Mìorbhail gràis (Amazing Grace)
LE JANET NICPHÀIL Lìonaidh e cridhe gach aon le dòchas agus taingealachd, agus lorgaidh sinn am facal-sa aig toiseach na litreach a sgrìobh an t-Abstol gu na Corintianaich. Bha mòran aige ri sgrìobhadh chun na h-eaglais’sa; bha iad a’cur feum air cronachadh, earail agus stiùireadh. Fhuair iad seo anns an litir a chaidh a sgrìobhadh thuca, ach cha b’ann mar sin a thòisich an t-Abstol air an litir idir. Leughaidh sinn facail glè mhisneachail aig toiseach na litreach, agus iomradh air a dhèanamh air a’ ghràs a thugadh dhaibh ann an Iosa Criosd, agus b’e Gràdh Dhè a bh’air cùl gach nì math a tha seo. B’e gràs a bha seo a bha a’ sruthadh o Ghràdh Dhè dhaibh. Tha sinn a’ faicinn na h-eaglais’-sa an toiseach, bho shealladh na tha an Cruthaidhear air a dhèanamh dhaibh agus annta. Is e gràs a tha seo a th’air an dèanamh làidir; tha an gràs-sa air an neartachadh agus air an lìonadh le dòchas. Dh’ iarr an teachdaire oirnn’ mar shluagh a bhith a leigeil le Facal Dhè a bhith gar misneachadh, agus nach e deagh chomhairle a tha an sin? B’e sluagh saidhbhir a bh’anns an t-sluagh-sa, agus b’e gràs Dhè a b’adhbhar dhan seo. Bha an Cruthaidhear air a bhith fialaidh dhan taobh. Tha tiodhlacan a tha math air a thoirt dhaibh-san a dh’ iarras seo air an Athair nèamhaidh. Chì sinn daoine a bha uair-eigin bochd, a-nis nan sluagh a tha air an dèanamh mar shluagh ‘gun dìth’. Is e gràs a tha seo a tha a’ daingneachadh fianais Chriosd anns an t-sluagh-sa. Chaidh an Soisgeul a dhèanamh cinnteach dhaibh. Leughaidh sinn anns an litir a chaidh a sgrìobhadh gu na Philipianaich na facail-sa, ‘Leasaichidh mo Dhia-sa ar n-uireasbhaidh uile, a-rèir a shaidhbhreis ann an Glòir tro Iosa Criosd’, agus nach e sin an obair mhìorbhaileach nach dèan duine ach an Cruthaidhear Fhèin? Is e seo Athair a tha a’ toirt iomadh tiodhlac air nach eil iad airidh dha shluagh. Is e gràs a bheir dhuinn tiodhlac an dòchais, tiodhlac a’ ghràidh agus sìth. Cha bhi càil ceàrr air obair a’ Chruthaidheir, ach faodaidh sluagh a bhith a’ fàs seachranach. Bheir an Cruthaidhear gach nì air a bheil iad a’ cur feum dha na Corintianaich. Chan eil sinn airidh air cùram mar seo, ach far am bi ar n-èiginn, an sin fritheilidh gràs oirnn’. Tha an Cruthaidhear ag iarraidh oirnn’ a bhith a’ creidsinn A gheallaidhean. Nì sinn seo le bhith ag earbs’ à gràs Dhè. Is ann an sin a gheibh sinn sìth.
2019
37
Cumaidh Fear-coimhead Israeil sinn gu bràth. Bidh E a’ toirt spionnadh dhuinn le bhith gar gleidheadh ’s gar neartachadh. Nuair a bhios sinn a’ faireachdainn lag, is e neart Dhè a bheir buaidh air ar n-anmhainneachd. Chan eil na Corintianaich airidh air a’ ghràs-sa, agus chan eil sinne a bharrachd. Feumaidh sinn a bhith a’ creidsinn gur e gràs Dhè am freagairt do gach feum a bhios oirnn’. Tha an gràs-sa a’ tighinn o shuas, agus is e gràs a chumas sinn gu ruig sinn ar dachaigh nèamhaidh. Gleidhidh an gràs-sa sinn, agus fàsaidh sinn làidir anns a’ ghràs-sa, agus bidh sinn an dòchas gum bi seo a’ ruighinn air muinntir eile. Nach e nì prìseil a bhiodh an sin? • (B’e an Dotair Urramach Cailean Dow a bha a’ searmonachadh, agus tha sinn a’ toirt taing dha).
Ùrnaigh Nuair bhios mo chridhe fo eagal nach tig Thu an àm èiginn. Thoir misneach, neart is creideamh dhomh gur Tusa Dia nach trèig mi. Ma bhios mi am fìor èiginn is mo neart cha mhòr air m’fhàgail, thig Thus’ a chur nam chuimhne gur Tusa Dia nach fhàg mi. Thoir orm gum bi mi cuimhneachail air sluagh sam bith an èiginn. Dèan farsaing, còir mo chridhe gu bhith cuimhneach air na feumaich.
©Marek Uliasz - stock.adobe.com
I
s e facal àlainn a th ’ ann an ‘ gràs ’.
WWW.FREECHURCH.ORG