65. Na cela.
TOLA: Cunha nación de carrascos quen pode reconciliarse?
Cada mañá bombardean os sentidos. Non é un simple orballo, é a destrución da lingua. Nese ermo, ninguén é responsábel de nada. Os muros, os bisturís, as engrenaxes balizan o meu corpo e, no entanto, nin as medias verdades nin as mentiras poden conter a guerra. Eis a sociedade fratricida. Eis o cerco dos corpos. Eis a episiotomía.
66. No alén.
MORTA: Imaxínaste un día en que as ratas fosen conscientes do
seu número, decidisen deixar de ser ratas e comezasen a mandar. PUTA: As ratas non saben que o nivel de vida dunha parte do
mundo depende do nivel de morte da outra parte. MORTA: A pesar do lavado de cerebro, Europa continúa erguida
sobre o sumidoiro. PUTA:
E tamén sobre a fosa común.
MORTA: As cidades están cheas de drogados, alcohólicos e
proxenetas. Bos cidadáns con amianto nos pulmóns e mercurio no sangue. PUTA: Bos cidadáns que alimentan monstros e estenden
a violación humanitaria, o espolio meteorolóxico, a fame democrática, a escravitude parlamentar, o
74