Ewieri xirikamai yeti Meripaiti waniu Watakame mekae yuwaxata reuyutsata; iku, xutsi, pinixi, ua. Reuiniaritiati ta waniu metia hutarieka heunirimieka. Watakame waniu metia yu waxata yutemawieti. Metaa waniu meutanierixia hake mekaekai, tita retaxei waniu. Tita waniu mitiunawa, naime mukaekai. Watakame haati metia yu kie yamitiunierixiki. Ana waniu mikahetiku yatikueriwati kepai mireinawatsiriekai. Yatikueriwakaku waniu mipai mitiueri: —Paratsi ewieri nekanitawewimiki xirukakaki. Uxaarieka itanika yuwikita meikutua yu waxata. Huyepa waniu meikake. Yareutewikaku Watakame heyaku, tinawayame munua mana. Kari waniu tatsiu piyianekai. Kuiti tatsiu waniu ewieri kaniu xeiya. Xirika tewiyari waniu pikakuyuanekai tima. Tatsiu waniu kuiti tinehiaweni: —Keri petiyuriene eki tewiyari? Ewieri waniu kakuyuati mitiwekai xeikia. Hutarieka waniu tatsiu mipai tinehiaweni: —Manami, mana nekaniutayeimiki. Mipai rehiawekaku menutahutsuxia yumamaki, meuyutamaixia waniu tatsiu niweka. —Keneneutatua —rehiaweti waniu tatsiu, hutarieka xewiti yu mamaki kanenutahutsuxiani, yaxeikia tsieti niyewerikeni.
53
El Mono de Cera.indd 53
29/11/13 14:42