Grøde
31. AUGUST – 3. SEPTEMBER 2023
Velkomen til festival!
Den 28. utgåva av Hardanger Musikkfest vert arrangert 31. august – 3. september 2023. Årets tema er GRØDE, og me byr på eit internasjonalt og variert program. Veke 35 er det nye og faste tidsrommet for festivalen. Dette er tida der seinsommar og haust møtest, og Hardanger er midt i innhausting og foredling av frukt og bær. Dette bakteppet skapar autentiske rammer for festivalen, der lokale tradisjonar kan speglast i musikk og kultur.
GRØDE er naturen si gjengjelding etter ein lang sesong med dyrking og tolmodig pleie av jord og tre, og vert feira i mange kulturar med hausttakkefestar og musikalske hyllingar. Samtidig vil omgrepet GRØDE omsetjast godt i musikken sin retorikk, der tradisjonar og stilartar vert frø som spirer vidare, vert hausta og foredla av nye tendensar, tider og tolkingar. Me ynskjer å planta musikkfesten i ny jord og i rammer som aktualiserar lokal forankring og ein kunstnarisk profil med blikket framover.
Therese Birkelund Ulvo kunstnarisk leiar
FOTO FRAMSIDE: ELISABETH N. EMMERHOFF
Torsdag 31. august
FØRELEIK OG VERNISSAGE, OPEDALSTUNET, KL. 16:00, KR 170
Vernissage for årets festivalkunstnar Elisabeth Emmerhoff.
Sigurd Sverdrup Sandmo gjev saman med vokalgruppa Små Grå eit kræsjkurs i færøyske balladar og satiriske dikt. Eit glas Hardangersider inkludert i billetten.
OPNINGSKONSERT, ULLENSVANG KYRKJE, KL. 18:00, KR 300 Høgtideleg opning med kammermusikalsk grøde. Anne Hytta
spelar nylaga musikk for hardingfele frå prosjektet «Gjennom dagen». Andreas Brantelid (cello) og Christopher Park (klaver) byr på musikk av Joseph Woelfl og Sergei Rachmaninov.
Opningstale ved fruktbonde Harald Alvavoll.
KLASSISK KVEIK, KROSSVOLL KL. 20:00, KR 350
Festivalen sine mange artistar og freistingar presentert i ord og musikk. Kveldens vert er kunstnarisk leiar Therese Birkelund Ulvo. Servering av hakkasteik. Lofthus Ekspedisjon har open bar.
Fredag 1. september
MORGONTONAR, GLØYP KINSARVIK KL. 08:00, KR 250
Musikalsk frukost med folkesongar Unni Løvlid og fiolinist
Hanna Kallestad. Servering inkludert.
MUSIKALSK BRUNSJ, FLØY BAKERI, KL. 11:15, KR 250
Kom tett på folkemusikar Anne Hytta og cellist Andreas Brantelid når dei framfører formiddagens tonar inne på Fløy Bakeri. Servering frå Fløy inkludert.
FRÅ FØR TIL NO, EI MUSIKALSK OPPDAGINGSFERD, ULLENSVANG KYRKJE, KL. 13:15, KR 250
Bøndene i Hardanger byrja å pressa eple til saft på 1700-talet, og her startar vår musikalske tidslinje. Pianist Christopher Park tek oss med på ei musikalsk tidsreise frå 1773 til i dag. Sigurd Sverdrup Sandmo er med som kunnskapsrik ekspedisjonsleiar.
VEMODIG DISCO, KROSSVOLL KL. 16:00, KR 250
Ei konsertførestilling skriven og framført av vokalgruppa Små Grå. Trioen Trioen er sett saman av fabelaktige Nina Mortvedt, Benedikte Kruse og Mai Elise Solberg. Dei syng, snakkar, dansar – eller, kva er det dei eigentlig driv med? Rein og skjær kvardagsmagi!
MUSIKALSK GRØDE, HARDANGERHALLEN, HOTEL ULLENSVANG, KL. 18:00, KR 400
Ullensvang Skulemusikklag har sjølv delteke i utforminga av innhaldet på denne konserten. Med seg på laget: komponist Craig Farr og perkusjonistane Owen Weaver og Håkon Skjæret frå BIT20 Ensemblet. Pianist Ingfrid Breie Nyhus møter også lokal leikarring med sitt Slåttepiano. Under 18 år gratis inngang.
FESTIVALKVISS, LOFTHUS EKSPEDISJON, KL. 21:00, KR 150
Uformell og variert kviss med musikalske overraskingar!
Kvissleiing: Karl Ystanes og Anna Gursli Langesæter
Laurdag 2. september
KJÆRLEIKENS GRØDE, SKRIVARGARDEN KL. 11:00, KR 500
Sopran Mari Eriksmoen og pianist Christopher Park gjev ei intim og eksklusiv konsertoppleving i ærverdige Skrivargarden. Lieder og romansar står på programmet – og her er mykje lengsel og grobotn for dei store kjenslene.
KAMMERMUSIKK I AGATUNET, AGATUNET KL. 12:00, KR 300
Hardanger Musikkfest sitt stjerneskot 2022, Hanna Kallestad, tek med seg den prislønna cellisten Birgitta Oftestad til Agatunet, og byr på både eigen musikk og favorittar frå kammermusikkrepertoaret. Sigurd S. Sandmo er vertskap.
BOREALIS UNG KOMPONIST, KROSSVOLL KL. 13:00, KR 250
4 unge komponistar har sidan hausten 2022 jobba for å skapa nye lydbilete og utfordra seg sjølve som musikkskaparar. Verka hadde premiere under Borealis 2023, og Hardanger Musikkfest markerar starten på prosjektet sin Vestlandsturné.
UNAMNA, ULLENSVANG KYRKJE KL. 15:00, KR 275
Unni Løvlid (vokal), Anne Hytta (hardingfele) og Ingfrid Breie Nyhus (piano, harmonium) gjer sine versjonar av Edvard
Grieg sine 9 norske folkeviser, Opus 66, i eigne, heilt særprega versjonar. Tradisjonelt, nyskapande og friskt, frå tre av dei mest spanande musikarane me har innan folkemusikken.
SIDERSMAKING MED MUSIKALSK FYLGJE, LOFTHUS SIDERI, KL. 17:15, KR 480
I år går turen til Lofthus Sideri. Vokalgruppa Små Grå og multiinstrumentalist Kouame Sereba står for dei musikalske boblene, og me får smaka på fleire av produkta frå vertskapet.
OVERRASKINGSKONSERT, HARDANGERHALLEN, HOTEL ULLENSVANG, KL. 19:00, KR 400
Ei forundringspakke av musikk som overraskar, rører og underhaldar. Heile spekteret av festivalens artistar deltek i kjende og heilt nye konstellasjonar. Therese Birkelund Ulvo og Sigurd Sverdrup Sandmo er kveldens konferansierar.
FESTKVELD MED CARSTENSEN OG KVERNBERG, KROSSVOLL, KL. 22:00, KR 350
Stian Carstensen og Ola Kvernberg lovar ein forrykande kveld på Krossvoll. Dei to eksperimenterer med kva som hender når ein puttar alt i ei og same gryte, frå jazz og klassisk, blues og bluegrass til engelsk pop og balkanrytmer. Duoen går heller ikkje av vegen for å improvisera over forslag frå publikum i god, sosialdemokratisk ånd!
Sundag 3. september
IMPROVISERT BARNETEATER!, KROSSVOLL, KL. 11:00, KR 250 (FAMILIE) Med Halve Plutselig Barneteater, Små Grå og Stian Carstensen. Publikum vert invitert til å koma med forslag og innspel undervegs, som påverkar handlinga på scena. Artistane improviserer fram ei morosam teaterførestilling med lattergaranti!
GRIEGVITJING, ULLENSVANG KYRKJE, KL. 12.00, KR 300 Andreas Brantelid, Ingfrid Breie Nyhus og Christopher Park i eit heilnorsk kammermusikalsk program frå jubilanten Thomas Tellefsen til Ingfrid Breie Nyhus sine eigne komposisjonar. Grieg er sjølvsagt også med, og me får blant anna Bryllupsdag på Troldhaugen.
AVSLUTNINGSKONSERT, KRAFTKATEDRALEN, KL. 15.00, KR 375 Festivalen vert avslutta med noko av det vakraste frå kammermusikk-repertoaret ispedd heilt nye kombinasjonar. Ein konsert som vil gje gjenklang heilt til neste års festival. Til å setja årets musikalske punktum: multiinstrumentalist Kouame Sereba, sopran Mari Eriksmoen, cellist Birgitta Oftestad, kvedar Unni Løvlid og hardingfelespelar Anne Hytta.
Program for barnehage, skular og eldreheim
FOTO: ELISABETH N. EMMERHOFF
Hardanger Musikkfest ynskjer å gje tilbake til lokalsamfunnet, og at born og eldre får nye møte og introduksjon til kunst og musikk.
Torsdag 31. august
SONGEN OG FORTELJINGANE, OPEDAL SKULE, KL. 10:00
Folkesongar Unni Løvlid besøkjer småskuletrinna på Opedal Skule.
JAKTA PÅ LYDEN, KINSARVIK SKULE, KL. 10:00
Kva er eigentleg musikk? Workshop for ungdomsskulen med perkusjonistane Owen Weaver og Håkon Skjæret frå BIT20 Ensemblet.
GRØDE, ODDA VIDAREGÅANDE SKULE, KL. 13:25
Kammermusikalsk vitjing med variert program. Medverkande: mulitiinstrumentalist Kouame Sereba, pianist Ingfrid Breie Nyhus og fiolinist Hanna Kallestad.
Fredag 1. september
KOUAME MØTER BORNA, VEISANE BARNEHAGE, KL. 09:30
Borna får eit glimt inn i Kouame Sereba sitt store leikeunivers, samtidig som dei får oppleva musikaliteten og rytmikken direkte på kroppen. Saman skal dei leika rytmene fram, med stemmebruk og ved å klappa og dansa.
Laurdag 2. september
MUSIKALSK HALVTIME, BRÅVOLLTUNET, KL. 11:00
Andreas Brantelid og hans Stradivarius vitjar Bråvolltunet.
Billettar og praktisk informasjon
Hardanger Musikkfest tilbyr enkeltbillettar og ulike festivalpass. Fylg med på nyhendebrev, nettside og sosiale medier for kampanjar og siste nytt.
FESTIVALPASS FULL PAKKE
KR 4000
Inkluderer alle arrangement inkl. servering. Verdi kr 5800.
FESTIVALPASS BASIS
KR 2600
Tilgang til alle arrangement med unntak av Kjærleikens grøde og arrangement som inneheld servering. Ein må kjøpa tilleggbillett til desse arrangementa. Verdi kr 3720.
GRØDEPASSET
KR 1500
Passet gjev tilgang til dei største arrangementa under festivalen. Inkluderte arrangement: Opningskonsert, Klassisk Kveik (inkl. servering), Frå før til no – ei musikalsk oppdagingsferd, Musikalsk Grøde, Unamna, Overraskingskonsert, Griegvitjing og Avslutningskonsert i Kraftkatedralen. Verdi kr 2650.
FESTIVALPASS18–25
KR 950
Festivalpass for deg mellom 18 og 25 år. Må kjøpa tilleggsbillett for arrangement med serving.
FESTIVALPASS U18
KR 450
Festivalpass for deg under 18 år til utvalte arrangement.
Billettkontor på Krossvoll, Lofthus
Frå onsdag 30. august 2023.
Anna Gursli Langesæter, dagleg leiar post@hardangermusikkfest.no
958 90 237
hardangermusikkfest.no
TAKK TIL:
Hotel Ullensvang
Vestland fylke
Ullensvang kommune
Kulturrådet
Hardanger Energi
Mass Hus/Spar Kinsarvik
Sparebanken Vest
Sparebankstiftinga Hardanger
Sparebankstiftelsen DnB
Boliden
Odda Trykk & Reklame
Tizir
Isklar
Ullensvang Gjesteheim
Kraftmuseet
Hardanger og Voss museum
Fløy bakeri
Gløyp
Lofthus Ekspedisjon
Opedalstunet
Skrivargarden
Lofthus sideri
Alvavoll frukt og sidergard
Ullensvang kyrkjelege fellesråd
FOTO: ELISABETH N. EMMERHOFF
Billettar på ticketco.no
Artistar:
ANDREAS BRANTELID
ANNE HYTTA
BENEDIKTE KRUSE
BIRGITTA OFTESTAD
BIT20 ENSEMBLE
CARMEN BOVÉDA
CHRISTOPHER PARK
ELISABETH EMMERHOFF
HANNA KALLESTAD
HENRIK HORGE
HÅKON SKJÆRET
INGFRID BREIE NYHUS
KARL YSTANES
KOUAME SEREBA
MAI ELISE SOLBERG
MARI ERIKSMOEN
MARI GARCÉS
NINA MORTVEDT
OLA KVERNBERG
OWEN WEAVER
SIGURD SVERDRUP SANDMO
SMÅ GRÅ
STIAN CARSTENSEN
ULLENSVANG SKULEMUSIKKLAG
UNNI LØVLID
YRRY
hardangermusikkfest.no