5.Os pronomes

Que vas atopar nesta unidade?

1 Comunicación

Nesta unidade vas ler o fragmento dunha novela protagonizada por Nereida, unha rapaza que se propón salvar os océanos e os seus animais. Tamén ampliarás o vocabulario sobre os animais e crearás as túas infografías. Despois, coñecerás os tipos de textos cos que nos comunicamos, orais ou escritos, en directo ou a distancia a través das redes sociais etc.

2 Estudo da lingua

As palabras forman parte dos textos cos que nos comunicamos. Con elas designamos os conceptos que queremos transmitir. Nesta unidade coñecerás a estrutura, os compoñentes e os tipos de palabras. Sabes cantas letras ten o alfabeto galego? E cantos dígrafos? Sabes explicar en que consiste unha sílaba? E os seus tipos?

3 Literatura

As escritoras e os escritores tamén se valen das palabras para crear un texto literario que nos emocione, que nos divirta, que nos asuste… Cal é o teu libro favorito? A que xénero pertence? Gústache crear os teus propios textos literarios?