Endurskoðunarskýrsla með ársreikningi Faxaflóahafna sf. 2011
Mars 2012
Endurskoðunarskýrsla fyrir árið 2011
1
9. mars 2012 Til stjórnar Faxaflóahafna sf. B.t. Hjálmars Sveinssonar, stjórnarformanns Hafnarhúsinu Reykjavík
Við höfum lokið endurskoðun okkar á ársreikningi Faxaflóahafna sf. fyrir árið 2011, þ.e. skýrslu stjórnar, rekstrarreikningi, efnahagsreikningi 31. desember 2011, sjóðstreymi og skýringum. Ársreikningur 2011 var lagður fram og samþykktur þann 9. mars 2012.
Endurskoðunarskýrsla fyrir árið 2011
Efnisyfirlit
Endurskoðunaraðferð okkar ............................................................ 3 Rekstrarreikningur............................................................................... 5 Efnahagsreikningur ............................................................................. 8 Mikilvæg atriði ..................................................................................... 11 Niðurstaða ............................................................................................ 13
2
Endurskoðunarskýrsla fyrir árið 2011
3
Endurskoðunaraðferð okkar
Markmið endurskoðunarinnar var að láta í ljós álit á ársreikningi Faxaflóahafna sf. Endurskoðun okkar var hagað í samræmi við alþjóðlega endurskoðunarstaðla. Grundvallaratriði í endurskoðun er þekking á starfsemi viðskiptavinarins, þeirri viðskiptaáhættu sem í henni er fólgin og þeim eftirlitsaðferðum sem notaðar eru til að draga úr áhættunni. Það er mikilvægt að gera sér grein fyrir þessum atriðum, ekki aðeins fyrir markmið endurskoðunarinnar, heldur einnig til að geta greint frá og bent á atriði sem betur mættu fara í starfseminni. Við höfum lokið endurskoðun á ársreikningi Faxaflóahafna sf. fyrir árið 2011 þ.e. skýrslu stjórnar, rekstrarreikningi, efnahagsreikningi, sjóðstreymi og skýringum. Endurskoðunin náði m.a. til eftirfarandi þátta: 1. Að meta innra eftirlit félagsins með tilliti til áhættu á að það komi ekki í veg fyrir verulegar villur í reikningsskilunum. 2. Að meta áhættuviðmið, þ.e. mikilvægismörk, eðlislæga áhættu og eftirlitsáhættu. 3. Að ganga úr skugga um að tekjur ásamt gjöldum félagsins komi réttilega fram í ársreikningi og séu í eðlilegu samræmi við eigna- og skuldaliði. 4. Að sannreyna að eignir félagsins séu til staðar og hæfilega metnar. 5. Að sannreyna að allar skuldir og skuldbindingar félagsins komi fram í ársreikningi og ganga úr skugga um að þær séu metnar í samræmi við viðurkenndar reikningshaldsreglur. 6. Að greina ýmsa liði í ársreikningi og bera saman við fjárhæðir fyrra árs. 7. Að kanna lotun reikningsliða og skoða framsetningu þeirra í ársreikningi. 8. Að tryggja að form ársreiknings og efnisinnihald sé í samræmi við ákvæði laga, reglna og samþykkta um meðferð fjármuna og viðteknar reikningsskilavenjur. Þar sem endurskoðunin byggist á úrtakskönnunum og öðrum aðferðum sem í eðli sínu eru takmarkaðar er óhjákvæmilega hætta á að einhverjir mikilvægir eða verulegir annmarkar komi ekki í ljós við endurskoðun.
Endurskoðunarskýrsla fyrir árið 2011
4
Ábyrgð stjórnenda Við viljum benda á að ársreikningurinn er lagður fram af stjórn Faxaflóahafna sf. og hafnarstjóra og er á ábyrgð þeirra í samræmi við starfsskyldur þeirra. Þetta felur í sér að allar upplýsingar sem þeim eru kunnar og skipta máli komi fram, að bókhald sé fært eftir viðteknum reglum, að innra eftirlit sé í fullnægjandi horfi og að nægjanlegt eftirlit sé með eignum hafnarinnar. Í samræmi við góða endurskoðunarvenju hafa stjórnendur félagsins undirritað sérstaka yfirlýsingu þar sem þeir staðfesta ábyrgð sína í þessum efnum. Reikningsskilaaðferðir Ársreikningur Faxaflóahafna sf. fyrir árið 2011 er gerður í samræmi við lög um ársreikninga, reglugerð um framsetningu og innihald ársreikninga og reglugerð um bókhald og ársreikninga sveitarfélaga eftir því sem við á. Hann er í meginatriðum gerður eftir sömu reikningsskilaaðferðum og árið áður.
Endurskoðunarskýrsla fyrir árið 2011
5
Rekstrarreikningur
Fjárhagsáætlun Stjórn samþykkti fjárhagsáætlun Faxaflóahafna sf. fyrir árið 2011 á fundi þann 22. október 2010. Fjárhagsáætlunin var endurskoðuð á seinni hluta ársins 2011 og var hún samþykkt af stjórn á fundi þann 9. september 2011. Rekstrartekjur Rekstrartekjur ársins 2011 námu 2.451,0 millj.kr. en áætlun gerði ráð fyrir að tekjurnar yrðu 2.362,7 millj.kr. Frávik frá áætlun nam 3,7% eða um 88,3 millj.kr. Til viðmiðunar voru rekstrartekjur vanáætlaðar um 82,7 millj.kr. árið 2010. Rekstrartekjur – Frávik frá áætlun: Ársreikningur
Fjárhagsáætlun
Frávik
Frávik %
Vörugjöld
782.139
793.391
-11.252
-1,4%
Aflagjöld
263.644
200.000
63.644
31,8%
Skipagjöld
203.519
184.418
19.101
10,4%
Eignatekjur
719.960
709.252
10.708
1,5%
Hafnarþjónusta
301.475
294.095
7.380
2,5%
Siglingavernd
177.548
181.554
-4.006
-2,2%
2.697
0
2.697
-
2.450.983
2.362.710
88.273
3,7%
(í þús. kr.)
Söluhagnaður eigna og aðrar tekjur Samtals
Í fjárhagsáætlun 2011 var gert ráð fyrir að tekjur af aflagjöldum yrðu 200,0 millj.kr. Rauntekjur aflagjalda námu hins vegar 263,6 millj.kr. og því voru tekjurnar vanáætlaðar um 31,8%. Helstu ástæður eru annars vegar raktar til hærra aflaverðmætis og hins vegar til þess að löndun afla hefur aukist í höfnum Faxaflóahafna sf. Aukning rekstrartekna nam 133,1 millj.kr. milli ára eða um 5,7%. Allir tekjuliðir félagsins hækkuðu á milli ára. Aflagjöld hækkuðu mest eða um 23,7%.
Endurskoðunarskýrsla fyrir árið 2011
6
Rekstrargjöld Rekstrargjöld ársins 2011 námu 2.098,2 millj.kr. en áætlanir gerðu ráð fyrir að rekstrargjöld yrðu alls 2.109,0 millj.kr. Frávik frá áætlun nam 0,5% eða um 10,8 millj.kr. Til viðmiðunar var rekstrarkostnaðar árið 2010 vanáætlaður um 19,3 millj.kr. Rekstrargjöld – Frávik frá áætlun: Ársreikningur
Fjárhagsáætlun
Frávik
Frávik %
Hafnarvirki
368.069
340.510
27.559
8,1%
Eignagjöld
248.877
268.096
-19.219
-7,2%
Hafnarþjónusta
337.282
324.506
12.776
3,9%
Skrifstofu- og stjórnunarkostnaður
246.928
257.322
-10.394
-4,0%
Siglingavernd
146.028
138.542
7.486
5,4%
Afskriftir
751.022
780.000
-28.978
-3,7%
2.098.206
2.108.976
(10.770)
-0,5%
(í þús. kr.)
Samtals
Raunkostnaður vegna hafnarvirkja var 8,1% hærri en áætlun gerði ráð fyrir. Ástæður þess má einkum rekja til aukins kostnaðar við snjómokstur og endurnýjun á þybbum við Vogabakka. Við samanburð rekstrargjalda kemur í ljós að rekstrargjöld hækkuðu um 4,1% milli ára. Hækkunin stafar aðallega af auknum kostnaði vegna hafnarvirkja og hafa ástæður hennar verið raktar hér að ofan. Rekstrargjöld – Samanburður milli ára: Ársreikningur
Ársreikningur
Frávik
Frávik %
2011
2010
Hafnarvirki
368.069
285.290
82.780
29,0%
Eignagjöld
248.877
274.829
-25.952
-9,4%
Hafnarþjónusta
337.282
322.111
15.171
4,7%
Skrifstofu- og stjórnunarkostnaður
246.928
262.616
-15.687
-6,0%
Siglingavernd
146.028
130.618
15.410
11,8%
Afskriftir
751.022
739.156
11.866
1,6%
2.098.206
2.014.619
83.587
4,1%
(í þús. kr.)
Samtals
Þrátt fyrir 4,1% aukningu rekstrargjalda milli ára þá lækka bæði skrifstofu- og stjórnunarkostnaður um 6% og eignagjöld um 9,4%. Ástæður fyrir lækkun skrifstofu- og stjórnunarkostnaðar má annars vegar rekja til lægri útgjalda til ráðgjafar og markaðsmála og hins vegar til lækkunar á afskriftum kröfum. Lækkun eignagjalda stafar einkum af frestun viðhaldsverkefna.
Endurskoðunarskýrsla fyrir árið 2011
7
Fjármagnsliðir Fjármagnsgjöld að frádregnum fjármagnstekjum árið 2011 námu 104,1 millj.kr. Í fjárhagsáætlun var gert ráð fyrir nettó gjöldum að fjárhæð 107,4 millj.kr. Fjármagnsliðir – samanburður milli ára: (í þús. kr.)
Ársreikningur
Ársreikningur
Breyting
Breyting
2011
2010
milli ára
milli ára %
Fjármagnstekjur:
Vaxtatekjur
22.223
Verðbætur eigna
27.104
-4.881
-18,0%
27.493
2.299
25.194
1095,9%
2.469
11.660
-9.192
-78,8%
52.184
41.063
11.121
27,1%
Vaxtagjöld
76.091
83.378
-7.288
-8,7%
Verðbætur skulda
71.766
36.821
34.944
94,9%
8.448
(45.702)
54.150
-118,5%
156.304
74.498
81.807
109,8%
Arðstekjur Samtals
Fjármagnsgjöld:
Gengismunur Samtals
Verðbætur peningalegra eigna árið 2011 námu 27,5 millj.kr. en árið áður námu þær 2,3 millj.kr. Langtímakröfur félagsins eru verðtryggðar og skýrast sveiflur í liðnum verðbætur eigna meðal annars af breytingum bygginga- og neysluverðsvísitölu. Ársverðbólga í janúar 2012 mældist 6,5% en hún var 1,8% í janúar 2011. Á árinu 2011 námu verðbætur skulda 71,8 millj.kr. en þær voru 36,8 millj.kr. árið áður. Verðbætur skulda eru tilkomnar vegna uppreiknings á verðtryggðum langtímalánum félagsins. Gengistap nam 8,5 millj.kr. árið 2011 en árið 2010 nam gengishagnaður 45,7 millj.kr. Gengisáhætta Faxaflóahafna sf. er bundin í EUR láni sem tekið var árið 2008. Á árinu 2011 veiktist krónan um 3,2% gagnvart evru en hún styrktist um 14,5% árið 2010.
Endurskoðunarskýrsla fyrir árið 2011
8
Efnahagsreikningur
Varanlegir rekstrarfjármunir Fjárfestingar ársins námu 882,7 millj.kr. en fjárhagsáætlun gerði ráð fyrir 675,0 millj.kr. Frávik frá áætlun nam því 30,7%. Í fjárhagsáætlun var ekki gert ráð fyrir eignfærðri fjárfestingu vegna samkomulags við ODR ehf. og Skeljung hf. á lóðaskilum við Hólmaslóð þar sem lóðaskilin voru háð samþykki deiliskipulags vegna breytinga á lóðamörkum. Fjárfesting ársins vegna lóðaskila ODR ehf. og Skeljungs hf. nam 264,9 millj.kr. Fjárfestingar Faxaflóahafna sf. árið 2011: (í þús. kr.)
Vestur- og Austurhöfn
Sundahöfn
Hafnarvirki
145.042
67.840
Húseignir
25.737
Grundartangahöfn Akraneshöfn 148.938
37.188
Samtals 399.008 25.737
Lóðir
304.582
31.953
53.657
390.192
Götur
6.934
14.694
46.113
67.742
482.294
114.488
248.709
Samtals
37.188
882.679
Helstu framkvæmdir í Gömlu höfninni (sbr. Vestur- og Austurhöfn í töflu hér að ofan) voru endurbygging trébryggju við Ingólfsgarð, gerð göngubryggju við Vesturbugt og fjárfestingar í flotbryggjum fyrir útgerðaraðila smábáta og ferðaþjónustuaðila. Í Sundahöfn var haldið áfram með landgerð utan Klepps og frágangi lóða á Klettasvæði. Hafinn var undirbúningur að 2. áfanga Skarfabakka á árinu og lokið var við frágang Skarfagarðs. Uppbygging á Grundartanga hélt áfarm á árinu 2011 með undirbúningi að lengingu Tangabakka, landþróun, lóða- og gatnagerð. Á Akranesi var fjárfest í nýrri flotbryggju fyrir smábáta. Eignarhlutir í öðrum félögum Á árinu 2011 hækkuðu eignarhlutir í öðrum félögum um 47,3 millj.kr. Hækkunin skýrist af hækkun hlutafjár í Halakoti ehf. að fjárhæð 45,0 millj.kr. Langtímakröfur Í lok árs 2011 námu langtímakröfur 217,9 millj.kr. en í lok árs 2010 námu þær 252,4 millj.kr. Langtímakröfur samanstanda af 9 skuldabréfum sem öll eru gefin út sem hluti af uppgjöri lóðagjalda. Afborganir langtímakrafna á árinu 2011 námu 153,2 millj.kr. Alls voru 9 skuldabréf greidd upp á árinu. Veitt voru 4 ný skuldabréfalán á árinu fyrir 93,4 millj.kr.
Endurskoðunarskýrsla fyrir árið 2011
9
Skammtímakröfur Viðskiptakröfur námu 254,0 millj.kr. í árslok 2011 og lækka þær um 7,8% milli ára. Flokkun viðskiptakrafna 31.12.2011: 2011
Hlutfall
2010
Hlutfall
Vörugjöld
152.818
51,1%
145.932
47,0%
Aflagjöld
66.838
22,4%
34.884
11,2%
Skipagjöld
6.329
2,1%
13.679
4,4%
Húsaleiga
8.903
3,0%
9.408
3,0%
Lóðaleiga
23.380
7,8%
13.581
4,4%
Lóðagjöld
0
0,0%
22.626
7,3%
5.598
1,9%
28.367
9,1%
Kröfur í lögheimtu
35.035
11,7%
42.153
13,6%
Viðskiptakröfur alls
298.901
100%
310.630
100%
Niðurfærsla krafna
(44.903)
-15,0%
(35.169)
-11,3%
Ýmsar kröfur
Samtals
253.998
275.461
Viðskiptakröfur eru færðar niður um 44,9 millj.kr. í efnahagsreikningi félagsins vegna óvissu um innheimtu. Hér er ekki um endanlega afskrift að ræða, heldur er myndaður mótreikningur, sem mæta á þeim kröfum sem kunna að tapast. Niðurfærslan er reiknuð af viðskiptakröfum sem teljast í sérstakri áhættu og nemur sú niðurfærsla 33,8 millj.kr. en einnig er færð almenn varúðarniðurfærsla og nemur sú niðurfærsla 11,1 millj.kr. Eigið fé Eigið fé Faxaflóahafna sf. var 10.723,6 millj.kr. þann 31. desember 2011 en var 10.647,9 millj.kr. í ársbyrjun 2011. Á árinu 2011 greiddu Faxaflóahafnir sf. eigendum sínum arð að fjárhæð 173 millj.kr. Í fjárhagsáætlun 2012 er gert ráð fyrir sömu arðgreiðslu. Eiginfjárhlutfall 31. desember 2011 var 82,7% en í ársbyrjun 2011 var hlutfallið 84,3%.
Endurskoðunarskýrsla fyrir árið 2011
10
Skuldir og skuldbindingar Skuldir og skuldbindingar skv. efnahagsreikningi Faxaflóahafna sf. voru í árslok 2.235,9 millj.kr. en árið áður námu þær 1.988,7 millj.kr. Skuldir og skuldbindingar félagsins hafa því hækkað um 12,4% en árið áður höfðu þær lækkað um 7,8%. Ástæðu þess má einkum rekja til veikingar krónunnar, hækkunar á vísitölu til verðtryggingar og samkomulags við ODR ehf. og Skeljung hf. um greiðslu að fjárhæð 205,4 millj.kr. vegna lóðauppgjörs við Hólmaslóð. Í samkomulaginu fellst að Faxaflóahafnir sf. endurgreiði ODR ehf. og Skeljungi hf. á næstu 4 árum. Eftirstöðvar langtímalána þann 31. desember 2011 námu 1.847,6 millj.kr. og hafa þær hækkað um 11,7% milli ára. Sundurliðun á breytingu milli ára greinist á eftirfarandi hátt. Langtímalán - Sundurliðun á breytingu milli ára: (í þús. kr.)
Staða langtímalána 31.12.2010
1.654.215
Ný langtímalán
205.362
Afborganir langtímalána
(92.220)
Gengismunur
8.453
Verðbætur
71.766 Staða langtímalána 31.12.2011
1.847.576
Næsta árs afborganir langtímalána eru áætlaðar 226,7 millj.kr. Á árinu 2011 áttu að hefjast greiðslur af EUR láni sem tekið var árið 2008 vegna kaupa á hafnsögubát. Félagið samdi um frestun gjalddaga til ársins 2012 þar sem forsvarsmenn félagins telja að þróun gengisvísitölu muni verða félaginu hagstæðari á árinu 2012. Hlutfall lána í erlendri mynt í lánasafni félagsins nam 14,8%. Útreikningur tryggingastærðfræðings á lífeyrisskuldbindingu lá ekki fyrir við uppgjör og því byggist hún á áætlun. Áætluð lífeyrisskuldbinding í árslok nam 75,4 millj.kr. Í ársreikningi 2010 nam áætluð lífeyrisskuldbinding 79,2 millj.kr. Til samanburðar nam útreikningur tryggingastærðfræðings á lífeyrisskuldbindingu í lok árs 2010 um 68,5 millj.kr. Skuldbindingar utan efnahagsreiknings Eftirstöðvar útboðs- og verksamninga námu um 220,1 millj.kr. í árslok. Skuldbindingin er m.a. vegna útboða á hafnargæslu, hönnunar á hafnarmannvirkjum, gatna- og lagnagerðar og ýmissa annarra framkvæmda á Grundartanga. Veltufé frá rekstri, veltufjárhlutfall Sjóðstreymi fyrir árið 2011 sýnir að veltufé frá rekstri nam 1.052,4 millj.kr. á árinu. Að teknu tilliti til breytinga á rekstrartengdum eignum og skuldum nam handbært fé frá rekstri 1.131,5 millj.kr. Í fjárhagsáætlun var gert ráð fyrir að handbært fé frá rekstri næmi 971,4 millj.kr. í árslok. Frávik frá áætlun má aðallega rekja til betri afkomu en áætlanir gerðu ráð fyrir. Hagnaður ársins nam 248,7 millj.kr. en áætlun gerði ráð fyrir 146,4 millj.kr. hagnaði. Veltufjárhlutfall þann 31. desember 2011 var 2,02 en var 2,3 þann 31. desember 2010.
Endurskoðunarskýrsla fyrir árið 2011
11
Mikilvæg atriði
Hér verða talin upp mikilvæg atriði sem upp komu við endurskoðun ársins 2011. Innheimta viðskiptakrafna Í ljósi þess efnahagsástands sem ríkt hefur á undanförnum árum hefur innheimta krafna almennt verið erfiðari hjá fyrirtækjum landsins og hefur niðurfærsla og afskriftir krafna aukist. Faxaflóahafnir sf. hafa fundið fyrir þessari þróun og því hefur félagið lagt áherslu á að efla innheimtuferilinn með góðum árangri. Á árinu lækkuðu viðskiptakröfu fyrir niðurfærslu milli ár um 3,8% á sama tíma og niðurfærsla hækkaði um 27,7%. Við teljum mikilvægt að félagið haldi áfram að efla innheimtuferilinn og komi á fastmótuðum reglum um hvenær kröfur eru sendar í lögfræðiinnheimtu og hvenær þær skuli endanlega afskrifaðar. Eftirlit með tekjum Í endurskoðunarskýrslu með ársreikningi 2010 bentum við á mikilvægi þess að efla innra eftirlit með skráningu tekna t.d. með því að útbúa skriflega verkferla. Bentum við á að þessi aðgerð væri ekki síður mikilvæg fyrir þær sakir að félagið reiðir sig að megninu til á utanaðkomandi upplýsingar við skráningu afla- og vörugjalda. Stjórnendur félagsins hafa útbúið drög að skriflegum verkferlum fyrir liði sem tengjast fjárhagsupplýsingum félagsins. Drögin innihalda lýsingu á ábyrgðasviði og starfsskyldum einstakra starfsmanna fyrir hvern feril fyrir sig. Þrátt fyrir að félagið hafi eflt innra eftirlit með skráningu tekna þá er eðli afla- og vörugjalda þannig að félagið þarft að reiða sig á utanaðkomandi upplýsingar. Mælum við með því að félagið leiti leiða til að efla enn frekar eftirlit með utanaðkomandi upplýsingum við tekjuskráningu. Í því sambandi gæti lausnin annars vegar falist í aukinni samvinnu við opinberar eftirlitsstofnanir eins og Fiskistofu og Tollstjóra og hins vegar með aukinni samvinnu og aðgengi að frumgögnum hjá skipa- og útgerðarfélögunum. Tengdir aðilar Samkvæmt upplýsingum frá stjórnendum Faxaflóahafna sf. er ekki til staðar listi yfir tengda aðili sem samþykktur er af stjórn. Á listanum ættu að koma fram tengdir aðilar eins og þeir eru skilgreindir í alþjóðlegum reikningsskilastöðlum. Við mælum með því að úr þessu verði bætt.
Endurskoðunarskýrsla fyrir árið 2011
12
Fjárfestingar - Innkaupaferillinn Á hverju ári fjárfesta Faxaflóahafnir sf. í varanlegum rekstrarfjármunum fyrir hundruð millj.kr. Fjárfestingar Faxaflóahafnir sf. falla undir lög um opinber innkaup og opinber útboð auk þess sem innkaupa- og útboðsreglur Reykjavíkurborgar eru hafðar til viðmiðunar samkvæmt upplýsingum frá hafnarstjóra. Faxaflóahafnir sf. kaupa ýmsa tilfallandi sérfræði- og viðhaldsþjónustu sem réttilega fellur undir almennan rekstrarkostnað. Vegna stærðar og eðli starfseminnar getur kostnaður til einstakra fyrirtækja á ársgrundvelli hlaupið á tugum milljóna. Mikilvægt er að til staðar séu reglur sem tryggja að Faxaflóahafnir sf. njóti ávallt viðunandi kjara vegna umfangsmikilla sérfræði- og viðhaldsþjónustu sem fellur undir almennan rekstrarkostnað. Slíkar reglur ættu að innihalda kröfu um reglulegan verðsamanburð og kröfu um mat á hagkvæmni þjónustusamnings. Langtímakröfur Langtímakröfur samanstanda af skuldabréfum vegna greiðslu lóðagjalda. Langtímakröfur hafa lækkað verulega á síðustu árum þar sem úthlutuðum lóðum hefur fækkað. Skuldabréfin eru yfirleitt gefin út til fimm ára og því er útlit fyrir að þessi þróun haldi áfram á meðan úthlutun lóða er í lágmarki. Á árinu 2011 voru 9 skuldabréf greidd upp og 4 ný skuldabréf gefin út. Skuldabréfin voru 9 talsins í árslok 2011. Af þeim voru 3 í innheimtu hjá lögfræðingi, 1 skuldabréf er uppgreitt og 5 bréf í skilum. Skuldabréfin eru ekki niðurfærð þar sem þau eru tryggð með 1. veðrétti í lóðunum sjálfum. Lóðaskil Á árinu 2011 gerði félagið samkomulag við ODR ehf. og Skeljung hf. sem fól m.a. í sér að ODR ehf. og Skeljungur hf. skiluðu lóðum við Hólmaslóð 1 og 3. Í samkomulaginu féllust Faxaflóahafnir sf. á að endurgreiða félögunum lóðagjöld að fjárhæð 273,8 millj.kr. Eftirstöðvar skuldarinnar í árslok voru 205,4 millj.kr. og greiðast með jöfnum afborgunum næstu 4 árin. Eignarhlutir í öðrum félögum Á árinu 2010 var félagið Halakot ehf. stofnað og lögðu Faxaflóahafnir sf. fram 6,0 millj.kr. stofnfé. Tilgangur þess er að sjá um byggingu beitningaskúra á Akranesi. Hafnarstjórn samþykkti á stjórnarfundi í byrjun árs 2011 að leggja 50,0 millj.kr. til verkefnisins. Hlutafé Halakots ehf. var aukið í 51 millj.kr. á árinu 2011. Staðfestingar lögmanna Samkvæmt Magnúsi Baldurssyni hrl., sem unnið hefur lögfræðistörf fyrir Faxaflóahafna sf. á árinu 2011, eru engin málaferli í gangi sem tengjast félaginu. Hann hefur hvorki vitneskju um kröfur sem hugsanlega gætu verið gerðar á hendur félaginu sem leitt gætu til málaferla né um kröfur sem félagið hyggst krefjast og gætu leitt til málaferla. Þann 30. júní 2011 stefndi Globus hf. Faxaflóahöfnum sf. og krafðist 10,0 millj.kr. til endurgreiðslu ofgreiddra þjónustugjalda. Þann 13. febrúar 2012 lauk málinu með sátt.
Endurskoðunarskýrsla fyrir árið 2011
13
Niðurstaða
Það er álit okkar að ársreikningurinn 2011 gefi glögga mynd af rekstri Faxaflóahafna sf. á árinu 2011, efnahag 31. desember 2011 og breytingu á handbæru fé á árinu 2011 í samræmi við lög og góða reikningsskilavenju.
Reykjavík, 9. mars 2012 Grant Thornton endurskoðun ehf.gu
r endurskoðand
Theodór S. Sigurbergsson löggiltur endurskoðandi