dagsvirðinum av váðavardu ognini ella váðavardu skylduni. Broyting í dagsvirðinum av avleiddum fíggjartólum, sum eru flokkað sum og lúka krøvini til váðavernd av væntaðum framtíðar peningastreymum, verður innroknað undir aðra áogn ella aðra skuld og undir eginognina. Standast ognir ella skyldur av hesi framtíðar transaktión, verða upphæddir, sum áður eru útsettar á eginognina, fluttar til keypsprísin á ávikavist ognini ella skylduni. Standast inntøkur ella kostnaðir av hesi framtíðar transaktión, verða upphæddir, sum eru útsettar á eginognina, fluttar til raksturin í tí tíðarskeiði sum tað tryggjaða ávirkar raksturin. Fyri avleidd fíggjartól, ið ikki lúka treytirnar fyri at verða viðgjørd sum váðaverndartól, verður broytingin í dagsvirðinum innroknað í rakstrarroknskapin so hvørt. Arbeiðspeningur fevnir um ogn í umferð, uttan tær upphæddir, sum eru í tøkum peningi, og stuttfreistaða skuld, uttan banka-skuld, veðskuld, skatt og vinningsbýti. Soleiðis eru tøkur peningur og møgulig virðisbrøv upptikin undir ogn í umferð ikki tikin við. Peningastreymur til íløgur fevnir um keyp og sølu av støðisogn.
Peningastreymsyvirlit Peningastreymsútgreiningin vísir felagsins peningastreym gjøgnum árið umframt gjaldførisstøðuna við árslok. Peningastreymurin er serliga knýttur at trimum økjum: Rakstur, íløgur og fígging. Peningastreymsútgreiningin verður sett upp soleiðis, at peningastreymur frá rakstri verður vístur óbeinleiðis við útgangsstøði í rakstrarinntøkunum og rakstrarútreiðslunum í rakstrarroknskapinum. Tøkur peningur fevnir um tøkar peningaupphæddir og stuttfreistað virðisbrøv upptikin undir ogn í umferð. Peningastreymur frá rakstri verður uppgjørdur sum úrslit av primerum rakstri javnað fyri ikki tøkar rakstrarupphæddir við ískoyti av øking ella minking í arbeiðspeningi, fíggjarligum og óvanligum upphæddum og frádrigið goldnan partafelagsskatt. Keypsupphæddir verða uppgjørdar til útveganarvirði. Søluupphæddir verða uppgjørdar til søluprís við frádrátti av handilskostnaði. Gjaldføri frá fígging fevnir um gjøld til og frá partaeigarum umframt upptøku og avdráttir av veðskuld og aðrari langfreistaðari og stuttfreistaðari skuld, sum ikki er tikin við í arbeiðspeninginum.
FØROYA TELE
27