Tradiciones, costumbres y cuentos de San Isidro Buensuceso, Tlaxcala

—¿Pero de quienin? Yenon umpa yomo admiraro in tlacatzintli, ¿Pero quienin? Nin pipiltontzin amo, amo de yec-cristiano de nican porque occe persona. Amo tlaltemiz de nin edad in horno.

Bueno 'tos yeca yohual-laque nichan.

Tiotlac yectelhuia ye quilia ni zoatzintli: —¡Conmati nin pipiltontzin! ¿Mati tlen pipiltontzin? Porque amo onicualca ayamo quiera t'mamana in horno huan zan para oniacito, yeca yoctlaltemi yocxotlalti ye popocatica pues axan yeca.

Yenon ye quilia: —Conmati para mitzonhuicaz in cuahtlan, tiazque nicnequi ce no caballo nechoncuiz, pero nicnequi ce no caballo de iztac, de iztac nicnequi in no caballo. Nicnecesitaroa ne ihcon nech tlahtlanilia, para niaz itech in notierra.

Quihtoa: —Bueno, quilia pues ticualtetemazque in hohomotzin huan ticnemacazque para in totomintzin, para tiazque ticcuitihue tazque canic ticmocuitihue non caballo, 'tonces yeca.

Yoctetenque in horno ocnemacaque in tecol, yo yoquinmacaque in tomin yoquintlaxtlahuilique. 'Toz ocuicac in pipiltontzin ihtec ce rancho, ce rancho oahcito, tlahtlachia, tlahtlania in hacienda in dueño.

Ranchero quilia: —¿Cox amo connemaca ce caballo? Tehuan nestaroa ce caballo. ¿Pero cox amo t'compia iztac?

Yec'toa non ranchero: —X'tacan amo niquimpia simplemente, amo niquimpia nonque caballotin. Porque 'orita tlahuaqui centetl amo ca nin tlacual, yeca yoyec cacalacheque. X'tacan ce nicpia ce iztac pero acuel mehua. ¿Tlen ocnanchihuilizque? Ahco ahco servirihui, yeca mochia za para mihquiz, za para mihquiz.

Ye quihtoa in pipiltontzin: — A ver techonitititi catlaye. Porque ne nicnecesitaroa ce denon. Yeca yoquinhuicac oquinyecan itech in corraltin can quimpia caballos.

Matel cahte ce montón caballos pero ahco servirihui, huan den ye tlen ocpacti ce de iztac ni caballo, porque ye yenon ni decisión ocuicac dectemoa ce caballo pero iztac, pues ye quilla: —Conit. Ñeca caballo nechpactia. ¿Pero tlen ticchihuiliz? Ahco servirihui nican yeca yoyec cahcalache, za para mihquiz. Quihtoa: Amo 'orita niquehuaz, huelica nicuicaz.

'Tos oquito in ranchero: —Quihta tlat'quehua nin caballo huan cual-li ticuica. Amo necesario nechtlaxtlahuiliz. X'cuica nimitztlacolia, x'cuica yez moaxca.