10 Wichi yen-kachaya ha’lay wet itsatay t’alha Elsa Pérez Nop’okwek
Fwa’ayuk kh’as kacha, notelho ta lecha. Chi letachume, wet lhisek wet letachume hap t’i ta nitsaicha wet let’amajej. Chi paj wet letsaño a-elh telho chi ipelajlhi wet matche ta ilejpe atelho tha ipelajlhi. Wichi t’ekaye fwa’ayuk kh’as t’i. Tsemlhakw woley oyame mak ta oyokw asma ta lecha. Chi lepen wet leyayej wet thakasit ta lethakasi, matche ta lecha okasyhayaj hap tsemlhakw wole. Mak ta wichi iwoye lhamel tachume mañhay tha lhamel hiwen, ha’la woley, lefwektsil, hap ta lhamel yen-kachaya. Wet hate chi iche elh ta thakasi lhamel tachume letsenuk t’aj, hap ta ipen wet iyaynej hanafwaj chi matche chi takhasi, wet matche hape t’at ta hanafwaj isej, ileyej ta takasi. Wet hate iwoye inatek woley, lhamel yame tha hap tha hap is ta lhamel yen-kachaya. Chi lewen fiebre, hap ta lenayej pa wet is pa. Wet iche elh mak ta lhamel yame, hap hok chi lepen pa. Chi atanek aytaj wet hap hap ta a-isej pa, iche ta ileyej ta aytaj atanek. Hate chi iche akamo is chi let’ukue hap fwitenuk lho lechulak. Hap tha lep’o wet chi yo hap ta lelanej a-elh kamo. Hape t’at kacha. Hate ifwalas ta pajche wichi t’ekaye chi iche elh tha lekamo ihi wet t’ukue atsinha ta lewole ihi, yiset, wet hip’o. Chi yo wet itsaño elh kamho. Hate lhamel yame hap alhu t’alha. Hap ta lhamel yame ta kacha. Olanej mak chi aytaj, iche ta no-elh isej wet wichi wuj ta t’ekaye. Wet alhutaj t’alha hatek iwoye kacha. Chi atelho aytaj wet lelanej, chi tismak aylan wet hap tha letsaño, wet a-isej. Wet iche ta aytaj asan wet lelanej, iche ta tatay ta aytaj wet hate wuj ta wichi t’ekaye alhutaj t’alha. 52