Sterk liðsheild – Bandaríska Ryder-liðið snéri taflinu sér í vil á Hazeltine
Davis Love III fyrirliði bandaríska liðsins fagnar sigrinum í Ryderbikarnum. Mynd/golfsupport.nl
Bandaríska liðið hafði fyrir Ryder-keppnina 2016 tapað átta af síðustu 10 keppnum. Fyrir lokakeppnisdaginn á Hazeltine National í Minnesota voru heimamenn með þriggja stiga forskot á Evrópuliðið og sá munur varð meiri og meiri eftir því sem leið á lokahringinn. Davis Love III var fyrirliði bandaríska liðsins og Darren Clarke fyrirliði Evrópuliðsins en þeir voru í fyrsta sinn í þessu hlutverki.
Patrick Reed var stjarna bandaríska liðsins. Mynd/Golfsupport.nl
86
GOLF.IS
Clarke setti flesta af sínum sterkustu liðsmönnum út í fyrstu leikina á loka deginum, staðráðinn í því að landa góðum sigrum og gefa öðrum leikmönnum aukið sjálfstraust. Þessi áætlun virtist ætla að skila árangri því Evrópa var yfir í fimm fyrstu leikjunum eftir 9 holur, og munurinn var aðeins eitt stig þegar Evrópa náði að vinna þrjá af fyrstu fjórum leikjunum í tvímenningnum. Þetta var aðeins tálsýn því lokaspretturinn varð aldrei spennandi og bandaríska liðið mun sterkara. Ryan Moore og Brandt Snedeker skiluðu mikilvægum stigum í hús og bandaríska liðið vann fimm af síðustu sex leikjunum. 17-11 sigur bandaríska úrvalsliðsins var sannfærandi og sá fyrsti frá árinu 2008 og aðeins þriðji sigur bandaríska liðsins í keppninni á síðustu ellefu árum. Næsta keppni fer fram í Frakklandi árið 2018 skammt frá París.