Margarin

Smør gir ein meir krevjande produksjonsprosess ved baking av laminerte produkt. Margarin gir ein enklare prosess, men ei anna smaksoppleving. Denne pain au chocolaten er kjevla med meierismør. I baking er det vanleg å bruke margarin av ulike slag. Margarin blir ofte på folkemunne kalla smør, men det er ikkje det same. I Noreg er det ikkje lov å marknadsføre som smør andre produkt enn det som blir produsert frå fl øyte. Feittkjelda til margarin kan vere animalsk, marint eller plantebasert. Ofte kan det vere feitt frå ulike kjelder blanda saman. Feittsamansetjinga blir tilpassa etter kva feittet skal brukast til, slik at formbarheit og smeltepunkt gjer det eigna til ulike formål.

Margarin har ofte ein emulgator tilsett for å halde emulsjonen (vatn–i–olje) stabil. Denne emulgatoren vil også ha ein effekt på deigen som margarinen blir brukt i. Opphavet til feittet som er brukt i margarinen saman med andre tilsetjingar, skal vere deklarert, og eigenskapane til margarinen kan vi lese ut frå dette.