19
T
len xiwitl 1950 kema mopatlak tekitiyaya totlayime uan kitokayaya sintli, etl, chili kuaxilotl, kamojtli kajtsotl ankayaya miak tlen mokuas nochi eliaya axpatio uan axonkayaya yoyomitl tlen monkentitisej tlen tekitiyaya pampa axokinaxiliyaya tlenika mokoisej ininyoyo uan nemiaya sanika ininikxi seki tekitinij kitokayaya ouatl uan kichiuayaya chankaka tleya cafÊ pampa 1980 mopatlak xiuitl nochi tlen motokayaya tlantiajki pampa axtlauetsiayaya nochi tlamantli. Tlen motocayaya pannixiutl tlapatipjki sintli, etl nochi tlen tijkouaaya uan tototomi axtechaxilia uan yontopeste yotetetekak uan kema timokokouayaya totomij axtechaxiliyaya uan ta timoijlia kenijkiuhalui xiguime ta timoijlia elis mas tlafiero kema asta timikise pampa axtipia katlen ximopajtise pampa axtipia totomij katlen tijkoase topajui. Pan xiuitl 1990 sampa mopatlak tonati pejki techpaleuia tekiua nochimej tlen tekiti ipanni tlali nochi tlen mokokaayayaj unkayaya mas que potio tlacouayaya kiuajlikayaya tlacouani tlen tlanamakayaya ne uaja san panni chalchiueka onka miak tlatekini tlen kiteki alaxox uan kiuika uhajka uan kichiua miak tlen tikoni nochime pan ni tlali. Pani ni tlali motoka miak tlamantli tlen mokua yeka nochime tlen‌ tiitstokej pan ni tlali ti tequiti ti tekitise pan ni tlali uan axkana ti mikise ika mayantli yeka tiyoltokej pampa ti kin mo kuitlaui piyome, pitsome uan totaime uan ti kinkua.
Libro 2 De tiempos, pasado y presente .indd 19
11/10/12 16:58