Feiraco Lácteos

Feiraco é unha cooperativa agrogandeira comprometida co desenvolvemento económico e social de Galicia desde a súa fundación en 1968. Líder no sector lácteo galego, recolle, procesa e comercializa leite galego 100%, derivados e produtos afíns das producións dos seus socios aos que presta os servizos necesarios para desenvolver a súa actividade. Así mesmo, fomenta o desenvolvemento dos territorios nos que se asenta, favorecendo a cohesión social da poboación no ámbito rural, e ofrécelle ao consumidor final produtos de gran calidade.