MINISTERIO DE EDUCACIÓN
Munakuyniykin nuqapaqqa ruphay hina q´uñiykukuq; t´ikaq raphin t´akarisqan rimasqayki llanp´uykuwan Raphisapa sumaq sach´a llanthuykipi wiñachiqniy hanaq pachaq llanp´u llikan yuraq phuyu llanthuykita mast´arispa kawsay qukuq Aqarapi simiykiwan yawraq phiñay thasnuykukuq waylluykukuq arphiykipi tukuy sayk´uy samarichiq Q´uñi qisa qhasquykipi Tukuy llakiy cinkarichiq ishkay t´ika makiykiwan ñawi sullay pichariqniy Sanp´a mama sumaq urpi tukuy awqaq sunqun chitaq waranqa kutin sutiyki simiypi phataspa t´ikan Tuta punch´ay rikch´aspaykin chukchaykiwan p´istuykuspa makiykita utichispa runakayta quwarkanki Waqasqaykin para unu tulluykama khutunchaqniy llakisqaykin qasa wayra hank´uykama chullunkuqniy Lecturas Literarias
Killku Warak’a
251