Issuu on Google+


Editor Asst.Editor Jt. Editor NewsEditors Cir.Manager Sr. Advisor Correspondents Kohima Kannur Delhi Aizawl Trivandrum

: Jonathan Tlau : Tluangtea Hnamte : Mawipuia Khiangte : Sawmtea, Zama :Kima :Hminga, Hriatpuia, Pc-a & Rinmawia. : Hminga Sailo : Lalzamliana : Hriatpuia : Rinmawia Hnamte : Rosiama

From Editors Desk.. A hmasa berin kumthar dam taka min hruaithleng tu leh LUNGLEN issue 11 na hial tichhuak theia min siamtu Pathian hnenah lawmthu ka sawi e. Lunglen chhirtu te zawng zawng in zavaiin Lunglen Editorial Board hmingin Kumthar Chibai ka buk a che u. Tun tum Lunglen zet zawng a phek a chhah tha in chhiar a manhla ngei mai, kan khat liam tlang bawk te pawh ania nge, mahni Luck na sawichhuahna hun remchanga hmang te pawh kan awm nual niin a lang bakah insawi luck mai aia ril deuh han khel te pawh ka awm nachungin atha lamah ngai tlang mai ang. Tin, Lunglen chhuah tawh a zawnga phek tam ber tum kan han siam leh thei hi ava ropui em. Lunglen founder leh Editor hmasa ber Hminga Sailo leh Editor chhuak ta Lalrinmawia Hnamte ten min sponsore na a zarah cover page colour te a kan han tichhuak thei te hi an chungah Editorial Board hmingin lawmthu ka han sawi tak meuh meuh e. Tin, kei ngei pawh Lunglen ka enkawlna hunte alo ral dawn ta a, a ngaihawm dawn khawp mai. Lunglen mei mit loa rawn chawi nung zel turin Lunglen Club member te ka ngen takmeuh che u a ni. Lunglen chhiar tui vek ule.

KUMTHAR CHIBAI . Kan nghahfak Krismas leh Kumthar chu kan lo hmang zo veleh ta reng mai, lung te pawh a leng ruih mai alawm mawle, Kerala Mizo te hmun hrang hrang ah inang lo tak takin kan hmang hlawm a, mahse tha tak veka kan hman chu ka han ring ngawta. Kum liamtaa kan thil tih zawng zawng chu kumhluiin a liampui tawha, mi tamtak tan chuan kha kumhlui liamta kha lungngaihna kum leh kum chhinchhiah tlak loh tak te pawh ani ang chutih laiin thenkhat tan chuan kum tha leh chhinchhiahtlak, zirna rahbi thar kan kai kum te, kan zirlai kan zawh kum te, kan hnahmuh kum, kan ngaihzawng thar neih kum te pawh ani ta ve ang. A enga pawh chu nise kha kum liamtaa mahni chung theuha thilthleng kha chhinchhiah tlak awmte chu chhinchhiah ila, hriatreng tlakloh te chu hre reng lemlo leh kan hmasawmna tur min daltu atana hmang lovin he kumthar kan hmachhawn dan turah hian ngaihtuahna thar put theuh i tum zawk ang u. Mihring kan nih miau avangin kan nunnah harsatna leh mangan na alo thleng chang te pawh a awm ang, mahse heng kan harsatna tawh te hi kan nun tichau tu a hmanloh hram hram hi thil tha ber a ni. Hun liam tawha kan thil tihsual kha thanmawh bawk leh min ti chaklo tu a kan hman chuan intlansiaka khawvela kan hnunga miten min rawn lehpel mai dawn asin. Kan zirna kawngah te, ka hnathawhna kawngah te, he kumthar ah hian tan la thar ila, kum dang aia hma kan sawn theih ngei na turin kan rilru i buatsaih theuh ang u. Tin, mi rama awm kan nih hrerengin kan nundan te fimkhur ila, midang tana hnawksak lo thei ang bera kan awm hi a tul a ni. Naupang zawk ten U zawk te zahthiam ila, U zawk te pawhin naupang zawkte entawn tura awm tum theuhin kan nunhona boruak ava nuam lehzual dawn em. Kumthar Chibai vek u le.

TUALCHHUNG NEWS #Krismas hmang Zoram lama haw te pawh dam takin an lo kir leh ta. #Kima leh Eli chuan hlawhtling takin an mit an zai tir. #Haw velo ten Pu Tluanga te ina kumthar hmangin nuam an ti hle. #CET lam chuan ropui takin Dhwani hmang mekin Jimmy, Mawipuia leh Eddie te pawhin ropui takin vai zai an remsak. #Michael-a pawh MBBS zirin Bhopal ah a awm mek niin thu kan dawng.

#Mawipuia pawhin ballboot man tlawm tak anei thar niin thu kan dawng bawk. #Zama patea Rev. Dr. R. Chhuanliana chuan Cancer natna in chatuan ram min pansan ta, khohar chhungte kan tuarpui takzet a ni. #KMA chuan facebook lamah group siam ani a, member ten zawm vek turin ka in ngen e. #Joseph-a hi a dam leh damloh thu kan dawng hnaivai lo.

Published and Edited by Jonathan Tlau On behalf of Lunglen Club


Vol.

KAN HMANGAIH LET VE EM ?? Ka ziak chhuak zo thiam ange maw? Engle khaw le, eng thu nge ka ziah ve ang ti a ka inngaihtuah laiin he thu hi a rawn lang hlawl mai a! Kan nu leh pate tluka min hmangaihtu, kan tana an theihtawp chhuah a, harsatna tam tak pal tlanga, hrehawm pawh pawi sa lova engtik lai maha min phatsan ngailo, min hmangaiha, min enkawl tu hi „kan hmangaih let ve em?‟ He khawvel eng hmu ve turin kan lo piang a, an tang nemah min pawm in, nausen te kan nih lai atangin hmangaih takin min enkawl a, an theihna zawng zawng in, an hriselna, an sum neih zawng zawng pawh chan hreh lovin kan nawmsakna tur anih phawt chuan an in huam a, mi zing ah hrehawm kan ti bik ang tih hlau in an tlin bak in min enkawl a, kan nu leh pate aia hlu hi an awm thei leh dawn chuang em ni? Hmangaih let ve phut hauh lovin, kan rilru tihnat hlau in an awm a.. Kan taksa a chakloh, damloh chang te in tlaivar in kan kiang ah an awm a, eitur tui tha tha, an ei ai min eitir a. Khaw chhe hnuai ah, kan ei chak zawngte, kan mamawh, damdawi te lei turin an chhuak a, an hriselna pawh ngaihtuah lovin keimahni tan an inpumpek thin. Kan hmangaih let ve an phu hliah hliah asin. Engtin nge kan hmangaih let ve ang?? Chhia leh tha thliar hrang thiam rual kan ni vek tawh a, enge tha a, enge tha lo kan hre tawh. A tam zawk zirlai kan ni a, kan zirlaia kan tihthat a, taima taka kan zirlai kan zir in kan hmangaih let thei a, chuti ni lova, kan zirlaia midang aia hnufual bik kan nih te in an rilru a na thin a, kan nitin hun hman dan atangte in rilru hlim in kan siam thei a, kan ti lungngai thei bawk. Mahnia duhthlang thei kan ni tawh a, duhthlanna dik leh tha thlan a pawimawh. Kan nu leh paten kan thil tih zawng zawng an hmu in an hre thei vek tawh loa, keimahni theuh kan in „control‟ a tul a, kan awmdan te ulukin kan nu leh pate ti lung hnur lo hram ila a tha awm e. Kan nu leh paten mahnia in leh lo nei a, chhungkua din a, hlim taka kan awm an duh a, an tha leh zung seng in phai ah zirna sang zawk zir turin min dah a, min ringtawk tih a chiang a, min rin ang ngei a kan awm hi a pawimawh hle ani. Kan nu leh pate kan chawimawi em?? Baibul pawh in kan nu leh pate chawimawi tur kan nihzia a sawi lang a, “ I nu leh i pa chawimawi rawh, chutichuan i tan a tha ang a, leiah hian i dam rei bawk ang” ti a ziak kan hmu a. An thu kan awih a, an thu kan zawm hi kan tihtur ani. Kan tana an inpumpekna te, min hmangaihna leh vawiin ni thlenga hun harsa, hun khirh kan tawh chang te a min tanpui a, min puih na te a thar in hre leh ila, kan theih ang tawka hmangaih let ve tum theuh ila a tha awm e.

“LUNGLEN” a chepakaiin LUNGLEN chanchinbu hi kum 2007 November thlatir khan College Of Engg Trivandrum (CET) a zirlai awmte thukhawm chuan Kerala a Engineering zirlai awmte in pawh zawk nan leh intihhlim ve na atan buatsaih zai an rela. Founder te hi Hmingthansanga Sailo, Lalhriatpuia leh PC Lalthakima te an ni. Editor hmasaber atan Tv. Hminga Sailo chu ruat niin, ani hian hneh takin LUNGLEN Chanchinbu hi buatsaih chhunzawm in Lunglen issue 1,2 leh 3 te chu ama enkawlna hnuaiah hian tihchhuah a ni a. Editor pahnihna atan Lalhriatpuia chu ruat ni lehin ani hnuaiah hian Lunglen issue 4 leh 5 tihchhuah ani leha chumi hnuah Lalrinmawia Hnamte ni veleh in ani hnuaia hian Lunglen issue 6 leh 7 tihchhuah leh ani a. Tuna Lunglen Editor ni mek Jonathan Vanlalruata hnuaiah hian Lunglen 8,9,10 leh 11 chu tihchhuah alo ni veleh ta ani. LUNGLEN chanchinbu chhuak hmasa ber chu Dated 24 Nov 2007 ah tlangzarh ani a. Hemi ni atang hian LUNGLEN chanchinbu mei chu ala mit leh ta lo a, lo kalthar lehzel tur te pawhin rawn chawinung chhunzawm zel turin kan ngen che u a ni. Lunglen hmasaber hi phek 4 a tihchhuah ani a, hmasawn zelin tunah phei hi chuan phek 20 laia tihchhuah ani ta hi a lawmawm hle a ni. Tin, Lunglen hian chhuah hun bik a neiloa, phurchang leh lunglen chang apianga tihchhuah thin ani, amaherawhchu Kalthar te leh Chhuaktur te pual hi chuan kumtin vawi 2 khel loa tihchhuah thin a ni. LUNGLEN chanchinbu hi Kerala Mizo chanchinbu darhzau ber mah nise, Kerala Mizo Association(KMA) nen chuan a kal kawp lo a ni. Tin, Kerala ah Mizo te kan pung zela, LUNGLEN pawhin hma a sawn ve zela, Kerala-a Mizo awm a duh apiangte chu Lunglen circulation huamchhungah hian rinluh an ni ta a ni. Midang pe chhawng duh leh thuchhuah chhawn duh nei chuan Editor hriattir hmasak phawt tur a ni. LUNGLEN DAM RENG RAWH SE.


Vol.

“Keipawh Ka Che Chhe Ve Asin…”

-KimKima Pa Kottayam

Nula Tebawihi te hi chuan min ngaihsan hmel ngawtin ka hria. Min en dan hrim hrim hi - Pa duhawm, fel bawk si, zaidam bawk si, ngilnei bawk si, nunnem bawk si, zei bawk si, hmeltha bawk si, leh luck bawk si niin min ngai a ni awm e. Min ngaisang bawk a, a fel reuh em mai, a birth day-ah chaw ei tura min sawm chuan, ka hnial lovang. Mahse hetiang mihring hi ka ni chiah em? A side B lam ka‟n inpuang ang e. Thuhmahruai hranpa awm lovin lut nghal pawp ang… Chutichuan…Kan middle school kal laiin tum khat chu thianpa Salura (Sanglura) nen sava vehin kan ram chhuak a. Kan vah kual velna lamah thlawhlai pakhatah kan tek lut nawlh mai a. A neitute an awm lemlo nia kan hriat avangin fanghma, dawnfawh leh hmazil vel chu dimna nei map lovin kan han nauh ta mai anih kha. Mahse, a neitute an lo awm reng chu niin, mual hrana an bung chuan min lo hmu a, pa berin min rawn um ta thut mai. Lung leh nel tlang a rawn thlawk ta fua fua mai le! Lo mawng lam panin kan tlanchhia, a hmanhmawh thlak duh kher asin. Hmanhmawh lutuk alei-ah ka tlu, ka tawlh thla hun hun mai a, buh leh vaimim kung vel chu a tliak thla sun mai. Chutah ka sava veh ipte hrui chu mau bulah a inbat ta thut mai. Ka ding lawih. Hmanhmawh taka phelh ka tum chu a invet nghet sauh. Thianpa Salura‟n min rawn leh pel. A mangan thlak duh kher mai. Thluak hman a ngai ta. Rang takin “Salur, chawl ve rawh, kei pawh ka chawl,” kan ti ngawt a. Thianpa Salura pawh ka bum fing zo tawh a niang, “Aw lo chawl rawh, luiah khuan ka lo nghak ang che,” ti pahin a lim thla zuai zuai mai. A hun laia a manganthlak ang aiin tun hnuah hian khang hun lai kha ka ngai thar leh thin. Pawl nga kan zir laiin kan Science teacher in “Ventilation hria in awm em?” tiin min zawt a. Thianpa Lailaia‟n in ti thei deuh tak in “Ka hria” a ti. “I hmu tawh em?” “Hmu tawh.” Keini thingtlang naupang chuan kan ngaisang hman khawp mai. Kan zirtirtupa chuan “Engang nge anih?” tiin a zawt leh kher a, thil a pawi zo ta. “A dum run mai!!” Mizoram Zaipawl Intihsiak tuma Best Conductor-a an thlan, Synod Choir Conductor hial lo ni thei ta chuan ventilation chu a hre chiang tawh ngawt ang chu. Bul tanna chhuanawm lemlo tak a tang pawh hian hmun ropui tak chu a lo thlen theih reng mai. Kan High School kal lai chuan ti hian duhthu ka sam thin- “Mizo tuma awm lohna hmunah college kai thei ve hlauh ila” tiin. A ni, sap tawng thiam kha kan ngai sang a, thiam theihna anih beiseiin Mizo awm lohna hmuna zir kha kan duh a ni. Pawl sawm chu engtin tin emaw “Akbar was a great king… akbar was…akbar was…” ti-a by-heart in ka pass ta nawlh mai. Mizo awm lohna hmuna college kai duh mah ila rilruin North East a pel pha meuh lo. Shillong leh Guwahati rilruin a khaikhin a; Shillong chu Mizo an tam tawh em mai, tiin Guwahati lam panin cheng sangthum te-taw hum chungin kan in bye-bye liam ve ta nge nge a. Mizo awm lohna college kan han zawng a, Pandu College-ah ka in ziak lut ve ta hlawl mai le. Zokhaw product, saptawng thiamloh nen, khua a har duh khawp mai. Tumkhat chu Mathematics subject ka lak chungchangah Principal hmuh a ngai a. Application pawh ziak lemlovin, mawlmang angreng tak main a roomah ka teilut ve ngawt mai pek a. “Sir, I have the honor to…” kan ti riap mai chu..., a vin tuarh tuarh a, min hau ta hrep niin ka hria. Min hauh chhan ka hre lova, enge a sawi ka hre hek lo, a thinrim hmel em avang leh a vin em avang khan min hau chu ni ngeiin ka hria!! Inhmuh leh hun te a awm anih ngai chuan ka la zawt tha leh ngat ang mawle. Mahse kei lo pawh midang bo ve tak tak ka hria. Thianpa Mawia pawh a High School kai laiin an hotupa-in duster la turin a tir vei rawk rawk a, dust bin a rawn khai lut ber ber mai a sin le!! Tunah chuan pisa babu lian ani tawh bawk a, dust bin hi engatinge duster an tih ve mai loh nachhan pawh a hria. Hetiang mai mai ni chung hian, heti chen hi a lo kal thlen ve theih tho mai!!! Aizawlah BA chu ka chhunzawm ta a. Tlangval ve ta chu thiante ka‟n han nei ve a. Veng hrang hrangah nula rim leh theuleu kual velin kan tei chhuak awl lova. Zan khat chu thianpa Zauva ten an nula rimna-ah TV en tur an neih thu leh football inkhel en tur a awm dawn thu hmangin, anmahni zui ve turin min sawm a. Chuti-


Vol.

chuan Ramhlun Vengthar lamah nula rim paha inkhel en tur chuan ka thawkchhuak ve ta a. Nula-i te nufa chu an fel hle mai, mi an be ve siam siam a, ka vawikhat lenna a ni naa, ka tlangnel nghal surh mai. Inkhel pawh chu kan en ta ngei a. Dar 11 velah chuan pa pakhat hi tlangnel angreng takin a rawn teilut ve nawlh nawlh a. A mitmeng atangin min ngaina vaklo tih ka hria. Thuthmun siamin TV chu a rawn en ve a, inkhel a rawn en ve dawn anih hi ka ti rilru a. Mahse maw ka unau, reiloteah chuan remote control a la a, channel dang dang a hmet kual ta vel a nih chu!! Ka thiante, lo leng senior zawk tawh ho lah chuan engtinmah an sawisel si lova, ka pawi (h) chek-in a mil ta lo. Channel dang hmehsawn leh tuma a tin riau riau lai chuan, ring tawk leng lawngin, “Tunah La-inti-thu-a‟n a lo hmet sawn leh ang!” ka‟n ti piap mai a. Thiante an hawi hau mai, haw an rawt nghal hmiah. Kan haw nghal bawk. Kan Lal-inti-thu-a chu tudang nilovin, inneitupa, kan nula-i pa chu lo ni reng in. Ka zak quit thak!! Mahse, „enge pawi, mi hrelo ve te‟. Thil hre chiang mang lova tawng ve mai mai hi a fuh duh vak lo. Sim daih chi. Ka in puang tui dawn tlat. Nula lam te pawh kan sawi kai zel ange. Tum khat chu Bishop‟s College ah BD kan zir laiin hnap hnawksak zia ka tawng ve. Second year kan nih chuan ka tlangnel ve tawh hle a. Ralleng nula rawn zir thar ve pakhat nen phei chuan kan in mu-leh-ar lo tan angreng khawp mai a. Han in “Hi” vel pawh kan uluk tan hle. Hetih hun lai vel hian Rev. Samu-a zir ve lai a ni a, ani hi ruah a sur apiang a football khelh nuam ti chi a lo ni ve hlauh mai a. Tumkhat kan inkhel chu kan bei rei deuh a, ka hritlang ta hle mai a. A tuk dinning hall a lunch kan ei chu, dan pangngai ang bawk in kan „nula-i‟ te nen chuan dawhkan kan kil ho leh a. Ngai teh, chutia chaw kan ei that ve hle hle lai chuan hnar a rawn za chem chem. a, thawklehkhatah “Hahchhiauuu…”, khami chin kha chu a la pawi lutuk lo. Dawk lo tur a rawn dawk zawk a, an puar vei zeuh mai chu… midang an nui, ka nui lo. A hnua kan inhmuh leh pawh in kan nula-i nen chuan in „hi‟ tawh lovin kan in haider zui vel ta mai mai a nih kha. Ramri pel lo turin ramri a rawn pelh hian a buaithlak khawlo zo vek thin. Kerala a zirlai leh hnathawk ho pawh hian khuavang ramri kham hi kan hring nunah i ngai pawimawh teh ang u. Chutichuan … Pastor ka lo ni ta a. Tumkhat leh chu, Khawpuar Kohhranah Krismass hmanpui turin ka kal a. Chawhma inkhawm banah chuan Pi Zuali te ho chhangban chhum, thingpui nen kan ei a. Chhangban tui tak a ni. Tai sanghar leh idaw buhban ngat mai kha Kohhran nuhovin uluk takin, kut ngatin an deng a; a fun nan pawh Tuivai kam changel hnah kher kher, naupang lu tiat leng lawngin an han bawk lawih lawih mai a. Urlawk zanah fah leh thril thing vamin an han ur tlaivar zak mai kha a ni ta awm e… tui lo zia reng a ni lo. Chutichuan ka ei ta a, ka ei ka ei ta mai a. Zan lamah chuan a result a rawn lang tan ta. Pum a ri ul ul a, a ri leh sut thin! Ka ei luat ka tuar lo a ni. Zan inkhawm kan tan a, Secretary-in thu a puan lai atang rengin, pum lam kohna chhangin fianrial kal ka mamawh dawn tih ka hria. Chairman-in “Tunah chuan kan thusawitu tur i lo sawm tawh ang u le,” a tih chuan Pulpit ah ka lo ding chhuak ta a. Chutichuan, ngai teh, chhangban effect chu ka pum lamah chuan, vanglai thahrui ngah ang main a rawn thawk leh ta. Thusawi lova ban rawt ngawt chi a ni bawk silo. Biak in atanga chhuah zawk na chance zawn a ngai a ni. Mmm, Hla sakho rawt mai ang. Hla bu ka‟n keu kual a, Krismas hla sei ber, kan sak thiam bawk si ka zawng ta a. Tichuan in-ti-thupui-fun takin, “Awle, hei, zanin chu zai a nuam hle mai a, chuvangin Pathian thuchah kan ngaihthlak hmain hla pakhat ilo sa ho leh rih ang u. No 100-na „Khawvelah hian Lal tam tak an lo piang ta a..‟ tih kha ding in i lo sa ang u,” ka‟n ti a. Nuho chuan pastor, lenkhawm hla thlang peih tak te hi „rau‟ deuh riau hian an hria a; kei pawh chutia lenkhawm hla ka thlan chuan min hmu „rau‟ deuh sawt turah ka ngai!! Chutia hla kan sakho veleh chuan kei pawh chu pum lam kohna chhanga „fianrial‟ hun hmang tur chuan Biak in chu ka chhuahsan ta a. Chhuah pah chuan kan Upa senior, Upa Muka hnenah chuan, “ Pu Muk, he hla in sak zawh hun pawh a, ka lo la kir leh lo anih chuan, hla hi a bul atangin i lo sawi nawn leh mai dawn nia,” tiin ka chah thlap a. Mahse vanneih thlak takin sak nawn ngai lovin ka zuk „fianrial‟ zo hman ta hram a. A hun lai kha chuan mangan thlak ve mai mai tak chu a ni. A ni, thil reng reng hi a tui em avanga ei teuh hi a tha lem love. Nun peng zawng zawng hi fimkhur a ngai. A tawp nan chuan hei hi i hre reng ang u. Mihring tumah hi kan che „fuh‟ reng lem lo. Che chhe ve thei tak tak te hi inti che fel awm takin kan inkawm khawm vel mai mai a lo ni e [for example- Tv Lalmama leh Jimmy-a (lol)]. Tin, bultanna ropui tak, a tawpna nep tak si ai chuan, bultanna nep tak, a tawpna ropui tak hi a hlu zawk. Aw ka unau!, nang pawh heta a bul i tan hi engtin nge conclusion i ziah dawn? Pui takin aw…


Vol.

Bayern Munich Inkhel ka en ve a..

-Hriatpuia

Hmanni lawka an khelh tak, Baichung Bhutia thlahna friendly match, Bayern Munich leh India National Team ten an khelh kha a hmunah ngei vanneihthlak takin ka en ve thei hlauh mai a. A tak ngei maia TV atang a kan lo hmuh thin Robben te, Ribbery te, Schweinsteinger te ball thai vel han hmuh chu a ropui ve reng reng khawp mai! India National Team home, Jawaharlal Nehru Stadium a inkhel hi entu mipui pawh kan thahnem hle mai a, Stadium a len nen mipui kan khat lo deuh chauh a ni. A boruak a lian ve hle mai a, vai ho chauh ni lo, Sap te, Negro te leh NE mi pawh kan thahnem khawp mai. A game hrim hrim chu han sawi vak tur pawh a awm hran lo, Bayern ang team tha tan chuan FIFA ranking a 162-na India team ang chu han khelhpui tham em em an lo ni lo deuh a ni. 1 st half ah 4-0 laiin Bayern hian hma an hruai hman a, game chu a tawp titih der tawh a ni. 2 nd half ah India lam hi tlemin an rawn khel tha ve deuh a, mahse Baichung leh a pawlte hian han tih vak ngaihna an hre lo chu a ni ber e. Kan Mizo player chhuanvawr pahnih Jeje-a leh Rindika te ka lo tan ve thei hle mai, Rindika phei chu corner leh free kick pet tu atan an hman ber ania, mahse a pet chhe thei lutuk a, a zialo thei hle. Jeje a pawn chance han lak tur a hmu thei mang chuang bawk silova, mahse tum hnih khat chu Jeje leh Rindika hi India team-a player tha ber pawl an nihzia chu a lang ve e. Hmabak eng tak an la nei ve ve in a lang. Bhaichung-a thlahna inkhel ani bawk a, Bhaichunga thildangah a langsar hle mai a. Audi company-in an car man to hmel tak mai an present a, chawimawina an hlan bawk. India rama football thehlar kawngah ani hian a thawhhlawk hle mai, hetia amah thlahna match ropui tak an han buatsaih sak pawh hi a awm ve viau a ni. He inkhel ka en avang hian a tukah class ka kal theiloh phah thung! Ka ticket neihna Gate no. 6 ka zawnna lamah darkar chanve dawn Stadium ka hel chhuak a. Ka hmanhmawh tawh bawk si, a tlanin ka han tlan tak tak mai chu, Laptop ka lo ak kher bawk nen a hahthlak duh khawp mai. Inkhelh chhung zawng kan la ding tluan bawk sia. Zana ka haw chu ka ke hi a rawl vek! Zingah phei chuan ka chawn hi a vung hial emaw te ka tia, Class ka kal peihlo ta lutuk a ka bunk hmiah. Mahse a la hlu tho e. Chelsea te pawh nakinah India ramah an rawn la zin ve leh maithei asin, chumi hunah chuan en ve leh ngei ka nuam e!

KAN VA LA NGAI DAWN EM..

-Jonathan Tlau

Kumhlui thlah nan ni tlem te chauh a awm ta, Uama thla tahrik ni 29, zing dar 9 alo her chhuak ta der mai tih pawh hreloa ka lo la mut bawrh bawrh lai chuan ka mobile ri chuan min rawn tiharh hlawl mai! “Nu Sawmtei kottayam Calling”, han chhang ta mai lo chuan ka aw te chu ka han thian leh riha, “Jona, ila mu alaw? Kan lo haw leh tawh a, engtik nge inlo chhoh dawn?” Kei lah tho tawh niawm fahran chuan kan chhanga, chutah “Mangalore atang hei, nula pali an lo chhuka” an ti mai chu(h) ka harh kawk hian ka hriaa, ka thiante lo rawna inbe tha leh tur chuan kan in thlah ta a. Insiama han kal nghal mai te kha ka duh rum rum a, midang ka han hrilh phei chu kal nghal mai duh vek kha kan lo ni a, Sawmtea phur lutuk phei chuan zan thum vel tal cham kha a rawt hman hial a. Adik alawm, ngaihzawng te chu sawiloh Mizo nula ngei mai hi kan hmu khat asin, tunge min dem thei bik awm ang? Mizo society hrethiam pha tawh phawt chuan min dem bik hian ka ringlo. Tichuan, a tuk ni 30 chuan Kottayam lam pan chuan mipa paruk leh hmeichhe pakhat chu kan tek chho ve ta a.


Vol.

Behliang mun hun vel ani mai awm mange tih velah chuan kan thleng ve ta hrama, kan in chibai nak nak a, mahse kan nula te khan an hming an sawi ve lo nge, an hming hriata lawi kha kan neithei ta hauh lo maia, han inzawh nawn leh lah ani chiah mang silo, Papari erawh chu nula fel tak anih vang nge kan hre bel hlur thung. Kan han thleng chu keinin kan hmuh chak tluk zetin kan nula te chuan minlo hmu chak ve anih hi, tihna rilru ka put chhan kha engdang vang niloin, inbual zo hlim chiah tih kan hriatloh hlau niawm taka an sam lo huh hniang te, eyebrow mawi tak leh rual taka an lo inhnoih te, sam ngilin sam an lo thlah siaua, a kir chi in anlo tikir chiat bawk a, aaa atam mai tlangval hmeltha rual kal tura an lo ngaih vang te pawh ani ta ve ang, keini lah hi heti ve mai hi kan ni si a, a then Assam pelh lam mi niawm tak te, a then lah Champhai chhak deuh lam mi niawm tak te kan ni nawka, amaherawhchu kan hmel eng lo ve tak tak min tithim zual lo tura Edwarda alo kal ve ta lo te kha ava han lawmawm angreng em. Rawng te kan han bawl tlang nak naka, Pa Tluanga te vawk talh ngei, a chhum leh a kawchhung kan kan han ei mawm hmak hmak te kha ava han tui thereng em. Lawmthu sawi nan tiin Pa Tluanga leh Nu Sawmtei te han han vawr lawp lawp mai kha ka duh hiala. Zan lama zaikhawmna te kan neih dawna Sawmtea kawr pink rawn hit chho tan te kha a va ngaihawm em, Pa Tluanga zarah kan hmeichhe hming te chu kan han hre nawn leh thei ta hrama, ka han ngaihtuah let hian nulate hming kan hriat rual khan Jimmy-a hmel kha rawn danglam leh mam deuh sawt te khan ka hriaa, chutah kan han zai ta aleh…Zai lamah chuan kan nula te kan va han tluklo tehreng em, kan in an na lai pakhat awm chu zai kan ngaina tlang mahse thiam zawng kan inthiam hleih deuh a ni e. Pa Tluanga‟n duet tur an ruat kual dan dan a, a kawp te te khan an ruata, a tu ber nen hian nge min rawn inkawp tir ve ang tia lo nghah ve ran ran laia Shadyboy Lalmama nen ber kher min han duet tir a tum kha chu kan Guitar string meuh pawh khan awmlo ati ngang ania nge, a hrui pakhat khan min peihloh san ta anih kha maw!! Hla thlan phur fe fe lah kan bang lo, engtin tin emaw chuan kan zaikhawm hun chu kan hmang zo thei ve ta hrama, a kham awmloh hle mai. Sawmtea a rawn vul tan ta, facebook lamah nen tan an la tan a, a thang kam kha ava awk teuh tak em, lo va tlawh per sak tu awmlo selang chuan a awh ngei pawh ka ring hlel love. Kannur mi zei an tih mai Msa khan khami zan ang em em a phone a hman rei ka hriat loh rualin, a tuk zan ang em em a phone a khoih loh kha ka hre chuang bawk silo, hriatthiam hi ava han har tehreng em! “Mihring ngei kan lo ni e” ka han tih te pawh kha a nem nghet viauin ka hria. Khami zan kher kher kha chu Sawmte ava Vul tehreng em, Mama a dah nil hneh si. Atuk zing, kumhlui thlahni chu Nu Sawmtei channa kan tui tak in bul kan han tan phawta, Chawhnu dar 2 vel bawra Trivandrum lam pan tum kan nih avang chuan kan ngui deuh ruai hlawma. Ni e, Pa Tluanga te inah kan awm miau a, a nuam ani, a nawmna tizual turin Mangalore nula te an lo awm ve kher bawk nen, kan lungngaih rukna min hriatpui niawm tak chuan khua pawh chu a ngui hle mai. A thenin rawng te kan bawla, a then in leh a chhehvel te an tifaia, a then an lo ti ti a, a then lah an lo inrulpui ludin thung, tichuan chaw te kan han ei fel ta a, sana ka han en mai chuh! Dar 1 alo hnai tawh hle mai, hun kha ava han kalchak tehreng em! Kannur lam phei kha chuan kalchak an tih lehzual ngei ka ring. Khawnge, vawksa ei zawh hi chuan tiin kuhva kan han lam sap sap hlawma, mahse a hnahin min daih ta tlat lo, lei tura kal ngei chu a ngai ta si, ruah lah chu a sur nasa angreng bawk nen Tunge kal ta ang le?? Ni e, kawng te kha a zimin a bumboh em alom! an rei ta viau pawh kha a awm tho e, a lo nghak tu tan chuan a rei duh hle mahse dem suh u! Nang ni ta la kha ai khan i han thang rei lo ang maw?


Vol.

Dar 2 a ri tep tawh, kan innel tan chauh si, kan haw na tur darkar lah a hnai ta! Plan thar kan mamawh, rilru in thil hrang hrang an dap kual hnu chuan Lawng chuan bawk chu ka han rawt leha, midang ril rem zawng tak alo ni bawk nen Trivandrum lam pan loa Kumarakom lam pan phawt tur chuan rilru kan siam fel ta zawka. Khami ni kha alawm hmeichhia inbual rei thin zia an sawi a taka ka hriat ni chu. Dar 3:30 velah chuan in atang kan chhuak ta hlawma, ruah a tla duh angreng si nihliap in zawn a ngai, nihliap pink ngei mai Mawimawii ta tih hriat tak whistle awm ngei mai kha nula leh tlangval thankin tawh han inzawn atan chuan a hlai tawk lo hle, mahse kha ai khan hlai se phei chu ka ti chuang bawk silo. Kha T.R. Santosh-a lawng kha ava pawimawh in ava hlu em, ka hun theihnghilh ngai tawhloh tur, hun chhinchhiah tlak tak zawng ani e. 2011 ni tla hnuhnung ber lawng chunga chuanga thlir liam engzah tak awm ve ang maw? Lawng chhunga seat inchuh leh zun zawk laia inthuh khalh boruak vel kha a va sang tehreng em. Rei angreng tak kan han chuan hnu kha chuan hrat si zei si ho kha thutna, dinna tha chang kha chu an ni ta a. Hmingi lunglen in dawm kunlai vel te, Diki thutna sawn chhen te khan awmzia neizui zel tak maw. Nula thla lakpui ve na hun remchang alawm tia nula te thla kan han lakpui chur chur laia Faka single ngata thla lak a duh tlat te kha, amah chuan „man’ inti hle mahse khatih hunlaia Zama‟n a ngaihnep angreng zia te kha tun hnuah hian inhrechhuak tawh tak ang maw? Chawhnu dar 2 traina kal kan thulh tawh, tlailam dar 6 train han ti dawn ila a ngaihna awm tawhlo tunah dar 7 a pel tawh, anih dar 8 train…. Nan chu kan la nang hman mahse…. „Kan riak dawn’ , kan va han hlimtlang tehreng em, a hmei a paa lawm avanga mittui parawl tuau te chu awm mahse sawilan vek a remlo ah ngai mai ang, Pa Tluanga te chhung chungah hian kan va han lawm nawn awn awn tak em… Tichuan arsa te, bawnghnute te kan leizawh hnu dar 9 bawrah chuan Pa Tluanga te in chu kan thleng fel leh ta a. Zana Naga chhungkaw thenkhat te nena inkawm khawmna hun kan neih laia kan nula te Hmingi, Diki, Ahruaii leh Mami ten zam miahloa hla an va thlang pap pap te khan Mizo te hi hnam huaisen kan nihzia hi min hriatnawn tira. Hla te thlang ve lemlo mahse Tebawih-i hmel han en ringawt pawh khan kan dawih lo tih chu a hriat ve hranpa hrim hrim bawk. Chutah kan nghah kumthar chu alo herchhuak ta ngeia, a lawmnan halmawi leh puakthei thil te kan han hal laia mipa aia hmeichhe lamin an hal huai zawk te, Zama leh Hmingtei video cameraa an in pose chiam lai te, zanrei lama pro fight te, kan mutchhuak tawh in mutsan kan la phal siloh hmel te kha kan va la ngai dawn em. Khang hun liamta kan hlim zia leh kan khawsa zia te kha Lunglen pumah pawh hian ziak dawn mah ila kan ziak zo seng chuang hlei lo‟ng nge. Kumthar ni lo chhuak hmasa ber hmutheia Pathian in kan nunna tlawm tak min la zuah sak avanga kan lawm tlan viau rualin, mahni awmna hmun lam pana Tindialah tih an ngai ta kha a lungchhiat thlak angreng hle mai. Theih nise kumhlui thlah ni kha han hman nawn tluk tluk chak viau mahila a rem silo, hunin a herliam pui tawh miau si a. A changtupa ber kha August Rush bakin ala vel lo asin mahse khami ni kher kher kha chu…. A takin nawn thei loh mah ila facebook lamah he thu ka ziah lai thleng hi chuan kan la nawn tluk tluk zawng anih hi. Nula leh tlangval thankin tawh na na na chu hun te a liam zel anga hna hrang hrang te thawkin, nupui pasal a chhia a tha te pawh kan la nei ve hlawm ngei ang, mahse khang hun hlimawm tak liamta te kha KAN VA LA NGAI DAWN EM…


Vol.

KA VANRAM FAN CHANCHIN

-Tluangtea Hnamte

Chutia mi zik hut hut laia kilkhata ka lo vawk mut reng lai chuan. Vawilehkhatah ka thlarau chu hruaichhuahin a awm ta a, mitkhap kar lek chhungin Vanram kawtchhuah chu ka hmachhawn ta run mai. Ka ban lehlam lehlamah chuan Angel pahnihin min chelh tih ka han hrechhuaka, ka hlau rilru hle lehnghal. Chutah Vanram Gate bul kan han thlen chuan chahbi kawltu ber Petera chu alo hrilhhai nasa mai. Tui wine-a chantir anih tum khan a khulh ve nual tih a in hai bik miau silova, kawng mi hawnloh ngawt chu a hreh ru ve hle ni tur ani. Chutah le, Tirhkoh Paula ava rawn hmasa a. Ani chu dan hre mi tih takah alo khirh nasa mai. “ Engatinge hetiang in rawn hruai” tiin min hruaitu vantirhkoh te chu a hau let ta hrep mai a. An ni lah an duai duh biklo “ Englo ania, amah kan zuk hmuhna kha Kerala daih ani a. MLTP Act in a huam phak lohna ram ani si a, tihngaihna kan hre mai lova i hnen kan rawn thlen tawp mai ani ” an lo ti then mai si. Tirhkoh Paula meuh pawh luthak hleilo a hiat a hiat ta mai. A in ngaihtuah ngial hnu chuan ni thei ngangin a hre lo ani ange “ Khawvel dana rorel tur kan ni hleinem ” tih pah chuan meidila mi paih a tum ta mai !!! Keilah theihpalingkawhin ka lo tang ve. Chutah kan thawm hria in Hmangaih Johana a rawn tlan phei a. Ani nge nge hmangaihna leh hriatthiamna alo ngah thin teh e, “ Hei thilsual engmah a tih loh hi, Vanramah i lalut ve phawt ila. Hrem lova chhuah in ui deuh leh Meidilah a khat mawi tawkin zuk hem leh zauh zauh thin ila a tha mai lawmni ” tiin rawtna a rawn siam a. Midang pawh chuan an pawm tlang ani ange, ropuina ramah chuan thing rimnam rum rum in ka han lut ve ta poh a. Thlarau hian na a hre thei ang bawkin alo pentawng ve thei ang tih kalo ring pha ngailo, hmai hnim meuhin Nunna tui ka han dawt tak tak mai chu !!!! Chutah ka chesual ta, engtik laiin nge thuiloh kawr kalo hak hman pawh ka hrelo. Kekawr ha lo na na na chu pawnga taka bungbut ngawt chi alo ni awzawng lo mai !!! Chutah ka han insiamtha sawk sawka mi pangai awm chuan ka awm chhunzawm veleh mai bawka. Ka thlarauin ka taksa chhuahsan mahse minung ka la nih miau avangin ka danglam biklo theilo ani e, nula tituai nalh deuh mitmei reng rengin ka lo hmanhlela. Chutia ka hawi voh voh lai chuan tu tih hriatloh hian min rawn kuai kun lawpa, leilam chu mi enluih tir ta reng mai !!!! Chutah MH Day lawmna a vai zinga ka thian te lo lam lawp lawp te ka zuk hmu a, “Nichin lawk khan keipawh an zingah khuan ka tel ve tak kha mawle, Kan hma hun hi kan lova hrelo tak em” tiin ka ingaihtuaha. Chuta ka rilrua rawn lang chu ,“ Khawnge Jona-a hi zawnhmuh ava har bik em em ve ”.

KA HRINGNUN RAHBI THAR

-Fakhlena Ralte

Kum 2007 November thla a ni a, kan tih thin danin ka thiante ho nen chuan inkhel turin kan kal khawm leh ta nak nak a, keipawh chunglamin a ruat lawk hre sa ni awm takin inkhelhna a tel tur chuan phur takin ka inbuatsaih a. Thlasik a intan deuh tawh bawk nen khua lah chu a thiangin a boruak chu a nuam tawk angreng khawp mai a. Rawlthar hrisel tha tak tak kal khawm kan ni bawk nen ngaihtuahna dang pu lek lovin kan han inkhel ta a. Kan inkhelhna hmun chu tuikhur kalna kawnga awm anih avangin tuichawi tur mihring lah chu an inpel zut zut mai bawk a, chutia kan inkhelh mek lai chuan tui chawi tura lokal te zingah chuan inkhelhna hmun atanga ngaihtuahna dang min puttir tu a awm ta tlat mai. Ka ngaihtuahna leh ka rilru zawng zawng chu amahah chuan a fu tlat a, thildang reng ka rilruah a lut thei ta lo, ka awmdan a danglam a, a hmel leh a pianzia chuan min hneh a ni ber mai.


Vol.

Nulat tlangval inngaihzawnna lamah tawnhriat ka la nei lemlo bawk a, kei aia tawnhriat ngah zawk ka thianpa chuan ka awmdan chu a lo man chak khawp mai, ka thil hmuhin a ka rilru a la peng ta daih mai chu a lo hrethiam vat a, inkhelh lai chuan a thil hriat chu a dik leh dik loh min rawn zawt a keilah chuan ka lo hrilh vek mai a, ka rilru luahkhattu chuan a luahkhah hneh em avangin inpaih thawlna tur hi ka zawng ruai a ni ber mai. Mipa kum 17 bawr vel hrisel tak ni bawk tan chuan chutiang thil thlen hnua engmah ti chhunzawm lova awm a harsatzia chu mipa tawh phawt chuan an hrethiam vekin a rinawm. Keipawh chu ka lo bang bik hauh lo mai, han ngaihven takah chuan a chanchin chu ka hre har lo hle maia, a hming pawh Jessica-i a ni tih ka han hre leh ta zel a, a phone number pawh chu ka nei ta vat mai a, amaherawchu ngaihzawng ka la neih ngai loh vang nge ni pawh ka hrelo ka duhthu chu ka hrilh ngam lawk lova, phulo ka inti a, keimah ka insit viau mai lehnghal. Nitin maiin amah ka duhna a zual telh telh a, mahse tan ka la ngam chuang tlat lo, ka thianpa lah chuan Jessica-i chu bem turin min lo nawr tet tet bawk si nen rilru chu a hah duh khawp mai. Zankhat chu ka rilruah ngaihtuahna thar a lo lut a, ka ngaihtuahnaah chuan huntha awm laia ka chet vat loh chuan a hnulehah inchhirna bak min thlen lovang tih hi a ni a, chu chuan huaisenna thar min neih tira, chumi zan la la chuan ka be ve ta tawp mai a, ani pawh chuan pangngai takin min lo be ve mai a mahse ka duh thu erawh chu ka la hrilh ta chuang rih lo. Han be tlangnel phawt ila chuan muangchangin ka hrilh chauh ang tiin ka in hnem a. Hun a kal zel a Jessica-i nen chuan kan innel tan ta viau a, kawnga intawh chang te pawhin inhmelhriat loh kal pelh mai lovin mi chu a rawn be ve zel thin a, chutia ka vei em em hmeichhiaah chuan a tluk an awm lovang a ti khawpa ka lo duh rilruk nena kan han inhre tan chho ta chu ka hun tawn zinga nuam pawl tak a ni. December thla a lo inherchhuak a Jessica-i nen pawh chuan kan inbe zing telh telh a, amaherawhchu ka thil hrilh duh ber ka hrilh ngam tlat loh avang chuan ka rilru chu a nuam tak tak thei chuang lo. Zan khat chu keimah chauhin pawnah ka tei chhuaka khua lah chu a vawtin a boruak chu a nuam khawp mai a, ka rilru nuamlo chu tih reh ka tum hram hram a mahse a tih reh tak tak theih chuang si loh, mipa ve si ah chuan nep ka inti a, ka dawihzep em avang chuan ka inhua a mahse engmah a sawt chuang si lo. Loh theih lova ngaiin ka huaisenna zawng zawng sawmkhawmin hreh tak chung chuan ka phone ta hmiah a. Kan inbiak fe hnu kan duhtawk tep tawh tihah chuan ka rilru a awm tawt lutuk chu ka ka chuan a dal hneh ta ngang lo „Ka duh lutuk che’ tiin phone ah chuan ka hrilh ta a, chutah le ka rilru zawng zawng chu a thawl ta huai mai, hringnuna rahbi thar ka kai ve na tur leh ka nun tihlim belhchhah turin Jessica-i pawh chuan min duh thu minlo hrilh ve bawk a, amah nen chuan thatlai nun tinuam tu parzu chu kan dawt dun ta a ni. KERALA KHUAA MIZOTE HNENA MAMKOLAMA LEHKHATHAWN -Rinmawia Hnamte Kum liamta MAS kha kei atan chuan Kerala chhuahsan hnua ka Piancham lawm na hmasa ber anih mai bakah, thlasik pum mai malpui 2 nen a kum 4 hnu a ka tuarna hmasa ber mai ani a. Ka rilru ah hian Kerala mawlh hi a reh theilo, abikin ami Mizo awmte hi ka ngai riau mai che u. Beisei lo deuh in Tluangtea hian Aizawl atangin mi rawn be hlauh maia, an insawi hnu pawh khan a tu ber Tluangtea nge hriat kha a har riau maia, a aw atang kha chuan Zamkannura te ang deuha hmangaihna ngah leh Jimmy-a te ianga hmel pa deuh anih duh hmel khawp a, mahse ahnu ah Trivandrum ami tih chuan sawi chhunzawm ngai lovin Hnahthial lama haw nghal tur tih ka chiang a. A tir khan Thangkura Pu chu rawn inti se khang ngaihtuahna kha ka nei hmanlo nimai tur. Chutah Thianpa Mawipuia hi Champhai lam alo thleng tawh ang em ka tih rilruk laiin, zan khat chu dar sawm pelh tawhah hian a nula rimna atang in a haw tawh thu min rawn hrilh hlauh maia, a lawmawm hle. Chutih rual chuan engatinge azan zana a nula rimna atang khera min lo hrilh le? Chhan a awm em tih erawh khalam kan unau Dumka oh..! ka tih kan sap miril Edward te ho khan lo ngaihtuah chhunzawm teh se. Masi hmang tura


Vol.

rawn haw te chanchin kan zawt a, rin ang ngei in KMA President kha chu alo haw ve leh ta lo a lo ni a, ka lo rinlawk ang chiah a ni, mahse Jaipur hi Mizoram khawpui lo nita zawk se a lo haw ang em? Chutah thenkhat University pawh exam thulh phahin an lo haw tih kan hria chuan ka ngaihtuahna ah tihian alo lut nghala, hun liam tawhte ngaihtuah in tute nen emaw nia Mas khawhar laia in hmuh ahlau nge ni anga, tun hun ngaihtuahin Mas khawhar laiin tute emawni hmuh loh a hlau zawk tih hi? Hei pawh hi Edward a kut ah awm leh teh se. Augustine an a chhui ve zawngin, bawng ek kara Sephung dum lianpui awmze neiloa a tal but but hi a ang awm em mai. Haw tih tawh apianga haw ve ziah mai Eddy-a leh Nute-i pawh dan ngai in an haw leh anih hmel bawk a, enge anni hian an haw ve ziah chhan hi le? Hmel lamah an keu vak bik chuang si lo, han hmanpui tur tha an hual hi ka ring bawk si lo. Mahse haw thei nih hi inlak hmelthat nan an ngai niber ani ang chu maw… Kan mi hausa Nula Teboihi meuh pawh Trivandrum khawpui ah massi leh kumthar a hmang dawn tih an han sawi chuan mak ka ti deuh hle a, mahse ka lo hriatdanin India ram khawpuiah hian Masi leh Kumthar vel hi a hmang vek tawh a hmundanga kal a peih tawhlo an ti hi tak tak ni maw! A then lahin kan Kimbuaia leh Eli-i ten an mit an tivar dawn a, a awmpui an ti bawk a, chutah hmel lo chu a siamtheih an tih thin kha tun ah chuan hmel pawh surgery hmangin a tha thei tawh an ti bawk a, an in ti hmeltha dawn ni ah ka ngai maia, mahse hmel chu sawi loh mit atang ringawt pawha sing chuang an sen chuan a mi hmel pangai ang tur chuan Nuaih engzah nge ngai ang le? Mass chibai bukna pangai ve tak chu kan thawn kual a. Chutah Mamthaua lah hian “tunge” a rawn ti a? Kei chuan Kollama kan tih chuan hawrawppui ngei in „Hmeichhe hmeltha deuh ni dawn emaw tiha‟ tih hi a rawn thawn a.A ngaihtuahna kan hisap meuh chuan Luck loh luat vanga mahni khua poh ngai loa haw duhlo in, message thlum tak mai an dawng, hmeichhe ni tura a ngaih, phur tak rawn reply kei ka lo nisi kha ava huatthlala dawn tak em aw!! Kannur lam chuan a Pu ber Zama hian hmangaihna lamah a bual A vek tawh an tih te hi tak tak nimaw…facebook lamah hian Dawngtea te ho hi an sweet thei dei duai em mai. Sawmte-a hi a nihlawhni, Champhai ah hian a haw tha duhloa, a nihna takah chuan, a hmel hian nula a hip si lo, haw pawh nise a chanloh tur anni zel si, amah lo be duh tute bulah hi chuan han insawithei in, Engineer ka nia, nakin lawka SDO nimai tur pawh han inti thin mahse, an tan chuan Sum Duh Over tihna velah anlo ngai dawn tho thoa, chu ai chuan Engineer hlutna hre pha, mi changkang leh hmeltha Nurse ho bula han nuih Lip duaih duaih te kha a nuam zawk tih hi a hai lo, Mass pawh haw duh loin a awm a, a beisei ang taka nurse hovin an lo be tha kha chu Lip duai duaiha nuilo thei ani lo… A sei lutuk dawn e, chhuahleh hun atan kan nula Hotel lama thawkte leh senior chhuak ta te lam chu khek rih mai ang. Mahse kan lo ngaihtuah ho mai mai atan, bialnu neih vanga Delhi lama kum 2 chuang lehkhazira awm hi atha ber ang em? Engah nge Thangkura hian a bialnu hi a ban kher? Tu nge KMA Citation dawng pha in biakin lamah innei hmasaber ang?

THINGPUI

-Jonathan Tlau

Kawngtluana thianpa Zama insawi luck ka ngaihthlak zawh meuh chuan Bz-i te in chu kan lut hlawla, zan ala rei lo bawka kan nula rim (han ti ila ka rimpui ani zawk ang chu) chuan thingpui min han luma, a rawn chhawp chu a tui hmel hle mai, mahse chu thingpui chuan ka rilru ah thil dang mi ngaihtuah tir ta daih mai. Nulat tlangval in ngaihzawnna nun leh thingpui chu kan hmehbel chho ta a. Mizo in thingpui han tih tawp hian chi hrang hrang a kawk thei awm mange, a sen, a pawl, a hang, a thlum te etc. Mihring ni ve ta chu naupan reng theih ni hek suh, kum te a vei rualin rilru leh taksa pawhin upat lam a pan chho ve hret hret zela. Nu hnute tui rin reng theih anih tak siloh ah chuan mahni tui tih zawng tak te kan melh a lo tul thin ang hian, kan kawppui tur han melh nachang te kan lo hre tan ve a. Kan hmaa thingpui inchhawp bawnghnute tak ngei maia pawlh tuihmel tak ang hi kan nunna lakluh chakna te kan nei theuh hian ka ring thin. Mi zawng zawng kan tui tihzawng te a inan vek loh avangin thenkhat chuan ka thingpui in hmasak ber khan mi fan rilin ka lairil a fah ber an tih laiin thenkhat tan chuan a ni


Vol.

ve tlat lo. Kan thianpa pakhat in min hrilh dan chuan a thingpui in hmasak ber chu tui atih lemloh thu leh a nunah awmzia a neih zui loh thu min hrilh ve tlat. Thianpa Rosiama pawhin no lian leh te in danglamna a neih lemloh thu a sawi ve nuap nuap tak kha. Mi tam zawk hi chuan kan tem hmasak ber anih vang emaw ni a tui ber emaw kan ti mai zel, mahse a dang han tem chhin hnuah hian kan thingpui in hmasak ber kha alo tui ber kher lo thin. A tui ber hriat tumin asen hangin bul kan han tan phawta, chini leh bawnghnute nen kan han pawlh hnu hian kan tui tih zawng taktak chu kan chiang ta thin ni te hian ka hre ve mai mai thin. Tem hleilova a tui tihzawng sawi ve duah Sawmtea te ai ngawt chuan kan la zia deuh e. Rawlthar han chhuah ve phat ah kha chuan hmun hrang hrang lamhnai leh a hla deuh ami te han temkual den den chakna kha mipate ah hian a bet ve tlata, tui angreng tak kan hmuh pawhin a dang han chhin chakna kan nei bang hek lo. Lenna apianga thingpui in thei ziah Andrewa te hi an awhawm lehling phian. Thingpui tui na pawh pha lo nge dawng phalo zawk Faka te leh Tluangtea tih vel ho hi chu lo hawihil mai mai teh se. Ti hian ka han ngaihtuah chhunzawm ta zela tui hmel tak anga lang te pawh hian chini a thlum tawk an hmuh loh chuan a tui famkim thin lo hi alo nia. Han ti ve khanglang ila kan tleirawl chhuahtirh kum hnih chuang teh meuh tem chhin mai pawh nilo, in tak tak ka han chak te pawh kha han tem ve zuai mah ila ka duh thlum lutuk nge ka lairil a rem theilo anih kha maw! Tuna ka bula thu mek ka thianpa hringnun te hi kan ngaihtuah leh ta vel mai maia, ani tan hi chuan a thingpui lem hmasak ber kha alo tui ber a ni ang e, a tui dang zawngin kum tamtak hmun hrang hrang ah thingpui tui tak zawngin vak kual thin mahsela a hmasa ber tluk zo a hmu ngang lo a ni ange, a ngaiah bawk a let leh tak ni, mahse a lo kalsan rei deuh vangin alo dai hman tlat, an chhuang lum leha, mahse a sa deuh ni tur ani a lei hi a kang a kang ta mai, mahse tui zawng ati ngang e, lei han tikang deuh thin mahse a chhem hluau hluau reng mai. Chhem dai ve hleitheilo Mawipuia pawh a hmui a pawrh turh tawh hi. Anni anglo takin kei ve thung chu ka dawmlai ngei mai hi tui ti takin ka in ka in ta anih hi. U Hminga te ang a pawng leihbuak ngawt ka ching velo hi chu ka nihlawh asin…… Chung thil zawng zawng a thlen zawh hnu chuan kan harh hlawl maia, class ka lo tlai tep tawh chu niin ka mumanga kan nula rim Bz-i thingpui lum ka in ta nge ta lo tih pawh ngaihtuah hmanlo chuanin class kal tur chuan ka insiam ta sawk sawk a.

RUAH A SUR !!!

-Sawmtea

Krismas leh kumthar hlimtak a hman hnu ah, hostel ah riahrun te ka‟n han rem ve leh ta a . Lungte pawh aleng in kan kumhlui thlahzan hmanpui te pawh an ngaih awm ve hle a ni. Chutia khawhar tak chung chuan hostel chung zawl atang van dum pawl raih mai thlir pah chuan kan kumhlui thlah zan hman dan te chu dream ta vang vang a. Rei lo te hnu ah chuan khua chu a rawn dur ta khuk khuk mai, ruah sur tur ni ngei in a lang ta. Tichuan ka ding a room lam a chhuk ka tum lai tak chuan ka tiril hi eng emaw ni hian a rawn man ta tlat mai. Ka bengbul ah hian hmeiche pakhat, aw ka hriat tawh hnu ni ngei hian “i birthday” rawn ti hian ka hre ta tlat mai le, ka hawi kual a tumah hmuh tur awm silo. Tichuan room lam a chhuk ta lo chuan, mitchhing chungin ka mu leh a, ka hringnun liam ta te ka dawn kir leh a. Ka mitthla ah chuan chiang tak mai in, „i birthday‟ rawn titu hmeichia chu lo langin. Tichuan ka ngaituahna chu September-December 2008 ah chuan a let leh ta. He tih hun lai hi mihring mihrinna ah pawh kan lerh ve tak hunlai kha ani a,veng tin a nula hmel puak tha deuh te kha chu kan hre hneh ve em em a, an ph no. nen lam kan nei a mahse kan be tha ngam ngai chuang lo, a chhan nita ber alang chu sakhmel kha a puak ve tlat lo a ni. Chutih hunlai chuan kei aia upa hmel duh ve deuh pakhat hi ka nei a. Zan khat an ina kan leng haw chu ka thianpa te inchhak ah chuan tleirawl chhelo ka tih em em mai hian pawn ah mei lum hi alo ai a. A nu leh pa te mitthi in ah an kal a, a u leh nau tenen chauh in an nghak chu niin. Tichuan a kiang ah chuan thuthmun te kan han tuah rem ve te te a. Kan ti ti a fuh chho dawn viau a ka hriat hnu chuan ka thianpa chu ka kheuh zeuh a, ani pawh chuan hrethiam mai in inchhung ah a u chu a lo va kawm ta a.


Vol.

Tichuan a in tan ta Hmangaihnaa inhrui pawh na chu. Hlau leh khur zak chung in, fiamthu deuh reuh hian, „I Sas a rawn leng nange‟ ka‟n ti ve tawp a,ani chuan rang tak in „sas ka nei hlei nem,nang zawk i bialnu te in ah inleng mi a‟ a rawn ti ve leh a. Kei inti zei fahran chung chuan „keini te chu tuman min duh ve hlei nem, nangni te hian min han duh ve ni se chuan awm ngaihna pawh ka hre nang‟, nui vur vur chung chuan kan ti ve leh tawp a. „Ui ha i inla zei e,‟ a rawn ti leh a adang a sawi leh hma chuan kei chuan rangtak in, „inlak zei vang pawh nilo; hman atang ka star tawh che a, mahse i luck sia ka bem ngam thlawt lo che lom kan ti a. Ani chuan ka mit tak a en pah chuan, „i ti tak tak mi?‟ a ti a. „Ti tak tak e, min duh ve mai lom ni ?‟ ka‟n ti leh a. Lai leh zak tih hriat tak chung chuan kun chungin „aw‟ a rawn ti ta. Ava han nuam em kha tih lai darkar minute second kha, lawm avang khan ka thinlungah kohran biakin dar hi a in vaw ri awn awn ni mai hian ka hria. A nawm zia kha e nula ai a buh duh zawk Augustine-a te tan chuan hriat thiam phak rual a ni lo. Tichuan haw te pawh alo hun ta tihah chuan zawi sep hian min thlah la ka‟n tia, tichuan ka thianpa chu hmanhmawh deuha kan hma a kal tur chuan ka ti ta a, tichuan keini chu a hnungah muangchang a kal pah chuan ka kuah thla ta a. „Anih mangtha aw,‟ tih phah chuan a hmui ah tak chuan Korean kiss in ka va kiss ta a. A va nuam em, ka haw thla te chu ka ban a min chelh pah hian vantirhkoh 2 hian min thlawhpui ni ta ber in ka in hria, khawvel hi ka hmu par chiai chiai mai a ni. Tichuan rilru nui ver ver chung chuan zan mut chhin zai ka rel ve ta a. He ka kiss hmasak ber hi hmui leh hmui in dek satliah mah nise a romantic em em a, a hnu thleng pawh a ka la ngaih ber a ni. Ka nuam ti lutuk kha e, azan la la khan Mura leh Beraw rimtui te nen a zalna laikhuma chibai han buk hial te kha ka duh rum rum a ni. Nula mi Tv. Tluangtea(contact-9995034810) han ti ila nula ina an mi ani mah zawk ang chu, te chuan hria se, a hmui ah i va hnawih anih chu min tih sak ngei ang. He mi hnu atang hi chuan lungte 1 a sava 2 vawm thlak pawh a awmzia ka hre thiam ve ta. Chutia ahmui a ka va hnawih hnu atang chuan e, kan in hnawih dun mawlh mawlh ani ber mai. Thlasik lai lo ni bawk nen lip gloss a hek duh khawp mai. Chutia kan nih tak hnu chuan vawikhat chu phone atangin a birthday ka zawt a, ani pawn min rawn zawt let ve leh a. Kei chuan ka pian ni leh thla ka hre lo ka pian atang a ni 3 hnu ah ka birth certificate an ti bo palh a, ruah sur laiin ka piang tih chiah ka inhria, chu vang chuan ruah sur apiangin ka birthday mi rawn wish thin dawn nia ka ti a. Ani chuan nui chung chuan nia ka rawn wish ziah dawn che nia arawn ti a. November thla chhung phei chuan birthday wish ka dawng zing mawlh mawlh hle ani, mahse ka ning lo, min ti hlimtu pakhat ani tlat. A ni paw‟n fiamthu in tun thla chu i piang nawn mawlh mawlh mai anih hi a rawn ti a, kan nui dun ta bawrh bawrh a. Zan khat chu an in a ka len lai chuan ruah a rawn sur thut mai a, kan pahnih chauh a om kan ni bawk a. Yes, ka birthday, gift ah enge min pek dawn kan tia, ani chu ka bul ah lo thu in, hei hi ka b‟day gift chu tih pahin mi rawn fawp/chuk ta, fawp/chuk tih hi chuan a sawi fiah zo lo tunlai tawngkam takin mi rawn muah ta a, kei lah chu ka hreh loh zawng tak alo ni bawk nen, kan in muah ta mawlh mawlh mai a. He hun hi juda ten a Messiah lo kal hun an nghahhlelh tluk zeta ka lo nghah chu ani, a nawm dan chu e Alphabet (A Aw B) tluklehdingawn eng zah atam pawh rem khawm ila asawi fiah zo lovang, ka hmui hnuai dimte a an seh bet chat zel te kha ava nuam ngai em. A nawm zia chu, fuih pawrh a sai bung pu nawlh tham, thianghlimna nen a ban tlang tum Tv. thianghlim MAMA(Shadyboy) te tan chuan hriat thiam phak rual ani lo. A heh vam ham mai leh no chek han fawh chu e, uain hnehin a thlum asin. A bahsam te lah chu luite luang dam diai ang mai. A ha te lah chu var siau beram hmul meh hlim bual fai ang mai a ni. A nghawng te lah chu Davida ralthuam in sangte ang mai a ni. A tang nem te lah chu saza phir lili zing a tla dun te ang mai an ni. A kianga minute khat hun hman pawh e, Aigupta mawi na zawng zawng leh Lebanon lunghlu tha mi te ai pawh hian a thlan awm zawk hial in ka hria. Bialnu te chawn mahni a pumpui hran nei thei khawp alian leh mawng ar chuk phak lek lek bialnu nei te tan chuan a mawina chu hriat thiam phak rual ani lo. A chhiat loh zia chu Tv Mawipuia en reng reng pawh a hmela kimlo awm nual leh Tv Jona-a mahni hmel pawh inhmeh lo ngawih ngawih te hi chuan an hre thiam pha ve meuh lo ang. Nula mi rel thiam, a thiante pawhin Trivandrum rel station an tih mai nula Teboihi te pawh hian rel dawn se , a hmel pian zia ah kha chuan sawi tur a van ve ngawt ang. Lal Davida pawh khan a inbual lai chu hmu ve se chilthli tla bawrh bawrh khawpa a thlir ve ngei ka ring. Kan in muah zawh chuan ka birthday gift dawn tawh ah chuan ala ropui ber kha aia tha kha ka dawn leh tawh pawh ka inring lo kan ti a, ani chu alo nui sak a. Khami zan kha chu mutna ah pawh muah muah tih bak kha rilru ah a awm lo. Chutia mawina zawng


Vol.

zawng thuah 7 in min hual beh tawh hnu chuan e, Traffic police hi ani tawh ringawt mai, akawh na aping ah ka thle kual ka thle kual ta mai a ni. Tun hnu a ka ngaihtuah let leh hian Tv Thaiboy Zama [zamTV-a aizawl atang a remote hmanga duh duha an rawn hmet kual ] pawh hi ka dem bik lo.Bawihtre-i te, Matre-i te zun a uai hi alo na em ani Hun te aliam a, “AR KAI DEN ZAN” te pawh a rawn in her chhuak ve leh ta reng mai. Tichuan thla eng lawm chuan „mual buh vum tlang‟ ah chuan puan phah chung a mu in, kut in vuan rialin thla eng te chu kan thlir dun a. Mi te chuan hmeichhia an mutpui avang in “seks/secs/sex” an ti e maw nite hmanpui in a hmeichia zawkte dul an pump puar leh nawk thin anih kha. Kei erawh chuan hemi zan atang hian hmeiche mutpui ringawt hi thil tih tel lo chuan thi ani tih ka chiang khawp mai. He mi zan hi chuan han sodomised na hun remchang pawh ka hmu, mahse nupui neih hma a Sodom -Gomora suala tluk tum lo ta ngang chuan in muah bak thlen san pui ka tum lem lo.Tlangval buan chak lo Jimtea te ang chu nise kha tiang hun rangkachak kha chu bawh pelh phal rual a ni lo. Ramhnuaia Sazuk chawtani hmuamsa chan chhuah ang vel ah ngaiin, vannei in ti tak in a sirkhen pui duh ngei ang le, Tv Faka erawh chuan a phun duh hial mai thei a ni.. Zan khat chu ka thianpa nen chuan a hmaa ka star te in ah khan kan leng ve leh ta a.Kan han haw hnu chuan kawngkawi ah ka bawihi chu mipa pakhat hian lo kuah cho in kan han in tawk thut mai chu,ka va hamhaih chiang em!!!! Enge sawi tur leh enge tih tur pawh ka hre lo, ka tum vang pawh ni miah lo chuan, „Va nuam awm ve‟, ka‟n ti ve ngawt a ,min chhang ta lo chuan hnuai lam en reng pah chung chuan min kal san ta a.ka haw thla chu e, kal kawng hi damlai thlan thim thuah 7 ina a tuam hnan ang mai hian ka khawvel hi thim vek ang hian ka hria, ka thinlung a time bomb kam a hun tak a puak ang hial ah te ka ngai, nge rah puah bomb ka chil puak zawk. Ka thinlung keh sawm ta te khan dartlalang te pawh an kal tlang theih hial ka ring.Tichuan ka rilru na lutuk chuan YMA dusbin (tel tin) kawng sir a an hun chu ka pet pawp mai a (a hnu ah YMA dustbin sawi bur mai han hmuh chu tawngthei ve lem lo mahse hmaizah ana duh khawp mai). In ah pawh haw lo chuan rei tawk ngawi reng in ka thu ta reng a.Hetiang em em hian ka tuar na ang tih hi ka lo ring ngai bik lo. A hnu lawk ah chuan lengleri hnen a tang chuan,*min ngai dam rawh* tih text hi ka dawng a, kei chuan „ka liam ta nge ka liam mai ta nge, ka thiam ve lo ani, D intawm‟ tih hi ka thawn a.Mi rawn call ngal a, mahse pickup lo chuan ka switch off ta daih a.Zan pawh ka muhil thei lo ka rilru ah hian a cham reng mai ani. Kha tih hun lai khan Zama anga Bible chhiar leh digene ei na chang lo hria ila zia awm deuh tur!! Pawn pawh chhuak tha peih lo chuan ni 2 vel chu in ah hian ka tawm reng a. Vawikhat chu ruah sur lai hian, i birthday tal chu wish min phal dawn lo em ni arawn ti a. Ka rilru ti na mai mai tu a ni dawn a ka hriat avang chuan ka reply duh lem lo a. Zan khat ka thianpa te in a ka leng tur chu pawn ah hian alo awm a,kal pelh mai ka tum lai chuan min rawn ko a ,tichuan ka bul ah rawn kalin, „ti nge engmah i sawi dawn lo ami?‟,a rawn ti a. Kei chuan „min duh ve viau amaw ka tia kha kha mi i hmangaihna chhan let na chu!!‟ kan ti ve a.‟Ni tin school ah min bem reng a, min zui reng bawk si a, a tih ngaihna ka hre bik lo alawm,‟ a ti a.‟Kei paw‟n a tih ngaihna ka hre tawh bik lo, ka kal mai ang e. Mangtha!!‟ ka ti ta a. Ka kut ah rawn vuanin nangmah hi lawm ka duh chu ani nilovin arawn ti leh a. Kei chuan la duh tak chung chuan, „Nilo e, mi ta alom i nih, min kal san mai rawh, tichuan tuma rilru a na dawn lo nia tih pah chuan ka kal san ta a. Ka thianpa te in a tang chuan (Tuar thiam ahar chuang ana ngei e, phu loh ka cho sual em ni, kei ka thinlai ah i cham reng mai, nang nen hlimlai arei lo em ) ,tih ka thawn a.chutih lai chuan ruah hi arawn sur a, ani chu ruah sur hnuai a a rwn tlan in mi rawn ko chuak a, „ RUAH A SUR„ asin, i birthday gift a ka kiss che kha i hre tawh lo mi kei chuan ka ngai a sin kha hun kha,atawp nan i birthday lawm nan min kiss dawn lo mi rawn ti ta. Kei chuan nilo


Vol.

nilo, ka birthday chu 22 september ani e, ka pian lai chuan ruah asur hleinem, i lakah dawt ka sawi a ni min ngaidam dawn nia‟ rilru na tak chung chuan kan ti a. Pawi lo i birthday chu engtik ni pawh ni rawh se, ruah a sur emaw sur lo emaw, vawi 1 tal min fawp leh dawn lo‟m ni tih pah chuan amit tui arawn tla a, ava hreawm ngai em kha tih hun lai kha. Tv tah belh Rosiama te ang tan chuan mittui tla pur chunga Anu tih vawng vawng na tham a ni. Mahse ka in ti Pa luia, hei hi last goodbye chu ni rawh se tih pah chuan a biang ah chuan thlahel ngawih ngawih chung chuan ka va fawp a. Tichuan haw tawh rawh i chhungten an ngaihtuah tawh ang che, kei pawh ka‟n lut ange tih pah chuan ka kalsan ta a. Tichuan engkim a tawp ta, hriatrengna tih loh chu. Tun hnu a a chanchin ka hriat leh dan phei chuan a nula tawh sia, a chhe lo lutuk, mahse a lerh tih a ni. Eng anga chelo leh ler pawh nise „RUAH A SUR‟ chang hi chuan mi la hre chhuak ve ngei ang tih hi ka ring tlat a ni. “Hmangaihna tuipui kan dai tirh khan e, duhluat vang em ni lithuk lam ka dai pui a, ban invuan rialin kan pil ta vang vang anih kha. A tir tuifawn dam diai hnuaia hmangaihna tuipui han hleuh dun chu ava nuam ngai em. Mahse kan han hleuh thui zel a patek leh hnimhling nei, suar hmun leh tui sakawlh te awmna hmun han thlen meuh chuan ani chuan ka ban avuan reng thei ta silo. Tichuan chu lithuk hmun ah chuan tangin, ani hmeiche awm nem zawka ngaih chu kar 2 hnu velah a in hleuh chhuak thei ta mai. Kei erawh zawng chhantu nei lo in chu hmangaihna lipui ah chuan thinlung hliama awmin a thla tel fe ka tan hnu chuan engtin tin emaw ka in hai chhuak ve thei ta. Mahse hnimhling nei leh min tina thei tuipui sakawlh te avanga ka thinlung ser erawh hi chu kumkhua in a awm reng tawh ang. Hemi hnu atang hi chuan hmangaihna tuipui ka hleuh thiam lohzia hriain hleuh leh pawh ka zuam tawh meuh lo. A hnuah pawh hleuhpui turte chu ka tawng ve leh nawk mai, mahse ka ke vei lama ka daipui hnu ah ka dinglam hian chu tuipui chu arap ngam ta ngang lo thin a ni. Hemi avang hian Chhass pawh nei ngamlo tih thu ka dawng ve ta zeuh zeuh mai. A thente lah chuan a riang thinlai na tur reng dawn lo hian a induh si, zeilo si ti ten min sel thin. Mahse hei erawh ka chiang Pathianin rem ati ngai anih chuan engtikah emaw chuan he hmangaihna tuipui hleuh min zirtir tu tur nula fel, hmeltha tak min la pe ve ngei ang tih hi. Chutia ka ngaihtuah nate lirnghing in a an sawi kual vel tak tak hnu chuan. Ka piah lawk a vai ho in, „Why this kolavery di‟ tih hla an sak thawmah chuan ka harh chhuak ve ta hlawl mai a. Tichuan „Why this kolavery kolavery dii‟ tih hlasa pah chuan room lam pan chuan ka chhuk thla ta a!!.....

KEIMAH MAWIPUIA Kum 1990 August ni 4 khan Champhai Vengthlanga nupa tuak thar Lalvena Khiangte leh Lalbiakmawii te fa hmasa ber ni turin kalo pianga.Pathian zarah nau hrisel tak niin kum 22 zet a ral hnu chuan heti hi kalo ni ve ta reng mai. KA NAUPAN LAI CHUAN Khawvel eng ka hmuh tirh kha chuan naupang satliah ve mai kha chu ka ni na a. Ka thanchhoh danin a zir vang nge ni, naupang dang te tlukloh leh mi aia danglam bik nihna ka nei chho ta. Chu chu rualpui te aiin ka rit hi ani. Mi awmthei fa ni awm ang ziazangin laipawng a tlum ve tut ringawta, dul vun a chhah ang bawkin thluak hman lamah ka chhah ve chiah lehnghal. Piang vanduai rau rauah mi fa ten rual an banphakloh laiin a muma mum ta ngang chu “ Rual ” chu sawiloh ka mawngtam pawh ka ban pha thathum meuhlo chu ani e. Thau hi dulah ringawt fuan khawm te chu nise a zia zia te pawh ala awm anga, chutiang chu ni miau si heklo. Ka hmaiah ka hmel a leng kim lo a chha chu ani e, meng chunga nuih chu har ngang ngang tak hi ani ringawt. Mahse a pawi love, Pathian malsawmna te pawh ani zawk ang. Ka naupan pui, chhungkaw dinhmun ina a zirloh vang te, an hriselna ina a tlin ve loh avang te a rual pawh pawl hleitheilova bawksawp an awm ang tih pawh ngaihtuah phalo leh lainat nachang pawh hrelo lek khawpa ka pain min vulh thau liarh te hi ka vannei ngawt asin.


Vol.

PANLAI NUN LEH INFIAMNA Pathian hruaina zarah ka lo leikang ve hret hret a, mipa naupang ka lo ni ve ta der mai. Naupang zuanzang tak ka ni lemlo bawk nen, thian te zingah pawh a hleilo pawl tak ka ni ta ve ang. A lena lian ta hrim hrim chu khup thleng pawh zuankan pha hleilo tur kha sport na ah Group Leaderah min han ruat mauh mai peka. Leader ve si kotlanga lo tal balh ve em em ringawt kha ni theiin ka hre bik silo, Item pakhatah ka han tel lui ve hram mai chu !!! Ka mualpho chiang teh asin. Ka pa Mahnuna zekzuk alawm mawle, chhungte bulah ,“ Mawipuia chu Field sirah buk a sa a, a tawm kuk renga. Saihruipawh hun a rawn thleng chu, a buk atang a rawn chhuak nul nula a rawn hnuk hrep ringawt ” te milo ti pek chu niin. Mahse tawr a chhaha buk a rih hle hi chuan kan lo hrisel tlangpui alawm ti tawh mai ang. Ka pa tawngkam takin ,“ A hri pawh ka hritlang ngai meuhlo ”. Tin mi a tiah ngawt mai khati fahrana bungbu thei tura kut ke kim ka nei te kha a lawmawm hliah hliah. KA RAWLTHAR NUN A pawr tak tak phei chu ka ti ngam chiahlo nanga “ ENGLO PAWR AW ” te pawh kanlo pawh ve ta, Aw rawl a thum dut ta mai, aw thum vanga inkhawmpui na a zai rik an han phal velo kher kher kha chu aw!! Phun der tur ringawta inkhawmpui lo chhim ve chu na ngaih ngaih tak ani. Rawlthar rilru put ve tawh nak alaiin hmel in hma a sawn mawh khawp lehnghal. Tu te emawni anga hmai phih peihloh chang pawha siai hnawiha nawhtlet tawp theih te chu ni bik emlo mahse, ranngo han zawnpui em atan chuan ka sit ru ve khawp mai. Tlangval mawnglian nih te hi thil ropui tak ani lemlo. Malpui hlir emaw tih mai turin ka chawn puar te lah chuan thahnem an ngai em em mai bawk si. Hmel hmanga chaw zawng chi chu ni ila ka cher tawh ngawt ang. Mahse ka hmel chu READY MADE chhia a ni a, tawhsual tawh avang te leh vanduai vang liau liau te a mahni hmel neihchhun pawh humhim zo ta lo hi engzat tak awm ang maw ? Chung ho ngaihtuah chuan ka la nihlawh teh e. Tlangval nun chu kan la kalpel lo bawka thai lang lo mai ang. Ka nunhlui te leh ka thanlen chhoh dan te han ngaihtuah let hian, lungngaia kun tlawk tlawk ni hi ka la nei meuh lo. Ka hun kal tawha nawhreh ka duh ve em em ho pawh ngaihtuah let changa nuih tiza tawk lek te an ni. Nun hi hetiang ve tur reng emaw tia malsawmtu chunga lawm nachang hriatloh hi thil awlsam tak ni in ka hre ta.

CHRISTMAS PARAWL

-Augustine-a

December 22 zan a ni a. Dar 12 chu banga hmai bial ban hnih nei chuan a kawk vah tawh mai le!! Mut lah chu chhete in a chhuak eih lo mai! Zan dangah pawh ka tawn fo ani a,a danglam tehchiam lo! Mahse engatinge hemi zan hian ka facebook peih lek loa,message te lah chuan ninawm an chan tlat a, hla ka ngaihthlaka ka kur duam duam le! ‟Gay‟ vang pawh ni miahlo in mipa pawh hi an kal bo chuan an lo ngaihawm ve thei hle mai hi a lo ni! Nula mah a zuna an uai hleihtheih loh Sawmtea leh a elpui Ms-a awm lo chuan rilru a lo ti pelhe ve deuh ni awm tak a ni! Zan danga intih lunglen chawp ang kha a ngai lo kher mai! Hla te chu ka‟n ngaithla a, ka suangtuahna roll film erawh an luah pha der chuang si lo! ‟Eng ka ti ta nge, mipa zin bo vangin sam sei ka‟n lo dream tlek tlek mai chuh! Mahse ka dream tih te khi chu an awih loh tur thil a ni. A chhan chu ka inbox ah mipa text bak an hmu ngai tlat lo a, kei lahin tlangzar kher a tulna ka lo hre lo vei nen! Tui emaw tui lo emaw, mut chu a ngai tho tho mai si a, vei zawng vei vanga mut theih loh te chu Thomas Alva Edison ka chhun loh na lam tak a lo ni nen, ka mut dan detail chu hre lo mah ila a hnar mi ka lo nih palh chuan thawm te pawh ka lo chhuah ve huk mahna le. Ka tukthuan ar khuang a tlai bik nge dar 10 dawna han thawh hem mai chu Einstein -a te nen kan in pu tu ang tih hlauhawm tak ani! Tichuan khami ni kha chuan chhinchhiah tlak han hlui vak tur ka nei ta lo ni berin ka hria. Ka theihnghilh loh thung erawh chu ka thenawm pa ti hrih mai ila, amah chu digene case-ah in lo superhero tir a ni awm a; khalam kha chu awiha awi loh dan ka hrethiam pha ve lo. Mahse lunglen hi a na asin tia a gender male ve ve inhrilh inhrilh takah chuan kan KMA girls ho hi an lo vanduai mange aw te chu ka tia. A awmzia in hriat duh chuan remote controller-in neihin enge in control thin tih kha han hisap ta ula,tv=tlangval, tv brand-zama, model – kannur s7s8. Proprietor Bzee.. Mi huan pala inhnawih chu ka duh lo, khalam chu dah tha daih teh ang. December 24 herchhuak chuan suihlunglen a kai tho mai ni lo in an láng nuai nuai mai niin a lang. Hemi ni hian theih ang tawka LALPA tana kan thawhlawm tam lo te tlingkhawm


Vol.

ve chu „VOHBIK‟ te hnena va hlan tur chuan Kannur ropui, Payambalam beach te leh St.Angelo Fort ten Kovalam hre map loa lenlai an chen na hmun ngeiah chuan kan va kalpui ta a. Putar thut pawh thu thei lo,mi ke kara lo bawk sawp ve mek chu ngaia neih har tak ani. Pitar-putar chenna nei lo inkai rial te pawh chuan mi a hneh hle. Kan neihchhun a tlem si a, a dawha dawh chiah lem lo, rel station bawr vela riahrun rem ve mai ho chu kan khawngaihnain kan neih a tihpun si loh avangin kan hmu liam ta mai mai a. Tichuan kan tih tur hmasa kan tih zawh hnu chuan zan lama kan ar kan ve tur ngaihvenin kan chhuak leh ta a, ar fried sa chu kan lei a. Tichuan kan tea-set kan la a kan run riangte a Vanlalnau piang lawm tur chuan kan inbuatsaih ve a. A KTP deuha han hmuah vak ngaih na hre ta lo chu Zoramchhani te leh Jim Reeves –a ten hun lawmawmah chuan min chhem lut ta hlawl mai a ni. December 25, CHRISTMAS ni chuan kum 2011-a Kannur khawpui luh hnuhnun ber nan fel vang ni hauh lovin a sawmtu kan „mother tongue‟ ngeia biak theih mai ni lo kan mizo pui Shalom-a , sawmna ngai pawimawhin kan va inkhawm ve a. Christmas e-ti-lo chuan mit ven that a pawimawh zia thu chu kan va ngaithla tluan a. Kan hriatthiam ve English service kan hmuhchhun a ni miau si a le! Anni Adventist an lo nia, an lo serh ve lo chu ni in. Shalom-a sawmna angin banah chuan ar sa tui hang hawpin kan hriamhrei neih that chuan ren miah lo in kan thial tir ta biai biai mai a ni. A rooma rei tawk fang kan tàp hnu chuan riahrun khawhar lamtluangah in theh thril leh a ngai tlat mai, hla siamtu in „chawl hman kan ni lo‟ a tih ang deuh khan! Tichuan pahnih a-kara room hran ve ve a riah run bel leh tur chuan bus-ah chuan kan vai hmeltha ho nen chuan kan thang phei leh ta huam huam a. Inbiaka inhrilh kher ngai loin „home sweet home‟chu kan thlahlel dun tih chu ka hrethiam mai. Ka ziah lai ngei te hian hnuk a ulh palh ange sawi tawh hrih lo ang, Zorama zunram han thiar zawk ho an intithei awm e mai! An vawksa te kan hmu ve lo lehnghal!! Zan a lo ni leh ta. Zanin zet zawng lunglen vang maia mut theih loh chu a ni bik lo, thosi fight tel a ngai tlat mai le. Body lam thosi te tan a lo chhenfakawm ve bawk si a, mahni hmuhnawm tih zawng pawh ni tho mahse, thosi ngalsang vang phenga zing dar 3-a GODFATHER en tura thawh chu thil nuam tak a ni lem chuang lo! Tichuan zan 2 zan 3 thosi ka‟n fight bap bap kha ania, pianto kan inan loh mai bakah kan in len hleih ve tehlul nen, ka lakah a champ chiang hle. Hetih hun lai hian alawm an sawi vul chuk Kurt Cobain-a te‟n thingtlang lanu berh ve thin tak Zoramchhani te ne an lo eh phak loh zia ka hriatchhuah ni! Chungte pawh chu min hriatchhuah tirtu thosi te u, thian atan min duh chuan inkawm tha ang u, inseh reng bik chu a ninawm, kan inseh dawn tho tho chuan ka seh ve tur che u ani tih chu ka thupuia, ka tho ta chat mai. Ka movie en laia,Marlon Brandoa‟n, „Don‟t let others know what you think‟, a tih chuan rilru a hneh zar mai! Tichuan thosi nen chuan kan inveh ta dan dan mai a ni. Ni 26, ruaitheh ni chuan beisei loh takin kan theh tak taka, luiah kan kal zui. Arabian sea tui al lem leh zeuh ai chuan a zia deuh. Hemi ni hi chuan Edwarda anga intih hmelthat nana bawnghnute kher lam kher kha a rem tawh lo. Mahse inchhirawm ta chu ei leh ina ralkhat atanga Fakhlena ka lo el lutuk ta kha a ni. Pian a hnu lama hmuh vawikhatna te zinga ei theih show kha chu a „hit vak lo, insurance policy a ni lo tlat. Vawksa te an nei thei sia min sawm duh tawh loh te a hlauhawm ve det! Chaw ei laia biak ngai, Chatpuia te angin kan neih ve lem loh avangin khami ni kher kher kha chuan Fakhlena ei theih pawh a lang bik lo ni in ka hria. Duhtawk baka tam arsa, bawng leh vawk ei hnu chuan luidung kan zawh ta. Hmel en atanga, „buoyant force‟ kan ti em ni kha,khatiang ina a zawh loh awma mawi,piannalh original lutuk kha kan lo ni vei nen, tum lo sa teh mah ila Zama & co. te zingah kha chuan Mr.Beana te tluk zet ka nilo thei lo. Fiamthu thiam lo tak tan pawh hian mi nuih tur hi chu hlui tur a lo awm ve zel anih dawn hi! Hemi ni hi chuan Sawmte leh Ms-a ngam ve loh tur thil ka lo tih ve tawh te, biak ringawt pawh an tih laia, keini‟n inhmeh tut lem loa eng engemaw kan lo tih ve tawh ten rilru an kap pha vak lem lo. Van a duai chuang e,atna hi natna hlauhawm tak a lo va ni em!! Ka thosi fight dan thawnthu kan han tlangzarh chuan Zama thian te chuan min khawih harh ta. Kannur panna kawngtluana min ti rit leh hnawksak chang, bag uai rit tu, sangha man nana la ui deuh si „Aw THOSILEN, i tel lova zan thum chhin ka tum khan e, kei ka lunglai na hnem tura thosi rual leng rualin, muttuah rem phal lova min awi. Ka sawthiam lo i tel lova chhin a har e‟, tih chu vai vawih aia rangin ka thinlungah chuan a ri dup dup maia. Ka va han zak tak em! Thosilen-aw lo hrechhuak hma ila chu godfather en na hun ka nei rei deuh tur, Harry potter ten ka lung an tihlen phah bawk si! Mahse kan veng bazaar ve Dharmasala kan thlen chuan all-out tui ka lei thara. Problem solvedmosquitoes out-mosquito net captivated in the dungeon of my suit case.....at theih thin khawp mai. Tichuan, parawl lo hrehawm tur zia te chu ka man pha ve tan in ka inhria. „Nupui ina boral san chu dar lehlam sahthlak ang‟, an tih thin te pawh chu pawh pha chiah lo mah ila ka pawmpui chiang hle. Ka pa, amah chauha awm te pawh chu a lo khawngaihthlak hle tih ka hrechhuak awn awn maia, hnuk a ulh duh hle. Mahse helaiah ve chuan kan parawl dan a dang deuh,thenawmah u Zama lungleng thawm hriat tur a awm tal a, bang daidep, maimawm leh thosi te nen chauha tual chai ai chuan a nuam fahran. Parawl lo hrehawm nasat zia lanna ber ta chu a vawi te khatmah nula hnen atanga la dawn ve loh, Jim Reeves-a‟n “It‟s the memory of an old Christmas card”,a lo tih khan lung a ti leng ber tlat mai !!


Vol.

NO KHA DAHTHLA RAWH He thawnthu tawite hi han ngaihtuah la, i nun thlaktu pawh ani mahna le! Professor pakhat hian glass nova tui lek kang va va pah hian zirtirna chu a tan ta a, zirlai zawng zawng hmuh theih tura lek kang pah chuan he no hi engtia rit nge in rin tia zawhna a siam chu zirlai te chuan rawn inrin siak nak nak in a thenin 50g, 100g, 120g, 125g te an rawn ti niai niai a. Professor chuan „Kei pawhin ka buk phawt loh chuan ka hre mai biklo ani, mahse ka zawhna tak chu he no hi minit khat keng kang ta reng ila, eng thil nge lo thleng ang?‟ tiin zawhna an siam leha, zirlai te chuan engmah a thleng lo ang tiin an lo chhang hlawm a. Chutah chu Professor bawk chuan “Anih darkar khat keng ta ila?”, Naupang pakhat chu rawn ding chhuakin “I kut a na tan ang” tiin a chhang a. “I chhang dik e, darkar khat mai nilo nikhat lai keng kang tai ila?”, chu naupang vek chuan “I kut lo na in i tha te alo zaw anga, i kut te chu a mu ang, damdawi ina hruai hial pawh i ngai maithei ani” tiin a chhang leh ta a. “Adik lutuk, anihleh kha no ka lek kan chhung zawng khan a rihna a danglam em?”, “Danglam lo” tih chu a chhanna dawn let a ni. “Anih chuan eng in nge ka kut kha tina in, ka that e ti zaw ni?” tia an zawh chuan class room chu a ri ta mam mam a, “Kha natna pumpelh tur khan enge ka tih ngai?” tiin zawhna a siam leh ta a, dinglam kila thu naupang pakhat chuan “No kha Dahthla rawh” tiin a rawn chhang a, chu veleh professor chuan “Adik ani, kan nunna harsatna kan tawh te hi hetiang deuh hi anni, i rilru ah reilo te han pai la, ziaawm in a lang ang, mahse hun rei zawk i ngaihtuah zui zel chuan natna a thlen thei che a, i ngaihtuah zui zel phei chuan i rilru tichauvin engmah ti theilo in a siam thei che a ni. Kan nunna harsatna lo thleng te hi lo ngaihtuaha lo hmachhawn chu a ngai reng a, mahse chu aia pawimawh chu „Dahthla rawh’ tih hi ani, nitina i harsatna tawh chu zan i mut hmaa i dahthlak zel chuan, a tuk khua alo varin i rilru a fimin, engkim hmachhawn leh harsatna su kiang thei turin chakna thar i nei thin zawk dawn ani. Aw! Ka zirlai duhtak, hei hi hre reng ang che „VAWIINA I NO KEN KHA DAHTHLA RAWH!‟.

Ka Blood group B+ve!!

-Zama Kawlni

Kum 2000 chawhnu lam a ni a, tuk dang ang bawkin thlasik ni chu kan kawt lam atang chuan mawi em em mai hian a rawn lang chhuak leh a, kan kawta zawngtah kung hnah inkar vela a rawn chhun set set vel chu mawi tak hi a ni. Mahse, kan chhungkua, a tute mah khan kawt zawl nuam tak kan nei tawh dawn lo tih kha kan hre miah lo. Kan chhungkua chuan kan hriat pawh kan beisei ngailoh leh kan duh em em pawh nilo, “Transfer order” chu kan hre ta tlat mai. Champhai khuaah chuan hlimtein kan thanglian chho ang chu tih nak a laiin, SAIHA ah Ka Pa chu an lo post a, kan chak lo kher asin. A chhan leh vang ber chu Political order anih vang a ni a, thin a rim kher mai. Kum tam tak lo service tawh a nih vang leh hek chhuah anih avang chuan ka Pa chuan ngawih mai a tum bik lova, a rang a rangin hmunpui lam panin a chhuk a, thil dik lo a tel avang chuan an pute chuan thil awmdan an ngaihtuah that tur thu an lo hrilh a, a rawn haw chho leh ta a. Hun reilote ah chuan Aizawl a awm tura tih a ni ta zawk a, khawpui nge nge chu tlemin kan huphurh lo deuh a, in luah tur kan zawng tan a. Tun hmaa a lo awm tlangnel tawh na, sipai chhuti; lubawk lai pawha Solfa a lo vai fo tawhna thin, Bethlehem ah ngei chuan kan hmu ta a, chhungkhat an tam avangin kan mikhual lem lo hle a, a nawm lah a nuam nghal phian mai. A nawm chhan ber chu maw, kei naupang ve mai kha, hmeltha titu kha ka han nei ve nual a, mithar kha min lo lawmthiam phian a, nawm loh nakah. Enge Trivandrum ah pawh mithar te chu, sipai pawh nise kan hruaitute chuan an hmuak lawp lawp a, a hnuah phei chuan an nun tikimtu te a‟n ni ta hial renga(keimahah lut leh ang!!!) Kan insawn kum hi 2001 a ni a, April ni 11 tuk nita in ka hria, Tata Mercedes Benz (TMB ) ah ngei


Vol.

mai, a cap ah ka thiante nen kan chuang thla ho ta a. In thar kan thleng a, kawt reng a awm ta lo. Tichuan, hun leh nite a ral ve det det a, thian thar te, hmelhriat thar te kan nei a. Naupang a na na na chuan puitling ai chuan nuam kan ti hma khawp (sawi tawh ang khan..). Mahni rualpui te zinga Luck ve pawl tak kha ka ni ve hrim hrim a, tute emaw anga, min duh tu hmasa ber ngaizawng chi chu ka ni lo chiang bang..tiraw Siama. Kan veng thar ah chuan tu te emaw chuan min lo arsi ve ta ngei reng a. Nuam ve mai mai reuh tak ani, thianpa Mama te chuan an hrethiam pha ve tawp nang, tiraw Jimmy. Heng tleirawl rual tam tak min lo arsi tute zingah hian, tuna kan nu duhtak hi a tel a, a mit a len nasa ve thei ngang mai (Chang zir te kha nuam a ti thei asin, a rawn hmaih ngailo hrim hrim J). Rei vak lo hnuah chuan kan inhre chho ve ta zel a, naupangte kan la ni nangin, kan inngaina ve angreng a,mahse, Kima Darkelf te nupa anga in bialnu in bialpa bawn tawp ang chu kan ni lem lo. A rei ta deuh a, hriat kim vek a har ta. Khatih hunlai khan boyband, westlife lar lai kha ania, an hla lar em em mai pakhat „Queen of my heart” tih chu, “KING oF My HEART” tia kuai remin a lo phuah a,tuemaw KING ka ni tlat. het!! Vala hian nuam ka van ti tehreng em. Ka sawi ngai lova, ka lantir ngai em em lo na a, amah khan min arsi viau ringawt emaw ka tia, keimah pek khan ka lo arsi ve phian a. Tun hnu hian ka sawi leh fo thin. Tlai khat chu an dawr kawta a awm lai hi thirsakawr a tlan pah hian..”I L… U” ka‟n ti pek a, a hmel hlim zia kha ka la mitthla thei reng. A hnua ka let phei leh chuan, tak tak maw tiin min zawt a, nuam zawng zawng hi kan nei ani ber mai..heh!! Mahse, naupang a na na na chu, tawp hun kha a awm a. Kan thanglian chho a, inkawmngeih pangngai tak chu kan ni chho reng a, mahse, inngaihzawn lam a lang lem lo a, ngainat erawh ka ngaina reng. Ani pawh khan ka hmuhdan nge phei chu ka hre lova, min la duh ve reng khan ka hria a. Mahsela, ngaihzawng lam atan chuan min lo en tawh lo tih tun hnu hian ka hre chhuak a. A chhan pawh ka hre kiau. Kan tawp dan vel hi engmah reng a sawi ngailo a, mahse tun hnuah hian a rilru ka‟n hre mai chu(h)!! Ka zak ngawih ngawih a, ka lainat tak meuh meuh a, inchhir in a sawt tawh si lo. Theih se chu ka siamtha ngei ang tih ka hrilh leh fo thin, Mahse ani chuan puitling takin, “Tunah kan in nei tawh alawm, tun hi a pawimawh” min tih sak zawk a. Kum sawm dawn lai a‟n ral hnu chuan, Kannur khua atang hian, Ka U Nupui neih dawn vangin February thla tantirhah chuan ka haw chho ta a….khai lee… Inneih hma ni tuk chuan, ka u bike nen chuan ka chhuak phei a, an kawtah chuan ka va ding a, ani an dawr kawtah a lo awm hlauh a. Inneihniah ka “date” ni turin ka va sawm a. Mahse, ka hlawhchham tlat, hetsala!! Mahsela, a duhloh vang lam ni lovin a tukah exam a lo neih vang zawkin a lo remchang lova, tihngaihna a awm ta lo. Pawi ti tak chuan ka in khalh phei leh ta a. A tukah chuan „date‟ nei ta lo chuan Inneih chu kan hmang zo a, Zirna hmun lam chu ka pan thla leh ta a. Hostel kan thleng thla chauh emaw tih laiin, hun chu a lo ral zung zung a, nipui a lo thaw a, haw turin kan inpuahchah leh ta a. Hetih laia ka nau te pahnih titi ber chu, tu nei hmasa zawk zawk aw, tih leh tu che na na tih vel kha ani ber a, kei chu ka nui mai mai a, tum pawh ka tum lem hran lo, zir zo phawt ang tih chu ka thupui ani mah zawk. Kan han haw chho a, Howrah kan thleng a, Mizoram House kan han thleng mai chu, nuam hi an ti mai mai asin. Uite vawihkhum an sawi ang main an phi cheng tawh mai. Mall ah kan kal a, saw pawh saw pawh an ti reng mai a, anih loh leh saw chu mizo aniang a, an ti deuh chhen ta mai. April ni 4 ah chuan Zawlkhawpui chu kan thleng ta, khawpui chhung luh tan atang chuan, motor tukverh ah chuan an dak chhuak dun vauh vauh a, hawisawn an tum lem lo. Kan in kan thleng a, hah a dam ta. Ni thum ni li vel a liam a, Chawlhni a lo thleng a, zan inkhawm banah chuan, thianpa Jonathan-a (hei chu sipai hmuak lo chi!!) nen chuan haw kan tum a, chutia tum lai mek chuan, changtunu tur nen chuan kan inhmu a, kan trek dun chhuai lem hlei law..in ina leng tur te hian min sawm dawn nange tih pahin, kan han in chibai a, an ina leng turin kan inzui thla ho ta a. Hman deuh tawha kan zin ho tawh avangin keini pathum chu kan inpawh hle a, kan titi a rual bawk a, a hlimawm kher asin. Thingpui te in zawh chuan, thawklehkhata‟n ka thianpa chu a tho thut a, ka haw dawn a ti ta rauh a, kan haw tlang ang chu tia kan chelh ngial pawh chuan, a hnua thil thleng tur hria niawm tak chuan kawngka lam chu a pan a, a liam ta daih mai (haw


Vol.

turin signal ka pe lo tih ka‟n sawi lawk!!). Tv en pah chuan kan titi a, rei pawh a nih hma chuan, ka plan nilo mahse ka thilduh chu ka hrilh ta a…(tren2!!) A hmel ka hmuh atang chuan chhan hi ka ngailo reng reng, ka hmu tlat, a chhanna chu “YES” ani tih ka chiang a, thinlung hi a khawtlangin an nui a, an au a, an haw haw dur dur ni berin ka hria. Ka hlim lutuk kha, a hma leh hnua kan thil sawi kha engmah ka hre thei tawh ta reng reng lo mai, ani ka‟n zawh lah chuan, a lo hre bik der tawh lo mai a, kan hlim lutuk khan kan lo ngaihtuah chang tawh lo ani ber ang chu. Tichuan, zan rei lutuk hma chuan, hlim leh lawm takin kan in panin, kawng ngaiah chuan, mithar in ka haw ta. Khami zan tluka ka muttui leh ka hlim kha a la awm kher lovang. A tuk zing thawh chu nuam mai mai asin, engkim hi a tha vek mai a, min ti lungngai theitu reng reng hi a awm lo. In hmuna insaknaa kal pawh nidang aiin ka phur a, hna hahthlak a awm ta tlat lo. Facebook status a dang ta phet mai le. Sawmtea leh Ms-a te thil tum em em chu, a tum lo berin, duhthusam zan lehnghalin kan update a. Ka‟n nui khi ver ver reng mai chu ani ta.(A hnu lam hi chu sawi tawh loving…chhuah leh hun atan khek ang..hehe!!) Khawvel ani a, thil tum dan leh duhdan te kan nei a, mahse engkim remruattu hian kan tana tha tur hian ro min rel sak zel zawk a. Engkimah hian a lo BOSS ber vek mai a, thilmak lah min tihsak hnem tawh. Ka vui ngun tehreng nen, vawi khat mah keimahin thlemna min paltlang tir ngai lova, min awmpui reng thin. Ral khat atang chuan relationship chu a har viau thin a, mahse, Chunglam vang bawk hian a paltlang theih zel thin. Duh tak leh hmangaih tak I nei anih ngat chuan,,, U Never Back Down..U just hold on..no matter what!! A tawpah chauh pawh nilo, hlimna a awm zel thin. Thinrim chang I nei tur a ni a, mahse I insum hram hram thei thung tur a ni. Hlimna tluantling chu a tawrh a tawrh chhuah tham ani a, hrehawm hle mahse, tuar hram hram ila..nakinah, nuamsingkhaw a ni mai. Khami zan atang khan thil tam tak ka zir a, chung zingah chuan “dawhtheihna” hi a pawimawh ber pawl ani awm e. Lunglen chang te a awm a, a chhuak leh nawlh nawlh a, kumthar LUNGLEN hmasa berah ka‟n thai ve nuaih a, tu pa emaw titi te pawh ka ang ta ve e.

A BAWP PAWH SUM THUM

-Hminga sailo

“Lenna tlangdang ka tuar zo lo; mi u anempui ka ngai em che” tih hla kan sak ve thin lai te leh Kerala kan vanglai kan tih fo thin te aliam hnu hian, Pathian hre reng a vanglai chen pah chung zel in Lenna tlang dang ka tuar zawh tak em em na hmun ah ka vanglai chu ka hmang chho ve leh mek bawk a. Nia ti raw Jimpui, Thangkura ten Lawngtlai lam nula rawng thim ve tak te an veh thlem dun dun lai leh kollam Maman a bialnu hmelthatna ai a afel zia hlir a sawi lai hian, Ralleng nula saisu bul tha ve tak tak te chu kei ni ve teh lul hian kan han keu eng phuk phuk mai chu ani tak si ale!!! Tin, hetiang hi ani a, Mawipuia champhai khawchhuak palian no rang ruak mai ten trawn thum cheng hnih man vel tur lei ngam tak tak si lo a an dawn tluk tluk lai leh Kan VCP Pu Rosiama ten a vawikhat seih zeuh pawh a nula thal phung tur a a beisei, vawi tamtak alo seih thlawn hnu hian kei ve teh lul hi Kohima nuho (an MHIP ve) ten Aizawl lam a haw chho thuai thuai tur in min lo duhsak ve em em bawk a. Ka ti thin Fifa 08 a tactic leh game plan kei aia nei tha zawk ka nau Jimpui-a, Maggie Cup a ka sawp hrep hnuin, inti hre taka Manager mode khelh pah a, a player tuai ho chhuang tak chunga “Late bloomer te poh an awm tho a” atih thin kha kan chenna leh awmna hmun azir zel hian a dikna chen zawng alo awm ve ngei ani tih hi ka pawm chho ta tulh tulh a.. Chhangthawp Patea Sas hual, a khi tlangveng a ama hming hawha ka han len tum te kha aw!! Amah chhangtawp patea anglo min tih zia te kha..Jimpui ka han hrilh tlang law law ang che aw.. “i aw chu ani si a, mahse i van anglo, i van thau sawt ve” min tih hnu khan..a then te rilru chu lo na deuh pawh nise hun leh ni te a ral hnem ta deuh a, a ziaawm ve tawh em ang chu. Hun leh kum te avei zel a, Kumpui lo her chhuah hma Krismas lo thleng tur urhsun taka kan lo hmuah tum te kha...awmna hmun in a zir em avangin keini kawm phakloh mi hausa pui pui te nen kan han hmang tlang ve kha chu ani a. Pian ti mawilo khawp hiala a tlang hraw chi hlir ah ve pawh khan kan phawrh ve ngai


Vol.

miah lo in..Scotch whisky leh vodka..champakne thleng khan an hung tlar dul mai tak si a aw.. Lamtual zim tea a luck lo fal deuh in fet deuh tak a nula an kuah laiin, a bul lawk room ah mahni te nen chauh a che che sih hlawk ah te kan lo ti ve kha chu ania, zankhuaa lamte kha chu kei ai ngawt chuan an hah deuh chu ka ring bawk a. Krismas ruaitheh Fatu ah mutkham lo taka ka zuk lan ve a, thianten i beng a va var ve an lo tih te khan, ka fel vang leh fing vanga bengvar minti an nilo tih pawh ka hre thiam mai a. Thianpa in “i va zawi ve nizan i lam nasa deuh ami?” a tih tum a “Lam ang chu, ngah nge alo pian teh ei” ka tih te kha a tawngkam mawilo viau mahse hman nawm dan a zirin a awmlo hran lo e tiin ka in hnem leh zel thei mai bawk a. Kumthar lo thleng tur inbuatsaiha a thau mawm tha tha ei a, zun chhuak pawh kan ip luih hram hram lai te kha aw..dawhtheihna leh insum theih thatzia min hriattir a..kumthar ruaitheh fatu na ah i beng ava var ve an tih loh nan a thawh veleh lotion ka han in tah ve tawk tawk nite kha..a hun zawng aliam tawh na a, thil tihin kan la chhunzawm zel tho mai chu ani si ale! Chavadimuku correspondent Kimbuai-a ten a balcony thengthaw nuam tak atanga Malu Nula kai rual ve deuh deuhte a thlir lai hian kei zawng office thuthmun ah zanin chu kha ti lam veng ami kha min ngai ve tawh ang a, tih mai mai te chu ka lo ngaituah a. Serchhip lam chhuak Mama, an khua a haw tum a, hostel a rawn let leh zana a hman nawmzia sawifiah nana “ka vir char char hi nimai” a tih te kha amah ngei hian a ngai ve thin ngawt ang tih te ka ring bawk a. Hnahthial tlangval, Tluangtea, zozial fakna atan a tha fahran mai, tawr tha ve tak Sreekaryam natna in a tih cher zawh loh te hi asin..” Sawn chu apai teuh a, a thlakna tur a hmuzo lo a ni” an la tih hma ngei hian Jimpuia te hian han pui ve ta mai bawk se. Tichuan maw Jimpui, a hmawr kan bawk mai lova kan verh zel anih chuan a ruh kan verh thleng tawh mai dawn si a, ilo hriat ve mai mai atan: Bawng mei chhum han hi a chak an tih hi i hre fo tawh maithei a, tak tak ani tih prove na neih kher loh chuan mamawh baka tam thling neihna mai mai ani tih te kha lo hre ve la. A tawp ber atan hei chauh hi..Chutia rei tawk fang kan han mutzal hnu chuan, min kherhna a bawp sei tawk..ria chumbat mai chu ka han chul nawn leh a..ka pheikhawk hrui pawt dawk in uluk taka ka han teh chuan e..Mizopa sum thum zet zawng alo ni e!!..thisen zam te pawh rawn mar tha leh in duat taka ka han chul nawn leh chuan e..ani Jimpui, zingkhua chu var dawn tawh mahse, ka nep zo thlawt lo ani..rial no a tui thli khat in bangkil sira tlak pawp pah in vawithum ka han per leh tarh tarh a, a khat leh ta puau mai a!!

BOMB #Mangalore sawi ringawt pawh hian lung hi aleng em em zel zawng anih hi-Msa #Chhas tih vel mai mai ai chuan kei chuan buh ani ka duh ni – Augustine-a #Mipa ringawt nen a in text hi chu ka ning ve deuh tawh aniFuckhlena. #Kei hi chu han in en chet chet ila ,ka tha chet chet mai aniMama( tlangval thianghlim) #Mihring dik tak kan lo ni e-Jona #Mangalore khi keini mizo te hi chuan kerala huam tir tawh mai ang u-Sawmtea. #Onu te thu hnuai a awm reng mai hi zawng ..hui ha-Zama #Only the broken hearted know the way i feel-Lalmawipuia (hmangaihna a luangliam) #Tv.Tluangtea hi a khumah a tui thin tih hmuh chhuah an ti. #Nu ber in facebook a phal tak si lo ah chuan, status a update pawh kan like in kan comment tha ngam tawh hleinem mawle... –Zama #Pianga hi Mizoram Chief Minister a ni tih ka lo hre lo reng reng- Tluangtea #RZ-an Physics Law hmangin Tebawihi chhai thluk a tum anti. #Joseph-a dam leh damloh thu kan dawng hnaivailo

#Lalkristiana rawn haw meuh chuan Zama pawh rawn insawn chho rum rum mai an ti. #Ka nu, ka pa, hei hi URosiama anih hi, ka s...a...s te-Marina #Vai putar free style a inbual lai phawk chu sexy lo ngei maiMoipuia #Nutein ka pop corn a ei loh chuan ka paih ang-Edward-a #Zama vun rawng hi a uk ni berin ka hria- Sawmtea #Richarda aiin an nu a buk rit zawk an ti. #Ka tlu theilo- Augustine-a #Dawn kir ve thin che maw, kan lenlai nite-Pianga #Teboihi-Nute train toileta i thil hmuh kha eng rawng nge? Nutei- (Zawitein) Vun rawng.. Teboihi- Vun rawng ai chuan a tak deuh lo maw! #Tuifiminu nge ka an uifawm-Msa #PUUUUT- Rosiama # Zama I khum ava hing ve… “Hing ve bawk ang chu” #Pangpar mawiber iangin-Fakhlena #Ka thianghlimna parmawi thliaka min liamsan leh si chuanEddie #Jimmy-a hmul zawng zawng a kir vek an ti. #Kima hi a mit that hnu hian ala buai reng an ti, a buai tulh tulh zawk te an ti.

Published and Edited by Jonathan Tlau on behalf of Lunglen Club



LUNG:EN 11