3
June 2013
Daloy Kayumanggi "Inspiring Global Filipinos in Japan" Impormasyon ng Pilipino
Mga Aberya sa Eleksyon, naitala ng PPCRV
c
philstar.com
H
indi pa man nangangalahati ang araw, dinagsa na ng mga reklamo at ulat ang Parish Pastoral Council for Responsible Voting (PPCRV) hinggil sa ilang aberya sa eleksyon na naranasan mula sa iba’t ibang lugar sa Pilipinas nitong Mayo 13. Ayon kay Ana De Villa-Singson, ang Media Director ng PPCRV, ilan sa mga natanggap nilang ulat ang pagkawala ng pangalan ng ilang botante sa Computerized Voter’s List (CVL) ng COMELEC. May naging insidente naman daw ng pagkawala ng voting precinct sa Batangas National High School sa Lipa City. Nagkaroon din ng manual voting sa nasabing siyudad dahil hindi gumana ang PCOS machines. Marami ring bayan sa Luzon ang nawalan ng kuryente at nabigo sa paggamit ng voting ballot dahil hindi ito kasya sa PCOS machines at walang serial number ang ilan sa mga ito.
Dagdag-benepisyo sa mga retiradong pulis aprub
M
ay panibagong benepisyong matatanggap ang mga retirees ng Philippine National Police. Ito’y matapos aprubahan ng palasyo ang pagpapalabas ng halagang P1.39 billion na nakalaan para sa mga pension benefits ng mga retiradong pulis. Si Budget Secretary Florencio Abad na mismo ang naganunsyo na may basbas na ng palasyo sa pagpapa-enroll ng mga ito sa automated teller machine system ng Land Bank of the Philippines. Mahahati umano sa dalawa ang naturang nakalaang budget. Una, ang P715 milyon, ay mapupunta sa pension requirements ng 8,890 na mga retiradong opisyales at personnel mula Enero hanggang Disyembre, ngayong taon. Ang ikalawa naman, ang P675.5 milyon, ay mapupunta naman sa mga retiradong pulis na dati nang nakalista sa PNP retiree database na may bilang na 15,899. Sa kabuuan, 63,550 na ang bilang ng mga retiradong pulis na nasa database ng PNP. Ayon kay Abad, 95% na ng kabuuang bilang na ito ay validated at cleared na para tumanggap ng panibagong dagdag-benepisyo.
Kalayaan, mariing binabantayan
Arroyo, hindi nakaboto c
pinoyrepublic.net
c
echopollo.hubpages.com
c
philstar.com
S
a kabila ng mga banta ng Tsina hinggil sa Kalayaan Group of Islands, nasa lookout ang militar sa Ayungin Reef at mariing binabantayan ang iba pang mga isla matapos pumasok ang 30 Chinese vessels mula sa Hainan sa 200 nautical mile Philippine exclusive economic zone. Mainit ang mata ng militar sa grupong Tsino na namataang nakakalat at paligid-ligid sa Mischief Reef of Panganiban Reef na sinasabing sangtwaryo na ng mga Tsinong mangingisda. Matatandaang nasakop ng Tsina ang Mischief Reef noong 1994. Ayon sa mga ulat, mayroon nang itinayong mga istruktura ang mga Tsino rito at ang ilan ay kahawig ng military installations. Samantala, nakiusap na ang pamahalaan ng Pilipinas na lisanin ng Tsina ang Mischief Reef ngunit nagtaingangkawali lamang ang Tsina sa pakiusap.
Mga pumanaw na, nasa voter's list pa rin
“
She’s detained, that’s why,” pahayag ng dating First Gentleman at abogadong si Mike Arroyo nang tanungin ng isang major broadsheet (Inquirer) ang hindi pagboto ng dating Pangulong Gloria Macapagal-Arroyo. Tumakbong muli si Arroyo bilang house representative ng ikalawang distrito ng Pampanga. Ayon naman sa karibal niya sa puwestong si Vivian Dabu, ““If [her families and her allies] show her to the people, this is going to confirm that she is sick and weak and could not serve us in the second district.” Kataka-taka ang hindi pagboto ng dating pangulo nitong nakaraang eleksyon kumpara sa naunang limang beses na pagboto niya nang maaga sa Pampanga. Binanggit naman ng dating first gentleman na sasailalim pa ang dating pangulo sa isang operasyon. Hindi pumayag ang pamahalaan sa paglabas ng bansa ni Arroyo upang makapagpagamot. Na-diagnose si dating Pangulong Gloria Arroyo ng isang kakaibang sakit sa buto. Kasalukuyan siyang naka-detain sa Veterans Memorial Medical Center sa Quezon City.
c
voanewscom
I
tinala ng National Citizens Movement for Free Elections ang mahigit sa 400 mga pumanaw na nasa computerized voter’s list pa rin ng Commission on Elections. Ayon sa ulat na ginawa ng Namfrel, ang citizen’s chapter ng COMELEC, mahigit 340 pumanaw ang mula sa Ilocos Sur, samantalang ang natitira ay nasa Mandaluyong, Guimaras, Malabon, Camarines Sur, at Aklan. Bukod pa rito, itinala rin ng grupo ang pagsama pa rin sa listahan ng mga pangalan ng mga nangibang-bansa na. Iniulat din ng grupo ang ilang centenarian voters na nasa listahan. Ayon sa kanila, ang ilan sa mga ito ay hindi naitala ang araw ng kapanganakan kaya Enero 1, 1900 ang naitala sa kanilang profile sa COMELEC.