La Gameta
Eilha chorou, chorou, chorou tanto que un die fúrun a buscá-la al castielho para ir a bibir para ua casa que mais parecie ua sterqueira, sien cundiçones ninguas. Afinal, tamien hai rainhas cun pouca suorte! Andreia Morais; 6º anho - Scuolas de Miranda.
LA RAPAZIADA DE FUONTE ALDÉ Un die, nua nuite de antruido, a meia nuite, ls rapazes de Fuonte Aldé ponírun-se a cantar “I alhá bai ua…”. Mas you cumo staba a drumir, acordei i fui a la jinela a oubir ls cantores. I eilhes cuntinában: “I alhá bai ua, cun Catrina i Artúrio. I you dixe-le a Paulo, l cantor percipal: - Tu bien sabes que you nun gusto de Artúrio. - Si, mas el só ye tou namorado por hoije. - Tamien puode ser. Apuis chegou l cura cheno de spora i dixo: - A Paulo, you sei l que isso ye mas calhai-bos. - You sei , senhor cura. Apuis l cura fui-se ambora i Paulo cuntinou a dezir la cuonta i you nistante me fui pa la cama, que staba calentica. Ana Catarina Lopes; 6º anho - Scuolas de Miranda.
LA RAPAZICA I LA CANHONA Ua rapazica chamada Cleméncia tenie ua canhona que staba pra parir i staba muorta pra que isso acuntecisse. Mas soutordie la canhona achou-se mala i, por bias disso, la cria podie nacer sujeita. L beternairo fui a bé-la i cunfirmou aqueilha suspeita, acrecentando, inda, que la cria s'iba a morrer debrebe. La rapazica quedou triste i rezaba todas las nuites pra que nacisse sien porblemas. Cierto die, a la nuite, passou pulhi ua streilha i Cleméncia pediu-le pra que la cordeirica nacisse sana. I, ne l die seguinte, naciu bien i saludable. Anton Cleméncia agradeciu-le muito a Dius i la cordeirica bibiu por muito tiempo cula mai. Guilherme Meirinhos; 6º anho - Scuolas de Miranda.
69