Vera Grgac Donja Bistra
Naša bistrička hodočašča Od nejgda do denes Od terega leta hodočastimo na Bistricu teške je reči, zapisane niesmo našli, ali smo prečitali da je bistrički kapelan Petar Berke 1765. leta zapisal vu svoje knige »Kinch oszebuini…«, vu popisu »mestz iz kotereh« dohajaju romari na Bistricu i našu faru bistrajnsku! Naše zavetne hodočašče k Majke Buože Bistričke je na 4. kolovoza – velikemešnaka ili, kak bi ma majka Dora rekla, »kre Buožega lica«. Mi jošče dendenes klečeči opajamo okol lontara i kak mi je bile za čujti od mnoge svečenikof da naša klečeča pršecija ne ostavi nikega ravnedušnega. Ufam se da to veruvajne boumo i dale prenesli na mlade, a sad prečitajte dva spomenke.
Prvi spomenek Bile je to 28. rujna − malemešnaka 1864. leta kad se naš bistrajnski vlastelin Henrik Carion išel zafaliti Majke Buože Bistričke za vuslišane prošne. Na Bistre je bil tek dvie lieta, a od domačega plebanuša je doznal za Bistricu i zavetuval je sebe i svou obitel Majke Bouže. Za dar je f Parizu dal napraviti skoupi svilni barjak za Bistricu, a štuolu i albu za našega plebanuša. Žnim je došel negof prijatel Constantin Xavier Garson, župnik iz Combraya – mesta f terem je H. Carion rojen. Pribrali su se f dvuorske kapele sv. Jožafa na Gorne Bistre i franceski je plebanuš služil sv. mešu, a ounda su se pešice zapoutili na Bistricu. Cielega pouta su popievali na hrvackem, a psalme i na franceskem jeziku. H Duolne Stoubice su dočakani od tamošnega župnika vlč. Ivana Kralja, skup žnim služili su sv. mešu, okrepili se i po obedu su krenouli pout Bistrice. Ob pete vure popoldan su došli na Bistricu, na pijacu jih je dočakal bistrički kapelan Janko Lacković, zvonila su sa zvona, a igrala je bistrička »pleh banda«. Spred vejlike cirkvene vrat dočakal jih je preča-
NA PUTU DO NEBA
89