44 Conferencia traductores Laureano Segovia Nop’okwek
Wuj wichi ta ihoye, talhe iñhaj países, wet wichi ta ihoye. Olhamel oyame t’at ta ihichet’a olhamel ochotyaj chi talhe olhamel ochumet, hate olhamel owatla chi iche wichi chi itetsan olhamel ochumetna wet hate olhamel owatla elh chi ihanej olhamel olhamet chi tachote olhamel. Owatla elh chi ikalhi chi itetsan mak ta olhamel owoye, wet hap ta yenlhi lhamet, lhamel ilesayin inglés lhamtes. Wet olhamel ohaniyejtha mak ta olhamel olesayin. Oyenek kit’a inglés ka-ortografía ta olhamel oyenlhi ta ihi olhamel oka-traducción. Olhamel ta ohapehen wichi ta indígenas iche fwomanuk, iche asowaj, iche wanlhay. Lhamel lhamtes wenalhamej, nichatiyejthala olhamel olhamtes, wet iñhaj etnias hate iwoye ta olhamel otetsan letras ta tiyajo traducción. W, I, F, A, J, Y, M, Ñ, H, K, hap tajna hap letras ta olhamel olesayin ta ihi olhamel oka-ortografía, ta ihi olhamel oka-traducción, ta olhamel oyenlhi. Kit’a traducción inglés, nichatiyejthala. Chi nichatiyejla lhamel lhamet, oyenek olate inglés lhamtes. Malhyejtso ta olhamel oyame ta olhamel o-ihi conferencia ta ihi Salta. Wet olhamel oyame tha is chi olhamel t’at ta oyenlhi olhamel ochumet, is chi olhamel t’at ta olesayin olhamtes ta ihi ortografía. Wet conferencia ta ihi hap Salta, olhamel wuj mak ta olhamel oyame, wet hate olhamel onayej ta iche wichi ta lhamel fwet ta lhamel ta itetsan hap wichi lhamtes. Iche ta ikalhihit’a chi iten. Hap ta olhamel oyame ta ihi conferencia. Olhamel ta ohapehen escritores, nilhokiyejta wichi chi hape escritores. Hap ta ihichet’a elh ta itetsan wichi lhamtes chi ilesayin. Hap tajna mak ta olhamel oyame. Wet hate iche escritos ta ihi hap olhamel olesainai, wenalhamej lhimpaj. Mak ta olhamel wuj ta ohoyenche ta otetsan, hape t’at mak ta ihi traducción Biblia. Hap ta lha’ye lhip ta olhamel ohanej. Hap tajna mak ta olhamel owo-discutiya ta ihi conferencia. 198