götürəcəm, sonra da ucuz qiymətə satacam. Kalikin sinəsindəki ordeni dartıb qoparacam, ona bir şapalaq da ilişdirəcəm. Onunla müqayisədə hətta anamda da insani keyfiyyətlər çox idi. Kalikə axırıncı dəfə valideynlərimgilin asılqanında rast gələndə kədərlə üzümə baxıb dedi: «Hər kəsə bir dəfə bağışlanmaq imkanı verilir. Xristianlar da bunu «mərhəmət» adlandırır». Ona cavab vermədim. Axı mən xristian deyildim. Yadıma düşdü
ki,
o
vaxt
«qəddarlığın
erotikliyi»ndən,
«seksualizmin
Makevelliçiliyi»ndən danışdı. Kalikin «seksual Makavellizmi» yadıma düşəndə onun əlaqədə olduğu qəhbələrə yazığım gəlirdi; bədbəxtlər rəsmi kəbin yolu ilə kiminləsə bir yatağa girməyə məcbur edilən qadınlar kimi idi. Onda pul xatirinə Kalik kimiləri və rəsmi kəbin xatirinə öz ərləri ilə pulsuz bu işi görməli olan saysız – hesabsız gənc qızların taleyinə acıyırdım. Axı, onlar bu işi çox həvəssiz görürdülər… 18 Kalikin nömrəsi əvəzinə Leonun qaldığı «müəssisə»nin nömrəsini yığdım. Axı nə vaxtsa yeyib qurtarmalı, şəhvətlərini söndürməli olan salatları həzm – rabedən keçirməli idilər. Bayaqkı səsi eşidəndə sevindim. O indi siqaret çəkirdi və ona görə də kələm qoxusu az hiss olunurdu. -Danışan Şnirdir, - dedim, - yadınıza düşür? O güldü: -Bəs necə! – dedi. – Ümid edirəm ki, mənim dediklərimi hərfi mənada başa düşüb öz Auqustininizi yandırmayıbsınız. -Əksinə, - dedim, - yandırmışam. Onu cırıb qalaq – qalaq sobaya basmışam. O, bir anlığa susdu, sonra xırıltılı səslə dilləndi: -Yəqin ki zarafat edirsiniz. -Xeyr, - dedim, - mən elə məsələlərdə çox ciddiyəm. -Allah xatirinə, - dedi, - mənim dediyim sözlərdəki dialektikanı tuta bilməmisiniz? ` Ìi`ÊÜ Ì ÊÌ iÊ`i ÊÛiÀÃ Ê vÊ v ÝÊ*À Ê* Ê ` Ì ÀÊ / ÊÀi ÛiÊÌ ÃÊ Ì Vi]ÊÛ Ã Ì\Ê ÜÜÜ° Vi °V ÉÕ V ° Ì