Дози: Дневна доза е 3-4гр сув лист од лопен. Лекови: Во домашни услови од лопенот може да се направи чај и тоа од суви или свежи листови од цветови. Чајот се припрема како инфуз. Една супена лажица се става на чаша врела вода (300мл), треба да кисне 15-30 минути и се процедува. Дневна доза е 3 пати по една чаша по јадење засладен со мед. Ефектот е многу брз и кај пациентите заздравувањето релативно брзо. Постојат готови лекови кои се добиваат од цветовите на лопен кои се користат против кашлица. Цветовите од лопен можат да се користат и кај најмалите и кај возрасните. Немаат несакани дејства нити пак контраиндикации. Доколку дојде во контакт со крвта сапонозидите од лопенот може да направат хемолиза или разградување на црвените крвни клетки, па од тие причини се користи за криминални труења на риби. Разумно искористување на еко ресурсите на планините Голак и Влаина 2007CB16IPO007-2009-1-80
65
ПРИРАЧНИК ЗА СОБИРАЧИ НА ЛЕКОВИТИ БИЛКИ И ШУМСКИ ПЛОДОВИ
кашлица. Уште во античка Грција е опишан од Диоскорит во неговата книга Дематерија медика. Сапонините и слузните материи ја ублажуваат кашлицата и овозможуваат разложување на лепливиот белодробен секрет (балгами) и нивно полесно искашлување. Секретолитичното дејство на ова растение овозможува полесно оздравување на пациентите кои имаат заболување на дишните патишта како што се бронхит, пнеумонија, бронхијална астма, туберколоза и магарешка кашлица. Значајно е и тоа што лопенот ги шири белите дробови, делува бронходелататорно, го олеснува дишењето и ги намалува болките при дишењето. Сапонозидите и флавонидите му даваат фармаколошко дејство на лопенот и врз бубрезите, ја зголемуваат нивната функија, се зголемува мокрењето и се намалуваат отоците по телото. Локално ова растение во форма на облози се користи за лекување на отоци, при удрени места за лекување на чиреви како и за лекување на болки во увото. Ова растение е многу ценето во Велика Британија, Германија, Швајцарија, Австрија, Чешка и влегува во составот на чаевите Species pectorales кои се користат за лекување на градни болести. Може да се комбинира со други растенија како што е подбел, црн слез, риген, мајчина душица, анасон, булка.