Universidad de Zaragoza
Taula 49: Transmisión materno-filial Alt Matarranya
Alt Matarranya
Transmisión mai-fillo
666
84%
Fin transmisión pai-fillo
44
6%
Atras transmisions
80
10%
TOTAL
790
100%
Tot y con o mantenimiento d’a transmisión familiar en as comarcas orientals, lo estudio recient de Sorolla (2015a) sinyala que lo catalán ye perdendo terreno en as relacions entre menors escolarizaus, fendo que bi haiga un risque real de que la transmisión en a familia prencipie a retacular en as siguients cheneracions. La composición interna d’a población d’a zona catalanoparlant ha cambiau, habendoie mas inmigración forana y una autoctonización d’o castellano en bellas capas socials, por lo qual ista nueva población presiona los usos d’a luenga catalana enta los entornos familiars: dinamicas que se suman a las politicas homocheneizaderas que a sufriu o territorio a o largo de sieglos. Los indicadors amuestran que podrianos estar en una fase previa a la ruptura d’a transmisión familiar. Y, a la vista d’os resultaus d’o Censo, en bellas arias, a lo menos en Mesquí-Bergantes, ista ruptura ya s’ha iniciau de forma clara. Iste fenomeno de primers pasos de substitución lingüistica, previos a ixa ruptura d’a transmisión intercheneracional, son mas grieus en as comarcas d’o norte que no en o sud, con a excepción d’a zona d’o Mesquí. En ista linia podemos interpretar los datos d’a Ribagorza / Ribagorça, d’a Llitera y d’o Mesquí-Bergantes como las tres comarcas an que la transmisión familiar ye mas feble, y l’Alt matarranya, lo Baix Matarranya y lo Baix Cinca como las zonas lingüisticas que tienen una mayor continidat en a transmisión d’a luenga a las nuevas cheneracions. Por tanto, pareix confirmar-se que as zonas con una transmisión más feble son as más perifericas, especialment o norte, pero tamién o sud-ueste. Allora, concluyimos que en determinadas arias d’a Francha catalanoparlant la trasmisión cheneracional d’a luenga escomencipia a erosionar-se. Amás, las freqüencias relativas pueden enmascarar la situación sociolingüistica global en termins absolutos.
76