38 • Menntun, námskeið og nýsköpun
Ferðamálaskóli Íslands
Eini viðurkenndi, alþjóðlegi ferðamálaskólinn á landinu Ferðamálaskóli Íslands hefur margra ára reynslu í að kenna fólki hvernig taka ber á móti erlendum ferðamönnum sem koma til Íslands og ekki síður þeim sem leiðsegja Íslendingum erlendis. Nám í Ferðamálaskólanum er fjórskipt og skólastjóri er Friðjón Sæmundsson. „Í fyrsta lagi er þetta alþjóðlegur skóli á vegum IATA, alþjóðasamtaka flugfélaga og ferðaskrifstofa. Kennd er ferðaráðgjöf sem er viðurkennd um allan heim enda krafa um að fólk sem sinnir þessum störfum státi af IATA-prófi. Við erum eini skólinn hér sem býður þetta nám og höfum gert í 20 ár,“ segir Friðjón. Í Ferðamálskólanum er einnig kennd IATA UFFTA sölu- og markaðsfræði sem er fyrir alla sem eru í ferðaþjónustu, jafnt ferðaskrifstofur, flugfélög. bílaleigur og smærri fyrirtæki þar sem þekking í sölu- og markaðsfræði tengdri ferðmálum er bráðnauðsynleg. Námsefnið beggja þessara námsbrauta kemur frá IATA UFFTA og prófin sömuleiðis. Allt efni er á ensku en kennslan fer fram á íslensku. Friðjón segir að mikilvægt sé að hafa IATA UFFTA próf enda gildi það um allan heim og gefi fólki möguleika á að starfa á þessu sviði erlendis. Í leiðsögunáminu, sem er þriðja brautin í skólanum, lærir fólk að taka á móti erlendum ferðamönnum. Námsefnið er fjölbreytt, allt frá sögu og bókmenntum að raddbeitingu, tjáningu og framkomu. Námið er
tvær annir og hefst í október og lýkur í maí. Þörfin fyrir leiðsögumenn er gífurleg, enda fjölgar erlendum ferðamönnum hér ár frá ári. Í lokin er tekið próf í þeim tungumálum sem menn velja að sérhæfa sig í. Flestir velja ensku en hins vegar vantar fólk með spænsku-, rússnesku- og jafnvel ítölskukunnáttu því að ferðamönnum frá þessum löndum hefur fjölgað mikið. Nokkuð er um að útlendingar búsettir hér stundi nám í Ferðamálaskólanum og mikill akkur er í að fá þá til að leiðsegja löndum sínum sem hingað koma. Fjórða námsleiðin í Ferðamálaskóla Íslands er fararstjórn erlendis. Á þessari braut lærir fólk um menningu, listir og sögu og heimsálfurnar eru teknar fyrir, hver fyrir sig, sem og valdir ferðamannastaðir. Jóhanna Kristjónsdóttir kennir fólki um Mið-Austurlönd, Sigurður A. Magnússon fjallar um Grikkland, Magnús Björnsson um Kína og Ómar Valdimarsson um Austurlönd fjær. Guðfræði- og trúarbragðafræðsla er í höndum Bjarna Randvers Sigurvinssonar og séra Bjarna Karlssonar. Pétur Óli Pétursson kennir mönnum allt um Rússland og Kjartan Trausti Sigurðsson, sem er með 30 ára starfsreynslu sem fararstjóri erlendis, tekur fyrir Tyrkland, Spán, Portúgal, Kúbu og Kanaríeyjar en á þessum stöðum er hann svo sannarlega á heimavelli. Pétur Björnsson, konsúll Ítala, fræðir um heimsálfurnar sem og Ítalíu.
Friðjón Sæmundsson skólastjóri. Ljósm. Ingó „Þó að kreppi nú að hjá okkur Íslendingum ferðast fólk alltaf eitthvað og ferðalög munu alls ekki leggjast af. Erlendir ferðamenn halda líka áfram að streyma hingað eins og verið hefur. Því má segja að nám í Ferðamálaskólanum sé mjög gagnlegt og gefi mönnum margvísleg atvinnutækifæri,“ segir Friðjón Sæmundsson skólastjóri.
Útskriftarhópur frá Ferðamálaskóla Íslands.
Listir, verkfræði og viðskipti krauma í hverju horni Um miðjan maí mánuð síðastliðinn opnaði Hugmyndahús Háskólanna frumkvöðlasetur þar sem tugir hugmyndaríkra aðila vinna nú hörðum höndum við að þróa spennandi hugmyndir og skapa á sama tíma fjöldamörg atvinnutækifæri sem munu vafalaust koma sér vel fyrir land og þjóð miðað við ástand vinnumarkaðarins í dag. Gunnar Karl Níelsson, verkefnastjóri Hugmyndahúss Háskólanna, segist ekki í nokkrum vafa um að slíkt umhverfi sé nauðsynlegt til að veita fólki þann stuðning sem þarf til að breyta góðri hugmynd í fullmótað fyrirtæki. Hugmyndahús Háskólanna
er samstarfsverkefni Háskólans í Reykjavík og Listaháskóla Íslands. Á meðal markmiða
Hugmyndahússins er að stuðla að stofnun að minnsta kosti 50 fyrirtækja innan tveggja ára sem veiti að minnsta kosti 500 manns atvinnu og að minnsta kosti 3.000 manns nýti sér starfsemi hússins. Nú þegar eru um sjötíu manns með fast aðsetur í Hugmyndahúsinu að vinna að einum 17 mismunandi hugmyndum. Gunnar segir að þó að aðstaðan sé ef til vill frekar hrá þá sé þar allt til alls, þar sé kaffihús, fullkomið vídeóstúdíó af bestu gerð, salur sem rúmar 200 manns í sætum og aðstaða til að taka á móti þeim sem eru ekki með fasta aðstöðu í húsinu.
Svar við markaðshruninu
Hugmyndahúsinu var hrundið af stað sem svari við þörfum markaðarins eftir hrunið, að sögn Gunnars. „Svafa Grönfeldt og Hjálmar Ragnarsson eiga upphaflegu hugmyndina að þessu húsi og vildu með því búa til einhverja aðstöðu þar sem listir, verkfræði og viðskipti myndu krauma í hverju horni. Nú þegar æ fleiri fyrirtæki lognast út af þarf að skapa önnur í staðinn til að viðhalda jafnvægi í atvinnulífinu og við teljum Hugmyndahúsið gera það,“ segir Gunnar. Gunnar segir að Hugmyndahúsið virki í raun sem fyrsti hlekkurinn í „virðiskeðjunni“. „Fólk kemur hingað inn með hugmynd og vinnur að henni með það að markmiði að úr
Hugmyndahús Háskólanna Í Hugmyndahúsi Háskólanna eru fjöldi fyrirtæki þar má m.a. nefna; Exedra, fyrirtækið Clara, RECTV, Medizza og MindGames. Jafnframt hefur aðsetur í húsinu Hugmyndaráðuneytið. Hugmyndaráðuneytið er grasrótarhreyfing sem stuðlar m.a. að nýsköpun á Íslandi. MindGames stefnir að því að setja á markað tölvuleik fyrir farsíma sem stýrt er með litlum og handhægum heilabylgjuskanna. Hann getur lesið hugarástand spilarans og notað það við stjórnun leiksins. Clara er tæplega tveggja ára gamalt fyrirtæki sem hefur frá stofnun unnið að þróun að næstu kynslóðar markaðsrannsóknartóla. Exedra er vettvangur umræðna fyrir valinn hóp áhrifamikilla kvenna úr öllu atvinnulífinu, t.a.m. úr viðskiptum, stjórnmálum, fjölmiðlum, menntamálum, heilbrigðismálum, hópi sérfræðinga og listamanna. RECTV er eitt fullkomnasta upptökustúdíó landsins sem hefur m.a. búnað til beinna útsendinga ofl. Medizza er hugbúnaðarfyrirtæki sem þróar hugbúnað í næstu kynslóð opinna myndlykla. henni verði fullmótað fyrirtæki. Þessir aðilar geta svo fengið aðstoð frá sérfræðingum sem við erum með á okkar snærum sem og stuðning og aðstoð frá öðrum fyrirtækjum sem þegar eru inni í Hugmyndahúsinu. Þá eru stærstu grasrótaraðilar sem eru enn á lífi í húsinu; Stofnun og rekstur fyrirtækja og Hugmyndaráðuneytið,“ segir Gunnar. Hann leggur mikla áherslu á mikilvægi þess að fá stuðning jafningja sem eru gjarnan að ganga í gegn um sömu hlutina þegar kemur að því að stofna og þróa nýtt fyrirtæki og segir það raunar vera skilyrði fyrir veru í húsinu að hjálpast að. „Þegar við metum þær hugmyndir sem okkur berast, metum við þær aðallega út frá því hvort þær bæti einhverju við þann hóp sem fyrir er í húsinni. Til dæmis myndi fjármálafyrirtæki bæta
við heilmiklu gildi fyrir önnur fyrirtæki í húsinu þegar þarf að gera fjárhagsáætlanir og annað slíkt. Þannig reynum við að meta heildaráhrifin sem nýjar hugmyndir kunna að hafa á þann hóp sem við erum með, þetta er því í raun draumaland fyrir hópsálir,“ segir Gunnar.
Tengslanetið nauðsynlegt
Gunnar leggur mikla áherslu á samvinnuna og segir að viðveru í Hugmyndahúsinu fylgi í raun bara tvær kvaðir, annars vegar þarf að mæta og hins vegar að vera reiðubúinn í samvinnu. „Við sjáum að hlutirnir ganga miklu hraðar í slíku umhverfi, en til dæmis við eldhúsborðið heima. Hér getur fólk tengst fólki sem getur ef til vill helmingað tímann sem það tekur að koma hugmynd á koppinn,“ segir Gunnar.