێت .ژیان بە 53
عەشقی گەورەوە جوانە .ئەو عەشقەی كە مەنزڵگەی نهێنییەكانی شاعیرە .لەم كۆپلە شیعرانەی نیگار نادردا هەست بەوە دەكەین كە شیعرەكانی ئەو ژنە عاشقە باولی نهێنییەكانیەتی و پۆرترێتی ئەوان ئەو ڕۆژانە كە خۆی تێدا نووسیوەتەوە .
دەرئەنجام : شاعیرمان هەیە خاوەن یەك پەنجەرە و یەك دیدگە و یەك خودە ،هەمیشە لەناوەوەی شیعرەكانیدا خوێنەر هەست بەجۆرێك لە وشك بوونی خەیاڵی دەكات. تەنانەت كاتێك بەناوساڵەوە دەچێت (تەمەنی گەورە دەبێت) نابێتە خاوەن دیدگەی تایبەت بەخۆی و جیهانبینی وێران دەبێت و توانای تەیكردن و فڕین و هەڵزنانی نامێنێ .نیگار نادر هەم بناغەی جیهانبینی شیعرییەتی لەشیعرەكانی خۆیدا بنیاتناوە ،هەمیش ئەزموونی شیعری خۆی نوێكردەوە و شیعری ژنانی كوردیشی دەوڵەمەندتر كردوە .لێرەدا مەبەستمان ئەوە نییە كە دەقی تازە و شاعیری نەوەی نوێ هەڵگری جۆرێك لە دوو خودییە و 54
خاوەن دیدگە و جیهانبینی خۆیەتی ،چونكە لە دونیای ئەدەبیاتدا هیچ تەمەنێك پێوەر نییە بۆ چۆنیەتی دەق و مۆڕاڵی شیعرییەت .بەڵكو دەرئەنجامەكانی قوڵبوونەوە بەناوەوە و دەرەوەی خودی شاعیر و زاڵبوون بەسەر زمان و تۆكمەكردنی زیاتری مەودای جیهانبینی و گەڕانی هەمیشەیی ئەو ڕاستییە دەسەلمێنێت ،بۆیە پێم وایە شیعر ئەگەر قسەبێت بەزمانی نووسین ،قسەیەكە رۆحی هونەری كوتكراو و جۆشدارە لەكایە پڕ مەعریفەكانی شاعیردا، كەدەكرا هەمان ئەو قسەیە نووسینێكی ڕووت بایە ورۆحی هونەری شیعرییەتییان تێدا نەبایە .شاعیر لەدیوارەكانی شیعرییەت و جوانیناسی بیرەوەرییەكانی بە قوڕی بوێری و ترۆپكی جورئەتكردن سواق داوە ،لەئێوارەیەكی بەعەتری عەشقی پیاویش ئاوڕشێنی رۆمانیسیشدا كردوون .هەربۆیە وا لە خوێنەر دەكات هەمیشە بگەڕێتەوە سەری و لەگەڵیاندا بژیت .بێگومان ئەمەش یەكێكە لە بنەمای سەركەوتووی شیعر .كە شیعر نابێت بەیەكجار خوێندنەوە بمرێت و جوانییەكانی خۆی لەدەست بدات .
55
ئەم ئەزموونەنوێیەی نیگار نادر پێم وایە لە داهاتوودا دەبێت بە ستایلێكی زیندووی شیعری ژنانی كوردی و ستایلێكی تایبەتیش بۆ خۆدی نیگار نادر . پەراوێز وسەرچاوە: *بۆ ئەوەی هەرچی هەتەونیتە بەمن بچێ دەئەمجارەش _شیعر (بیرەوەری) _ نیگار نادر/لەباڵوكراوەكانی دەزگەی ئاراس _ژمارە 292:چاپی یەكەم 2002-
56
شیعر پێشەكی بۆ چییە ؟ شیعر پێشەكی نووسینی قبووڵ نییە و هیچ پێشەكییەكیش خوێنەر لەشیعردا كۆناكاتەوە .شیعری زیندوو خۆی پێشەكییەك بۆ خۆی دادەنێت ،خۆی دەروازەی خۆیەتی. لێ لەئەدەبیاتی ئەمڕۆی كوردییماندا پێشەكی نووسین بۆ دیوانە شیعرییەكان بۆتە مۆدەی بەشێك لە شاعیران ،ئەم مۆدەیەش لەوەوە سەرچاوە دەگرێت كە زۆرێك هانای ناو پەیداكردن و دووبارە خۆنوێكردنەوە بۆ (بەختیار عەلی) دەبەن .هونەری بەمۆدەبوونی پێشەكی نووسین بە پێنووسی بەختیار عەلی جیا لە دیوانە شیعرییەكان ،بەشەكانی تری ئەدەبیاتیشی گرتووەتەوە ،تەنانەت چۆتە نێو پرۆسەی وەرگێڕانیشەوە ،ئەوەی لە سەیر و سەمەرەی ئەو بەزمەستانە دەمێنێتەوە ئەوەیە كە بەختیار عەلی پێشەكی بۆ هەندێك كاری وەرگێڕانیش نووسیوە كەناوبراو هیچ لەبارەی ئەو زمانەوە نازانێت .لێرە بۆ ئەوەی قسەكەكانمان نەكەونە بازنەی گومانەوە ئاماژە بەكارێكی وەرگێڕانی 57
وەرگێڕی بەتوانا بەكرشوانی دەدەین كە ناوبراو رۆمانێكی ئورهان پاموكی لە توركییەوە كردووە بەكوردی ،كەچی بەختیار عەلی پێشەكی بۆ ئەوكارە وەرگێڕانەی بەكر شوانی نووسیوە .بەزمی ئەو بەزمەستانە ئەوەیە كە لەسەر ڕووپەڕی بەرگی كتێبەكان بە خەتێكی درشت دەنووسن { نووسینی پێشەكی /بەختیار عەلی} یان {بەختیار عەلی پێشەكی بۆ نووسیوە} ،لەدواوەی بەرگەكەش چەند دەربڕینێكی ناوبراو دەردەهێنن .هەندێك وەها كۆترەباریكەی هزریان دەفڕێنن ،هەركە بەختیار عەلی پێشەكی بۆ دیوانە شیعرییەكەی نووسی ئیدی ئەوە دەبێتە دەنگی شیعری ڕاستەقینەی نێو ئەدەبیاتی كوردی .لێرەدا ئێمە كێشەی ئەوەمان نییە كە بەختیار عەلی چییە و چۆن دەنووسێت؟ كێشەكە بەمۆدەبوونی دیاردەكەیە .جیا لەوە من دەمێكە گەیشتوومەتە ئەو قەناعەتەی كەوا شیعر نووسینی پێشەكی پێویست نییە ،شیعر هیچ پێشەكییەك لەخۆیدا قبووڵ ناكات .تەنانەت پێم وایە زۆرێك لە خوێندنەوەی سەرەتای لەدەرئەنجامی خوێنەران پێشەكییەكە بەهەمان ئەو ئاڕاستە فیكرییەدا دەڕۆن كە پێشەكی نووس لەسەروەختی خوێندنەوەكەی بۆ 58
شیعرەكاندا پێدا ڕۆیشتووە .یاخود خوێنەر بەهەمان ئاڕاستەی پێشەكییەكەدا دەچێتە ناو پرۆسەی خوێندنەوەكە .بەواتایەكی ڕوونتر خوێنەر بە شوێن پێی هەنگاوەكانی پێشەكی نووسدا دەڕوات و كۆاڵنی شیعرەكان تەی دەكات .لێرەدا دەشێت بە قورمیش بوونی خوێنەر ناوزەندی بكەین ،چونكە بەشێكی زۆری خوێنەری كوردیی بەدوای ناوەوەیە نەوەك شیعر و كڕۆكی دەق .لێ ئەوە بۆ شاعیرێك كە نزیكەی نیو سەدە ڕەشماڵی شیعرییەتی خۆی لە هەواری ئەدەب هەڵدا بێت كارەساتە بێت لە ڕێگەی دووبارە ناوپیداكردنەوە و نوێبوونەوەی ناوەكەی لەالیەن خوێنەری كوردییەوە داوا لەنووسەرێكی پڕ خوێنەرتر بكات پێشەكی بۆ دیوانە شیعرییەكەی بنووسێت. ئاخر ئەم مۆدەیەی پێشەكی نووسینانە زیاتر لەبازنەی پیاهەڵگوتن و چەپڵەی نووسیندا دەخولێنەوە .هەرچەندە بەندە لەنووسینی پێشەكی كتێبی شیعریی (من و تۆ و عەشقی )ی شاعیری الو ڕەشید بێ بەشدا تاكو ئەندازەیەكی بنەڕەتی شەختەی ئەو گۆمە بەستووەی شكاندووە ،لەبڕی چەپڵەی نێو نووسین و پیاهەڵگوتنی هاوڕێیانە ،لەچەند ڕوانگەیەكی گشتگیرەوە چەند ڕوانینێكی 59
ڕەخنەیی لەبارەی شیعرەكانی ناوبراوەوە دەربڕیوە .لێ لەكتێبگەلێكی تردا گەلێك چەپڵەی نووسینم لە پێشەكی نووسین بۆ شیعریی چرووك لێداوە ،بە وشەی بریقەدار سینگی الفی گەورەبوونم دەرپەڕاندووە .تەنیا دەزانم ئەوكاتانە هێندە دڵخۆش بووم بە پێشەكی نووسین بۆ كتێبی شیعریی ئەو شیعرنووسە الوانە ،تاكو ئەو ئەندازەیەی الفی خۆبەزلزانینم پێوەیان لێدەدا .من چەندە مەلە باسكەی بێئاگاییم لەنێو ئەو دەریایەدا بەهەڵە كردووە و خۆشم وەك ڕێنیشاندەریان نواندووە ،لەكاتێكدا خۆم پێویستم بە رۆشنبوونی ڕێگەكانی نووسین هەبووە .بەشێك لەو كتێبە (شیعر)ییانەی كەتاكو ئێستا باڵوبوونەتەوە بریتینە لە :كتێبە شیعری (زمانی عەشق)ی كاروان عەلی و كتێبە شیعری (فرمێسكی ماڵئاوایی)ی ڕابەر فاریق و كتێبە شیعری ( وردە هەناسەكانی ڕۆح )ی پێشەوا هاشم و كتێبە شیعری (عەشقی تۆ بێ وێنەیە )ی نافیز عەزیز و كتێبە شیعری ( ناڵەی عەشقێكی شێت )ی هاوڕێ سەفین جەالل و كتێبە شیعری(بۆعاشق بووی ؟)ی رێبوار شێروانی و كتێبە شیعری ( من و تۆ وعەشق )ی ڕەشید بێ بەش و كتێبە شیعری ( بۆنی سووتان )ی بێگەر حوسێن .دیارە 60
بەشێكی تریش تاكو ئێستایش باڵونەبوونەتەوە ،لێرەوە ئومێد دەكەم هەر باڵونەبنەوە ،كەباڵویش ببنەوە بەنووسینی پێشەكییەكەی منەوە باڵونەبنەوە. شیعر كە شیعر بوو خۆی بەباڵی شیعربوونی خۆیەوە دەفڕێنێت و ئاسمانەكانی دونیای خوێنەران تەی دەكات. شیعریش كە شیعر نەبوو بە پێشەكی نووسین نە دەبێتە شیعر و نە باڵی فڕینیش دەگرێت .من سەرەتا داوای لێبووردن لە هەموو ئەوانە دەكەم كە پێشەكیم بۆ (شیعر)ەكانیان نووسیوە ،لەكۆتاییشدا لە خودی خوێنەران .
61
62
سەختە لە فەزای ڕاڤەگەریی نەگەین لەم گاڤە هەستیارەوە ،عومری پێنج مانگ زێتر بریندار دەكرێت و تێدەپەڕێت ،ئۆباڵی ئەم هەموو غەدرە فەنابوونە بە ئەستۆی هەفتەنامەی ((پاڵە))* .سەیرە ئەمڕۆ سیاسەت ئەوەندەی ڕۆڵی الستیكێكی پارە دەبینێت ،مومكین نییە ئەوەندە ڕۆڵی ئەكتیڤ ببینێت لەكایە پڕ مەعریفەكان ،بێ شك مرۆڤگەلێك تەنیا بۆ ئەوە بااڵبوونە ،كە دەوروبەرەكەیان بچووكە ،یاخود بۆ سەركوتكردنی هاودژەكانیانە ،بۆیە هەر باڵوكراوەیەك ماهیەتی نووسیارەكانی خۆی نەگرت ،مومكینە سبەی كرمی گەندەڵی چاوی هەڵكوتێـت .گەندەڵی لەسەرەتا منداڵێكی هەتیو و شەرمن بوو ،لێ هەنووكە بەدفەڕترین منداڵی هەزاران باوكە! ،لە گشت ڕەهەندە جیاوازەكانەوە .لەم نێوەندە ،ڕۆحیەتی هیومانیزمیەت دەمرێت ،ئەمڕۆ نووسبارگەلێكی ساختە و دیاریكراو بۆ كڕۆكێكی پووچگەریی دەنووسن و ئەوەندەی ڕۆڵی كادیرێكی حیزبی 63
دەگێڕن ،مومكین نییە نیو ئەوەندە هەوڵی نووسەربوونیان بدەن .چۆن نووسباری حیزبی هەمیشە مەرگی نووسینەكانی لە كفنی سیاسەتی حیزبەكەی دەنێت ،لێ لە خاڵی سپێلنێزمیەتی بێئاگابووندا گیر دەخوات بەدەست نەزانین ،ناشێت نەزانین الی نووسبارگەلی حیزبی ئەوەندەی ترسنۆكی و بێ متمانەی بێت ،ئەوەندە گومان و پرسیاركردن بێت. دەرپەڕاندنی بۆچوونی بێهۆش ،بە تەریقبوونەوەی نووسەر كۆتایی دێت ،بۆیە هەر بەو واتایە ناشێت {خۆم بخزێنمە، بااڵی درەختە سەوزەكانی تەمەن}** شیاوی گوتن و نووسین بێـت ،ئاخر {خزاندن} لە واتادا ڕۆڵی شۆڕبوونەوە دەبینێت ،بە حوكمی هیچ یاسای نووسەر و ئایینی نووسینێك ڕۆڵی بەسەركەوتن و هەڵزناندن نابێت ،بۆیە نووسبار نیچڕالیزمیەتی بۆچوونەكانی بە ئایدیا لیستییەكاڵەكان بە جۆرێ شێواندووە ،خوێنەر (كەسی وەرگر) فریو بدات ،هەر بۆیە لە ڕاڤەگەری( .گەر دەتەوێ بۆنی پرچ و ئامێزی گەرم چێژ بكەی) خۆی لێ مەاڵش داوە و چەكی نووسینێكی دەست نەكەوتووە ،كە شیاوی نووسین بێت .ناشێت بۆ ئەبەد وەها لە هزراندنی 64
كەوتبێتەوە كە (بۆنی پرچ و ئامێزی گەرم چێژ بكرێت) دیارە نووسبار پەی بە میتۆلۆژیەتی بێئاگابوونی بردووە، بۆیە خۆسپاردن بە دنیای بێدەنگی جوانترین پەیامی نووسباربووە .شاعیری ڕاستەقینە ،خاوەنی شیعری جاویدانییە و هەرگیز تیری بۆچوون و بەرسیڤە ڕەخنەیییەكان وەها ناوەشێنێت( :ئازیزم پیاو عەیبە باسی خۆی بكات ،بۆیە من باسی خۆم ناكەم) ،ئەم ئاماژگەلەیە ئەوەندەی لە قسەی كاڵی پیاوێكی سەر شەقام دەچێت، مومكین نییە لە قسەی (شاعیرێك) بچێت ،جیا لەوەش ناشێت ئایدیایەكی خۆت ،بەمندا قااڵ كەیتەوە و بیكەی بە موڵكی من ،ڕەخنەگرتن لە ڕەخنەوە دەبێت دەرهاویشتەی بەرسیڤ و بۆچوونە ڕەخنەیییەكان بێت ،نەوەك پەرتبوون بێت بەنێو نەوای تیۆرەكان ،تاكو ئەو ئەندازەیەی كە خودی خۆت بۆ كۆنەكرێـتەوە ،ڕەخنەكاری ئەوەندەی بە دوای فەزا نادیارەكانی دەقەكەدا وێڵە ،مومكین نییە ئەوەندە عەوداڵی پیاهەڵدان بێت ،ئەوە كاری ڕەخنەگرانە بەنێو حیكمەتەكانی دەق و ئەو فەزایانەی كە نووسەر پەی پێ نەبردووە ،یاخود ئەو فەزایانەی بە سەقەتی بنیاتنراون بەسەریان بكاتەوە .ڕەخنەباری ساختە ئەوەندەی خاوەن 65
بەرهەمەكەی گەرەكە ،ناشێت بەرهەمەكەی گەرەك بێـت ،بۆیە دەشێت لە تەواوی راڤەكارییەكەمدا هەوڵی تەكنیككاری بینای شیعر و لیبڕاڵییەتی ڕەخنەم دابێت، ناشێت (دڵشاد میراودەلی) ئەو بەرگەم پێبپۆشێت ،كە بەرگی من نییە ،لە پشتی نووسینەكە و ئەودیوی بۆچوونەكان و واتای فانتازیای وشەكان ،بانگەشەم بۆ شیعری نوێ كردبێت ،یاخود تیری ئاماژەیەكم ئاراستەی (یاساكانی شیعر) كردبێـت ،كەچی دڵشاد میراودەلی بەرسیڤی بە بۆچوونگەلێك رازاندۆتەوە بۆئەوەی ئیمان بە خوێنەر بهێنێت ،كەچی من لەخەوی راڤەكارییەكانیشم، ئاماژەم پێ نەداوە ،كەچی نووسبار بەپای پەتی بەتاریكستانی ئەو بۆچوونانەدا رادەكات و هاوار دەكات {مەرجەكانی شیعری نوێ زۆر و زەوەندن} ،یاخود {یاسا و رێساكانی شیعر پێش بەند و پاش بەند ،}...ئیشكالیەتی بەرسیڤەكەی نووسبار ئەوەیە ،كە ڕاڤەگەرییەكەی ئەوەندەی وێڵی فەزای بێئاگابوون و وێنەی شێواو و سەقەتی شیعرە ،مومكین نییە تۆزقاڵێك شڕۆڤەی شیعری نوێ و یاساكانی كردبێـت .پێش ئەوەی پڕۆسەی ڕەخنەكاری دیدگەیەكی ڕۆشنفیكری بێت ،دیدگەیەكی 66
ئەخالقیشە ،نالوێت ڕەخنەكاری وەك كردەیەكی ئەدەبی زۆر جار نەكەوێتەوە ،ئەوەش بێتوانایی ڕەخنەیار ناگەیەنێت ،دەكرێت بێتوانایی نووسەری دەقەكە بگەیەنێت ،ئەو ڕەخنەیارانەی بە ڕەخنەكانیان بتێك دەسازێنن و بۆ ئەبەدیەت دەیپەرستن ،ئەوانە بەدوای رۆحیەتی لیبڕاڵیەت وێاڵ نەبوونە ،هەر لەم گاڤەی ژیانەوە بەیانی مەرگی نووسەربوونی خۆیان دەكەن ،بۆیە نووسباری بەڕێزی {وەاڵمێك بۆ نوسەری چەند تێكستە شیعرێك}، دەكرا زێتر هەڵوەستەی لەسەر راڤەكارییەكە كردبا و نۆستالیژیای لۆژێكە فرە ڕەهەندەكەی دەست نیشان كردبا، بۆ بەرسیڤەكەش شتێكی نووسیبا ،كە شیاوی نووسین و بەمێژووبوونی نووسینەكەی بایە ،نەوەك بەم چەشنە شوناسی ڕق كاریگەریی بەسەر نەستی ورووژاندنی بەرسیڤەكەیی هەبێت و بنووسێت {پەرتووكەكەی من هەست و نەستی داگیر كردی ،ئیرەییت پێ بردووە ،تەنیا سەیركەن (غەمگین) ئاو لەكانییەك دەخواتەوە و بەردیشی تێدەكات} ،نووسبار دەكرا زێتر ڕاڤەی رەخنەكانمی شی كردبایەوە و شوناسی لۆژێكەكەی خۆشی بەیان كردبایە، نەوەك بە ڕازاندنەوەی رستەگەلێكی ڕەنگاو ڕەنگ و 67
بۆچوونی چەند نووسەرێك لە كڕۆكی شرۆڤەكە و ئایدیالیستیەكانی پێداهەڵدان بەخۆی شتێكی مردوو دروست بكات ،ناشێت ئەم تەرزە نووسینە ،بارتەقای تۆزقاڵێك لەبەر چرای تیۆرێك لەبەر رەخنەدا نووسرابێت، جیا لەوەی كە نووسبار مەرگی بێئاگابوونی خۆی لە تیۆرەكانی ڕەخنە و ڕەخنەیاری هیومانیزمیەت ڕادەگەیەنێت ،تەواوی ئەو نووسینانەی دەرهاوێشتەی ڕق و كینەن ،لەبەر بێ مەعریفەتی دەمرن ،دەشێت هەر بە مردوویش لەدایكبووبن ،لە تەواوی نووسینەكەی نووسباردا، نووسبار لە بازنەیەكی گومانگەریی لە خودی خۆیی و خۆدەربازكردن لە هەقیقەتەكاندا دەخولێتەوە ،كەچی لە دواماهیشدا دەكەوێتـەوە سەر هەمان خاڵی دەستپێكەوە ،كە ئەمەش ئەو پەڕی پەتای نووسبار دەگەیەنێت .ناشێت لەو كانیەی تۆ پێت شیاوی ئاو خواردنەوەیە ،من تفەركی ئەو ئاوەكە بكەم ،كە تۆش رەخنەت بەالتەوە بەرد تێگرتن بێت ،دەشێـت الی من گواڵ تێگرتن بێت .كە لە هزراندنی تۆدا وەها كەوتۆتەوە ،كە دەقەگەلێكی من لە هەناوی دەقەكانی تۆدا لەدایك بوونە ،ئەی بۆچی هەڵوەستەت لەسەر هەردووك دەقەكەدا نەدەكردوو خاڵە هاوبەشەكان 68
و كاریگەرییەكانت دەشت نیشان نەدەكرد ،الت وایە لە تەواوی تیۆرەكانی ئەدەبدا ،پڕۆسەی نووسین قسە دەرپەڕاندن و دەرهاوێشتەی وڕێنەی شاعیریەتییە؟ ،بۆیە نووسبار ئەوەندەی لە هەوڵی دەرخستنی بە سوپەرمانبوونی شاعیریەتی خۆیدا وێڵ بووە ،ناشێت كەمێك بەالی باگراوەندە میتۆلۆژیە ڕەخنەییەكاندا چووبێت. سەیرترین ئیشكالیەتی دلشاد میراودەلی ئەوەیە كە شارەزای بنەماكانی ڕێنووسی یەكگرتووی كوردی نییە و بە زمانێكی هەژار دەنووسێت ،ناشێت نووسەری جاویدانی تەنیا لە دیدگەیەكی دیاریكراوەوە نووسەر بێت، شاعیربوونیش بە هەمان شێوە ،شاعیری جاویدانی تەنیا ئەو كاتە شاعیر نییە ،كە شیعر دەنوسێـت ،شاعیرۆكەی وەها هەیە كرداری ڕۆژانەی تۆزقاڵێك ناچێتەوە سەر ڕەچەلەكی شاعیربوون ،لێ دەشێت لە هزراندنی تۆدا ،ئەمە بە خاڵێكی پۆزەتیڤ بكەوێتـەوە و لە هزراندنی خوێنەرێك بە نێگەتیڤ ،بۆیە لە هزری تۆدا چەشنی بۆچوونێكی نووكتە ئاسا كەوتۆتەوە ،كاتێك بەو پەڕی بااڵیی خۆتەوە دەورووژێت بۆ نووسین و نووسیوتە {دەبوایە زادنەكەی قسە لەسەر "سەركەوت رەسول" بكەیت} ،دەشێت 69
شاعیرگەلێك الی تۆ شیاوی زادبوون و پیرۆزی بن ،لێ الی من هیچ شاعیرێك شیاوی زادبوون نییە ،پیرۆزیەتیش تەنیا بۆ خوداوەندەكانە ،تەواوی كار و كردەكانی مرۆڤایەتیش شیاوی قسە لەسەركردنن ،چەمكی پیرۆزبوون بۆ مرۆگەلێك ئەو پەڕی نەزانین دەردەخات ،دەشێت بۆ زاد بوونیش وەها زوو خۆمان نەدەینە دەست قەدەری پیرۆزی مرۆڤبوونەوە ،بەڵكو لەبەردەم مرۆبوونماندا زاد بكەین و بزانین پیرۆز بوون چییە؟ ،یاخود پیرۆزبوون لە ئەدەبدا نوقمبوونی نووسەر دەگەیەنێت ،لە دەریاچەی قەتیسدا ،مرۆ كاتێك پیرۆزە كاتێك كە بوونی نییە ،كە بوونی لە ژیاندا هەبێت هیچ بەهایەكی نییە ،شاعیرگەلێك هەن تەنیا لە بوارێك شیاوی وجوودن ،تێكستی گۆرانی گوتنیش بەهەمان چەشن ،لێ ڕاڤەگەرییەكەم بەدەرە لە ڕاڤەگەریی لەبارەی تێكستی گۆرانی گوتنەوە.
70
پەراوێز و سەرچاوە: * هەفتەنامەی (پاڵە) -ژمارە ()115ی 5/12ی 2002 الپەرە 10 * هەفتەنامەی (پاڵە) -ژمارە ()112ی 2/1ی 2002 الپەرە 10
71
72
نووسینەوەی وشە سوورەكان نووسینەوەی ئەزموونی شیعری و یاداشتنامەی هەر شاعیرێك بەندە بەخودی شاعیرەكەەوە ،پێویستە خودی ئەو شاعیرە بەنێو كۆاڵنەكانی یادەوەریی خۆیدا پیاسە بكات و لەپەنجەرەی ئایندەی تەمەنی لێیەوە بڕوانێت .شاعیری ڕاستەقینە بۆ نووسینەوەی ژیاننامە و ئەزموونی شیعری خۆی پەنا بۆ شاعیری تر نابات! بەڵكو خۆی كە (پاڵەوان)ەكەیە دەبێتە كارەكتەری سەرەكی هۆنینەوە و بەبێ پەیوەستبوون بەالیەنێكیتر و زۆری لەخۆكردن ئەوەی پێی شیاوی نووسینە ،دەینووسێت .ئەو شاعیرەی توانای نووسینەوەی ئەزموونی ژیانی خۆی نەبێت ،جیا لەوەی لەگەاڵ بوونگەرییەتی ناوەوە و بوونگەرییەتی دەرەوەی خۆشی ڕاستگۆ نییە .شاعیری ساختە خاوەن ڕۆژگارگەلێكی تایبەتمەندە و تەنیا لەو رۆژگارانەش بوونی هەیە كە بەهەر هۆكارگەلێكەوە بووبێت بۆتە خاوەنی ئەو جۆرە بوونە ساختەیە! شاعیر كاتێك بەستوونی فانتازیاكانی خۆیدا 73
هەڵدەزنێت بۆ ترۆپكی نووسین ،دەبێت هەڵوەستە لەسەر چەمكی جواننووسی وحەقنووسی بكات ،هەر دەبێت ئەمانەش ببنە هەوێنی هۆنینەوەی یاداشتەكانی عومری هەڵڕژاوی .لێ شاعیری ساختە بۆ ئەوەی الیەنە ناشازەكانی شیعر و الوازی ئاستی رۆشنفیكری حەشار بدات ،یانیش ئەو الیەنانەی كە وەك (بنووس) نەیتوانیوە لەنێو ڕاستەقینەكانی ژیاندا ئاوێتە بێت .بۆیە بۆ ڕازاندنەوەی شیعرەكەی چەشنی ئەو كچە ڕووخسار ناشازەی كە بەرلە پڕۆسەی هاوسەرگیریی بە هەزار و یەك شێوەی مۆدێرن و بۆیەی بوكێنی دەیڕازێننەوە بۆ ئەو ڕۆژەتایبەتییە. دەلوێت جوانییە ڕەهاكاتییەكانی لەدوایی ئەو رۆژەوە هێدی هێدی لەباربچێت ،دەشێت وەهاش سەیری شیعری شاعیری ساختە بكەین .لێ دەبێت جیاوازی لە نێوان ستایلی نووسینی شاعیری ساختە و شاعیری ڕاستەقینەشدا بكەین ،شاعیر ڕاستەقینە شێوازەكانی فۆڕم و ستایلی شیعرەكان ڕەت دەكاتەوە و بە شێوازێكی نوێی و ڕۆحێكی داهێنەرانە دەنووسێت .ئەوانەی سەرەتا شێوازی نووسینی شیعر دەست نیشان دەكەن ،ئەوانە هەمیشە بەهەڵەدا دەچن! .شاعیری ساختە تەواو پێچەوانەیە و بۆ هەمیشەش 74
لە دام و دەزگاكانی حكوومەتیشدا پلە و پایەی بەرزترە، تاكو ڕادەیەكی بەرچاویش ژیانی خۆشنودی ترە .ئەوانەی جیاوازی لە نێوان{ .شاعیری ساختە و مرۆڤی باش}دا دەكەن ،دەبێت جیاوازی لەنێوان مرۆڤی باش و شاعیری خراپیشدا بكەن .ئەمڕۆ هەندێك تەنها لەبەر ئەوە گەورەن و گەورەبوونە ،كە سیستەمی حكومڕانی ئەو ڕۆژگارە ڕەشانە گەورەی كردوونە ،یاخود ئەوانەی دەورووبەرییان سیستەمی ئەو سیاسەتە بە بچووكی كردوونەتەوە .شاعیری جواننووس ناچەمێتەوە و بچووكیش نابێت لەبەردەم هیچ بارودۆخێكی ژیاندا .لێ دوورە پەرێزدەخرێت و درەنگتر بەدیار دەكەوێت .شاعیر هەیە دوورە پەرێزە و تاكوئێستایش بەرهەمەكانی نەكەوتوونەتە بەر تیشكی توێژەرەوانی بواری ئەدەبیات .بەشێكی تری شاعیرانیش خۆیان بەتەنافی سیاسەتەوە هەڵواسیوە و لەم ڕۆژگارگەلەی تێیدا ژیاون میدیاكانی ئەو دەسەاڵتە كردوویانەتە سوپەرمانی شیعر .هەیانە بەپێنووسەكەی زووڕنا بۆ بەرژەوەندییەكانی دەسەاڵت لێدەدات لەبەرامبەریشدا موچە وەردەگرێت .جیا لەوانەش ئەو شاعیرانەی كە هەمیشە سەر ئێشەن بۆ سیستەمی حوكمڕانی واڵت و 75
دەسەاڵتی سیاسی بەشێكی زۆریان شاعیری راستەقینەن ،ئاخر شاعیر راستەقینە خۆی ناكاتە كۆیلەی هیچ ئایدەلۆژیایەكەوە .ئەو شاعیرانەی كە هاوڕای بیر و ڕای سیاسەت و ئایدەلۆژیابوون ئەوانە هەمیشە (شاعیر)ی پێنووس چرووك بوونە و نەیانتوانیوە لەهەناوی ئەدەبیاتدا داهێنانی گەورە و رۆحی ڕاستەقینەی شیعرییەتیان بدۆزنەوە .ئەگەر بلوێت ئەوانە لەبارەی خۆیانەوە بنووسن، ئاخۆ دەبێت چی بنووسن ؟ ئایا چۆن باسی ئەزموونی شیعریان دەكەن ؟ ئاخۆدەبێت ئامرازەكانی شیعرییەتیان كامانە بن؟ شاعیری گەورە كە خۆی دەنووسێتەوە هەموو ئەو شتە هەستپێكراوانەش دەنووسێتەوە كە لەدەورووبەریدا بوونیان هەیە و هەستییان پێدەكات .ئەوە بۆیە شاعیرانی كالسیكی كوردی هەمیشە سەردەمەكان تێدەپەڕێنن و زیاتر دەژین، ئاخر ئەوان لە ڕێگەی بەرهەمەكانیانەوە تەواوی ژیانی دەورووبەرییان لەرێگەی شیعرەوە نووسیوەتەوە .ئەوەتە ئەحمەدی خانی لە ڕێگەی داستانی (مەم و زین)ەوە ئەوەی لەناوەوەی خۆیدا مەبەستی بووە و ئەوەی لەدەرەوە ی خۆشیدا هەستی پێكردووە نووسیویەتی .هەر بۆیە 76
شاعیرانی كالسیكی لە شیعرەكانیاندا خۆیان لەو زەمەنانەدا نووسیوەتەوە و رۆحی داهێنەرانە و ئیستاتیكایان وەبەرناوە كە بەڕۆحێكی پڕ لە هەڵوێست تێیدا ژیاون .داهێنانە بەرزەكانی شاعیرێكی وەك نالی بەهیچ سەردەمێك ناچەمێتەوە و رۆژگارەكانی زەمەنی داهاتووش ناتوانن كاریگەریی لەسەر دروست بكەن .یاخود گەورە شاعیرێكی وەك (ستیگ داگەرمان) بۆیە لەكاتی خۆیدا باسی خوێنی دەكرد ،چونكە لە ڕۆژگارەكانی ئەو زەمەنەدا تەواوی ئەوروپا خوێنی لێ دەڕژا و خوێنی لەبەر دەڕۆیشت، هەربۆیەش وەهای نووسیوە: شەوت كە سوورە بەئاگر خاكت كە سوورە بە خوێن. پێم وایە یەكێك لە جیاوازییە بنەڕەتییەكانی شاعیرانی كالسیك و شاعیرانی ئەمڕۆ بریتییە لە هەڵویست و بوێری .شاعیرگەلێك هەڵوێستییان داتەپیوە و بەشێكی زۆریش پێنووسی بوێرییان كوڵبووە .هەشیانە تەنیا خۆی بەتەنافی مەسەلەكانەوە هەڵواسیوە {ئێمە لێرەدا مەبەستمان ئەوە نییە شاعیران خوێنەرەكانیان هانبدەن بۆ ڕووخاندنی 77
حكوومەت ،بەڵكو مەبەستمانە بڵێین بەالیەنی كەم هەڵوێستییان هەبێت و بەرچاو ڕوونی بدەنە خوێنەرانەوە، نەك هەر وەك تەماشاكار لەپەنجەرەی ژووری بەرژەوەندییەكانییەوە سەیری شەقامەكان بكات}. ڕۆماننووسێكی وەك دۆیستۆفسكی لە زۆرێكدا لە بارودۆخەكاندا بە بێ گوێدانە یاسای حیزبەكان و سیاسەتی حكوومەت و بەرژەوەندییەكانی خۆی ڕەخنەی تووندی ئاڕاستەی كار بەدەستانی ڕووسیا و سیستەمی سیاسیی ئەوروپای ڕۆژئاوا كردووە ،لە پێناو یەكریزی واڵت و خۆشگوزەرانی خەڵك .ئەو جۆرە هەڵوێستانە لە شاعیرانی ئەمڕۆ كەم دەبینرێت .رەخنەگرمان هەیە بەو پەڕی قووڵیی خۆیەوە لەبارەی میتۆدی ڕەخنەیی و زمان وكولتوور ودەیان چەمك و تەوەری تر دەنووسێت .لێ كە كار دەگاتە سنووری وشە سوورەكان سەری پێنووسەكەی شۆڕ دەكات و دەگەڕێتەوە هەمان ژووری بەرژەوەندییەكانی خۆی ولە پەنجەرەكەیەوە سەیری گۆڕەپانەكە دەكاتەوە. بۆچی دەبێت نەوەی نوێ قسە و بۆچوونی لە تەواوی پرسەكاندا هەبێت و لەكاتێكدا رەخنەگرە بە ئەزموونەكان و شاعیرە ناو قەبەكان هیچییان پێ نەبێت بۆ نووسین!. 78
ئێدیت سۆدێرگرانی شاعیری سوێدی كە لەتەواوی شیعرەكانیدا لە ژیان و ئەزموونی خۆی هەڵكۆڵیوەتەوە .بە تەنیا نەهاتووە باس لەخەمی خودی تاكەكەسی خۆی بكات .ئەو خۆی لەو رۆژگارانەی سوێددا دۆزیوەتەوە و لەگۆشەنیگای ئیستاتیكا ودەالقەكانی جیهانبینییەوە سەیری دونیای خۆی و دونیای دەرەوەی خۆی كردووە لەشیعرەكانیدا ڕەنگییان داوەتەوە .من لێرەدا باسی تایبەتمەندییەتی نووسین ناكەم ،كە كافكا لەنێو تەواوی نووسینەكانیدا پەردەیەكی ڕەش بوونی هەیە و تەواوی شتەكانی داپۆشیوە .من باسی پەردە ڕەشەكە ناكەم ،بەڵكو دەمەوێت ئەوە بەیان بكەم ،كە بۆچی ئەم پەردەیە ڕەشە و هۆكاری ئەودیوی رەشییەتییەكەش چییە؟
79
80
گۆرانییەكی شین ئەنوەر مەسیفی گۆرانییەكی بەزمانی تێكشاندنی زمانە باوەكانی نووسین و وەرگەڕاندنی وێنە سواوەكانی شیعری كوردی و تێكشكاندنی كردە فیكرییەكان و دووبارە دروستكردنەوەیان بەستایلی نائاسایی و فۆرمی نامۆ گوتووە، هەڵبەتە ئەمانە لە پرۆسەی نووسینی شاعیری فۆڕمە گرانەكان و شیعری نائاسایی دێنە بوون .كەشاعیر( ئەنوەر مەسیفی )یە ،ئەم شاعیرە شێوازی ئیشكردنی نووسینی شیعری لەسەر ئەو مادە و كەرستە و ئامرازانەی كەوا لە دەوروبەرماندا بوونیان هەیە و بە دوورەپەرێزی هەستیان پێ دەكرێت ،وەك {دەسكی خاكەناس ،مووی ناو دیواران ، ساقۆ ،پێاڵو و ...هتد} .واتە مەسیفی وەك وەستایەكی لێهاتوو بە بەرد و قور و دار و چەند شتێكی سادە توانیویەتی باڵەخانەیەك بۆخۆی دروست بكات ،هێنانی كەرستەی لەو جۆرە بۆ نێو پرۆسەی نووسین و بەتایبەت پرۆسەی شیعرییەت ،پێم وانییە كارێكی سادە و ئاسان 81
بێت ،تاكو ئەندازەی سەختی ،سەختە و سەختریش ئەوەیە شاعیر بتوانێت رۆحی شیعرییەت بخاتە جەستەیانەوە. مەسیفی باوەڕی بە فیكری سادە و شیعری ئاسایی و روون نەبووە ،چونكە پێی وابووە فیكری سادە و شیعری روون و ئاسایی واقیعێكی سادە و خوێنەرێكی ئاسایی بەرهەم دەهێنێت .ئاخر ناشێت بەم شێوازەی نووسین و شیعرە نائاساییەكانی مەسیفی بچێتە خانەی بێماناییەوە .دەلوێت زۆرجار لە كردەی بێ مانایبوونیشدا كردەی جیاوازی ماناداربوونیان هەبێت و دەرفەتێك بمێنێتەوە بۆ بێ ماناییش ،كە دواجار ئەمە قسە و بیروڕای تاكە كەسێكە وەك مەسیفی ددانی پیادەنێت و وەها تۆی بۆچوونەكانی بەسەر خاكی نووسینەوە دەوەشێنێت {من لۆخۆم كارەبام پێ لە ئەستێرە درەوشاوەترە} .نالوێت هیچ كردەیەكی فیكری بە بێ مانا بزانرێت ،وەك چۆن لە ناو ناشیرینیشدا جوانی بوونی هەیە ،لە ناو بێ مانایشدا مانای پەرش و باڵو ئامادەیی هەیە .پێم وایە زۆرێك لەو هەڵوەستە ڕاڤەگەریانە و ڕەخنەیییانەی لەبارەی شیعرەكانی مەسیفییەوە نووسراون زیاتر قسە دەرپەڕاندن و ئیشكردن بووە لە دەرەوەی بازنەی دەقەكانیەوە ،ئاخر هیچ یەكێك (هەڵبەتە وەك 82
پێویست) نەهاتووە دەقە شیعرییەكانی مەسیفی هەڵبوەشێنێتەوە بەهێزی خوێندنەوە بیانكاتەوە و بچێتە ناو ناوەڕۆكی شیعرەكانیەوە . شاعیری جاویدانی دەبێت بە زمانی سواو بوێرێت و بەسەر وێنەكۆنەكانیشدا بازبازێن بكات و بازبداتە ئەو دیویانەوە .ئەنوەر مەسیفی بۆیە بە جاویدانی دەمێنێتەوە ،چونكە ئەگەر هەر هیچیشی نە كردبێت السایی هیچ شاعیرێكی نەكردۆتەوە و لە سێبەری هیچ شاعیرێكدا ئۆقرەی نەگرتووە .ئایینی ئەم شاعیرە تێكشكاندنی هونەری شیعرنووسین و زمانی باو بووە. رووگەی ئەم شاعیرە بە تەنیا شیعر بووە و بەس ،ئەو شاعیرێك بووە چاخی سروشتی رەتكردۆتەوە وكاری لە چاخی كەونییەتدا كردووە .هەناری رەتكردۆتەوە لە پێناو تۆپێك ،ئەستێرەی رەتكردۆتەوە بۆ گڵۆپێك .گۆرانی شینی بۆ ئایندە گوتووە ،ئەگەرچی ئێمەی میللەتی كورد قەدری زیندووەكانمان ناگرین و مردوو پەرستین ،لێ لەمەشیان پشكی شێر بەر مەسیفی نەكەوتووە ،تەنانەت وەك پێویست نە ئاوڕ لە بەرهەمەكانی دراونەتەوە ،نە بەرهەمەكانی چاپكراونەتەوە .مەسیفی شاعیرێكی سپی سپی 83
بووە و رەخنەگری راستەقینەی خۆی بووە و بەدوورە پەرێزی و نامۆیی ژیاوە لەنێو بەرهەمەكانیدا ،ئەگەر مەسیفی نەشی توانیبێت داهێنانێكی گەورە لە شیعری كوردیدا بكات ،ئەوا توانیویەتی پێمان بڵێت :شیعر وەهاش دەنووسرێت .لێ زۆرجار شاعیری ناوبراو بەهۆی جوایەزنوسین و خۆالدان لە قۆڕمی باو شیعرییەتی خۆی لە شیعرەكانیدا كوشتووە ،بۆیە پێم وایە مەسیفی وەك تەكنیك و فۆڕمی سواو بەرەو ئاسۆی جوان هەنگاوی ناوە، لێ وەك كاركردن لەناوەوەی شیعرییەتدا لە ئاستی خۆالدان لەو فۆڕم و زمانی سواودا نییە ،یاخود بینای شیعرەكانی بێ دەروازەن ،ئەو دەروازانەی ئەگەریش هەبن داخراون! دەقی داخراوی بەو چەشنەش فەزا شاراوەكانیشی دەكوژێت و كۆدەكانی دەبنە وەاڵمی مەتەڵ، ئاخر مەتەڵیش بەرشەقی بیركردنەوەی تێدا دەمێنێتەوە، كەچی بەشێكی زۆر لە دەقە شیعرییەكانی مەسیفی بەرشەقی بیركردنەوەشیان تێدا نییە! ،واتە چەشنی مەتەڵێكە بەشێوەی ئەوەی مەتەڵبێژ ببێژێت :شتێكم پێیە چییە؟ پرۆسەی هەموو دەقێكی ئەدەبی(شیعر) بریتییە لە بنووس (شاعیر) ،نووسین (شیعر) ،خوێندنەوە(خوێنەر) .بۆیە 84
لەسەروەختی نووسینی شیعردا دەلوێت شاعیر خوێنەر فرامۆش نەكات و پرۆسەكە بگەیەنێتە دوا قۆناغ ،چۆن پرۆسەی شیعر بەبێ خوێنەر (واتە خوێندنەوە) تەواو نابێت، من هەرگیز لەگەڵ ئەو شاعیرانەدا نیمە كە دەبێژن {ئێمە شیعر بۆ خودی خۆمان دەنووسین} .ئەگەر بشێت شاعیر تەنیا شیعر بۆ خۆی بنووسێت ،كەواتە بۆچی شیعرەكانی باڵودەكاتەوە؟ ،بڕوا بەو شاعیرانەش ناكەم كە دەڵێن: {شیعر بۆ خوێنەر دەنووسین} شاعیری جواننووس لەسەروەختی نووسینی شیعردا مەستی خەیاڵەكانیەتی و چەشنی ئەسپێكی كێوییە و ئەستەمە لغاو بكرێت .شاعیری جواننووس لەسەروەختی نووسیندا پردێكی هێندە جوان لەنێوان خودی خۆی (شاعیر) و خوێنەردا دروستدەكات، كە هەموو كەسێك خۆی لە جوانی سەر پردەكەدا دەبینێتەوە ،ناشێت شیعریش لە سادەیدا بمرێت! ،ئاخر پێویستە زۆرجار شاعیری جاویدانی شیعری كرچ و كاڵیش بخوێنێتەوە بۆ ئەوەی بیربكاتەوە و لەخەیاڵەكانیدا بە شێوەیەكی تر جوانتر دەیبڕێژتەوە.
85
86
پرسیارە گومانگەرییەكان و گەڕان بەشوێن وەاڵمەكاندا دەروازە: ڕەگێكی سەرەكی شیعری جاویدانی دەگەڕێتەوە بۆ بنەما میتۆلۆژییەكان و گوماگەریی میتۆلۆژییەكانی ژینبوون، هەرلەم دیدگەیەشەوەیە كە گومانگەریی میتۆلۆژییەكان لەناو پرۆسەی شیعرییەت پرسیارگەلی ئەزەلی و دوورگەی ئەفسانەیی دروست دەكەن ،دیارە شاعیر ئەمانە وەك كۆڵەكەیەكی بەهێز و جێگیر بۆ بنیاتنای شیعر دروست دەكات و دەیەوێت لە تەواوی شتەكانی دەوروبەری زیاتر وردببێتەوە و گومانی زیاتریان لێ بكات ،بەیەككەوتنی گومانیش پرسیار دەورووژێنێت ،وەك چۆن ڕەگێكی سەرەكی شیعرییەت بۆ بنەما میتۆلۆژییەكان دەگەڕێتەوە، وەهاش گومانەمیتۆلۆژییەكان ڕەگێكی قوواڵیی واقیعدایە وبەردەوام ئەم ڕەگەی واقیعبوونە قووڵتر دەبێتەوە ،چۆن لە سادەترین ناساندنی میتۆلۆژیدا ،میتۆلۆژی گەڕانە 87
بەدوای واقیع ،شیعریش جۆرێكە لەجۆرەكانی گەڕان بەدوایی دیوە نادیارەكان و دیوەكانی جوانبینی ،لەپەیوەندی نێوان هەردووك گەڕان و چەمكی گومانبردندا ،لە دەرئەنجامە گشتگیرییەكانی سەفەری ئەو گەڕانانەدا شتەكان گومانی زیاتریان دەخرێتە سەر ،دواجار ئەم حاڵەتەی گومانبردنە خۆی لە خۆیدا پرسیار و گەڕانە بە دوای وەاڵمە ونبووەكان . ناوەڕۆك: كتێبە شیعری (مردوویەك ئاگای لە هەمووانە) بە پێنووسی شاعیر (سەباح ڕەنجدەر)ە ،كە لە حەوت دەقە شیعر پێكهاتووە ،لە تێپەڕی ئەم دەروازەدا دەمەوێت لەبارەی پرسیارەكانی شاعیرەوە بدوێم و لەپاڵ گەمەی گومانەكانیدا ڕۆشنایی بخەمە سەر دیوەكانی تر وچەند الیەنێكی تری دەقە شیعرییەكان .لێ دەمەوێت سەرەتا لە مانشێتی كتێبەكەوە بخزێمە ناو پرۆسەی ڕاڤەكارییەكەم، ئەگەرچی پێم وایە هەڵبژاردنی ناونیشان هەم بۆ شیعر و هەمیش بۆ كتێب پرۆسەیەكی زەحمەتە ،ئاخر زۆرجار ناونیشان كلیلی دەروازەی چوونە ژوورە ،ئەگەرچی ئەمرۆ 88
زۆرێك ناونیشانی زەق و بریقەدار دەكەنە مانشێتی بەرهەمەكانیان بۆ چەواشەكاری خوێنەران ،لێ ناونیشانی مردوویەك ئاگای لە هەمووانە ،ناونیشانێكە پڕ بە ناوەڕۆكی كتێبەكەوەیە ،ئاخر زۆرجار ناونیشان هیچ كۆنتاكێكی بە ناوەڕۆكەوەنییە و لە هیچ الیەنێكەوە كۆنابنەوە ،واتە ناونیشانەكە وەك چەكێكی بەكارهاتوو، بەكارهێنراوە .ئەگەرچی ناونیشانی ئەم كتێبە (مردوویەك ئاگای لە هەمووانە) ناونیشانی هیچ كام لەم حەوت دەقە شیعرییەی ناوی نییە ،بەڵكو دێرە شیعرێكە لەنێو شیعرەكانی ناویدا ،ئەگەر بپرسین ناونیشانی مردوویەك ئاگای لە هەمووانە بۆ؟ ئەمە تەنیا بە خوێندنەوەی قووڵ دەتوانین بگەینە ئەو ڕاستییە و پەی بەوە بەرین كە شاعیر تاچەند سەركەوتوو بووە لە هەڵبژاردنی ناونیشانەكە . لەدەستپێكی كتێبەكەدا سەباح ڕەنجدەر لەبارەی بە توانا كردنی شیعر و كەڵەكەبوونی ئەزموون و زمانی شیعر و چاالككردنی هەستەكان و پرۆسەی شیعرییەت و چەند ڕەهەندێكی تری تایبەت بە شیعر دەدوێت ،لە پێشەكییەكەی (شیعر و چاالككردنی هەستەكان) دا ،هیچ ئاماژەیەكی تێدا نییە گوزارشت لە شیعرەكانی ناویدا بكات، 89
زیاتر وەك وتارێكی ئەدەبی شاعیر چەند روانینێكی تایبەتی لەبارەی پرۆسەی شیعر و ئەزموونی شیعرییەت خستۆتەڕوو ،هەرچەندە من لەگەڵ پێشەكی نووسینی شیعردا نیمە ،ئاخر زۆرجار خوێنەری سادە و بەشێكی زۆری خوێنەری ناوەندیش بەهەمان ئەو تەفسیرە ی كەوا لە پێشەكیەكەدا بۆی كراوە ،خوێندنەوە و ڕوانینی بۆ شیعرەكانی دەبێت ،واتە بەهەمان ئەو دیدگەیەوە دەخزێتە ناو فەزای دەقە شیعرییەكان ،كە دەشێت ئەمجۆرە خوێنەرانە بەو شێوەیە قورمیش بكرێن ،هەرچەندە ئەم ڕاگەلەی كەوا لە پێشەكیەكەدا شاعیر خستوویەتییە ڕوو گشتگیرە و بارگاوی كراوە ئەئەزموونی خۆی و شێوازی خۆیەوە ،لێ ناشێت وتارێكی وەها لە جیاتی پێشەكی لە كتێبە شیعرێكی وەهادا كۆبكرێنەوە ،چۆن من پێم وانییە هیچ پیوەندییەكی بنەڕەتی و بنچینەیی تایبەت بە دەقە شیعریەكان لێكیان كۆبكاتەوە ،خاڵێكی تر لە وتارەیدا (بۆیە نووسیم وتار ،چونكە من وەك پێشەكی ئەو دەقە شیعرییانە نایبینم) ئەوەیە ،سەباح ڕەنجدەر لە دەربڕینێكدا تووشی دووفاقیەتی گومانبردن و هەڵخزانی قسەكردن دەبێت و لە نێو پێكهاتەیەكی هاوبەش و بنەڕەتدا خۆی 90
جیادەكاتەوە ،كە دواجار ئەم جیابوونەوەیە هەر لەهەمان وەرچەرخانە فیكرییەكاندا دەیهێڵێتەوە ،كاتێك ئاماژە بەوە دەدات و دەڵێت( :شیعردەربڕینی گیانی سەردەمە ،من خۆم ئەم بۆچوونە جیادەكەمەوە و ڕایدەگەیەنم شیعر دەربڕی هێز وگیانی سەردەم نییە ،چونكە پێكهێنەری هێز و گیانی سەردەم كۆیە و شیعریش هێز و گیانی تاكی جوانیبەخشە) ،لێرەدا شاعیر ئەم الیەنانە فەرامۆش دەكات كە ڕاستە شیعر دەربڕی هێز و گیانی تاكە كەسە ،لێ هێزوپێكهێنەری سەردەمیشە ،ئاخر شاعیری جواننووس و خاوەن بەرهەمی جاویدانی لە گۆشەنیگا تاكەكەسییەكەیەوە سەیری تەواو دونیا دەكات ،لە بچووكترین خەمی خۆیەوە گەورەترین خەمی كۆمەڵگەكەی دەنووسێتەوە ،كەوابێت شاعیر لێرەدا بۆچوونەكەی بەئاڕاستەیەكی خراپدا بردووە، تەنانەت ڕەتكردنەوەی بۆچوونی گشتگیری سەردەم ،بە ڕەتكردنەوەی بۆچوونە تاكە كەسییەكەی كەوتۆتەوە ،بۆ جوانتركردنی دووفاقیەتی ئەم خاسیەت و فیكرییە میتۆلۆژییەكان پێویستمان بە پردی بە یەكگەیشتن هەیە، كەنییە! كە كاری ئەم پردە دەربڕینە تاكە كەسییەكەی
91
گشتگیریەكەی
دەربڕینە
ڕەنجدەر ،بە دەبەستێتەوە . وەك ئاماژەمان پێدا گەڕانی شاعیر بەشوێن پرسیارە ونبووەكانی و بارگۆڕانە میتۆلۆژییەكان و چەمكی گومانگەریی لە فەزای دەقە شیعرییەكاندا بوونیان هەیە، كە زۆرجار بوونی ئەم حاڵەتانە ڕەنگەكانی شیعرەكە تۆختر دەكات و هەناسەی فەزاكانیش درێژتر دەكات ،بێگومان چەمكی گومانگەریی پەیوەندییەكی ریشەیی لەنێوان مردن و ژیاندا هەیە ،لێرەدا شاعیریش بەهەمان ئەم گومانەوە ئاماژە بەم الیەنەدەكات و دەڵێت(( :ژیان و مردن / بردنەوە و دۆڕان نین)) . پەیوەندی نێوان ژیان و مردن پڕە لە گومان و پرسیار و گەڕان بەشوێن وەاڵمەكاندا ،هەربۆیە شاعیریش ژیان و مردن بە بردنەوە و دۆڕان دانانێت و ئەمانە ڕەتدەكاتەوە، ئاخر ناشێت نێوان ژیان و مردن بریتیی بێت لە بردنەوە و دۆڕان ،لەنێوان ژیان و مردندا گەڕانی هەمیشەیی هەیە، مادامەكێ گەڕان بوونی هەبێت ،دیسان هەست بە گومانبردنی شاعیر دەكرێتەوە و شاعیر بە گومانەوە ڕۆشنایی دەخاتە سەر ئەركی شاعیربوون و دەڵێت: 92
سەردەم
((پەپوولەیەك لەسەر شانی پێغەمبەرەوە /فرییە سەرشانی من)) .لێرەدا پێویستە بپرسین :بۆچی بەس پەپوولەی سەرشانی پێغەمبەر؟ ئاخۆ پەپوولەی سەرشانی كام پێغەمبەرە؟ بۆچی هەڵبفرێتە سەرشانی شاعیر؟ ئایا حیكمەت لەم هەڵفرینەدا چییە؟ ئەم پرسیارانەو چەندین پرسیارگەلی تر لەبەردەممان قیت دەبنەوە ،دیارە مەبەستی شاعیر ،پەیامی شاعیربوونە ،كە شاعیر لەم ڕەهەندەوە هەمان خاسیەت و ئەركی پێغەمبەرانەی لەسەر شانە، دەشێت شاعیری جواننووس جێگرەوەی پێغەمبەر بێت، ئاخر پێغەمبەر پەیامی خودایی لەسەر شانە ،شاعیریش پەیامی مرۆڤایەتی ،بۆیە هەمیشە ئەركی شاعیری جواننووس هەرچەند پیرۆز بێت ،زەحمەتتر دەبێت! بێشك بوونی پەپوولەش هێمایەكە بۆ جوانی و بێگەردی ،شاعیر لەم ئەركە پێغەمبەرانەیەی خۆیدا بەگومان دەبێت و گومانەكانی هێندە زۆر و قورس دەبن ،تاكو دەكاتە ئەو سنوورەی كە پرسیاربكات و بلێێت(( :ئەرێ مانگ / لەزەماوەندی جاویدانی زمان ودڵ /چ شەربەتێك دە خورێتەوە)) .ئەو زەماوەندی شاعیر بۆ زمان و دڵ گەرەكیەتی مانەوە و هەمیشەیییە ،بۆیە بەدگومانە 93
لەشەربەتەكەی ،كە شەربەتی ڕاستگۆیی لەگەڵ زادەی ناوەوەی شاعیر خۆی ،لەگشت شەربەتەكانی تر نەمرتر و مانەوەی زیاتر بەشیعر و تەمەن درێژی شاعیرەكە دەبەخشێت ،شاعیر ئەمجارە ڕووی پرسیارەكانی بڵندتر دەكات و روو لە خودا دەكات و بە گومانەوە لەم بارەیەوە دەپرسێت(( :ئەرێ خودا بۆ تەنیایی بۆ خۆی هەڵبژاردووە)). خەڵوەتگەی پرسیارەكان و یاخیبوونی گومانەكانی شاعیر درێژتر دەبنەوە ،بەهۆی ئەو گەڕانەی شاعیرەوە خوێنەر پەی بەوە دەبات ،كە بە دوایی وەاڵمە ونبووەكانەوە لە گەڕانێكی هەمیشەیی داین ،لەناو پرسیارەكانیشدا هەست بە گومانبردنی میتۆلۆژی دەكرێت ،لە پاڵ پرسیارە ونبووەكانیشدا پرسیارگەلی تر خۆیان مەالش داون ،بۆیە خەیاڵی شاعیر وەك سوپەرمانێك هەر بەئاسمانەوەیە پرسیار دەكات و دەڵێت(( :ئەرێ باڵندە بەئاسمانەوە چیت پێ دەڵێ)) .هەمیشە خوێنەری وردبین و هۆشیار پەی بەوە دەبات ،هەتاكو شاعیر زیاتر بگەڕێت گومانی زیاتری لەال گەاڵڵە دەبێت ،كە گومانیشی لەال گەاڵڵە بوو، گومانەكانیش بەسەر یەكەوە كەڵە كە دەبن و لە 94
دەرئەنجامی بەریەككەوتنیاندا پرسیار دەورووژێت و گومانەكانیش پرسیاردەكەن(( :الپەڕە نووستووەكانی هەڵدەنەوە))(( ،بەرد ئێسكی زەوییە)) .لێرەدا دەمانەوێت ناوەوەی دەقەكە زیاتر هەڵبدەینەوە و بە دیدگەیەگی فراوانتر لێی بڕوانین ،بۆیە ناشێت بەرد ئێسكی ڕاستەقینەی زەوی بێت ،لە كاتێكدا كە شاخ و كێوەكان بوونیان لە زەویدا هەبێت ،شاخ و كێوەكان ئێسكی ڕاستەقینەی زەوین ،پێم وایە شاعیر بەوشەی (بەرد) فەزای دەقە شیعرییەكەی بچووك كردۆتەوە . شاعیر واز لە پرسیار ناهێنێت ،لەم سەفەری ژیانەیدا هەر سەرقاڵی گەڕانە ،گومان دەبات و گومان دەهێنێت ،گومان لە دەورو بەری دەكات ،گومان لە ئاسمان و زەوی دەكات، گومان لە شیعر و وشە دەكات ،گومان لە خەیاڵ و واقیع دەكات ،لەپاڵ هەموو ئەم گومانانەشەوە دەپرسێت و ناگاتە وەاڵمیش ! نازانیت و عەوداڵە بۆ زانین ،كەی دەگاتە وێستگە ئەو گەڕانە ناچار شیعر پرسیاردەكات(( :ئەرێ بۆ بەس خودا دەزانێ بە هەشت لە كوێیە؟)) .شاعیر پەرت و باڵو و پەرتەوازە دەبێت ،لەبەر بەدگومانی پرسیارەكانی بۆ كۆناكرێنەوە سەر یەك ،كەئەمە پەخش بۆتە لە تەكنیكی 95
وێنە شیعریەكانی شاعیردا ،كە هەست بەوە دەكرێت دروستكردنی وێنەی جێگیر و وێنە جواڵوەكان ،لە شیعرەكانیدا بەهۆی پاڵنانی وشە بە وشەوەیە ،ئەم پەرتەوازەبوونەی شاعیر ناونیشانی كتێبە شیعرییەكەی (مردوویەك ئاگای لە هەمووانە) پڕشنگدارتر دەكات، وەك لە دەستپێكەوە ئاماژەمان پێیدا :مانشێتەكە پر بە ناوەڕۆكی كتێبەكەوەیە ،ئاخر هەر لە ناونیشانەكەوە خوێنەر هەست حاڵەتی گومانگەریی دەكات ،كە دوجار یش ئەم هەستە هەم الی شاعیر و هەمیش الی خوێنەر هەر بەو ئەندازەیەوە دەمێنێتەوە ،كاتێك شاعیر لەم گەڕان و سوڕانەیدا بەئەندازەیەك بەنێو گومانەكانیدا پەرتەوازە دەبێت ،كە پرسیارەكانی بۆ ناخرێنە سەریەك و بەناچاری هەموو پرسیار و گەڕان و گومانەكان بۆ خوێنەر بەجێ دەهێڵێت و خۆی ئامانەتی دوا پەیامی مرۆڤبوونی خۆی دەكات و دەڵێت(( :لەماڵە كەی خۆتدا /ژوور و هەیوانێكم بۆ دانێ /ئەی خودا)) .
96
لەكۆتاییدا : هەموو دەقێكی ئەدەبی شیاوی خوێندنەوەیە ،كە دەقی ئەدەبیش خوێنرایەوە ،شیاوی هەڵوستە لەسەر كردنە ،كە دەقیش هەڵوەستەی لەسەر كرا ،قابیلی ڕاڤەی جیاو هەڵوەشاندنەوە و قسە لەسەركردنە ،ماوەتەوە بڵێین كتێبە شیعری (مردوویەك ئاگای لە هەمووانە) شیاوی هەڵوەستەی زیاتر و قسەی جیاو بۆچوونی جیاوازترە ،لێ ئێمە بەپێی خوێندنەوە و چێژ و تێڕوانینی خۆمانەوە لەبارەی پرسەكانی نووسین و چەمكی گومانگەریی و گەڕانی شاعیر و پرسیار و عەوداڵبوون بە شوێن وەاڵمە و كرانەوە كردووە، هەڵوەستەمان ونبووەكان هەڵوەشاندنەوەی دەقی زیندووش جار لە دوای جار ڕوانین و خوێندنەوەی جیاوازتر هەڵدەگرێت ،لێ بەشێوەیەكی گشتگیر و كۆی قسە و لێدوانەكانمان شاعیر لە نێو چەمكی گومانگەریدا پرسیار دەكات و هەمیشە لە گەڕانە بە شوێن پرسیارەكانەوە .
97
پەراوێز و سەرچاوە : *مردوویەك ئاگەی لە هەمووانە/شیعر _سەباح ڕەنجدەر/لەباڵو كراوەكانی دەزگای ئاراس ژمارە _-1039چاپی یەكەم 2010
98
دزینی وێنەی شیعریی رەخنەی ئەدەبناسی خوڵقاندنی دەقێكی ترە ،ئەوانەی وەها لەنووسینەكانیاندا ئاماژە بە رەخنەی ئەدەبناسی دەدەن ،كە رەخنە بریتییە لە رەخنەی رووخێنەر و رەخنەی بنیاتنەر، هەمیشە نووسینەكانیان بخەنە بەر تیشكی گڵۆپی گومانەوە، ئاخر رەخنەی راستەقینەی ئەدەبی هەموو ئەوانە رەتدەكاتەوە .بۆ بەرز ڕاگرتنی شیعرییەت و زێتر مانەوەی لە هزری خوێنەراندا ئەوە بەندە بەبنیاتنانی زمانی شیعرییەت و وێنەی ڕاستەقینە ،تەكنیك لە وێنەی شیعرییدا ،بینای شیعرەكە پتەوتر دەكات ،هەموو وێنەیەك السایی كردنەوەی ئەو شتەیە كەوا لە هزرماندا هەیە، یاخود لە دەوروبەرماندایە و هەستی پێدەكەین( ،شاعیر) هەیە توانای خەیااڵندنی فیكری نوێی نییە ،لە فیكری سواوی شاعیران و وێنەی حازر بەدەست كار دەكات و خۆی بە خەیاڵەكانی خۆیەوە ماندوو ناكات .لەكاتێكدا ژیان پڕە لە وێنەی سەیر و سەرنجراكێش و زۆرجاریش سواو، 99
كە لە دەرئەنجامی باگراوەندەكانی وێنەی كۆن و ڕاستەقینە و وێنەگەلی جیاواز دروستبوونە ،دیارە تەكنیك لە وێنەی شیعرییدا هەمیشە لە بارگۆڕانێكی ناجێگیردایە و قۆناغەكانیش ڕاستەوخۆ و ناڕاستەوخۆ كاریگەرییان بەسەرییەوە هەبووە ،بۆ ئەوەی قسەكانمان جێگای گومان نەبێت ،پێویستە ئاماژەیەكی بچووك بە وێنەی شیعریی شاعیرانی كۆن بدەین ،كاتێك بە بااڵو جوانی دولبەرەكانیاندا هەڵگوتووە ،هونەری لێكچوواندنییان پیادەكردووە ،بۆ پتەوكردنی شیعرییەت ،وەك{ :چاوی وەكو ژێر پیاڵەیە ،برۆی وەكو كەوانە ،لووتی وەكو فنجانە، زووڵفی وەكو تاڤگەیە ،دەمی دەڵێی خونچەیە ،بەژنی دەڵێی شمشاڵە...،هتد} ،ئەمە وەك لێكچواندن و هونەری {لێچوو} و {لەوچوو} و {رووی لێكچوواندن} ،لێ وێنەگەلەكانی نێو شیعر هەمیشە بە پێی تێپەڕێنی قۆناغەكان گۆڕانكارییان بەسەردا هاتووە ،شاعیر ناشێت ئێستاش بەهەمان دیدگەوە تەفسیری وێنەكانی هزری بكات ،دەشێت لە هەر وێنەیەكدا هەزاران وێنەی تر دروست بكرێت و هیچ یەكێكیشیان لە وەی تر نەچێت ،تەواوی وێنەكانی دەورووبەرمان تابلۆی شیعرین و دەتوانین بییان كەینە 100
شیعر ،وێنەگەلی نێو شیعر زۆرجار بارگاوی دەبێت بە خەونە ئەفسانەییەكانی شاعیریشەوە ،بۆیە پێم وایە هەر چەند وێنەگەلی شیعریی بە دیدگەی فانتازیاوە لە دووڕیانەكانی هەقیقەت بڕوانێت ،ئەوەند وێنەی شیعریی پتەوتر دەبێت ،بۆیە بەپێی زۆری ڕاگەلەكان وێنە قسەیەكی قەتیسە ،شیعریش وێنەكی بە گۆیە ،شیعریی بێ وێنە ،لەیەكەم خوێندنەوەدا مردنی خۆی لە الی خوێنەردا بەیان دەكات ،نەبوونی وێنەی شیاو و گونجاو و ئیشكردن لە ڕەنگ و گەمەكردن بەدیوارەكان و تەكنیككاریدا لە ناجێگیربوونی ستایلی وێنەكان و چەند ڕەهەندێكی تر تایبەت بە چۆنیەتی نووسینی شێوازی شاعیرەوە ،دواجار جیاوازی دروست دەكات ،هەم لە نێوان قسەی ئاسایی و سادە ،لەگەڵ شیعریی جوان و نەمر ،هەمیش لە نێوان شاعیرانی تر و شیعریی تردا ،ئەدۆنیس الی وایە{ :زمانی ئاسایی زمانی ڕوونكردنەوەیە ،لێ زمانی شیعر ،زمانی ئاماژەیە ،زمانی وێنەیە ،شیعر ئەو شتانە دەڵێت كە بەزمانی ئاسایی ناگوترێن} ،لێ پێم وایە تەنیا وێنە لە شیعردا بەس نییە ،ئاخر زۆر شاعیرمان هەیە بەیەك ڕەنگ و بە یەك ستایل ئیش لە وێنە شیعرییەكانیاندا 101
دەكەن ،كە ئەمەش تەمبەڵی و قوربانی نەدانی شاعیرەكان بەیان دەكەن ،ئەوەتە بەدەیان شاعیری كورد لە ژێر كاریگەری شیعرەكانی فەرۆغی فەرۆخ زاد دا شیعر دەنووسن ،چەندین قۆناغ بەسەر باڵوبوونەوەی شیعری (وێرانە خاك)ی شاعیری ئینگلیزی ئیلیەت دا تێپەڕی و شاعیرانی ئینگلیزی نەیاندەتوانی خۆیان لە سێبەری ئەو چامە شیعرییەدا قووتار بكەن .ئەو شێوازە سادە و بێ گرێیەی كەوا سااڵنێكە دالوەر قەرەداغی شاعیر كاری لەسەر دەكات ،ئێستایش چەندین شاعیری تازە كەوتوونەتە نێو بازنەی كاریگەریی ئەو جۆرە ئیشكردنەوە، كە بەهەمان كەرستەی نووسین و شێوازی دەربڕین كاردەكەن .كاریگەریی هەر هەبووە و هەریش دەمێنێت، لێ پێم وایە دەبێت شاعیری جواننووس لەژێر كاریگەریشدا جیاوازی خۆی نیشان بدات و لەفەزاكانی ئەو كاریگەرییەتییەشدا تێبپەڕێنێت ،چۆن وێنەكانی شیعریی بە بێ تەكنیك ،جگە لە وێنەیەكی سواو هیچی تر دواجار بەجێناهێڵێن بەسەر هزری خوێنەرەوە ،بۆیە ئەم جۆرە شیعرانە زوو لە هزری خوێنەردا كاڵدەبنەوە و نابنە جێگەی تێڕامان و مانەوە ،ئیشكالیەتێكی تریش كە ئەمرۆ زۆر بە 102
زەقی دەبینرێت ،نووسینی شیعرە ،لە ژێر سێبەری وێنەكانی شاعیرێكی ترەوە ،كە ئەمە ناچێتە قاڵبی كاریگەریشەوە، ئەمە دزینی وێنەی شیعرییە بە داڕشتنەوەیەكی تر و لەژێر سێبەری ئەو دەقەدا دەنووسرێتەوە ،خەریكە ئەم پەتایە بچێتە قۆناغی بە كولتووربوون لە ئەدەبیاتی كوردییدا ،زۆرێك لەوانە بۆ ئەوەی ئاشكرانەبن و فێڵ لە خوێنەری شیعریی بكەن ،هەمیشە سێبەرەكان دەگۆڕن و هەر ساتەوە لە سێبەری شاعیرێكەوە خەریكی دزینی وێنەی شیعرین. * سوودێكی زۆرم لەوتارێكی خۆم بینیوە بەناوی (بارگۆڕانی تەكنیك و دزینی وێنەی شیعریی) ،دەشێت كاركردنیش بێت لەهەناوی هەمان وتاردا.
103
104
كە ژنە شاعیرێك دەكوژرێت ئەی چەند بێ شەرمە مەرگ ناهێڵێ تەواوی ژیان بنووسمەوە. (بێگەرد حوسێن) نزیكەی پێنج ساڵ لەمەوبەر لەگۆشەی (وانێك)دا شتێكم لەبارەی شیعرەكانی بێگەرد حوسێنی شاعیر نووسی ،لەو كاتەی كەوا بێگەرد حوسێنی شاعیر دوای ئەوەی لەگەڵ هاوسەرەكەی جیا دەبێتەوە ،لە شەوێكی تاریك و ئارامدا ئەو پیاوەی كەوا مێردی بوو لە بۆسەیەكدا هێرشی دەخاتە سەر و چەندین چەقۆی لێدەدات و دەیكوژێت .شیعرەكانی بێگەرد حوسێن بۆنی مەرگیان لێدێت ،دەشێت ببێژین مەرگ و رەشبینی بۆ ژیان بەسەر تەواوی شیعرەكانیەوە دیارە ،رەنگە پیش مردن شاعیر پەی بەو نهێنی مردنە كردبێت ،هەر بۆیەش ئەو راستییە لە شیعرەكانیدا رەنگییان داوەتەوە. 105
بۆ پێش مردنم تابووتی مەرگی خۆمم بینی. لە رۆژگارێك بێگەردم ناسی كە ژیان لە خۆشنودییەكانی خۆی نەزیفی كردبوو ،لەنێو بەهارە شادییەكانیشیدا ئارەقەی خەمی لێدەتكا ،لێ ئەم شاعیرە هەمیشە بەدەم خەندەوە و دڵێكی لێوانلێو لە ژیاندۆستی ،ئەو هەمیشە دژی ئەو زەمەنەی دەوەستاو دەیگوت :نا! كەچی زەمەن هەر بە بەڵێ دەیبردەوە .ئاخر ئەوە گەواهیدەری واقیعی ژیانی شاعیرە كە ئاماژەی بەوە داوە كە پێش مردنی تابووتی خۆی بینیوە .لەیادم نییە لە رێكەوتی چەند بوو ،كە بێگەردی شاعیر خەریكی ریپۆرتاژێك بوو بۆ گۆڤاری (گواڵن) بەدەم ئەو تەوەرەوە ئەسپی قسەكانمان تاودا ،تاكو گەیشتینە مەملەكەتی شیعر و چیڕۆك و رەخنە ،بێگەرد ئاماژەی بەوەدا كە كتێبێكی شیعری چاپكردووە بەناوی (ئەندێشەكانی بێگەرد) و دەیەوێت چاپی دووەمی بكاتەوە، لێ حەز دەكات بەرلە باڵو بوونەوەی پێشەكییەكی بۆ بنووسم و شیعرەكانیش بە چاوی تێبینی و بۆچوونەوە بخوێنمەوە ،دوای خوێندنەوەی شیعرەکانی چەند رستەیەكی كورتم وەك پێشەكی بۆ نووسی ،بۆیە چونكە 106
كەژاڵ ئەحمەد پێشەكییەكی بۆی نووسیبوو ،بۆیە حەزم نەكرد منیش بۆی بنووسم ،لەسەر وەختی خوێندنەوەی شیعرەكان بۆم دەركەوت كە ئەم ناونیشانە هیچ پەیوەندییەكیان بە ناوەڕۆكی شیعرەكانەوە نییە ،یاخود دەشێت ناونیشانێکی تر جوانتری بکات ،بۆیە پێشنیاری ئەوەم كرد كە ناونیشانەكە بگۆڕێت بۆ (بۆنی سوتان) كە ناونیشانی شیعرێكی بوو.كوشتنی ژن بەبێ تاوان ،كوشتنی ژیانە ،لێ كوشتنی ژنی شاعیر كوشتنی هەردووك ژیانە. ژن هەمیشە قوربانی بارودۆخەكانی كۆمەڵگەی نێرساالرییە ،ژن ئامێرێكە لەبەردەم تاقیكارییەكانی پیاودا. بۆ دەبێت ژن هەمیشە لەبەردەم هەڕەشەی مەرگ دابێت، بۆ دەبێت ژن تەنیا وەك جەستەیەك سەیر بكرێت. بێگەردیش هەمیشە بەدەم مەرگەوە پێدەكەنی و تاكە خەمی ئەوە بوو پرۆژە ئەدەبیەكانی تەواو بكات ،شاعیری بوێر لەمەرگ ناترسێت و رووبەرووی دەبێتەوە ،لێ ئەوەی بێگەرد حوسێن كارەساتێكی دڵتەزێن بوو ،لەدوای خۆی كچێكی بەناوی (كەژاڵ) بەجێ هێشت ،كە كەژاڵی بچكۆڵەش لەبەر بینینی ئەو كارەساتەی دایكی باری تەندروستی تێكدەچێت و دواجار بەبێ كەسی و بەبێ 107
دایك و باوك سەر دەنێتەوە .بێگەردی شاعیر بۆنی مەرگ لەشیعرەكانیەوە دەهات ،لێ بەبوێری باسی مەرگی دەكرد و سڵی لەمردن نەدەكردەوە ،ئاخر سوكراتیش وەها لەمەرگی روانیوە{ :هیچ كەسێك ئەگەر گەمژە و ترسنۆك نەبێت لە مەرگ ناترسێت ،بەڵكو لەخراپە دەترسێت}. بەڵێ مەرگی کۆمەڵگە پیاوساالرییەكان نەیهێشت تەواوی ژیان بنووسییەوە و چیڕۆكێكی تریش لەپای شیعر بنووسی، تەواوی فیكرە شیعرییەكان و بۆچوونەكانی ناو هزرت بە چەقۆوە بوونە بڵقی سەر زەڵكاوی ئەو زەمەنە بۆگەنە ،یاسا نەیتوانی ماف و ژیانت بۆ سنووردار بكات ،حكوومەت نەیتوانی گیانی تۆ بپارێزێت .ئەوە نییە تۆش دەست نوێژی ئیلهامێكی تازەت شوشتووە و لەسەر بەرماڵی شیعردا ئیمانت بەو واقیعەتاڵە هێناوە و نووسیوتە: سپێدەی ئەو شەوە گونجاو نییە بۆ كردنی ئارایشتم چونكە ئاوێنە چریسكەی خەنجەری باوكمە و مكیاژەكەشم نووكی چەقۆی هاوسەرەكەم. 108
پەراوێز و سەرچاوە: *بۆنی سوتان -بێگەرد حوسێن -شیعر /چاپی دووەم
2002چاپخانەی منارە هەولێر.
109
110
خوێنهر وهك بهشێكی پرۆسهی نووسین ڕهخنهی وێژهیی ئیشكردنی زمانه له پایه پڕ ڕهههندهكانی زمانهوه ،قسهیه لهبارهی قسهوه ،بهمانایهكی ڕوونتر ڕهخنهی وێژهیی نووسینه لهبارهی نووسینی نووسینێكی ترهوه ،لێ بهر لهوهی ڕهخنه ههرشتێك بێت ،دواجار ههر ڕهخنهیه .دهلوێت ڕهخنهش هاوبهند بێت بهههڵوێستهكانی مرۆڤبوونهوه ،نووسینی ئهدهبی به تهواوی ڕێگاكانیهوه له ههڵوێستهكانی مرۆڤبوونهوه ههنگاو ههڵدێنێت ،دهشێت ڕهخنهگر له دهرئهنجامه گشتگیرییهكانی خوێندنهوهی قووڵ و چڕ و پڕ دروست ببێت ،لێ نالوێت ههموو خوێنهرێك ڕهخنهگر بێت ،ئهوه خوێنهری جددی و هۆشیاره دهزانێت چۆنچۆنی به نێو ئاسمانی فهزاكانی دهقدا سهما بكات ،ههر بۆیه خوێنهران ههر زوو ههست بهوه دهكهن ،كه له ئهدهبیاتی كوردییدا ڕۆڵگێرانی كهسایهتییهكانی ناو بهرههمگهلمان زیاتر لهبازنهی
111
یاخیگهریی و سۆزداریی و نامۆبوونی خود و چهند چهمكێكی تردا دهخولێنهوه. خوێنهری هۆشیار لهبارهی ئهوشتانهوه قسه دهكات ،كه لهبهرههمهكهدا تیشكییان خراوهتهسهر ،وهك چۆن ڕهخنهگر له پرۆسهی ڕهخنهگرتندا ناتوانێت زێدهگۆیی بكات ،جگه لهوهی له كرۆكی دهقهكهدا بوونی ههیه، مهگهر دهقهكه له فهزاكانیدا خۆی لێ بێدهنگ كردبێت، ههر بۆیه نالوێت بڕوا بهوه بهێنین كه شتێك ههبێت بهناوی ڕهخنهی زانستییهوه ،تهنانهت ناشێت شتێك ههبێت بهناوی (ڕهخنهی كۆن) یاخود بهناوی (ڕهخنهی نوێ) ،ڕهخنهی جوانبین وتهندروست ههمیشه به وزهی مهعریفهتی خۆی نوێدهكاتهوه ،كه دواجار تهنیا ههر ڕهخنهشه ،ڕۆالن بارت له دیدی خۆیهوه بهیانی ئهوه دهكات ڕهخنه زانست نییه ،بهڵكو سهر و كاری لهگهڵ واتاكاندا ههیه و زانستی واتاكان پێك دێنێت ،زانستی ڕهخنه ،یاخود ڕهخنهی زانستی شتێك نییه وهك زانستێكی تهندروست لهناوهندهكانی فێركارییهوه بدرێتهوه ،ئهوهی كه ههیه تهنیا بیر و باوهڕی گهوره ئهدیبهكانه بۆته سهرچاوه، كه دواجار ڕێبازهكانی ئهدهبیاتیشیان لێ دێته بوون ،ئاخر 112
چونكه رێبازهكانیش زادهی بیر و باوهڕن ،جیاوازن ،ئهوهته (ئهرستۆ) لهبهر ئهوه به مهزنترین ڕهخنهگری سهردهمی خۆی دادهنرێت ،چونكه ڕێبازی ئهرستۆتالیسی هێنایه بوون و ئهم رێبازهی چهسپاندوو سهقامگیریی كرد ،بۆیه پێم وایه سهركهوتنی قۆناغێك به سهر قۆناغێكی تر كارێكی سهخته ،له دیدگەیهشهوه ڕێبازه ئهدهبییهكانیش ئهركییان زهحمهتتر دهبێت ،ئهگهر دهقی شیعریی و شاعیربوون وهك نموونه وهربگرین ،ئهوا شاعیری نوێخواز لهئهركێكی زهحمهتدایه بۆ سبهی ،لهڕووی ههڵزنان به فانتازیای وشهكان و ڕۆناندنی بنیاتنانی شیعرییهتدا ،كهوا بێت ئهركی خوێنهری جددیشمان ههمیشه له زهحمهتبوون دایه ،شاعیر كاتێك دهنووسێت ،نازانێت له كام له فهزاكانیدا خوێنهر پڕ چێش دهكات؟ شاعیری جاویدانیبوون و نوێخواز چاوهڕێی ئهوه ناكات ،كه ئهو پهی پێبردووه ،تهنانهت چاوهڕێی خوێنهری وههاشی نهكردووه. خوێنهری جددی و راستهقینه عهشقی راسته قینهی كتێبه، ئهم پهیوهندی و حهز لێكردنهش له دهرئهنجامهكاندا جوایهزی خوێنهرهكانیشی لێ بهرههم دێت ،كه بێگومان
113
ئهم پهیوهندی و حهزلێكردنه بهنده به چێژی ناوهوهی دهقهكهوه. شاعیران و نووسهرانی بهر له ئهمڕۆ له رووی ههڵوێسته مرۆڤایهتییهكان وئهركی شیعرییهت ئهركییان قورستربووه، لێ ئهمڕۆ لهڕووی تهكنیك و تازهگهرییهوه له ئهركێكی قورسدانه ،دهشێت وههاش سهیری خوێنهربكرێت ،كه ئهویش هاوبهنده له تهواو كردنی ئهم پرۆسهیه ،لێ نابێت ئاماژه بهوه نهكهین كه جۆرێك له نووسیندا ههیه ،به تهمو مژ وناروونی دهق و شتی لهم چهشنه له ئهدهبیاتی كوردییدا ناوزهند كراوه (ئێمه بۆئهوهی دوور نهكهوینهوه، شیعرمان وهك نموونه وهرگرتبوو ،كه شیعریش قسهیه ، قسهیهكی هونهری كوتكراوو چۆشدراو ،دهكرا ههر ههمان قسه ،قسهیهكی ڕووت بایه و هیچ هونهرێكی شیعرییهتی تێدا نهبایه) ،زۆرێك بۆ داپۆشینی بینای شیعرییهتییان ، پهنا بۆ وشهی قهبه و به تهمو مژكردنی ماناكان و بهڕهاڵیی سێكسی دهبهن ،لێرهدا ههموو خوێنهرێك ناتوانێت بهو ئهركهی خۆی ههڵبستێت ،دهشێت ههست بهو جۆره فێڵ كردنانه بكات ،لێ ناشێت ئهمهش ههموو خوێنهرێك بگرێتهوه ،ماالرمێ ههڵوێستهكانی شاعیربوون و 114
ئیشكردنی لهپرۆسهی شیعر و كایهكانی نووسیندا وهها ڕاڤه كردووه (ئهدهب ،كارێكی سیحر بازانهیه) ،ئاخۆ ماالرمێ مهبهستی له سیحر بازانه ئهوهیه كه شاعیر به سیحری فێڵكردن ،خوێنهر به ههڵهدا ببات و چهواشهی بكات ،یاخود سیحر الی ماالرمێ ئهو پهڕی جوانی و ههست كردنه بهو پهڕی خهیاڵ ،ئاخر ناشێت لهم دیدگەیهوه خوێنهری جددی به دهست بهێنرێت و بهرههمێكی ناوازهش بهرههمبهێنرێت ،ئهو خوێنهرهی كه ههشه جگه له چهند دهروێشێكی خهیاڵ بهستوو هیچیتر نییه ،پۆل ڤالێری بهبێ ئهوهی سهر له خوی و خوێنهری بشێوێنێت و ههر ساتهو له ژێر سێبهری شاعیرێكی تردابێت ،توانی شیعریی فهرهنسی بگهیهنێته ئهو پهڕی ئاسۆ گهشه كانی داهێنان ،تهنانهت ڤالێری لهساڵی ( )1291دا له پرۆسهی نووسین ده وهستێت و هیچ شیعرێك باڵو ناكاتهوه ،لهپڕ له ساڵی ( )1912دا چامه شیعریی (خواژنی قهدهر) باڵو دهكاتهوه كه چوار ساڵ و نیو خهرێكی نووسینی ئهم چامه شیعرهیه دهبێت ،شاعیرانی ئێمه دهبێت ههموو ساڵێك بهرههمێك بخهنه نێو كتێبخانهی كوردییهوه ،بهبێ ئهوهی جارێك له خۆیان 115
بپرسن ،بۆچی؟ (پهشێو)ی شاعیر بۆیه تائێستایش بهجوانی خۆی ماوهتهوه ،چونكه بێدهنگی ههڵبژاردووه و نهیویستووه ههموو ساڵێك خۆی له دهقه كانیدا دووباره بكاتهوه، شێركۆ بێكهس له دوا دیوانیدا (ههست و نهست) كه گریمانهی ئهم ئیشكالیهتهیه ،خوێنهر ههست بهوه دهكات ،كه وێنه و ڕووداو گهل و پهیوهندی سروشت بهسهر مرۆڤهوه تاکو چهند خۆیان دووباره كردۆتهوه ، تهنانهت له رووی تهكنیكهوهش ،چهقبهستووی له فهزاكانیدا ،هیچ جیاوازییهكی وهها نابینرێت له گهل ههریهك له بهرههمهكانی (حهفتا پهنجهرهی گهڕۆك _تۆ ئهتوانی به قومێ ماچ بمخهیتهوه ههڵقوڵین) ،ئهم پهتا كوشندهیهی داهێنان به ئهزموونی زۆرێك له شاعیراندا بهدی دهكرێت ،ئاخر ئیشكردن له سهر فهزاگهلێك و رووداو گهلێك و وێنه گهلێك به تهكنیكێكی چهقبهستووی و دووباره ،دواجار خوێنهره تایبهتمهندهكانیش بێزار دهكات ،كه ئهمه تهمبهڵی بیركردنهوه و قوربانی نهدانی زیاتری شاعیر و زۆر له خۆكردن بۆ پرۆسهی نووسین ، كه بهرههمگهلی ههژاری وههای لێدهكهوێتهوه ،لێرهشهوه خوێنهری هۆشیار زوو ههست بهو حاڵه تانه دهكات ،خۆ 116
ئهگهر دیوانه شیعریی ( لهتیف ههڵمهت) یش بخهینه بهر ڕۆشنایی ئهم بۆ چوونگهله ،ههست بهوه دهكهین كه له ئهزموونی شیعرییهتی لهتیف ههڵمهتدا ،جیا لهوانهی ئاماژهمان بۆی كرد ،پهلهكردنیش به ئهزموونه شیعرییهكانیهوه دیاره .
117
118
بهر له مردن ،قسهیهكی تر مرۆڤهكان دهبێت له تهواوی كایهكانی ژیانیاندا ههڵوێستیان ههبێت ،ئاخر مرۆڤی بێ ههڵوێست و ویژدان مردوو بۆچی باشه؟ ئهمه درێژ دهبێتهوه بۆ پرۆسهی نووسینیش .كاتێك نووسهرێك خاوهن ههڵوێست نییه، نووسینهكانی ههمیشه جێگهی سهرنجی خوێنهران نییه و نووسهرێكی بێبایهخیشه .نووسهری بێ ههڵوێست، نووسهرێكی مردووه ،بۆیه بهشێك لهم نووسهرانه كاتێك بهناو ساڵهوه دهچن (تهمهنیان ههڵدهكشێت) خاوهن دیدگهی تایبهت به خۆیان نابن ،تهنانهت ئهم نووسهرانه نابنه خاوهن جیهانبینی تایبهت به خۆیان ،نووسهر دهبێت یاخی ببێت ،ئاخر یاخیبوون مهرج نییه ههر لهالی كهسی چهوساوهوه بێت بهرامبهر به كهسی زۆردار ،دهشێت لهالی كهسێك دروست ببێت كه وهك بینهره (تهماشاكار) سهیری ئهو چهوسانهوهیه دهكات .ئهوه جیا له ئهركی مرۆڤدۆستی و نووسهربوون ،له الیهنی ئیمانداریشهوه دواجار ههر وهها دهكهوێتهوه ،ئهوهته له ئایینی ئیسالم و 119
له ئینجیلیشدا ئاماژه بهوه كراوه ،كه چیت بۆ خۆت پێ خۆشه ،دهبێت وههاش پێت خۆش بێت بۆ برای دیینیت، به پێچهوانهشهوه .پێویسته لێرهدا ئهوهش بزاندرێت ،كهوا چهمكی ههڵوێست له چهمكی یاخیبوون جیا بكرێتهوه، چهمكی یاخیبوونیش له چهمكی رقلێبوونهوه جیا بكرێنهوه . نووسهری جواننووس و خودان هێزی جاویدانیبوون پێویستی به ههراو زهنای دهروێشهكانی دهورووبهری نییه، بهڵكو لهوپهڕی گۆشهگیرییهوه ئهوهی پێی شیاوی نووسینه، دهینووسێت .نووسهر به یهك دوو پڕوپاگهندهی ڕۆژنامهگهریی ،یانیش دوو نووسهری هاوڕێی به تهمهنی لهدیمانهیهكدا ئاماژه بهناوهكهی بكهن نابێته نووسهری جاویدانی ،یاخود بهدهعوهتكردنی منهتباری بهنووسینێك لهبارهی دهقێكییهوه نابێته دهنگێكی ڕاستهقینه،یان شاعیرێكی ڕاستهقینه .ئاخر نووسهری جواننووس گۆشهگیری و بێدهنگی پێ شیاوتره ،له ههراو زهنای وهها. من نامهوێت هیچ كهسێك ببێته زووڕنا ژهنم ،خۆشم نازانم زووڕنا بژهنم! تهنانهت سهر بههیچ گروپ و فیكرهیهكی دیاریكراویش نیمه ،من سهر به فیكری خۆمم ،سهر بهالیهنی وشهم ،ههر هێزی وشهشه بهردهوامیم پێدهدات و 120
وزهی ئهم سهفهرهم زیاد دهكات .ئهگهر ئهدهب له ڕۆحیهتی دهربڕاوی كۆمهڵگه له دایك بووبێت ،ئهوا به دڵنیاییهوه وشهش هی ئادهمیزاده .ئیشی من ئهوهیه ههمیشه وشهم زیاتر خۆشتر بوێت ،ههڵوێستم ههبێت تهنانهت له نێوان وشهی گونجاو و وشهی نهگونجاو ،له پڕۆسهی نووسیندا وشه وزهی بهردهوامی زمانی نووسینه، تهواوی نووسینهكانی ئهدهبیاتیش بهرلهوهی لێپرسینهوه بێت ،ئهخالقه! من كارم بهو نووسهرانهوه نییه ،كه باسی بێ ئهخالقی مرۆیی و بهڕهاڵیی پرۆسهی سێكسی دهكهن و دواجار ئهخالق و سێكسییان پێ ناشیرینه .ئهوانه الی من جوانی خۆیان ههیه ،قهت گهڕهكم نییه لهو ڕوانگهوه خوێنهر ڕاوبكهم ،خوێنهر الی من ئهو بهشه تهواو نهكراوهی ناو نووسینه كه خۆم پێم تهواو نهبووهو نابێت. تهنانهت خوێنهر زۆر لهوه گهورهتره له ڕێگهی نووسینهكانمهوه كاری بازرگانییان پێوه بكهم .كارم بهوه نییه كێ نووسینهكانم دهخوێنێتهوه؟ لێ ههمیشه حورمهتم بۆ ئهو خوێنهره ههیه كه دهمخوێنێتهوه ،بۆ ئهوه نانووسم هیچ كهسێك پهست بكهم ،له بیری هیچ كهسێكی دیاریكراویشدا نییمه .نووسین له دیدگهی منهوه بۆ تاكه 121
كهسێك نییه ،بهڵكو له تاكه كهسێكهوهیه بۆ تهواوی چین و توێژهكانی كۆمهڵگه. نووسهری بێ سێبهرو ڕهخنهگری جوانبین و ڕاستهقینه چۆك دانانێت لهبهردهم هیچ ڕژێم ودهسهاڵتێكی سیاسیدا، تهنانهت له كاتی بارگرژییه سیاسی و كولتووریهكانیشدا پێنووسهكهی ناخاته پاڵ بهرژهوهندییهكانی تاكهكهسی خۆیهوه ،بهڵكو لهپهنجهرهی ڕای گشتییهوه سهیری ههلومهرجهكان دهكات بۆ ئهوهی بهو پهڕی ڕاستگۆیی و دوور له سێبهرهكان بنووسێت ،ههڵوێستهكانی دهخاته پێش بهرژهوهندییه تایبهتمهندییهكانییهوه .لهناو بهرژهوهندی گشتی گهل ،بهرژهوهندی تایبهتی خۆی دهبینێتهوه، لهپێناوی زیاتر خۆشگوزهرانی ژیانیدا ویژدانی خۆی لهسهر سهكۆی بهرژهوهندی ههراج ناكات ،ئاخر نووسهر كه ویژدانی نهما ،بهرله ههمووشت ههڵوێستی دهمرێت ،كه ههڵوێستیشی مرد مرۆڤبوونی خۆی له بیر دهچێتهوه .بۆیه ئهركی نووسهر به تهنها ههر بریتی نییه له نووسین! ههڵوێستیشه .ههڵوێستیش سهرچاوهكهی بریتییه له جوانتركردنی ژیان ،بهههمان شێوه ئهركی شاعیر تهنها نووسینی شیعر نییه ،وهك شیعری ڕووت! ئاخر شیعریش 122
دهبێت بارگاوی بكرێت به فیكری شاعیر .شاعیر بۆ جوانتر كردنی ژیان و ئهو واقیعه تاڵ و ڕهشانهی كهوا له دهوروبهریدا ههستیان پێدهكات دهنووسێت ،كهوایه ناشێت شاعیر له بهردهم كوشتندا بێدهنگ بێت و نهقهی نووسینی نهیێت .بهشێك له وانهی كه لهبارهی ههڵوێستی نووسهربوون و ئهركی پرۆسهی نووسین دهنووسن ،له چهند گۆشهنیگهی تایبهت و ههستپێكراو سهیری ئهم ڕهههنده قووڵه دهكهن ،ئاخر له تهواوی ههڵوێستهكانیش ههڵوێستگهلی تر ئامادهیییان ههیه ،تهنانهت شێوازگهلی جیاوازیش لهبارهی ههڵوێست وهرگرتن ئامادهیی ههیه، ناشێت شاعیر سێبهر بێت ،ئاخر شاعیر سێبهر نییه ،شاعیر دهمامكی هیچ دهسهاڵتێكی سیاسیی ناخانه سهر دهم و چاوی نووسینی ،ئهوه ئهركی ئهدیبه به ڕهش بڵێت :ڕهش و به سپیش بڵێت :سپی! ،من به گومانم له تێكهڵبوونی ڕهش و سپی ،گومانم ههیه له ڕهنگهكان ،زۆر به گومانم تاكو ئهو سنوورهی كه نووسهرهكانیش تێكهڵبوونه ،ئاخر دهمامكهكانی ئهدیبان شێوازگهلی جیاوازییان ههیه، زۆربهیان له دهمامكهكانیان لهنووسیندا پۆشیوه ،ههیانه له ڕووخسار و ههڵسوكهوت ،ههیانه ڕهفتار و كردار ،ههیانه 123
زۆرن ،دهمامكهكان
له قسه وگفتوگۆ ،دهمامكهكان جیاوازن ،دهمامكهكان ڕهنگاو ڕهنگن. جان ئاپدایك له دیمانهیهكدا ئاماژه به ههقیقهتی نووسین دهدات و دهڵێت(( :نووسین جیهان به شێوهیهكی ههقیقهتتر و ڕاستتر دهخاته بهرچاوم)) ،دهپرسم ئایا ئهركی نووسهر نیشاندانی دیوه شاردراوهكان و ڕاستییهكان نییه به خهڵك ؟ یاخود شاردنهوهی ڕاستییهكان و سهرلێشواندنی خهڵك؟ ئایا پرۆسهی نووسین بهرپرسیاریهتی و جوانبینی و ههڵوێستی لێ سندرێتهوه ،چی تری تێدا دهمێنێتهوه؟ ئهدیبی بێ دهمامك سهیری شهقامی گهمه سیاسییانه ناكات ،بهڵكو بۆیان دهڕوات و بهشدار دهبێت .ئازادی لهدایك نابێت ،ئازادی شتێكی خۆڕسك نییه ،ئازادی دهبێت بۆی بچی و ههوڵی جددی و ڕاستهقینهی بۆ بدرێت ،كارهساته ههر كۆمهڵگهیهك چاوهڕێی ئازادی بكات ،ئهدیب دهبێت ههوڵی ڕاسته ڕێكردنی ئاراستهكانی ئازادی بدات.
124