Játtanin er virkin til alt

Lógin um játtanina er ikki bert virkin til frelsu, men eisini virkin til alt annað í lívinum. Tað verið seg gott ella ónt. Í Markus 11:23 sigur Jesus:

„...og ivast ikki í hjartanum, men trýr, at tað verður, sum hann sigur, honum skal verða so“.

Nógv fólk hava meiri trúgv á Sátan enn á Gud. Tey trúgva við hjartanum og siga við munninum: „Eg fái altíð krím, tá tað gongur“ og av tí at tey trúgva tí og siga tað við munninum, so fáa tey krím. Heldur enn at trúgva í hjartanum og siga við munninum, „Jesus tók mínar veikleikar og lyfti av mær mínar sjúkur sambært Matteusi 8:7, og tí nokti eg einhvørjari sjúku at vera í mínum likami!“

Orðatøkini siga okkum, at vit eru fangað av tí, ið okkara muður mælir.

Játta sjúku og fátækdømi og tú fært tað!

Játta heilsu og framgongd og tú fært tað!

Valið er títt!