I. ENKUADRAMENTU ESTUDU NIAN 1. Projetu “Mais Cidadania, Mais Desenvolvimento” Hahú husi independensia Timor-Leste no liu-liu iha ikus-ikus ne’e, ita haré katak iha mobilizasaun ne’ebé aumenta husi sosiedade sivil hodi hamosu organizasaun foun no movimentu sira ne’ebé mai husi komunidade. Apar ho kresimentu ida ne’e, Governu Timor nian mos iha apoiu bá prosesu desentralizasaun – nu’udár mekanizmu promosaun nian bá eksersisiu sidadania nian no reforsu bá governsaun di’ak no kresimentu sosioekonomiku lokal- sai di’ak liu. Maibé, maski, iha enkuadramentu legal ne’ebé di’ak bá partisipasaun aktivu husi Organizasaun Sosiedade Sivil (OSC) no Organizasaun Baze Komunitaria (OBC) sira, iha parte desentralizasaun nian, rekoñese katak ninia kapasidade no papel iha prosesu sei limitadu. Maski nune’e, Organizasaun Sosiedade Sivil kaer papel importante iha prosesu hari’i no kresimentu nasaun nian, ne’ebé foka dadaun, dala barak sira hatán bá nesesidade lalais sira liu husi projetu durasaun-badak, ladún fó atensaun bá dezenvolvimentu organizasional ka kapasidade institusional organizasaun nian bá prazu mediu-naruk nian. Barak liu husi aksaun sira dudu husi oportudade finansiamentu sira ne’ebé ejisti liu-liu iha Dili, iha hanoin bá “prestasaun servisu” la konsidera katak iha misaun ruma, prinsipiu ka valor sira husi organizasaun ne’e rasik. Ida ne’e hetan liu-liu mak iha OBC sira ne’ebé hatudu baze institusional fraku/sustentabilidade atu halo tuir ninia misaun no objektivu sira. Maibé, organizasaun hirak ne’e hatudu nivel husi koñesimentu, hakbesik, no kapasidade mobilizasaun sosial,
iha kontekstu distritu/subdistritu sira, insubstituivel, halo nia forsa bainhira ator inkontronavel sira iha dezenvolvimentu sustentavel – parseiru ne’ebé metin husi Aurtoridade lokal sira – medida ida ne’ebé importante. Haforsa kompetensia organizasaun no kapasidade reprejentasaun husi sidadaun sira nia hakarak hamutuk ho orgaun distrital sira mak sai elementu xavi bá susesu prosesu desentralizasaun nian, hare tuir partisipasaun husi organizasaun hirak ne’e iha dezenvolvimentu ekonomiku distritu nian nu’udár parseiru lolós AL nian. Ho objetivu ida ne’e, projetu Mais Cidadania, Mais Desenvolvimento, kofinansia husi Comissão Europeia no Cooperação Portuguesa, hahú la’o husi Juñu 2011 no hala’o iha distritu Likisá, sai nu’udár programa piloto, bá nivel nasionál bá haforsa kapasidade OSC no OBC sira nia kapasidade. Iha sentidu ida ne’e, projetu hakarak kontribui bá kresimentu sosioekonomiku no atu hametin demokrasia nomós governasaun di’ak iha distritu Likisá, haforsa kapasidade Organizasaun Sosiedade Sivil sira atu sai efisiensia di’ak liu tán no sustentabilidade husi sira nia servisu no promove dialogu no ko’operasaun ne’ebé di’ak liu iha Organizasaun Sosiedade Sivil no Autoridade Lokál sira nia le’et. Sei iha nu’udár grupu alvu prinsipal sira mak OSC nain 8 to’o 10 ho sede iha distritu Likisá, pontu fokal sira husi FONGTIL no rede sira seluk husi sosiedade sivil no Autoridade Lokál sira nomós nu’udár benefisiariu-final – liu husi pontu forte kapasitasaun no apoiu tekniku nian bá OSC nomós promosaun sinerjia servisu ne’ebé sustentavel entre ANE no AL – komunidade sira ne’ebé
7