Design med ord (9788245037951)

Susanne Egset

Ei innføring i innhaldsdesign og UX-skriving

medDesign ord

Design med ord

Ei

innføring

i innhaldsdesign og UX -skriving

Copyright © 2023 by Vigmostad & Bjørke AS All Rights Reserved

1.utgåve 2023 / 1. opplag 2023

ISBN: 978-82-450-3795-1

Grafisk produksjon: John Grieg, Bergen Design og sats: Hanne Sjøtrø

Spørsmål om denne boka kan rettast til: Fagbokforlaget Kanalveien 51 5068 Bergen Tlf.: 55 38 88 00 e-post: fagbokforlaget@fagbokforlaget.no www.fagbokforlaget.no

Materialet er verna etter åndsverklova. Utan uttrykkjeleg samtykke er eksemplarframstilling berre tillate når det er heimla i lov eller avtale med Kopinor.

Om boka

Til alle designarar som vil bli betre skribentar, og alle skribentar som vil bli betre designarar.

Denne boka skal lære deg å

1 jobbe med innhald på ein strategisk måte i ein designprosess, og 2 skrive for gode, digitale brukaropplevingar.

Har du skrive ein knappetekst, skjematekst eller lenketekst i det siste? Kanskje ei feilmelding eller hjelpetekst? Gjort deg opp nokre tankar om korleis ein bør fordele spørsmål ut over i eit digitalt skjema? Kartlagt mål og målgrupper? Gjennomført ein brukartest? Kanskje du har fått beskjed om å legge firmaets splitter nye årsrapport-PDF på framsida på nett, men i staden for å gjere som du fekk beskjed om, løfta du augebryna og tenkte (eller enda betre, svarte): «Kvifor det? Og for kven?»

Du som hamnar i situasjonar der du må handtere tekstar, innhaldsstruktur, stil og tone, ord, språk og avgjerder om kva som skal publiserast, oppdaterast, flyttast og slettast – med mål om å formidle ein bodskap til ei målgruppe – sjølv om det ikkje eingong eigentleg er jobben din: Du er innhaldsdesignar, du! Tenk det!

Om boka

Denne boka har sin heim i designbransjen og er laga for alle som har forskjellige roller i eit designteam.

Ho er samtidig skriven med kjærleik for alle landets tekst-, kommunikasjons- og formidlingsfagfolk. For alle kommunikatørar, redaktørar, rådgjevarar og tekstforfattarar i alle sektorar og bransjar som kjenner seg att i at kommunikasjon og design sklir stadig oftare inn i kvarandre. Som kanskje ynskjer å byte beite, for eksempel ved å ramle inn dørene i eit designbyrå og bruke teksthandverket sitt på ein ny måte. Slik som eg gjorde då eg tok med meg journalist-, PR - og kommunikasjonserfaringa mi inn i designbyrået Netlife i 2017 og starta karrieren som innhaldsdesignar.

Ord er uvurderlege når du skal designe noko som folk skal bruke. Innhaldsdesign lærer oss å behandle ord som designkomponentar som skal rettleie folk gjennom digitale tenester og produkt. I tillegg til å plassere rett ord i rett kontekst for at folk skal få gjort det dei kom for, skal innhaldet vi jobbar med, også bidra til å oppnå forretningsmål for avsendaren. For å klare

// Eg elskar ord. Ord er inkje mindre enn magiske. Ord kan hjelpe oss å forstå verda, universet og oss sjølve. Ord kan kaste deg heilt ut av kurs, få kjensler til å velte opp i deg og få deg til å tvile på alt du trudde du visste. Ord kan vere store og brautande og sitte fast i hjernebarken din etter at du har kvilt auga dine på dei i eit millisekund. Ord kan også vere pittesmå, nesten usynlege,

og samtidig legge att djupe spor. Utan ord er det vanskeleg å kommunisere som menneske. Utan ord er det nyttelaust å prøve å designe ei digital teneste, nettside eller ein app. Utan ein viss bruk av velvalde og velplasserte ord er det ei klin umogleg oppgåve å løyse problem for folk eller å oppnå forretningsmål på digitale flater. //

dette, og før vi kan forfatte eit einaste ord, må vi gjennom ein prosess for å kartlegge alt frå mål, målgrupper og brukarreise, til brukaroppgåver, strategiar og merkevarestemme. Å jobbe på denne måten handlar også om å vite når det slett ikkje er ord som skal løyse oppgåva vi har framfor oss, men noko heilt anna, basert på innsikt i korleis menneske fungerer i møte med digitale flater.

Denne boka er skriven for å bøte på mangelen på norsk litteratur om innhaldsdesign, og for å auke forståinga for ord si viktige rolle i utviklinga av digitale tenester, grensesnitt og produkt. Ho baserer seg i stor grad på erfaringane frå innhaldsdrivne designprosessar saman med tallause store og små verksemder, bedrifter, organisasjonar og etatar. Dei fleste metodikkane, prosessane og eksempla i boka brukar eg og mine kollegaer i designbyrået Netlife til dagleg for å løyse innhaldsoppgåver for store og små aktørar i Noreg, både i offentleg, privat og frivillig sektor. Boka skal vere

• ei lærebok for så vel design- og produktutviklingsstudentar som kommunikasjons- og tekstforfattarstudentar,

• eit arbeidsverktøy i det daglege for alle som planlegg, lagar eller forvaltar tenester og produkt som folk skal bruke, og

• ei inspirasjonsblekke for kommunikatørar og tekstforfattarar som deler min entusiasme for språk og kommunikasjon, som vil lære å bruke handverket sitt i design og produktutvikling.

Om boka

Med denne boka vil eg hjelpe alle, frå designarar og utviklarar til produktleiarar og redaktørar, med å jobbe meir strategisk med innhald i digitale tenester for å oppnå mål, og ikkje minst

Om boka

for å tilfredsstille stadig meir kresne målgrupper. For det er til sjuande og sist dei dette handlar om. Folk. Brukarar, kundar, leads, lesarar eller kva ein måtte kalle desse menneska ein prøver å nå fram til, selje til, hjelpe, rettleie eller lære opp. Boka skal hjelpe deg å tenke mindre på å skrive gode nettartiklar på bestilling, og meir på å løfte blikket og gjere strategiske val for bruk av innhald i ei brukarreise, ein kanal eller arbeidsflyt, slik at både du, sjefen din og målgruppa di blir nøgde med resultatet.

Innhaldsdesign er eit fagfelt som strekkjer seg langt utover det å skrive gode artiklar med korrekt grammatikk og saumlaus setningsflyt, og som strekkjer seg langt inn i andre, meir etablerte disiplinar, som UX , design, teknologi og prosjektleiing. Det handlar om å planlegge, lage, forvalte og forkaste innhald, basert på innsikt og kunnskap. Blant anna kunnskapen om at folk ikkje besøker ei nettside, ein app eller eit skjema fordi designet er kult, eller fordi dei kjedar seg. Dei skal få noko gjort. Løyse eit problem. Dei har ei brukaroppgåve. Dei har dårleg tid. Kanskje dårleg syn. Og dei er nådelause.

Takk

Denne boka hadde aldri flytta ut frå hovudet mitt og tatt plass i verda hadde det ikkje vore for mine uvurderlege kollegaer og medmenneske i (den utvida) Netlife-familien. Takk til alle som har inspirert, hjelpt, delt, diskutert, tenkt, lest, kvalitetssikra, kritisert og bidratt, både direkte til meg og gjennom alt de har gjort, dokumentert og delt. Takk for alle gode råd, skarp kritikk, delte erfaringar, tenkte tankar, skrivne tekstar og presenterte presentasjonar som har bidratt til å gjere boka så relevant,

erfaringsbasert og fagleg oppdatert som ho kunne bli. Ein spesiell takk til:

Anja Regine Oddmarsdatter Schönhaug, Ove Dalen, Henriette Høilund-Kaupang, Marte Gråberg, Anne-Merethe Pedersen, Daniel Jacobsen Hasan, Marte Veys-Berg, Eivind Skogen, Margrethe Lunde, Mari Brenli, Tor-Anders Hansen, Andrea Othilie Rognan, Cecilie Smestad, Irmelin Bergh.

Dagleg leiar i Netlife, Beth Stensen, som hadde tru på bokprosjektet mitt og gav meg tid, tilgang og tillit til å ta plass og nerde heilt ut i bokarbeidet.

Alle kundar, bransjekollegaer, studentar og faglærarar som har samarbeidd med meg, latt seg intervjue, svart på spørjeundersøkinga og latt meg teste metodar og teoriar på seg. Djupe bukk til Serviceteamet i Gjensidige.

Om boka

Innhaldsliste

Del 1 Innhaldsdesign

13

1.Design er problemløysing 15 Design av digitale produkt 16 Internett er stort sett tekst 17 Kva er god design? 21 … og kva er godt innhald? 23

2.Innhaldsdesign før og no 27 Content Design London 28 Innhaldsdesign i dag 29

3.Innhald som ein del av merkevara 32 Ei tydeleg merkevare handlar også om språket 32 Innhald inn i designsystemet 38 Innhaldsmønster 40

4.Stil og tone 42 Stil + tone = stemme 42 Forfattarguide 59

5.Innhaldsstrategi 61

6.Struktur og navigasjon 65 Utforskingsmodus og søkemodus 69 Å bygge god struktur og navigasjon 69 Kategorisering etter brukaroppgåver 70

7. Søkemotoroptimalisering 80 Slik rangerer Google nettsider 81 SEO før og no 82 Del 2

8.Skaff deg eit kunnskapsgrunnlag 87 9.Mål og målgrupper 91 Målgruppekartlegging 94

10.Brukaroppgåver 98 Toppoppgåvekartlegging 100

11. Brukarreisekartlegging 105 Kartlegg nok – men ikkje for mykje 105

Del 3

Ein innhaldsdriven designprosess

163

Del 4 UX-skriving

201

12.Teknikkar for brukarinnsikt 109 Intervju 110 Testervju (1) 113 Tenestesafari 113 Feltstudie 114 Medlytt 114

13.Litt åtferdspsykologi 116 Systematiske tankefeil (bias) 116 Dulting (nudging) 121 Manipulativt design 125

14.Lesing og lesemønster 130 F-mønsteret 130

15.Designprinsipp og konvensjonar 135 Designtenking 136 Brukaroppleving 137 Brukarsentrert design 141 Don Normans designprinsipp 143 Fleire designlovar 154 16.Innhald-først-prinsippet 165 Dropp tulleteksten, hald det ekte 166 Faren ved å gjere feil 166 Innhald som støttar mål og brukaroppgåver 167 Innhald integrert i heile designprosessen 169

17.Når du blir beden om å putte inn innhald i ein boks 170

18.Når du får vere med frå starten av ein designprosess 178

19.Kjernemodellen 181 Slik brukar du kjernemodellen 183 20.Å jobbe tverrfagleg 197

21.Kom i gang med skrivinga 203 Lag eit mål for skrivinga 204 Lag eit «ræva førsteutkast» 205 Samarbeid om skrivinga 207 Parskriving 208

Del 5 Testing og forvaltning

259

22.Tekst som samtale 210 Skriv disposisjonen som spørsmål og svar 212

23.Å skrive mikrotekstar 217 Skjematekstar 231

24. Brukarorienterte skriveteknikkar 237 Personas 237 Lag brukarhistorier 241 Skissing med ord 242 Historiefortelling 243

25.Universell utforming 249 Syn 250 Motorikk 251 Kognitiv funksjonsnedsetting 252 Klarspråk 253 26.Brukartesting 261 Slik gjennomfører du ein brukartest 262

27.Diverse metodar for testing 273 Testervju (2) 273 Geriljatesting 274 Mikrotesting 278 A/B-testing 279 Måle gjennomføringsgrad 280

28.Læring og tilbakemeldingar 281 Be om tilbakemeldingar 281 Lag sjekkliste 283 Organisert kritikk-session – «crit» 284 Ekspertgjennomgang 285 Lære av å feile 286

29.Forvaltning og evaluering 288 Frå publisering til røkt 288 Hald strategiane ved like – og bruk dei 292 Innhaldsanalyse 293 Årshjul 296 Redaksjonsmodellar og arbeidsmetodikk for innhaldsjobbing 296

Ressursar og inspirasjon 301 Referansar og kjelder 302

Del 1 Innhaldsdesign

Innhaldsdesign er ein relativt ny fagdisiplin, men byggjer på eit handverk nær så gamalt som tid. Det går ut på å lage gode, digitale brukaropplevingar for folk, gjennom å kombinere designmetodikk med skrivehandverket.

Innhaldsdesign

1.Design er problemløysing 15

Design av digitale produkt 16

Internett er stort sett tekst 17

Kva er god design? 21

… og kva er godt innhald? 23

2.Innhaldsdesign før og no 27

Content Design London 28 Innhaldsdesign i dag 29

3.Innhald som ein del av merkevara 32 Ei tydeleg merkevare handlar også om språket 32

Innhald inn i designsystemet 38 Innhaldsmønster 40

4.Stil og tone 42

Stil + tone = stemme 42 Forfattarguide 59

5.Innhaldsstrategi 61

6.Struktur og navigasjon 65

Utforskingsmodus og søkemodus 69 Å bygge god struktur og navigasjon 69 Kategorisering etter brukaroppgåver 70

7. Søkemotoroptimalisering 80

Slik rangerer Google nettsider 81 SEO før og no 82

1. Design er problem løysing

Tradisjonelt tenker vi gjerne på noko som har blitt designa, som noko fysisk, formfast og visuelt, som møblar, handvesker, logoar eller hus. Ordet design tyder ifølgje både ordboka og Store norske leksikon «formgjeving». Smak litt på ordet formgjeving.

Alt som er kunstig, er det nokon som har skapt og gitt form til. Å gje form til noko, anten det er til eit kunstverk, ein visuell profil, eit digitalt produkt eller eit møbel, er ein arbeidsprosess der eitt eller anna skal gå frå ingenting, ein idé eller eit konsept, til noko konkret, som gjerne skal brukast. Men designomgrepet i dag dekker meir enn sjølve produksjonen av det som skal skapast. Nokon har først og fremst funne ut at det som skal lagast, er noko som trengst. Deretter har dei planlagt det, gitt det form, produsert det, plassert det ut i verda, late folk ta det i bruk, kanskje til og med testa om det har fungert, og endra det deretter. Dette gjeld for skaparprosessen av fysiske produkt som stolar, vesker og joggesko og til meir abstrakte konstruksjonar som tenester, prosedyrar, interne prosessar i bedrifter (Norman, 2013, s. 4).

Design er å skape, med form, farge, kode og interaksjonsprinsipp. Og med bilete, hjelpetekstar, videoar, knappar, mellomtitlar og brødtekst.

Design av digitale produkt

Folk i dag brukar alle slags produkt, tenester og nettsider på alt frå datamaskiner og telefonar til klokker og smarthøgtalarar, til å løyse alle slags tenkelege brukaroppgåver. Desse oppgåvene kan vere alt mogleg: sjekke straumforbruket, logge menstruasjon, søke om permisjon, forstå biverknader av kreftbehandling eller planlegge ei reise frå A til B. Vi som skal designe innhald for å hjelpe folk med å få gjort det dei kom for i digitale grensesnitt, må gjere ein jobb for å forstå kva folk ønsker å oppnå med interaksjonen – for å møte alt dette på rett måte med ord.

{ Grensesnitt

Eit grensesnitt er ei kontaktflate mellom ulike system som skal kommunisere saman. Eit brukargrensesnitt, eller brukarflate, er den synlege flata der ein brukar kan kommunisere med ei maskin, nettside, teneste eller eit produkt.

Denne boka omtalar grensesnitt som den digitale brukarflata der ein person (ofte referert til som ein brukar, fordi personen vi snakkar om, skal bruke grensesnittet) skal få noko gjort i samhandlinga si med den digitale løysinga. På engelsk heiter det User Interface og blir ofte forkorta til UI eller GUI (Graphic user interface). Klikkbare nettsider, appar og skjema, touchskjermar eller display på heisar er alle eksempel på grensesnitt. }

Tenk på alle tinga vi tidlegare gjorde analogt, som vi gjer digitalt i dag: betale rekningar, sende post, leige bil, fornye reseptar, handle mat, høyre på musikk, avbestille reiser, veksle pengar, få skattefrikort. Det desse aktivitetane hadde til felles, var at dei gjerne gjekk føre seg som ein interaksjon mellom to eller fleire menneske. Dei prata saman. Dei brukte ord. Desse orda som tidlegare blei utveksla munnleg for at folk skulle få utført oppgåvene sine, anten ansikt til ansikt eller over telefon, har no flytta inn i det vi kallar digitale brukaropplevingar: nettbankar, nettbutikkar, skjema og offentlege tenester på nett. Orda som brukast, påverkar korleis folk forstår, føler og agerer

i møte med dei digitale flatene. Når vi skal gi meining til ein interaksjon mellom teknologi og menneske, treng vi difor å jobbe grundig med orda. Vi menneske kommuniserer trass alt mest og best med kvarandre gjennom å bruke ord.

Design av digitale flater som folk skal bruke, er altså like avhengig av språk som det er av visuelle grep. Til dømes treng vi knappetekstar, menynamn, lenker og rett ordlegging i feilmeldingar. Berre det å finne ut om tekst er den rette løysinga i det heile tatt i dei forskjellige kontaktpunkta, er like viktige val å ta som kva slags fargar, utforming og struktur knappane og menyane skal ha. Det å skrive for digitale brukargrensesnitt er å designe (Metts & Welfie, 2020, s. 41).

Internett er stort sett tekst

Når du skriv tekst som skal på digitale flater som folk skal bruke, er du med på å designe brukaropplevinga folk skal ha (Metts & Welfie, 2020, s. 10).

Faktisk så er det tekst som utgjer det meste av innhaldet på internett i dag. Vi søker med tekst, og vi kjem over artiklar, blogginnlegg, produktskildringar, instruksjonsvideoar og meir som er fulle av både velvalde og ikkje fullt så velvalde ord. Vi er fullstendig avhengige av tekst som skal fortelle oss kva slags video vi er i ferd med å sjå. Kva slags lenker vi skal klikke på. Kva som sender oss vidare eller tek oss tilbake til start i eit skjema. Ord fortel oss kvar vi skal klikke for å fullføre kjøpet vårt. Metatekstar hjelper søkemotorar å sende oss på rett veg. Og akkurat slik som at det grafiske og tekniske skal designast, må innhaldet designast for at brukarar skal få gjort det dei kom for. Ord er designkomponentar.

Kap. 1

Design er problem løysing

Dårleg innhald er dårleg for planeten

Innhaldsdesign handlar like mykje om sletting og vurdering om vi skal i det heile tatt produsere noko, som det er planlegging og produksjon av tekst. Og dei fleste bedrifter, organisasjonar og verksemder der ute har sannsynlegvis altfor mykje innhald – ikkje for lite. Ikkje berre blir alt det dårlege og ubrukte innhaldet liggande i vegen som ei hinderløype for folk fram mot brukaroppgåvene dei vil løyse, men det byrjar å bli krise for miljøet at internett er så fullt av søppel. Vi produserer i dag mengder med innhald som folk ikkje treng, eller som folk brukar forsvinnande kort tid på. Digital forsøpling er allereie eit stort problem for jordkloden, og problemet aukar for kvar einaste megabyte vi lastar opp. Vi produserer enorme mengder data i form av nettsider, videoar, bilete med meir, og vi slettar omtrent aldri etter oss. Desse dataene blir lagra i digre serverfarmar som behøver enorme mengder energi. I tillegg brukar vi energi kvar einaste gong vi lastar noko ned eller opp, eller

Det digitale og elektroniske er ikkje nødvendigvis så grønt og bra for planeten som vi har førestilt oss, skriv

Gerry McGovern i boka World Wide Waste (2020). I Sustainable Web Design (2021) skriv Tom Greenwood om kva vi sjølve kan gjere for å minske problemet.

brukar funksjonalitet på ei nettside eller ein app. Her er litt statistikk for å illustrere problemet:

• I 2022 finst det om lag 1,9 milliardar nettstader, altså éin nettstad for kvar tredje person på planeten.

• I gjennomsnitt produserer kvart klikk du gjer på internett 0,5 gram CO 2 (Wholegrain Digital). For ei nettside med 10 000 visningar i månaden betyr det 60 kg CO 2 pr. år. Eller om lag det same som ein moderne dieselbil forureinar ved å køyre 46 mil, ifølgje Transportøkonomisk institutt (Fridstrøm, 2020).

• Frå 2003 til 2019 har storleiken på ei gjennomsnittleg nettside auka frå 100 kB til 4 MB , altså ein auke på heile 3900 % (McGovern, 2021).

• 163 820 GB med data overførast på internett kvart einaste sekund, og i løpet av 2025 er storleiken på internett estimert til å vere 175 zettabytes (1 kvadrialon, 125 billionar, 899 milliardar, 910 millionar megabytes (1 125 899 910 000 000 MB ) (Seed Scientific, 2021). Det ville tatt nesten 2 milliardar år å laste ned det heile.

• 91 % av verdas nettsider har aldri fått trafikk frå Google (Ahrefs, 2020).

Kap. 1

Design er problem løysing

Det er lett å tenke at ein personleg ikkje klarar å gjere så mykje i den store samanhengen, men slik er det jo med alle tiltak på vegner av fellesskapet. Dersom alle bidreg litt, vil det til slutt utgjere ein forskjell. For kvar einaste unødvendige nettside brukarane din må bla seg gjennom, så aukar karbonavtrykket ditt. Alle nettsider, videoar og kodelinjer som køyrast, forverrar problemet, fordi lagring krev energi. Vi har difor eit ansvar, ikkje berre overfor brukarane våre, men for planeten vår, for å lage enklare, betre og meir varig innhald som faktisk svarar

i

Innhaldsdesign vs. UX -skriving Innhaldsdesign og UX -skriving er to omgrep som ofte blir brukt om kvarandre, og kan difor vere vanskeleg å skilje. Ofte snakkar vi om innhaldsdesign når vi tenker på heile arbeidsprosessen det er å ivareta innhaldet i ei brukaroppleving, og vi brukar omgrepet UX -skriving når det gjeld sjølve skrivinga av orda i brukargrensesnittet. Dette er sjeldan to forskjellige roller, særleg i norsk samanheng.

Det er viktig å presisere at ein innhaldsdesignar kan vere ei rolle, og ikkje nødvendigvis ein stillingstittel. Det kan vere ein interaksjonsdesignar eller grafisk designar som gjer

innhaldsdesignet i dei tilfella der teamet ikkje har ein eigen, dedikert innhaldsdesignar. Uansett korleis ein fordeler oppgåvene i eit designteam, har alle ein fordel av å lære å designe med ord på ein god måte, og andre fagspissar enn innhaldsdesignarar har god nytte av å integrere innhaldsdesign i si eiga verktøykasse.

I Noreg i dag er det mest vanleg å ha tekstforfattarar som gjer sjølve UX -skrivinga i tillegg til andre skriveoppgåver. No ser vi at fleire norske verksemder også tilset innhaldsdesignarar, som til dømes Gjensidige, Tryg Forsikring, NAV , Statens vegvesen og Oslo kommune.

på reelle brukarbehov. Og mange av grepa som skal til, fell inn under ansvaret til ein innhaldsdesignar: Å gjere strategiske vurderingar av om det skal lagast nytt innhald eller ikkje, sørgje for gode rutinar for sletting og gjenbruk og ha like mykje fokus på evaluering, oppdatering, betring og sletting som å lage nytt.

Kva er god design?

Spør du kva slag som helst designar om kva som er godt design, får du neppe til svar at det handlar om kva som er pent eller stygt. På same måte finst det ikkje ein fasit på kva som er godt innhald – det handlar om kontekst. Dersom du skal designe noko som skal brukast av folk, for eksempel eit digitalt brukargrensesnitt som skal interagere med menneske, må det som eit minimum vere brukarvenleg. Aller helst skal det vere intuitivt, og den ultimate, våte draumen for ein designar med respekt for seg sjølv er at det utløyser positive kjensler og gir brukaren lyst til å bruke det igjen.

Kap. 1

Design er problem løysing

// Ei brukarreise i nettbanken

Tenk deg at du skal logge deg inn i nettbanken for å betale rekninga på kredittkortet ditt. Du skal gjennom det vi kallar ein digital arbeidsflyt. Du veit kva du skal gjere: For å unngå purregebyr ønsker du å fyre av garde ein konkret sum frå brukskontoen din til kredittkortkontoen – som i nettbanken visuelt er plassert side om side som om dei var likestilte kontoar. I alle fall har du eit mentalt bilete av at det er slik det er. Å føre over pengar er vanlegvis plankekøyring. Du veit at du skal fylle inn ein sum til og frå eit kontonummer, og klikke på ein knapp som sender deg vidare til signering med BankID (kanskje til og med ansiktsgjenkjenning, så enkelt!), og poff, så skal det vere gjort. Men plutseleg dukkar ikkje kredittkortkontoen opp på lista over kontoar du kan overføre pengar til. Du minnast plutseleg vagt at det kanskje var annleis for kredittkort enn ein vanleg konto; her må vi gjere noko som kallast «innbetaling». Du klikkar deg inn på kredittkortknappen, men klarar ikkje å finne det du hugsar kanskje var teksten «Betal

inn til kredittkort». Arbeidsflyten din har stoppa opp, og du byrjar å gruble. Var det ikkje her eg gjorde det sist? Du byrjar å føle på irritasjon. Du klikkar deg fram og tilbake på jakt etter dei magiske orda som du ikkje heilt veit kva er, men som du veit må eksistere der ein plass. Irritasjonen blir til frustrasjon. Du kikar på kalenderen, det er snart ny månad. Kanskje ein liten dose frykt melder seg bak pannebrasken – frykt for å få purregebyr når månaden skiftar. Chatten er nede. Du ringer kundeservice. Det er telefonkø. Irritasjon, frustrasjon og frykt får selskap av eit ørlite, ulmande sinne. Du får tak i ein kunderådgjevar som sender deg på rett veg, som er eit lite klikk i ei litt anna retning enn du trudde det var. Rådgjevaren får ei lita overhaling av oppbygd irritasjon, frustrasjon, frykt og sinne i retur.

Du fekk utført brukaroppgåva di.Rekninga blei betalt til slutt. Men var det ei god brukaroppleving? Var det god design? //

I Netlife har designarane jobba fram ei kort og fin punktliste som summerer opp kva som kjenneteiknar god design.

God design

• bidreg til å løfte verksemda strategisk og oppnår mål

• gjer livet enklare for brukarane og løyser deira behov

• løyser eit (førehandsdefinert) problem

• vekker kjensler og engasjerer

• gir meining som ein del av ein større heilskap

• forenklar, effektiviserer og gir læring •er gjennomarbeida heilt ned til detaljane

… og kva er godt innhald?

Lista ovanfor kunne like godt ha tittelen «Godt innhald». Men kva som er eit godt format for innhaldet, er avhengig av situasjonen det skal brukast i. Godt innhald kan vere ord. Det kan også vere bilete, grafar, lenker, kalendrar, lyd, ei rekke med spørsmål og svar, kart, kalkulatorar, forklaringsvideoar, rekneark, utskriftbare PDF -ar og mykje, mykje meir.

Innhald kan vere alt som fortel ein historie eller kommuniserer ein bodskap. Ein viktig del av innhaldsdesignjobben er å bestemme kva av desse eller kva kombinasjon av desse som møter brukaren sitt behov best og samtidig oppnår mål. Og kva som skal i søppelbytta.

Kap. 1

Design er problem løysing

Utan ord har du inga nettside eller digital teneste og ingen app. Det er på tide at orda får sin rettmessige plass i design av digitale brukaropplevingar.

Orda som folk brukar for å få gjort daglegdagse oppgåver, som å handle mat og betale rekningar, har flytta inn på digitale flater. Innhaldsdesign og UX -skriving tek tak i desse viktige orda frå starten av designprosessen og behandlar dei som ein del av den.

Denne boka lærer deg å kombinere designmetodikk med skrivehandverket og bruke tekst og språk for å rettleie folk gjennom digitale brukargrensesnitt.

Anten du er god til å skrive frå før og vil lære deg å bruke handverket ditt i design og tenesteutvikling, eller du er ein designar som vil utvide verktøykassa di og bli betre til å skrive brukarorientert: Denne boka skal sette deg i stand til å ta rolla som innhaldsdesignar frå start til slutt i ein designprosess.