83
H
a ra hnimi rä thuhu ya motsa bi muts’i hñu ‘nangu mi pe’tsa ra mfeni da ntuhu di hñu, da duta nuya thuhuye ge’ä yá nzäi numa jä’ihe. Nuya pa’u ra nda Ildefonso Franco Resendiz nu’ä mi pädi da mei ra violi, mi ‘bui zi yabu ra hnini, ne nu’bu mi nxadi mi jumpi ts’u xa hñei, nge’ä ra nda Sirenio Leal Maldonado nu’ä to’o mi o rä ‘ye da mei nu’ä ra ‘bida ja kut’a yá ‘binxahi, ne ra Tito Franco Resendiz mi ho rä ‘ye da mei ra t’uka ‘binxahi tembababi ra jarana, mi ‘bui’u mahyegi ge’tbu, hänge ra nda Ildefonso ba ehe bi muj getbu, ngu ‘na nthebe t’eni ra ngu ra nda Sirenio, njabu bi za bi mefi nu’ä ra ‘bemda mi beni, njabu bi za bi mudi nuna dänga ‘befi ne ya ndunthi ya ‘mi’ki xa ntuhu ha nuna hnini Pacula, njabu nehe ha ran ga’na’ño yá hnini ra hai Hidalgo, ngu Maboza, Ntsotkani, jä’tsi, ne Quetzalapa, ne njabu bi ‘me’tsa nu’ä rá mudi t’ot’e habu di nt’ode yá bemda, njabu bi za bri fädi ne ma’na bi ts’ohni da mpe’mda nuyu hñu ya jä’i, nu ma paya häts’i nuna thuhu: “Nu’u ‘bui geta ra ‘ñu Hidalgo” gehna ra thuhu bi thumbabi nuyu hñu ya memda, go bi hñumbabi ra nda Lorenzo Chávez Casas, ne njabu ma da mei ya’bida nzäntho ne ma da duta nuya thuhu xa hokise ha ma’ra ya hai, ngu Ndämxei, ne ya hnini ra hyodi Monda.
Ha ra hnini Maxei rá hyodi ra hai Hidalgo, bi me’tsa ra nzeki bi dutuabi ra ndä ga mäkjä bi “bui nuni Mämeni nura pa’ä bi nja rá thaka pa nuya pa’u nu’u ya mi pe’tsase nu’u ya bojä di japi da nt’ode nts’edi ya’ ‘bia, nehe ra bojä habu da hñäts’i nu’ä mi hä, nehe tsa ga mä, nuya’ ‘beza nuya bojä habu di nt’ode nts’edi nuyá ‘bida go xki hokisehe’u, nge’ä himi pe’tsa ndunthi ra bojä da dänga ha nu’u ya ngu thoki, ne ‘ramats’u bi mudi bi me’tsi, ne bi da yopa hoka ma’na ra t’uka t’ot’e habu tsa da t’ode ya ‘bemda’ habu pe’tsa ndunthi ya thuhu xa hokise, ra xa hoka ra Tito ne ma’ra xa hoka ra nda Octavio Franco Labra nuni gehni ra tio nuyu hñu ya memda ne ra mengu ha ra hnini rá thuru ya Motsa.
Libro 2 De tiempos, pasado y presente .indd 83
11/10/12 16:58