Guía da flora do Parque Natural Fragas do Eume
Herbáceas en brañas e toxeira-breixeira A toxeira-breixeira dálles poucas oportunidades ás plantas herbáceas cando se presenta cunha estrutura pechada e compacta. Apenas unhas poucas gramíneas son capaces de medrar neste ambiente. Porén, na proximidade de cursos de auga e nas brañas, o gando abre camiños e a matogueira é substituída por pastos que incorporan plantas herbáceas con flores atraentes.
Anagallis tenella (L.) L. Gal.: HERBA DA RABIA Cast.: ANAGALIDE DE PANTANO Fam.: PRIMULACEAE Descr.: Herbácea perenne. Talo procumbente, enraizante nos nós. Follas opostas con pecíolo curto. Flores solitarias con pedúnculo máis longo que a folla axilante. Corola de cor rosa pálida a branca, de ata 1 cm de longa. Filamentos dos estames con pelos longos na base. Distr.: Metade O de Europa e rexión mediterránea occidental. Amplo repartimento na Península pero xeralmente en poboacións de pequeno tamaño. Háb.: Turbeiras, terreos con encharcamento temporal e con drenaxe deficiente.
60