Beskerming binne die werksplek – Solidariteit Jou beskerming begin hier!
I
n antieke tye het ’n soldaat ’n skild én ’n swaard gedra. Die skild het hom beskerm teen aanvalle, en met die swaard kon hy sy teenstanders laat les opsê. In ’n sekere sin is hierdie voorbeeld ook op Solidariteit van toepassing. Ons doel is om ons lede en hulle gemeenskappe te beskerm – ’n “skildstrategie”. Maar die beste vorm van verdediging is soms om self aan te val, en daarom is ’n swaard by tye ook nodig. Die vakbond Solidariteit se hooffunksie is om sy lede in die werksplek te beskerm. Solidariteit doen dit deur sy arbeidsverhoudingsafdeling, wat in verskeie bedrywe aan duisende kollektiewe en individuele lede regoor SuidAfrika beskerming bied.
Die Solidariteit van vandag het reeds op 22 Junie 1902 ontstaan toe die Transvaal Miner’s Association (TMA) gestig is. Die TMA was die voorganger van die Mynwerkers Unie, oftewel die MWU, wat later Solidariteit geword het. Solidariteit het in 2012 sy 110de bestaansjaar in diens van duisende werknemers in Suid-Afrika gevier. Solidariteit behoort aan die Christelike tradisie van vakbondwese wat in selfstandigheid en onafhanklikheid glo. Solidariteit is bekend as ’n vakbond wat sterk op dienslewering toegespits is en beskik oor die grootste regsafdeling (met meer as 35 personeellede, insluitend prokureurs en advokate), die enigste telefoniese vakbonddienssentrum, die beste administratiewe en kommunikasiestelsels en ook van die beste ledevoordele van alle vakbonde in Suid-Afrika.
12 Redes vir vakbond-lidmaatskap by Solidariteit 1. Regshulp Solidariteit bied aan lede ’n telefoniese regshulpdiens, gratis regsverteenwoordiging vir werkverwante arbeidsake wat na die arbeidshof of Kommissie vir Versoening, Bemiddeling en Arbitrasie (KVBA) verwys word, asook bystand met ondersoeke deur die Mediese Buro vir Bedryfsiektes en -voordele. 2. Begrafnisvoordeel ’n Lid van Solidariteit asook sy of haar gade en afhanklike kinders tot en met die ouderdom van 21 jaar ontvang die begrafnisvoordeel. 3. Bevallingsvoordeel Vroulike lede ontvang ’n uitbetaling van R1 250 vir elke bevalling (ná 12 maande se ononderbroke lidmaatskap by Solidariteit). 4. Siviel-regtelike advies Lede ontvang telefoniese siviel-regtelike advies. 5. Afslag op finansiële produkte Ontvang spesiale afslagpryse op finansiële produkte, soos motor- en huisinhoudversekering deur Auto & General. Solidariteit bemark ook ’n aftreeplan wat in samewerking met Allan Gray aangebied word. 6. Permanente mediese ongeskiktheid ’n Eenmalige bedrag van R1 500 word ná 12 maande se ononderbroke lidmaatskap by
78
Solidariteit aan lede wat medies ongeskik verklaar word, betaal. 7. Testament Solidariteit stel vir lede ’n gratis testament op en die testament word ook gratis geberg. 8. Solidariteit Tydskrif Lede ontvang ses keer per jaar ’n interessante arbeidsgerigte tydskrif met al die jongste nuus oor die Solidariteit Beweging. 9. Weeklikse nuusbrief Lede ontvang weekliks Solidariteit se elektroniese nuusbrief Soldeer per e-pos. Die nuusbrief is volledig in Afrikaans of Engels beskikbaar en propvol van die jongste nuus. 10. Ledediens Solidariteit se dienssentrum bied ’n eenstopdiens aan lede. Hier word lede tydens kantoorure deur opgeleide personeel bygestaan met alle navrae, klagtes en voorstelle. 11. Gemoedsrus Solidariteit sal jou werkbeskerming-waghond wees sodat jy gemoedsrus kan kry oor jou en jou gesin se toekoms. 12. Waarde vir geld Al die voordele wat ’n Solidariteit-lid kry, sou ’n fortuin gekos het as dit afsonderlik by verskeie entiteite aangevra en betaal moes word.