L’aragonés y lo catalán en l’actualidat. Analisi d’o Censo de Población y Viviendas de 2011.
Pa rematar iste repaso a los datos d’a ciudat de Zaragoza, nos plantiamos conoixer quántos d’ixes paladors son orichinarios d’as zonas d’uso historico d’istas luengas. Asinas se podría distinguir la población de neoparladors d’a de parladors que han adquiriu l’aragonés por transmisión familiar. Ye un tema complexo, pero pa obtener uns datos inicials, hemos cruzau lo numero de parladors d’aragonés y catalán en Zaragoza con l’orichen (puesto de naximiento) d’os mesmos. D’entre totz los parladors d’aragonés y de catalán que habitan en Zaragoza, un 11% y un 7’6%, respectivament, proceden d’as zonas d’uso historico, lo qual nos permite fer una aproximación a lo tamanyo d’a bolsa de parladors nativos d’aragonés y catalán d’Aragón en a ciudat.
3.2 Composición sociodemografica d’a población de parladors De l’analisi d’as competencias en os diferents territorios pasamos a fer-ne unatro sobre lo sexo, la edat y lo nivel d’estudios d’a población, que declara saber charrar aragonés y catalán. La metodolochía que femos servir en ista parte de l’analisi ye comparar la distribución poblacional de bellas variables sociodemograficas pa lo subgrupo que sabe charrar catalán u aragonés con o total d’a población d’o territorio. Asinas podemos caracterizar sociodemograficament la población que mantiene la luenga con respecto a la población cheneral.
3.2.1 Parladors y sexo Quanto a los charradors d’aragonés de tot Aragón, s’observa que la población de parladors l’aragonés ye mas masculinizada que no la población cheneral d’Aragón (Recaño, 2002). Bi ha 3,2% de diferencia entre la población total d’aragón y la población aragonesa que declara charrar aragonés, lo qual ye una diferencia prou gran en ista mena de variables que no gosan variar guaire, por lo que una diferencia de 3,2 puntos ye una diferencia important (taula 5).
47