Redité Pon, 1 Novémber 2009
Bali L E M B A R
B A S A
9 B A L I
Bencingah
Tamiu Pangantén, Seneng Nganggén Boréh Gading Mangkin ring Bali akéh pisan hotél-hotél sané madaging spa (genah perawatan tubuh—red). Yéning nénten madaging spa sakadi nénten jangkep rasanné hotél punika. Siosan ring spa sané wénten ring hotél-hotél, spa taler wénten ring salon-salon kecantikan. Perawatan spa saking sané saderana kantos sané jangkep pisan, makasami wénten tur merluang prabéa saking Rp 25.000 rupiah kantos Rp 2,5 juta rupiah. Kawéntenan spa sané akéh punika taler kasarengin olih akehnyané kawangun utsaha-utsaha lakar spa, saking utsaha sané saderana ring paumahan kantos usaha sané sampun ageng sané marupa pabrik. “Spa ring genah titiangé, siosan ring nganggé lakarlakar sané karauhin saking pabrik, akehan taler sané karamu néwék. Napimalih indik inum-inuman sané kaanggén pinaka panyambrama, akéh sané kakaryanin néwék mangda prasida seger,” kénten Yanti Rossitawati Spa Directur Inter Continental Bali Resort nguningang. Ibu saking Gita, Gilang, lan Giris puniki nganikayang mangkin tamiu-tamiu sané rauh ka spanyané wilangannyané wénten satusan arahina. “Tamiu-tamiu sané seneng malancaran ka segarané, ketah seneng maspa nganggén lakar-lakar sane maasal saking entik-entikan segara. Tamiu panganten utawi panganten baru sané ka spa ketah seneng nganggén lulur gading utawi boréh gading sané ketah kaanggén olih para pangantén Baliné,” kénten Yantin nerangang. Tamiu-tamiu pangantén puniki seneng nganggén boréh gading utawi lulur gading, manut Yanti sangkaning kadaut ring critanyane, indik boréh gading sané ketah kaanggén olih para putra lan putri raja ring Bali sadurung ngwéntenang pawiwahan. Yadistun ngaturang spa-spa sané malakar saking tetaneman sané wénten i riki, mangda pidabdab tamiutaminé prasida mamargi antar, para tamiu punika taler kapriksa, sira uning ipun alergi sareng lakar punika. “Sane kanggén lulur utawi boréh, sujatinné saderana pisan, wantah saking baas maemem sané raris katebuk tur kacampur sareng sakancan rempah-rempah sakadi cengkeh, kapulaga, kayu manis, seré, jahé, lan sané siosan,” kénten Yanti. Indik lakar-lakar saderana sané kanggén lakar spa taler kaangkenin olih Anak Agung Ayu Intan Déwi Racik. Anak istri saking Pétang Badung puniki saking warsa 1997 sampun makarya sakancan lakar spa, minakadi lulur pemutih, lulur tradisional, pengencang kulit lan payudara. Dané sané prasida ngasilang produksi lulur 500 kota arahina puniki nganggén beras, kacang kedelai, jagung, batun gedang sané kantun putih, anggén ngicalang guétan-guétan ring kulit. “Makasami lakar punika katebuk kantos dekdek, raris kausapin ka kulit utawi prarain anak sané sungkan,” kénten dané nerangang istri saking I Gusti Agung Suarnaya, meneng ring Jalan Batas Dukuh Sari No.39 Sésétan Dénpasar puniki kocap makarya Minyak Déwi Sinta anggén ngalusin kulit, cokor sané belah-belah miwah kulit sané tutud sangkaning akéhang malinggih, sané 60 persen mengandung krorofil. Minyak Arjuna anggén mabanin flu, filek, panes, waduk bengka, lan ngicalang sakit krana kacegut serangga. Minyak Rahwana anggen ubad panas, asam urat, stroke, lumpuh, bengkah, sakit persendian, pegal, patah tulang, lan matatu. (ita/dwi)
57
Yanti Rossitawati
Tamiu Spa Kaaturin Loloh Daun Piduh
BO/ita
Spa, Ngrawat Raga Sekala Niskala Buah-buahan sané seger lan jaen yéning kaajeng, sujatinné taler maguna pisan majeng anggan i ragané. Akéh buah-buahan sané mengandung antioksidan sané prasida nambengin radikal bebas ring awak i ragané. Radikal bébas puniki sané ketah ngranayang makudang-kudang panyungkan sakadi tumor lan kanker. Siosan ring nambengin sakancan panyungkan, buah-buahan taler prasida anggén ngrawat raga, ngawi i raga kedas lan bungah. Utaminé anggén ngrawat kulit mangda setata alus, kedas, kesed lan matéja. Wénten makudang-kudang lakar
Nandes pat bulan sampun Gusti Ngurah Darsana matugas di BRI Atambua. Para pagawéné kayang para istrinné marasa cocok lan énggal wawuh sawiréh raganné tuara méda-médaang pasawitrayan. Kenalanné masih sayan limbak. Kepala Dinas lan kantor-kantor pemerintah, koperasi, sekolahan muah Lembaga Masyarakat uli tingkat Kabupatén nganti ka Kecamatan lan Désa sampun kenal tekén raganné. Napibuin para nasabah BRI uli ané nyilih pipis utawi pangutang nganti panabung, utamanné para petani di padésaan pada wawuh. Gumantiné para panunggaké ané katos katagih sampun liu nyerah, sawiréh mula nika dadi tugas utamanné raganné kapindahang meriki lakar meragatang karuwetan di bidang krédit. Sesampuné panunggaké rata katilikin tur katimbang-timbang wiwitané nunggak mara lantas kapilah-pilah apang élah baan nindakin manut pepalihannyané luiré: 1. Para panunggaké ané sanggup mayah tur usahanné kari majalan, dadi nguadang wanengé mayah. Malah ada ané kawewehin kembulanné acukupan. 2. Para panunggaké ané nyak madamé, sawiréh usahanné bangkrut, salah sasaran nanging nyak mayah kabaang keringanan manut peraturan ané ada di BRI. Nanging ané
sané ketah kaanggén sarana ngrawat kukit minakadi ekstrak buah anggur, strobéri, juuk lengis, gedang, apokat, cendana, coklat, rempah-rempah, lidah buanya, bangkuang, wortel, lan sané siosan. Siosan ring woh-wohan punika, sakancan bunga-bungaan, kayu-kayuan sané maambu miik, susu lan minyak kelapa taler kaanggén. Makasami anaké seneng yening ragane seger lan kedas. Yéning sampun prasida kedas, sinah bayuné taler pacang seger. Punika ka spa kanikayang nénten ja wantah anggén ngrawat kulit, prarai sané marupa raga sané sekala, taler anggén ngrawat sané niskala sané marupa manah. Anggén ngicalang kenyel, mangda manahé prasida dayuh lan santi awinan nénten ja
mula nakal tur ada ciri panipuan, ngaduada, kaajuang ka BUPLN utawi ka Pengadilan Negeri. Yén kalah, tan pa alasané lantas kabeslah. 3. Krédit fiktif ané sujatinné kanggo anak lén, utawi nopéng, nempil, kaurus apang sinah dija kasalahanné. Yén ngawé ribed kaajuang ka Pengadilan. Makejang katanganin saking teges manut peraturan. Ka rauhin saking darsana, kasuratin matuéling kapertama, kadua lan panguntat. Yén pengkung mara kajuang ka Pengadilan. Alah dedehang nasabahé sayan ngerti tekén swadarmanné suangsuang yén Bangé mula tatujonné lakar nulungin rakyaté uli kadrowakan pangijon lan lintah daraté. Kénten masih Ratna Dumilah pénter ngulanin para istri pagawéné ulian arisan apang nyak makumpul melajah masak, nyait, saling tukar pengalaman ngurus pianak lan kulawargané suangsuang. Saling delokin yén ada ané kena panca baya utawi selametan. Gusti Ngurah Darsana biasa maang pitutur yén arisané ka adaang di kantor ané kabarengin tekén para pagawéné makejang. Katerangang indik kasibukané di kantor, tanggung jawab lan bahayané di jalan yén katuju maan tugas ka désa-désa, lan nyemak utawi nyetor pipis majuta-juta ka Kupang. Kénten masih apang pageh lan ju-
wantah anak istri manten sané seneng ka spa, anak lanang taler akéh sané seneng. Mangdané prasida setata kedas lan seger, mangkin sampun wénten makudang-kudang genah ngrawat raga. Silih tunggil genah ngrawat raga punika mapeséngan spa. Kawéntenan spa galahé mangkin, sakadi ngebekin jagat Baliné. Soang-soang hotél, ketah kajangkepang antuk spa. Siosan ring punika taler wénten makudangkudang genah spa sané mapasahang saking hotél, sané prabéannyané mudahan. Mangkin nénten ja tamiutamiu saking dura Bali lan dura negara manten sané seneng ka spa, krama Baliné taler seneng, duaning prasida ngawi seger lan santi. Ngrawat raga, ka spa utawi ngraga ring puri soang-soang nénten wantah mangda kulité becik, taler mangda angganné sané kenyel prasida mauadan. Punika awinan genahgenah spa ring Bali ramé karauhin utaminé ri kala krama Baliné wusan maraianan sakadi wusan Galungan lan Kuningan, sakadi sané kanikayang olih Putu Nari silih tunggil pagawé spa ring Balai Kesehatan Tradisional Bali ring Renon. Yéning meled ka spa, i raga dados milih-milih spa sapunapi sané jagi karauhin. Napi ké spa ring hotél-hotél sané nelasang prabéa saking Rp 500.000 kantos Rp 2,5 juta, utawi spa ring salon lan spa-spa siosan sané prabéanyané Rp 25.000 kantos Rp 350.000. Yéning nénten kayun ka spa, mangdané anggané prasida kedas, sujatinné i raga prasida ngrawat raga ring puri soang-soang antuk sakancan buah-buahan sané wénten ring widang i ragané. Pinih becik yéning i raga nganggén buah-buahan sané matoya akéh, lan mengandung vitamin C. Contohné juuk lengis. Ngrawat raga nganggén juuk lengis, maguna anggén nyaruang pori-pori kulit sané ageng, ngentungang lemak sané lebihan ring kulit berminyak. Yéning timun maguna anggén nganormalang kulit sané lebihan minyak, nambengin giat, nambengin penyingakan sané bengul lan guat-guat ring prarainé. Wortel becik pisan anggén masker, anggén ngilangang giat. (ita/dwi)
jur ngaba raga, sawiréh anaké ané magaé di pipisé biasanné lacur ben pipis liwat korupsi, maan sogokan, utawi maling. Sujatinné Pemerintahé utawi Direksi BRI né sampun ngitungang yén gajihé ané katerima sampun cukup kanggon idup sa kulawarga manut pangkat lan jabatané secara saderana. Nah yén nagih ngulurin indria, mamotoh, idup mewah sinah kuangan. Nika awananné para istriné apang bisa ngareringa béa idupé apang manut tekén gajihé, pikolih kurenané ngabulan. Yén dadi baan nepesang apang ada masih masisa anggon tabungan, apang ada jemak di katujuné ada gaé utawi kaperluan nadak. Masak iraga nganjurang anaké apang nabung lantas iraga tusing bani nabung? Mara bossné ngeraos kénten liu para istriné pakerimik sawiréh tuara taén oraina akuda kurenanné maan gajih. Ada masih ané ngalapor. “Pak, aku tak tau gaji. Pokoké sawai-wai dijatah sangu oléh Paké.” Ada masih. “Pak, tiang amung ngarapin gén. Beras, lauk, kopi gula, sabun, Paké ané meli.” “Pak, tiang gaji tak tau. Tapi dikasih abulan béa dapur satak tali. Tapi béaya lénan Paké ané mesuang. Yén kari masisa sampun tabungang tiang padidi, anggon meli pupur.” Magenepan laporan istri-istriné ngawé kurenanné
pada cemas-cemus elek. Gusti Ngurah lan rabinné amung kenyem-kenyem mara uning kénkén pada caranné ngurus kulawarga. “Bah, ten kéntén Pak, Tiang niki ngengkebang gajihé apang kurenané ten boros. Ia yén baang ngisi pipis biasa mabelanja ané tidong-tidong. Tiang tuyuh ngalih pipis makan sesai soo ten karuan. Yén saget ada kaperluan nadak, kija tiang ngalih utawi nyilih pipis?” kénten pasaut salih tunggil pegawéné satmaka ngawakilin timpalné ané patuh kelusné. “Ooh, ten kénten maksudné iraga ngorain pikolih iragané tekén kurenané. Malah yén ia tuara nawang, ngadénang gajih i ragané saja gedé, ah pegawé Bank? Akuda baang sesai jag telahanga. Dadinné ia malah ten ngelah rencana, inget natakang lima dogén. Nah yén kanti kénten i raga di kantor milu bingung ngitungang keperluan dapur kayang meli uyah, sera, tabia lan pakéan dalem kayang mike up kurenané. Apa perlunné i raga ngalih kurenan, kadén lakar ajak mabagi suka lan duka? Sujatinné apa anaké muani ané perlu tekén anak luh, apa anaké luh ané merluang anak muani? (Masambung)
Bali kasengguh pinaka destinasi spa dunia. Kruna spa manut Yanti Rossitawati, Spa Directur InterContinental Bali Resort pangawitné wantah ngenenin pemeliharaan kulit antuk toya. Kéwanten mangkin spa kaartosin makasami pidabdab ngenénin perawatan lan pemeliharan tubuh. “Pijet, lulur lan makasami indik pemeliharaan kulit lan tubuh, kasengguh spa,” kénten istri saking I Putu Rizet Suharta puniki nerangang. Minab makasi anak istri seneng ka spa, duaning prasida nyegerang lan ngawi santi. Tamiu-tamiu sané rauh ka Bali, yadin lanang istri taler seneng ka spa. Ring genahnyané, kocap tamiu-tamiu sané ka spa pangawitné kaaturang inem-ineman marupa toya jahé dingin, ri sampuné wusan kaicén loloh. “Dumun tamiu-tamiu spa ring genah titiange kaaturang loloh saking daun piduh, kéwanten mangkin duaning tamiuné sayan ngakéhan lan méweh ngrereh daun piduh, mawinan kagentosin antuk loloh sané malakar saking basa-basa, mangda anget,” k`nten alumnus Fakultas Peternakan Unud puniki nerangang. Siosan ring loloh lan inuman pangawitné sané kakaryanin saking bahanbahan alami, bahan-bahan spa taler akéhan sané kakaryanin saking lakar-lakar alami. “Bahan-bahan sané kaanggén lulur titiang karyanin saking lavénder lan lidah buaya, bahan spa saking lakarlakar seger puniki kasenengin pisan olih tamiu-tamiuné. Kénten anak istri sané taler seneng main drama puniki. (ita/dwi)
Napi Orti Ukuran Paa lan Galah Séda Anak sané madué ukuran paa ageng sané ketah marasa sebet minab mangkin nénten sebet malih, duaning para dokter ring Dermark nganikayang anak sané madué paa alit pacang gelisang séda. Yadisatun ébuh, lingsir, ngroko lan pidabdab siosan, kanikayang nénten pacang ngirangin pariindikan punika, kénten sané kalapurang olih para peneliti ring British Medical Journal sakadi sané kakutip olih Reuters. “Saking penelitian punika, Berit Heitmann saking Rumah Sakit Universitas Copenhagen lan Peder Frederiksen saking Rumah Sakit Universitas Glostrup nganikayang tetengernyané ngenénin résiko séda sané agengan sané nibénin anak mapaa alit. Heitmann lan Frederiksen neliti 1.436 diri anak lanang lan 1.380 diri anak istri ngawit warsa 1987 kantos warsa 1988, lan nguratiang pikenohnyané roras tiban pungkuran. Saking penelitian punika kauningin, anak sané ukuran lingkar paannyané kirang ring 60 cm akéhan séda, ring wilangan roras tiban penelitian punika. (ant/ita/dwi)
Inflasi Pedésaan Bali 0,16 persén Indék harga konsumén daérah pedésaan ring Bali Agustus 2009, katibén inflasi 0,16 persén, meneng ring urutan ka sangalikur saking telungdasa dua provinsi sané katibén inflasi pedésaan. Inflasi pedésaan Bali kedikan saking tingkat nasional sané kantos 0,66 persén, kénten Kepala Badan Pusat Statistik (BPS) Provinsi Bali, Ida Komang Wisnu ring Denpasar, Anggara (27/10) lintang. Saking 32 provinsi sané katibén inflasi pedésaan pinih akéh inggih punika provinsi Papua Barat sané agengné 1,78 persén. Angka inflasi pedésaan ring Bali manut dané alitan ring inflasi ring Dénpasar, sané akehnyané 0,88 persén. (ant/ita/dwi)
Kacang Komak Ujan ring Jembrana lan Gianyar, ngelemang tigang umah. -Yan ujan korupsi, ngelemang kapatutan. *** Program Bedah Rumah ngawi protés. -Protés aluh, né protés patut nga- tés antuk laksana becik. *** Ukuran busana nénten nyandang, PNS Pemprov Bali ngaengin seragam. -Minab akéhan sané ngaengang ané tan pantes ma “busana PNS”.